VUAANA 14:26 - Northern Tepehuan Bible

²⁶ Dïï gokiïrioma ka maiti gïn maakimu aanï ñoki podukai. Bhaiyoma Diuxi gin Oga otosamu Ibhïgadï sai gïn soiñana gin bïïtarï ka imïkai aanï. Dai ïgai gïn maatïtuldamu bïïxi aïkatai ix tumaxi gï aagai ix maatïkagi aapimï dai gïn tïgitotuldamu bïïxi ixtumaxi gïn aagidiña aanï— itïtïdai Suxi.

Tepehuan Northern: Diuusi ñiooquidʌ utuducami oodamicʌdʌ

²⁶ Dai daañidamu aanʌ Diuusi giñooga sai ʌgai ootosana gʌIbʌdaga sai ʌgai gʌnnuucadacana daidʌ baigʌnʌliatudana. Ʌgai ʌgai daidʌ gʌnmaatʌtuldiamu vʌʌsiaʌcatai dai ʌgai gʌntʌgitotulda vʌʌsi istumaasi gʌnaagidi aanʌ.

VUAANA 14:26 ပူးပေါင်းရင်းမြစ်များ

VUAANA 15:26

Daiñi— itïtïdai Suxi. —Gokiïrioma dibiagai ïgai ix makïdï Ga Soikïdami tïgidu. Aanï otosamu ïgai mïkadïrï xako daja Diuxi gïr Oga. Ïgai ïr Diuxi Ibhïgadïkamu dai ïgai gamamaatïtulda agai ixtumaxi ïr buaboi. Ïgai maakimu ñoki go óídakami gin aagaitai aanï.

VUAANA 14:16

Dai aanï daañimu gin Oga ix ïgai gïn otosdamu ïmai soikïdami ix makïdï gïn ïmadï dakamu bïïxkïrï bïïtarï— itïtïdai.

1 Juan 2:27

Daiñi, Suxi Kristo gïn maa Diuxi Ibhïadï sai gïn ïmadï oidakana. Ïgai gïn maatïtulda agai bïïxi ixtumaxi ix makïdï gï agai ix maatïkagi aapimï dai bïïxi aïkatai ixtumaxi gïn maatïtuldagi ïgai kïïga ïr buaboi. Xadïrï gïn yaatagidana ïgai tudu. Kaxkïdï mai aagai aapimï ïmai xorai gïn maatïturhiadagi. Diuxi Ibhïadï gïn maatïturhiadamu kaxkïdï. Ïïgiadabïrai ixtumaxi gïn mamaatïturhiadagi Diuxi Ibhïadï tudu dai podukai urabakatai óídaka aapimï Suxi Kristo.

VUAANA 16:7

Dïï mai tipu soi ïrhiaragai dai bhaiyoma aanï aagai sai xioma ïr kïïga aapimï gïn bïïtarï ix imïdagi aanï. Gï agai tudu ix imïdagi aanï sai bhodïrï mïkadïrï otosda aanï Diuxi Ibhïadï ix makïdï Soikïdami tïgidu sai gïn ïmadï dakana. Gï agai tudu ix imïdagi aanï. Ïma dukai mai dibiamu Diuxi Ibhïadï gïn abhana— itïtïdai.

1 Juan 2:20

Dïï aapimï gia mai pomaaxi. Kïïga maatï aapimï tudu sai Suxi Kristo ïr ïkobai busaidadï Diuxi. Dai ïkobai gïn bubaitu Suxi Kristo sai ïïgi Diuxi bïïtarïkana aapimï. Ïkobai gïn bubaitu ïgai aidïxi gïn maa ïgai Diuxi Ibhïadï sai gïn ïmadï dakana tudu. Dai ka kïïga maatï aapimï ixtumaxi ïr buaboi dai ka mai ïpïamaaxi aapimï go gaa ix makïdï gïr dagito.

