VUAANA 15:1 - Northern Tepehuan Bible

¹ Gokiïrï Suxi oi aatagidï daidi itïtïdai go mamaatïrdamigadï, —Gin aaduñi, gïn aagidamu aanï ïmo maaxidaragai aatagi. Daiñi, aanï ïr ïpïan dukami ïmo uba uxiaradï bamioma kïïgadukïdï ix makïdï buaboikïdï gamaakai gubukarhigai go ux maamaradï. Mai tipu ïmai gin ïpïamaaxkami. Dai Diuxi gin Oga ïr nukadakami gï dukami ïxikami.

Tepehuan Northern: Diuusi ñiooquidʌ utuducami oodamicʌdʌ

¹ Uuvasi dʌʌdʌ iñducami aanʌ. Dai uuvasi dʌʌdʌ nuucadacami ducami Diuusi gʌrooga.

VUAANA 15:1 ပူးပေါင်းရင်းမြစ်များ

Mataibo 15:13

Daidi Suxi potïtïdai, —Maiti abïr buamï gïn ïrhiada go fariseoskïdï. Ïgai maiti ïr aaduñdï Diuxi tudu. Ïpïan dukami ïgai ïxikami ix makïdï maiti ïr ïïxidï Diuxi gin Oga. Dai ayi agai ixtuigako bainkuma agai Diuxi.

Mataibo 20:1

Dai oi Suxi go aatagi dai potïtïdai ïgai mamaatïrdamigadï, —Gïn aagidamu aanï ïpï ïmo maaxidaragai aatagi sai maatïkana aapimï ix dukatai gatïanïi Diuxi. Idi ïr go maaxidaragai aatagi tudu. Ïmo imidagai as oidakatadai ïmo kïïrhi dai biakatadai ïgai ïxikami uba. Bhai mui tutukami uba gukatadai ami ïxikamiana tudu. Dai ïmo imidagai ïïki kiamoko jii ïgai dai nobai gaaga agai xorai aatabuadagi go ïxikamiana.

Mataibo 21:33

Daidi bhodïrï potïtïdai Suxi go dudunukami, —Gïn tïgito abïr kaïka idi maaxidaragai aatagi ix makïdï gïn aagidamu aanï— itïtïdai. —Ïmo imidagai ïmo kïïrhi biakatadai ïmo dïbïrai dai ami ïi ïgai kïïga mui tutukami uba dai kïïga kuraratu ïgai. Dai bhodïrï idui ïgai ïmo gïï dagibuñakarui uba xako busaidagi baragadï. Dai kïi ïgai ïmo baaki kïïga tïkabakami ami ïpï sai abhiadïrï gï nukadana go ïxikami. Dai ka bhai gï dunakai gobai sai tajukamikïdï nukaturhi ïgai jaa odami dai bhodïrï mïkaxi jii.

Markos 12:1

Bhodïrï apia aatagai Suxi ïmadï dudunukami daidi potïtïdai, —Xibi an gïn aagidagi ïmo maaxidaragai ñoki— itïtïdai. —Ïmo imidagai ïmo kïïrhi bhai dui ïmo ïxikami uba. Kïïga kuraratu ïgai dai bhodïrï dïgara ïgai ïmo aiti xako soñiba agai uba dai busaida agai baragadï dai bhodïrï idui ïgai ïmo baaki tïkabakami dai abhiadïrï nukadaka agai go ïxikami. Bïïxi nato bhai dui ïgai ïxikami daidi bhodïrï tajukamikïdï maa ïgai jaa odami dai mïkaxi jii xibhïakoga.

Lukas 13:6

Dai bhodïrï aagai Suxi ïmo maaxidaragai aatagi sai maatïkana go odami ixdukatai aatabuayi Diuxi. Dai potïtïdai ïgai go odami, —Ïmo imidagai kïakatadai ïmo igoxi dïïdï dïbïragadïrï ïmo kïïrhi. Dai nukaturhi ïgai ïmai kïïrhi go dïbïrai. Dai dudatai didibaiña go tuidakami go dïbïrai gaagaitai igoxi dai mai tïtïgaiña. Mai ibhaidakana go uxi tudu.

