VUAANA 15:22 - Northern Tepehuan Bible

²² —Daiñi go gaa odami mai ïïgidi gin ñoki ix kaxkïdï mai bhaiga ïgai ix potïdagi Diuxi sai maiti ïr duñidï ix soimaaxi ibuayi. Ïïgi aanï aiturhi gin ñoki tudu dïï modukai maiti ipïrhi ïgai ix ïïgiadagi kaxkïdï mai bia ïgai ix dukatai ñokiadagi dai potïiyagi sai maiti ïr duñidï ix soimaaxi ibuayi.

Tepehuan Northern: Diuusi ñiooquidʌ utuducami oodamicʌdʌ

²² Iñsaanʌ maidivimudai dai maiñiooquidamudai ʌgai aidʌ gia ʌgai maigajiaadʌrʌ giñviaamudai. Dʌmos aliʌsi soimaasi idui ʌgai gajiaadʌrʌ giñviaacai maitiipucatai istui.

VUAANA 15:22 ပူးပေါင်းရင်းမြစ်များ

Lukas 12:46

aidï gia dibiamu amudï xïxkadï go soimaaxi pioñi mai tïgito nïijadagi dai mai nïnïrakagi. Dibiamu ïgai dai kabami gïikarsamu ïgai dai bhodïrï maigobai otosamu xako darakana ix makïdï mai ïïgidarakan tutuiga— itïtïdai.

VUAANA 12:48

Dïï tomaxi aanï mai gïpiïrï surhigai odami bïïxkïrï oidaga ïmo ixtumaxi ixtukïdï gïpiïrï bïtïkami bipiïyi ïgai. Daiñi, ix maiti ipïrhiadagi odami ix ïïgiadagi gin ñoki gokïdï potïimu Diuxi sai ajïga gïgïbidaragai— itïtïdai.

VUAANA 15:23

Dai ix mai nïijadamudai odami ibuadatai aanï naana maaxi aaduindagai ix makïdï ïïgi Diuxi ibuayi dai ix makïdï mai tipu ïmai xorai ibuadagi, aidï gia bhagakamudai ïgai ix potïiyagi sai maiti gï agaitadai ïïgiadagi gin ñoki. Dïï ka tïï ïgai go maaxidaragai ix makïdï ibuayi aanï dai kaïkana gin ñoki ïpï ïmadï ñokidï Diuxi gin oga. Kaxkïdï ïïgi ïr duñidï sai soimaaxi idui ïgai gin kïïdaitai dai kïïdaitai gin Oga ïpï. Gin kïïdai ïgai tudu dai xorai gin kïïdai kïïdadan buayi Diuxi gin oga ïpï.

VUAANA 16:9

Gïn aagidamu aanï ix maaxi gobai. Daiñi, Diuxi Ibhïgadï maatïtulda agai óídakami saidi ïr soimaaxi buadami ïgai maiti gin buaboitudaitai.

VUAANA 19:11

Daidi go Suxi itïtïdai, —Diuxi ïgai dai gï maa ïmo sïïrhikami ix kaxkïdï bhaiga aapi ix gin tïañiagi muaragai. Ix mai maakimudai Diuxi sïïrhikami xadïrï ixtutuidimudai aapi. Dïï gia ix makïdï tami gï buitapi gin kïsatu mos ïgikïdï gin tañia ïrhidi muaragai mai biakatai sïïrhikami. Kaxkïdï ïgai gïïpi bamioma soimaaxi ibuayi ix bhai aapi— itïtïdai.

VUAANA 9:41

—Ïjï. Mai nïadami gïn dukami aba aapimï— itïtïdai Suxi. —Daiñi— itïtïdai. —Kïïga nïadami gïn aagai ïïgi aapimï pobïnïrhiditai ix kïïga maatï Diuxi tomaxi mai maatï aapimï toma lachi. Kaxkïdï ïr mai nïadami gïn dukami aapimï dai modukai gïpiïrï bïïtïkami bipiïyi aapimï bïïtarï Diuxi. Dïï gia ix bhai aagamudai aapimï saidi ïr buaboi ix mai nïayi aapimï mai maatïkatai ix tumaxi ïr buaboi Diuxikïdï aidï gia mai tipukamudai xorai gïn maakiagi gïgïbidaragai gïn soimaaxkamigakïdï. Dïï mai bhai aagai aapimï podukai— itïtïdai Suxi.

Hechos 17:30

Ïïkioma óídakami mai maatïkatai buaboidaiña pomaaxi. Kaxkïdï aidïpïrï Diuxi maiti ipïrhiditadai xi bui bhamukagi. Dïï xibi gia Diuxi kaxi gatïjai sai ïmadukai gïn tïtïgitoagi bïïxi odami aipako óídakami.

Romanos 1:20

Daiñi, Diuxi idui bïïxi aïkatai. Dai ïki abhiadïrï kïïga maatiga maaxkana ix tuiga ïgai dai ix mai ugiatïi gubukadadï ïpï. Kïïga maatiga maaxi gobai mos nïiditai idi oidigi ix makïdï idui ïgai. Kaxkïdï odami mai bia ix tuixi ñokadagi aïkai gïgïbidaragai gïn abhana mai buaboitudakai ïgai.

Romanos 2:1

Aapimï odami mai bia ix tuixi ñokadagi gïn aïkai gïgïdaragai. Daiñi, xi ïmadutai aapimï gïpiïrï buaja agadagi ïmai potïkai sai ïgai soimaaxi ibuayi, aidï gia ïïgi gïn abhana daitudai aapimï gïgïbidaragai mos potïkai. ¡Aapimï ïïgi ibuayi go baaxi soimaaxi tudu ixtukïdï gïpiïrï bupaimi aapimï go gaa!

Santiago 4:17

Daiñi, kaxi ïr soimaaxkami gobai tudu ix ïmo odami maatïkagi ixtumaxi ïr sïïrhi ix ibuadagi dai bïïxkïrï maiti iduñagi ïgai.

1 Pedro 2:16

Ïkioma go soimaaxkami ïr gïn tïanïdamigakatadai dïï gia xibi ka kïïgakïrï gïn bubaitu Diuxi dai xibi Diuxi ïgai daidi ïr gïn tïanïdamiga. Pipioñigadï aapimï Diuxi tudu. Kaxkïdï bhaiga bïnïrhiada aapimï maatïkatai sai ka kïïgakïrï bubuaka aapimï. Dïï gia maiti abïr pokaitada sai mai xudu ix soimaaxi ibuadagi aapimï ka kïïgakïrï bubuakïkai aapimï. Diuxi pipioñigadï aapimï xibi di.