1 Korintios 6:19

Kïï sïïrhi abïr gïn tïgitoka tudu sai gïn tukuga ïr Diuxi Ibhïadï bakidï dukai gïn ïrana dakatai ïgai. Dai Diuxi ïgai dai gïn maa ïïgi Ibhïgadï sai gïn ïmadï dakana. Kaxkïdï ka mai bia aapimï sïïrhikami ix ïïgi gïn tïanïdagi aapimï.

Hechos 2:33

Diuxi baidaja go Suxi tïbagiamu sai sonoana daakana dai maa ïmo gïïdukami sïïrhikami. Dai Diuxi maa ïïgi ibhïadï go Suxi ix dukatai aagiditadai ïgai. Dai xibi Suxi gïr maa Diuxi Ibhïadï ïpï dai ix makïdï nïidi aapimï dai kaï xibi abïr ïgai duñidï.

Efesios 1:17

Diuxi gïr Oga ïgai dai Gïr Nukadakami Suxi Kristo xadutudaiña dai kïïga ïr gïdukami ïgai dai kïï tiodi. Ïgai tudu daanïi aanï gïn bïïtarï xi gïn maakana tïgibudagai xi kïïgioma maatïkana aapimï ïgai.

Romanos 15:13

Diuxi ïgai dai gïr maakai gubukarhigai xi aatïmï bhai ïrhiarakïdï nïnïrakana ixtumaxi bia ïgai gïr bïïtarï. Kaxkïdï daanïi aanï sai ïgai kabami gïn bhai ïrhiatudana dai sai gïn maakana ïmo kïïgadukami ibhïxtaragai. Aidï gia Diuxi Ibhïadï gubukarhigakïdï kïïga bhai gin ïrhiadamu aapimï nïnïrakatai ixtuma kïïgadukami bia Diuxi gïn bïïtarï.

Hechos 2:4

Tai ïmo tïgibudagai bipiatu go buaboitudadami ïmadï Diuxi Ibhïadï. Dai Diuxi Ibhïadï ñokiturhimi bai bïïxkatai ñiño ïïmo ñoki ix makïdï mai maatïkatadai ïgai.

VUAANA 2:22

Kaxkïdï gokiïrï aidïxi ka mutadai go Suxi dai ïpamu duakatu bai go mamaatïrdamigadï gïn tïgito ix kaititadai ïgai ïkiaxdïrï. Dai kïïga buaboitu ïgai Diuxi ñokidï ïmadï atagidï Suxi. Kïïga buaboitu ïgai gïn tïgitokai ix Suxi ïkiaxdïrï aagidi go judidiu sai muki agai dai ïpamu duaka agai.

Hechos 13:2

Dai ïmo imidagai bïïxkatai ïgai gaxadutudaitadai Diuxi mai dïïkakai kuadagai taidi Diuxi Ibhïadï po tïtïdai aidï, —Aanï ka darai Bernabe ïmadï Saulo ïmo aaduindagai bïïtarï kaxkïdï xibi abïr ïkobai gin bubaitulda gobai go aaduindagai bïïtarï— ikaiti Diuxi Ibhïadï.

1 Pedro 1:12

Go ñiñokituldiadamigadï Diuxi kïïga máí sai mai kia bhai duña agaitadai Diuxi go kïïgakïrï bubaidaragai aidïxi kia oidakatadai ïgai. Diuxi podukai maatïturhi ïgai kaxkïdï. Dai kaxkïdï maatïkatadai ïgai saidi go ñoki ix makïdï gatïtïïgitadai ïgai ïïki ïr aapimï gïn bïïtarï ix makïdï gokiïrioma dada. Dai xibi Diuxi ka otoi Ibhïadï tïbagiañdïrï. Dai gïn otoxdi Diuxi tïtïïgiadami ñoki xorai gïn aiturhiadagi go bhai ïrhiaragai aatagi ïpï. Diuxi Ibhïadï gubukarhigadïkïdï gïn aiturhi ïgai go aatagi aagaitai go kïïgakïrï bubaidaragai tudu. Agia xigiamaaxi aatabuayi Diuxi. Asta go tïtïañikarudï Diuxi kïïga gïn tïgito nïnïidi ka daibuskïitai bïïxi ixtumaxi aagaiña go ñiñokituldiadamigadï Diuxi ïïki abhiadïrï tudu.

