VUAANA 15:11 - Northern Tepehuan Bible

¹¹ Gobai tudu ïr gin bhai ïrhiaraga dai gïn aagidi aanï idi ñoki ipïrhiditai ix bïïxi gïn ibhïdagakïdï taatagi aapimï go baaxi gïdukami bhai ïrhiaragai ix makïdï bia aanï— itïtïdai Suxi.

Tepehuan Northern: Diuusi ñiooquidʌ utuducami oodamicʌdʌ

¹¹ Gʌnaagidi aanʌ idi ñiooqui vai poduucai aapimʌ baigʌnʌliadagi aanʌ iñʌʌmadu dai isvʌʌsi gʌniibʌdacʌdʌ baigʌnʌliada aapimʌ.

VUAANA 15:11 ပူးပေါင်းရင်းမြစ်များ

Isa 53:11

Gïr Nukadakami otosadï kïï tuigakïdï nïidamu gïïgïbidaragai ix makïdï taata ïgai ix xïï gïïpi ïr soiñi ka agai dai kïï bai gï ïldamu nïiditai. Ïgai bhïï aimïrada agai soi maaxkamigadï mui odami dai podukai kïïgakïrï bubaida agai.

Lukas 15:23

Buapabïrai go baka maara ix makïdï gimutudai aatïmï ïpï dai mua tïtai iduñi bagimi.

Lukas 15:32

Dïï gia xibi ka dibia gï sukurhi. Aatïmï ïmo mukiadï ïrhiditadai dai xibi ka duakatu. Xibhï imiadïkatadai ïgai dai xibi ka tïï aatïmï ïpamu. Kaxkïdï gï agai xi bagimituda aatïmï di— itïtïdai.

Lukas 15:5

Dai ka tïïgakai bhai gï ïrhidiña ïgai dai motaiña dai buapaiña.

Lukas 15:9

Dai gokiïrï ka tïïgakai bapaidiña ïgai aaduñdï ïmadï jaa ix makïdï miadïrï óídaga dai aagidiña bïïxkatai sai bhai gïn ïrhiada ïgai ïmadï ka tïïgakai go tuminxi. ¿Mai ix pomaaxi gobai?—

VUAANA 16:24

Dai xibi ukami mai kia gatáí aapimï tomarhi ïmo ixtumaxi aagaitai ix ïr gin mamaatïrdamiga aapimï. Tanïdabïrai tudu bai kïïga bhai gïn ïrhidiña biakatai ix tumaxi gataanïdagi aapimï— itïtïdai.

VUAANA 16:33

—Gïn aagidi aanï idi aatagi sai kïïga bhai gïn ïrhidiña aapimï gin bïïna darakatai aapimï. Daiñi, tami idi oidigi daama taatamu aapimï naana maaxi soi ïrhiaragai soi gïn buididitai jaa. Dïï maiti abïr gïn dagitoka ix gïn maitagi go soi ïrhiaragai. Kaxkïdï tudu kaxi gamaitï aanï buidïrï bïïxi ix tumaxi oidaga tami oidigi daama— itïtïdai.

VUAANA 17:13

—Aapi gin Oga— itïtïdai. —Aanï ka imïda iñagai mïïka xako daja aapi. Dai ka aagidi aanï gin mamaatïrdamiga idi aatagi sai ïgai kïïga biakana ï galbaaxi bhai ïrhiaragai ix makïdï bia aanï.

VUAANA 3:29

—Aanï gin bïïtarï mos ïr ïmo bhai ïrhiaragai nïiditai ix bamioma mui odami uurapïkïi ïgai ix bhai ix makïdï aanï gin uurapïkïi— itïtïdai. —Gïn aagidamu aanï ïmo maatïtuldaragai xibi ix maatïka aapimï ix maaxi gobai— itïtïdai. —Daiñi, xïxkadï oidakagi ïmo kunataragai saidi go nobia gï agai ix oijadagi go nobio. Dai kompañerogadï go nobio makïdï kïï oigïdai ïgai bhai gï ïrhidiña kaïkatai ñokidï go nobio kompañerogadïkatai ïgai. ¿Mai ix pomaaxi gobai? Daiñi, Diuxi Maradï kompañerogadï duu aanï dai kïïga oigïdai aanï ïgai. Dai go odami ïr nobiagadï gïn dukami ïgai ïpï. Kaxkïdï kïï bhai gin ïrhidi aanï ix oijadagi odami ïgai.

Romanos 15:13

Diuxi ïgai dai gïr maakai gubukarhigai xi aatïmï bhai ïrhiarakïdï nïnïrakana ixtumaxi bia ïgai gïr bïïtarï. Kaxkïdï daanïi aanï sai ïgai kabami gïn bhai ïrhiatudana dai sai gïn maakana ïmo kïïgadukami ibhïxtaragai. Aidï gia Diuxi Ibhïadï gubukarhigakïdï kïïga bhai gin ïrhiadamu aapimï nïnïrakatai ixtuma kïïgadukami bia Diuxi gïn bïïtarï.

2 Korintios 1:24

Daiñi, kïï maatï aanï sai aapimï kïïga buaboitudai Suxi Kristo. Dai maiti gï agai ix po gïn ïrhiada aapimï sai kabami gïn tïanïda in ïrhidi gïn aagidakai aanï ix dukatai oijadagi gïn buaboidaraga. Dïï gia mai kïïga ibuayi aapimï dai kaxkïdï maiti gïn dibiji aanï ïpamu kia. Kabami gïn bhagaida antaada aanï tudu dai maiti ipïrhidi aanï xi gïn bhagaidadagi dai bhaiyoma gïn soikïda in ïrhidi ix kïïgakïrï bhai gïn ïrhiadagi aapimï ïmo maakaragai ñoki dukai. Kaxkïdï maiti gin dibiji aanï ïpamu kia.

Efesios 5:18

Maiti abïr nabaakorïda. Gobai mos xia buayi odami. Bhaiyoma abïr gïn dagito xi gïn tïanïdagi Diuxi Ibhïadï.

Filipenses 1:25

Aanï kïïga maatï sai aapimï gin tïgito kia tudu dai kaxkïdï po in ïrhidi aanï sai gïn urabamu aanï kia dai gïn soikïdamu sai bamioma gubuakagi gïn buaboidaraga sai podukai bamioma bhai gïn ïrhiadana aapimï.

1Tesalonicenses 5:16

Dai abïr bïïxkïrï bhai gïn ïrhiada.

1 Pedro 1:8

Gin aaduñi, kïïga oigïdai aapimï go Suxi Kristo, tomaxi mai nïidi aapimï. Apia buaboitudai aapimï tomaxi mai nïidi aapimï kia tudu. Dai mai tipu ñoki ixdukatai aagagi xïï kabami bhai gïn ïrhidi aapimï buaboitudatai aapimï Suxi.

1 Juan 1:4

Dai kaxkïdï gïn ojidi aatïmï saidi kïïga bhai gïn ïrhiadagi aapimï ïpï gïr urabakatai.

2 Juan 1:12

Naana maaxi gïn aagida in ïrhidi kia dïï gia mai xu xi ojaikïdï gïn aagida in ïrhidi aanï. Amïka gïn dibida in ïrhidi bhaiyoma dai gïn aatagidagi sai podukai bamioma kïïga bhai gïr ïrhiadana aatïmï gïr nïiditai.