VUAANA 1:17

Daiñi go Moiseskarukïdï gïr maatïturhi Diuxi ïmo ixtumaxi kïïgadukami. Gïr maatïturhi go sïïrhikami ojixikami. Dïï gia Suxi go Ga Tïanïdamikïdï gïr maatïturhi Diuxi ixtumaxi gïïpi bamioma kïïgadukami. Ïgaikïdï gïr maatïturhi Diuxi xïï kïï tuiga ïgai dai xïï kïï sïïrhi ñokai.

VUAANA 1:9

Go ix makïdï buaboikïdï ïr go Kudagi ïr ïgai ix makïdï didibai dai kukudadai bïïxi óídakami maatïturhitai ix tumaxi ïr buaboi.

VUAANA 15:2

Guikomai ïgai bïïxi go uba maamaradï ix makïdï mai ibhiatai dai kïïga buanai ïgai go maamara ix makïdï gia ibhiatai dai bhai buayi sai bamioma kïïga ibhiatana.

VUAANA 6:32

Daidi Suxi potïtïdai go odami, —Kïïga abïr gïn tïgito kaïka idi ñoki. Daiñi, mai xu go Moiseskaru gïn maakai go pan ix makïdï tïbagiañdïrï dibia. Bhaiyoma Diuxi gin Oga ïgai dai otoi go pan tïbagiañdïrï ix makïdï ïr go kïïgadukïdï kuadagai.

VUAANA 6:55

Gin tukuga ïr go kïïgadukïdï kuadagai gï dukami dai gin ïra ïr go kïïgadukïdï iidagai gï dukami ïpï.

Romanos 11:17

Go judidiu ïr ïpïan dukami ïmo mamaaradï guikomidikami ïmo oliboañdïrï kïï finuakami. Dai aapimï ix makïdï maiti ïr judidiu ïr ïpïan dukami ïmo mamaaradï ïmai oliboañdïrï korientegami ix makïdï Diuxi guikoma dai ïpamu saitu go finuakïdï olibo kïakamiïrï. Xibi aapimï ix makïdï maiti ïr judidiu bhïjimi go gubukarhigai ix makïdï ïr go finuakami olibo mamaaradï bïïtarïkatadai. Bhïjimi aapimï gubukarhigai ix makïdï ïr go judidiu bïïtarïkatadai tudu.

1 Korintios 3:9

Aanï ïmadï go Apolos ïr pipioñigadï Diuxi tudu dai ïmadï aatabuayi aatïmï Diuxi dai aapimï ïr ïpïan dukami ïïxidï Diuxi. Gin aaduñi, kaxi aagai aanï sai aapimï ïr ïpïan dukami ïïxidï Diuxi dai xibi aanï aagai sai aapimï dai ïr ïpïan dukami Diuxi bakidï ïpï ix makïdï bañidimi ïgai.

1 Juan 2:8

Dïï gia xibiapioma Suxi Kristo bamioma kïïga gïr tïtïïgidi ix dukatai ïïgiadagi aatïmï go sïïrhikami gobai ix makïdï ikaiti sai gïr oigïdadagi aatïmï aipakoga. Nïidi aatïmï ix xïï kïïga oigïdaiña ïgai jaa tudu. Dai kaxkïdï ïmo utudui sïïrhikami duu bii gobai xibi ix makïdï gï agai xi ïïgiadagi aatïmï. Dai aapimï ïpï kïïga mamaaxidi sai gï agai xi ïïgiada gobai ïpï gïn oigïdatai aapimï aipakoga. Ka otïrhi imimi go soimaaxkami tudu ka kïïga gïn oigïdaitai aapimï aipakoga. Tukamudagai maaxi go soimaaxkami tudu. Dïï gia Suxi Kristo go Kïïgadukïdï Kudagi tïgidu dai maigobai dadasai ïgai go tukamudagai. Xibi gïn oigïdai aapimï aipakoga Suxi Kristo gubukarhigadïkïdï tudu dai podukai aipakoga kukudadan buayi ïgai gïn soikïitai ïgai ix gïn oigïadagi aapimï aipakoga.