Lukas 24:49

—Daiñi— itïtïdai. —Ka podukai aagai gin Oga sai gïn maaki agai Ibhïadï gïn abhana dai aanï gïn otosdamu ïgai. Dïï gia gï agai xi tanaxi Jerusalenïrï biiyagi aapimï dai nïnïrakagi asta xïxkadï Diuxi Ibhïadï gïn maakiagi gubukarhigai tïbagiañdïrï— itïtïdai.

Udaxi 1:20

Gïn ïjïkobalda ïrhidi ïgai tudu. Dïï gia maiti abïr gïn dagitoda. Daiñi, kïïga maatï aapimï sai gïn oigïdai aanï gin aaduñi dai aanï aagai sai gï agai bhaiyoma ix gïn gupurtudagi aapimï aipakoga dai gïn soikïdagi aipakoga saidi bamioma gubuakami dukai buaboitudadagi aapimï. Sai kïïgioma oijadagi aapimï go buaboidaragai ix makïdï gïr maa Diuxi tudu. Dai daanïdabïrai Diuxi ïpï. Dai xïxkadï daanïdagi aapimï abïr ïïgiada Diuxi Ibhïadï saidi podukai ïgai gïn tïïgidana ix dukatai daanïdagi aapimï.

Hebreos 9:8

Pomaaxkatadai go ïïkidadï sïïrhikami tudu. Dai gokïdï gïr maatïturhi Diuxi Ibhïadï sai mai tipukatadai oigaragai go óídakami bïïtarï xi aiyagi ïgai xako daja Diuxi. Pomaaxkatadai asta aidïxi ukami kia namïakatai go ïïkidadï sïïrhikami tudu. Aidïxi kia kïakatadai go kiupai ix makïdï ïr duñidïkatadai ïïgi odami, aidï mai tipukatadai oigaragai óídakami bïïtarï ix bapakiagi Diuxi buitapi.

Hebreos 3:7

Kaxkïdï gïr maa ñoki Diuxi Ibhïadï ojadïrï Diuxi daidi ikaiti sai, Aanï ïr Diuxi dai xibi xïïxkadï kaïkagi aapimï ix gïn ñokiada aanï

2 Korintios 13:14

Gin aaduñi, ipïrhidi aanï sai kïï taatana aapimï xïï kïï tuiga Suxi Kristo Gïr Nukadakami gïn bïïtarï dai sai taatana aapimï xïï kïïga gïn oigïdai Diuxi ïpï. Dai ipïrhidi aanï sai gïn soiñana Diuxi Ibhïadï sai kïïga biakagi aapimï urabaragai Diuxi ïmadï dai gïn aaduñi Diuxi amajadïrï ïmadï ïpï. Mosïkaxi.

1Tesalonicenses 4:8

Daiñi, mai xu xi ïr ïïgi gïr tïgibudaga idi ñoki sai mosïkaxi Diuxi bïïtarï óídakana aatïmï ïkobai darakatai soimaaxkamiañdïrï. Dai bhaiyoma Diuxi ïgai dai gïr maa Diuxi Ibhïgadï ix makïdï kïï buañixi dai gïr tïanïi sai buañixikami duakai óídakana aatïmï. Kaxkïdï ix oidakagi xorai mai ïïgiada ïrhiada idi ñoki, ïgai mai xu ix mosïkaxi aatïmï maiti gïr ïïgidi. Dai bhaiyoma mai ïïgidi ïgai Diuxi Ibhïadï. Kaxkïdï tudu Diuxi Ibhïadïañdïrï dibia idi ñoki.

1 Korintios 12:3

Kaxkïdï xibi ipïrhidi aanï xi kïïga maatï nïijada aapimï xorai ïgai dai ïïgidimi Diuxi Ibhïadï dai xorai mai ïïgidimi ïpï bai podukai maiti gïn bupuirumadagi ïgai. Daiñi, ïmo odami ix makïdï ïïgidimi Diuxi Ibhïadï xadïrï potïna sai ajïga Suxi xi taatagi go gïdukïdï gïgïbidaragai ïko dakatai Diuxiañdïrï. Dai mosïkaxi odami ix makïdï gia kïïga ïïgidi Diuxi Ibhïadï bhaiga ix bhai aagagi ix Suxi bïïxi adaama ïr Tïanïdami. Podukai gï maatï xorai ïïgidimi Diuxi Ibhïadï dai xorai mai ïïgidimi.

