VUAANA 16:17 - Northern Tepehuan Bible

^17-18 Daidi potïkai Suxi go mamaatïrdamigadï aipako gïn tïkakaimitadai daidi ikaitimi, —¿Ix tuma aagadankaiti gobai po gïr tïdakai?— ikaiti. —¿Ix tuixi pokaiti gobai saidi imi agai xako daja Ogadï? Aatïmï mai maatï kaï aatagidï— ikaiti.

Tepehuan Northern: Diuusi ñiooquidʌ utuducami oodamicʌdʌ

¹⁷ Amaasi ʌʌmoco aatʌmʌ mamaatʌrdamigadʌ ʌSuusi aipaco gʌrtʌcacaimi dai pocaitimi: ―Istʌiya ʌlidi goovai dai pocaiti tʌsai caotoma mainʌijada ragai aatʌmʌ dai gooquiʌrʌ maitʌvʌpicʌdʌ ʌpamu tʌʌgia ragai. Dai sai imia agai tʌvaagiamu siaaco daja oogadʌ.

VUAANA 16:17 ပူးပေါင်းရင်းမြစ်များ

Markos 9:10

Kaxkïdï go ix makïdï oiditadai go Suxi mai aagidi tomarhi ïmadutai dïï mos ïïgi gïn tïkakaiña ïgai aipako ix tïiya ïrhidi Suxi potïkai ïgai ix duaka agai.

Markos 9:32

Dai go mamaatïrdami mai maatï kaï aatagidï daidi gatïkaka ïrhidi dïï mos dodorhi bii ïgai duduadimukatai.

Lukas 18:34

Dïï gia go mamaatïrdami mai maatï kaï. Ïgai bïïtarï mai maatigian kaiti go aatagi aagaitai ïgai ixtumaxi daibuña agai amïï Jerusalenïrï. Mai máí ïgai ix tïiya ïrhidi.

Lukas 9:45

Dai go mamaatïrdami ïmo xijiakami ñoki dukai kaï ixtumaxi aagidi Suxi dai mai máí ix tïiya ïrhidi. Mai maakiarxikatadai ïgai oigaragai ix maatï kaïkagi kaxkïdï. Dai duduadikoi ïgai xi tïkakagi go Suxi ix tïiya ïrhidi gobai potïkai ïgai sai gï agai xi gï tïgituldagi.

VUAANA 12:16

Dai podukai baa go Suxi Jerusalenïrï ix dukai ojixikatadai ïïki. Dïï go mamaatïrdamigadï mai máí ix ka poduitadai ïgai ix dukatai ojixikatadai. Mai máí ïgai asta gokiïrï aidïxi gï maaxitu Suxi xïïxi ïr gïdukami gï duakatudakai ïgai. Aidï gia gïn tïgito ïgai go ojai dai gïn tïgito ix rey dukai miadïgi ïgai go Suxi. Dai aidï gia máí ïgai ix Suxi iduitadai ixdukatai ojixikatadai.

VUAANA 14:22

Dai ami dajatadai ïmo kïïrhi Udaxi tïgidukami, dïï ïgai maiti ïr go Udaxi Iskariote tïgidukïdï. Ïgai ïr ïmai. Dai itïtïdai ïgai go Suxi, —Gin Tïanïdamiga, ¿Tui pïxi mosïkaxi aatïmï gïr tïtïgida agai ix tuiga aapi dai bïïxi go gaa maigobai gia cho?— itïtïdai.

VUAANA 14:5

Dai go Tomás itïtïdai, —Gin Tïanïdamiga, ¡Tomarhi mai maatï aatïmï xako imi agai aapi! ¿Dukatai maatïkana aatïmï go boi?— itïtïdai.

VUAANA 16:1

Daidi Suxi oi aatagidï mamaatïrdamigadï ïmadï daidi itïtïdai, —Gin aaduñi, gïn aagidi aanï xibi ïkiaxdïrï ix tuma daibuña agai sai gokiïrï mai gajiadïrï biana aapimï gïn buaboidaraga.

VUAANA 16:16

Daidi Suxi itïtïdai go mamaatïrdami aidï, —Xibi abhiadïrï ïpï chïki tasaikïdï imimu aanï tabhiadïrï ix ka maiti gin nïijadamu aapimï. Dïï gia otoma gin tïïgimu aapimï ïpamu gokiïrï— itïtïdai.

VUAANA 16:19

Daidi Suxi máí sai go gaa tïkaka ïrhiditadai ix tïiya ïrhidi aatagidï daidi itïtïdai, —¿Gïn tïkakaimi mïxi aipakoga ix tuixi pobïntïtïdai aanï sai —Ïpï chïki tasaikïdï ka maiti gin nïijadamu aapimï. Dïï gokiïrï gia otoma gin tïïgimu aapimï ïpamu?— itïtïdai.

VUAANA 16:5

Dïï xibi ka karhioga imïda iñagai amïka xako daja Diuxi gin Oga ix makïdï bhaigobai gin otoi dai gï agaitadai ix gin tïkakagi aapimï sa xako imia iñagai dïï tomarhi ïmadutai aapimï maiti gin tïkakai.