2 Pedro 1:21

Maiti ïr odami tïgibudadï gobai tudu. Dai bhaiyoma Diuxi Ibhïadï ïgai dai tïgitoturhi ïgai saidi ñokadana ïgai Diuxi bïïtarï. Kaxkïdï sïïrhikïdï gï agai ix kïïga gïn tïgito kaïkagi ix kaiti ïgai ojadï.

Lukas 11:13

Daiñi, aapimï mamaakai ixtumaxi ïr kïïga gïn maamara tomaxi ïr soimaaxi ibuadami aapimï. Dai Diuxi gïïpi bamioma kïï tuiga xi bhai aapimï xi kaxkïdï gï maatï sai ïgai mamaakai ixtumaxi ïr kïïga maamaradï bïïtarï taanïkai ïgai. Dai kïïga maakimu ïgai Diuxi Ibhïadï xorai taañiagi ïpï— astïdai.

Romanos 15:16

Gin maa ïgai sïïrhikami xi ïr pioñigadïkagi aanï Suxi Kristo tudu dai sai ibuada aanï ixtumaxi ïr soiñi óídakami bïïtarï ix makïdï maiti ïr judidiu. Ïgai buitapi aitudai aanï go bhai ïrhiaragai aatagi ix makïdï Diuxi gïr maa. Ïmo bhai buadami xadutudaragai dukai aatabuayi aanï aagaitai go bhai ïrhiaraga aatagi. Dai Diuxi buitapi tïïgida in ïrhidi go óídakami ix makïdï maiti ïr judidiu ïmo daxdaragai dukai bai ïgaikïdï bhai gï ïldana Diuxi. Diuxi Ibhïadï tudu ïgai dai ïkobai darasai odami ïmo daxdaragai dukai Diuxi bïïtarï.

Lukas 1:41

Daidi kaïkai go Elisabet ñokidï go Maria maatï taata ïgai ix kabami oiñi maradï ïrana. Daidi ayi Diuxi Ibhïadï go Elisabet ïmadï aidï.

Mataibo 3:11

Daidi potïtïdai Juan go odami ïpï sai, —Aanï maiti ïr go otosadï Diuxi ix makïdï nïnïraka aapimï. Gokiïrioma dibiamu ïgai kia— itïtïdai. —Gïïpi bamioma gatïanïi ïgai xi aanï tudu. Aanï tomarhi maiti gin ajïga xi ibuadagi go bamioma arhidukïdï aaduindagai ïgai bïïtarï. Maiti gin ajïga aanï tomarhi xi upasdagi aanï sususakadï ïmo arhi pioñigadï dukai. Dai aanï mosïkaxi sudagikïdï gïn bapakonai ka ïmadukai gïn tïtïgitokatai aapimï. Dïï gia Diuxi otosadï gia Diuxi Ibhïadïkïdï gïn bapakonadamu ïmadï táíkïdï. Sïïrhikïdï ïr gïdukami ïgai tudu daidi ïr gubuakami— itïtïdai.

2 Timoteo 1:14

Daiñi, Diuxi gï nukaturhi go kïïgadukïdï aatagi kaxkïdï maiti gï dagitoda aapi ix kuga imiagi gï aatagi xïïxkadï gatïtïïgiada aapi ñoki. Kïï sïïrhi aagada tudu. Dai Diuxi Ibhïadï ix makïdï gïr ïmadï daja gï soiñamu sai podukai kïï nukadakana aapi go aatagi.

Efesios 4:30

Maiti abïr soi ïrhiatuldada Diuxi Ibhïadï gïn oidakaragakïdï tudu. Diuxi Ibhïadï ïr Diuxi tïpakarudï dukai ix makïdï gïn daxi Diuxi bai gï maatïkana kïïga xi ayimu ixtuigako buiya ragai bïïxi ixtumaxi gïr aagidi Diuxi sai gïr maaki agai kïïgakïrï bubuakïkai aatïmï. Kaxkïdï abïr mai soi ïrhiatulda ïgai.

Romanos 14:17

Daiñi, Diuxi tïanïi odami mai xu mos ipïrhiditai xi odami dagitoagi ïïmo kuadagai xiïpï ïïmo iidagai. Diuxi ipïrhidi xi sïïrhi óídakagi odami Diuxi buitapi dai sai iibhïxtakan taadakagi odami dai sai ïïgiditai Diuxi Ibhïadï biakana ïgai gïn bhai ïrhiaraga. Go maaxi bïïtarï tïanïi Diuxi odami tudu.

Romanos 5:5

Dai xi buaboidaitai nïnïrakagi aatïmï xi Diuxi kïïgakïrï gïr bubiadagi aidï gia mai soi gïr ïrhiadamu aatïmï. Dai ïkobïrakoga Diuxi gïr maa Diuxi Ibhïadï dai ïgai gïr maatïturhimi gïr iibïdagïrï ix xïï kïïga gïr oigïdai Diuxi.

Hechos 20:28

Kaxkïdï gïn nukadakabïrai ïïgi aapimï bhaitï gukakami daidi kïïga abïr nukada go buaboitudadami ïpï ix makïdï gïn nukaturhi Diuxi Ibhïadï. Ïgai tudu gïn darai saidi ïr nukadakamikana aapimï go buaboitudadami ix makïdï Diuxi sabïrhi ïïgi maradï ïradïkïdï. Go buaboitudadami ïpïan dukamikana kañiñiru. Diuxi sosoigadï gïn dukamikana ïgai dai gï aagaiña xorai nukadakagi ïgai.

Hechos 11:16

Daidi gin tïgito aanï ix kaititadai gïr Nukadakami baasïkioma. Ïgai ikaiti aidï sai, —Go Juan sudagikïdï gabapakonaiña odami, dïï aanï aagai ix aapimï gïn bapakoñikamu Diuxi Ibhïadïkïdï bhaiyoma— ikaiti Gïr Nukadakami

Hechos 1:8

—Dïï gia xïïxkadï aiyagi Diuxi Ibhïadï gïn abhana aidï bhïimu aapimï gubukarhigadï ïgai dai odami buitapi aituldamu aapimï ñoki gin bïïtarï. Jerusalenïrï aituldamu aapimï gin ñoki ïmadï xako Judeana tïgidu oidigi ïmadï maigobai xako Samariana tïgidu oidigi dai asta mïkaxi oidigi ugidïrï ukami aituldamu aapimï ñoki gin bïïtarï— itïtïdai go Suxi.

VUAANA 20:22

Daidi bhodïrï Suxi buijako buxta mamaatïrdamigadï daidi itïtïdai, —Bhïibïrai Diuxi Ibhïgadï— itïtïdai.

VUAANA 6:45

Daiñi, go aagadami Diuxi ñokidï oja ïïki daidi ikaiti ojadï, Diuxi maakimu ñoki bïïxkatai ix makïdï buaboituda agai saidi gin buaboitudaiña, ikaiti go ojai. Kaxkïdï gin buaboitudadamu bïïxi odami ix makïdï gïn tïgito kaïkagi ix tumaxi gïn aagidagi Diuxi dai aanï duduakarhidamu ïgai go kugatïrï tasïrï.

Markos 13:11

Dai mïx xïïxkadï baan gïn tutusagi buidïrï dudunukami abïr mai buamï ïrhiada mïx tïiyagi. Diuxi gïn soikïdamu aidï. Bïrai mos aagada ïïgi ix makïdï gïn ajiagi tïgibudagai. Mai xu ïïgi aapimï ñokadamu aidï, Diuxi Ibhïadï aba ïgai dai gïn ñokituldiadamu— itïtïdai Suxi.

Mataibo 1:20

Kia poïrhiditadai go Jose ix dagitoagi go Maria dai ïmo imidagai ïmo tïïtïkiïrï tïï ïgai ïmo tïañikarudï Diuxi Gïr Nukadakami. Daidi potïtïdai ïgai go Jose, —Aapi Jose ix makïdï ïr pipiixaradï go Dabidkaru, maiti buamï ïrhiada aapi. Ka bhaiga aapi ix ïmadï biiyagi go Maria. Diuxi Ibhïadïkïdï nonoakami bii ïgai tudu dai mai xu ïmo kïïrhikïdï— itïtïdai.

Hebreos 10:15

Ka mai biïga bamioma daxdaragai gïr soimaaxkamiga bïïtarï tudu. Suxi Kristo ka bïïxi bhai dui gïr bïïtarï kaxkïdï. Dai Diuxi Ibhïadï podukai aagai ïpï. Ïgai aagidi ïmo kïïrhi ïïki sai ojana ïmo ñoki Diuxiañdïrï imïdami. Dai adukai oja ïgai. Diuxi ikaiti sai,

VUAANA 12:16

Dai podukai baa go Suxi Jerusalenïrï ix dukai ojixikatadai ïïki. Dïï go mamaatïrdamigadï mai máí ix ka poduitadai ïgai ix dukatai ojixikatadai. Mai máí ïgai asta gokiïrï aidïxi gï maaxitu Suxi xïïxi ïr gïdukami gï duakatudakai ïgai. Aidï gia gïn tïgito ïgai go ojai dai gïn tïgito ix rey dukai miadïgi ïgai go Suxi. Dai aidï gia máí ïgai ix Suxi iduitadai ixdukatai ojixikatadai.

Markos 12:36

Daiñi, Diuxi Ibhïadï ñokiturhi go Dabidkaru ïmo imidagai baidi ikaiti Dabid, —Diuxi Gïr Nukadakami aatagidi gin bhaitï kïakamiga daidi potïtïdai, Dakañi aapi gin sïïrhixapadïrï nai aanï dumaltudana gï sasayu pai daama tuaja aapi gï ïïkaso pai kïixana aapi, itïtïdai Gïr Nukadakami— ikaiti Dabid.

Apokalipsis 2:11

Idi ïr go ñoki ix makïdï gamaakai Diuxi Ibhïadï go buaboitudadami bïïxi aipakoga ïmpaiñdadami. Kïïga abïr gïn tïgito kaïka gobai tudu. Daiñi, xorai gamaitiagi soimaaxkami bui tomaxi gï muatudagi ïgai mai taata agai mukigami ibhïgadï bïïtarï— ikaiti Diuxi Ibhïadï.

Efesios 1:13

Xibi aapimï ix makïdï maiti ïr judidiu kaxi kaïkana ix makïdï ïr buaboi. Kaïkana aapimï go bhai ïrhiaragai aatagi tudu. Dai xibi ka buaboitudai aapimï Suxi Kristo ïpï dai ka kïïgakïrï bubuaka aapimï. Xibi buaboitudakai aapimï gïn tïpaltu Diuxi gïn maakakai Diuxi Ibhïadï gïn abhana. Ka ïkiaxdïrï podukai agaitadai Diuxi ix otosa agaitadai Ibhïadï dai kaxkïdï otoi ïgai.

2 Korintios 6:6

Aatïmï naana dukai mamaaxidi go óídakami buitapi sai sïïrhi aatabuayi aatïmï tudu. Daiñi, go óídakami kïïga nïidiña sai bïïxi ixtuma ibuadagi aatïmï kïïga buañixi Diuxi bïïtarï. Dai kïïga nïnïidiña ïgai ïpï sai aatïmï kïïga maatï dai kïïga oidiña ixtumaxi ïr buaboi. Mai bhakoikana aatïmï buidïrï jaa dai bhaiyoma kïï tutiakana aatïmï jaa bïïtarï. Diuxi Ibhïadï gubukarhigadïkïdï óídaga aatïmï tudu dai kïïga oigïdaiña aatïmï bïïxi óídakami.

Hechos 20:35

Podukai gatïtïïgidi aanï sai gï agai xi kabami gaatabuadagi ïmoko dai podukai biakagi ixtukïdï soikïdagi go ix makïdï tïgitokagi. Gï agai xi gïn tïgito ajiopada aapimï go ñoki ix makïdï gïr aagidi Suxi. Ïgai gïr tïtïdai sai, —Xioma ïr bhai ïrhiaragai ix gamaakiagi ïmoko soiñi xi bhai ix mos buiyagi— gïr tïtïdai Suxi.

Hechos 15:8

Daiñi, Diuxi nïidi bïïxi odami iibhïadï. Dai Diuxi mamaaxidi xi kïïgakïrï nïidi ïgai go ix makïdï maiti ïr judidiu ïpï otosakai Gï Ibhïdaga ïgai abhana. Xibi gïr ïpïan dukai bipiatu ïgai Diuxi Ibhïadï.

Hechos 7:51

Daidi go Tibañi apia ñokidi go bhaitï gukakami judidiu daidi itïtïdai, —Gia mai tïtïkaidaga aapimï. Ïpïan dukami aapimï odami ix makïdï mai buaboitudai Diuxi. Axñiñitu gïn dukami aapimï dai ïpïan tutuiga aapimï gïn aaduñikaru. Mos buidïrï bïïtïkana aapimï Diuxi Ibhïadï tudu.

Hechos 1:4

Dai ïmo imidagai gïn ïmpaiditadai ojotosadï Suxi dai ïgai aagidi sai mai iimïna Jerusalenañdïrï dai bhaiyoma potïtïdai, —Nïnïrabïrai aapimï asta xïïxkadï dibiagi Diuxi Ibhïadï ix dukatai gïn aagidi Diuxi gin oga ïïki. Kïï maatï aapimï xi aanï gïn aagidi ïpï xi dibiagai ïgai.

Hechos 1:2

asta xuduku gï baidakatu ïgai tïbagiamu. Go Suxi maa ñoki ojotosadï mai kia imïkai tïbagiamu. Diuxi Ibhïadï gubukadadïkïdï maa ïgai ñoki dai aagidi ixdukatai duñagi. Go ojotosadï Suxi ïgai ix makïdï ïko bubaitu ïgai baasïkioñdïrï.

VUAANA 7:39

Dai Suxi agaitadai go Diuxi Ibhïgadï gubukarhigadï ix ïr go sudagi gï dukami dai sai busi agai gobai odami iibhïadïañdïrï ïpïan dukai ix go sudagi busanïi ïmo babikiañdïrï. Dai go Diuxi Ibhïgadï ïr ix makïdï dibiagai odami iibhïadïana buaboitudakai ïgai. Dïï aidïpïrï ix pokaiti Suxi mai kia otoitadai ïgai Diuxi Ibhïgadï. Gï agaitadai kia ix imiagi Suxi tïbagiamu xako oidaka agai ïmo gïdukami xadutudaragai ïgai bïïtarï. Dai ka imïkai aidï gia otosa agaitadai ïgai Diuxi Ibhïgadï.

Lukas 3:22

dai abhai tïbagiañdïrï tïbai Diuxi Ibhïadï ïmo tudu maaxi dai Suxi daama daiba. Dai Diuxi ñokidi go Suxi tïbagiañdïrï aidï dai potïtïdai, —Aapi Suxi ïr gin Maara dai kïïga gï oigïdai aanï. Aapi tudu ïr gin bhai ïrhiaraga— itïtïdai.

Lukas 1:67

Daidi Diuxi Ibhïadï gubukarhigadï ïmadï dakatadai go Zakarias aidï dai kaxkïdï ño ïgai ïmo ñoki Diuxiañdïrï daidi ikaiti,

Lukas 1:35

Dai go tïañikarudï Diuxi potïtïdai aidï, —Gï dibidamu Diuxi Ibhïadï dai ïgaikïdï gï ayimu Diuxi gubukarhigadï gï abhana. Podukai nonoakami bimu aapi. Dai kaxkïdï kïïga buañixikamu gï maara ix makïdï buapamu aapi dai odami Diuxi Maradï aagadamu—.

Mataibo 28:19

Iimibïrai bïïxi oidigi daama tudu daidi abïr tïïgida gin ñoki bïïxi go naana maaxi ñokadami ix makïdï oidaga oidigi daama. Podukai abïr soikïda saidi ïr gin mamaatïrdamigakagi ïgai. Daidi bapakonadabïrai ïpï sai podukai maaxitudana ïgai saidi ïr oijadami ïgai Diuxi gin Oga dai saidi ïr aanï gin oijadamiga ïpï Maradïkatai aanï Diuxi. Dai go bapakonaragai ïr ïmo maaxidaragaika agai saidi ïr oijadami ïgai Diuxi Ibhïadï ïpï.

Hechos 28:25

Mai ïmo tïgibudagai biakatadai ïgai dai gïn bupui ñokaitadai. Kaxi ïr iimïdamikatadai go odami baidi Pabora itïtïdai aidï, —Gia ïr buaboikatadai ix dukatai Diuxi Ibhïadï aagidi gïn aaduñi ïki. Ïgai aagidi ïmo ñoki go aagadami Diuxi Ñokidï Isaias tïgidukami ïki. Bai go Isaias oja ix kaititadai Diuxi Ibhïadï aidï dai adukai oja,

Hechos 16:6

Go Pabora ïmadï go gaa imia ïrhiditadai xako Asia tïgidu oidigi dai ami aagadagi Diuxi ñokidï ïpï dïï Diuxi Ibhïadï mai dagito xi kaxkïdï bhaiyoma sïïrhi dïgabusai ïgai xako Frijia dai Galasia tïtïïgidu oidigi.

Hechos 15:28

Diuxi Ibhïadï ïgai dai gïr tïanïi xibi dai aatïmï pokaiti sai mosïkaxi gï aagai aapimï xi ïgiada idi chïki ñoki,

Hechos 13:4

Bhodïrï Diuxi Ibhïadï maigo koida otoi go Bernabe ïmadï Saulo dai ayi ïgai xako Seleuciana tïgidu ïmo bhaabhaki. Dai ami tïtïsai ïgai ïmo barkoïrï dai iji Chipreamu. Go Chipre ïr ïmo oidigi xikorhimadikami gïï sudagi.

Hechos 7:55

Dïï Diuxi Ibhïadï gatïanïitadai go Tibañi dai tïbagiamakoga nïnïaba ïgai dai tïï Diuxi ix bamioma kukudarïi xi go tasai. Dai tïï ïgai go Suxi xi Diuxi sïïrhixapadïrï kïïka ïpï.

Hechos 5:3

Daidi go Piduru itïtïdai aidï, —¿Aapi Ananias tuipïxi bhïiyi Diabora tïgibudadï? Kaxi yaatagidi aapi Diuxi Ibhïadï dai ïïgi gï bïïtarï bhïiyi aapi chïki go tuminxi go dïbïrai namïgadï.

Lukas 2:25

Dai ami Jerusalenïrï oidakatadai ïmo kïrhiodami Ximuñi tïgidukami. Kïï tuiga ïgai dai kïïga ïïgidiña ïgai Diuxi. Dai nïnïrakatadai ïgai sai dibiana Diuxi Otosadï dai sai kïïgakïrï bubaidana ïgai go Israelitas. Dai Diuxi Ibhïadï ïmadï dakatadai go Ximuñi

Mataibo 1:18

Gin aagidamu aanï ix dukatai pogïdui tudu dai dibia Suxi tami oidigi daama. Ïmo arhi oki Maria tïgidukami ïr dïïdï. Dai ka bhai duitadai ïgai ñoki sai ïmadï bii agai ïmo kïïrhi Jose tïgidukami. Dïï ka ïkiaxdïrï nonoakatadai go Maria mai kia ïmadï biïkai ïgai go Jose. Diuxi Ibhïadïkïdï nonoakatu ïgai tudu.

VUAANA 14:25

—Daiñi, gïn aagidimi aanï gobai xibi kia gïn ïmadï dakatai aanï.