VUAANA 14:2 - Northern Tepehuan Bible

² Daiñi, amïka gin Oga kiidïrï muidu tutukabi dai aanï mïïka bhai duñimu xakoga óídakagi aapimï. Maiti abïr buamï gïn ïrhiada tudu. Ix maiti ïr buaboikamudai gobai xadïrï gïn aagidamudai aanï.

Tepehuan Northern: Diuusi ñiooquidʌ utuducami oodamicʌdʌ

² Mʌʌca siaaco daja giñooga muidu baabaqui. Dai mʌʌca imia iñagai aanʌ dai movai duuñimu aanʌ siaaco oidaca aapimʌ. Ismaitʌrvaavoicamudai imaasi aanʌ gia maitʌnaagidamudai.

VUAANA 14:2 ပူးပေါင်းရင်းမြစ်များ

Lukas 14:22

Dai jii go pioñi dai dibiakai ïpamu saidi potïtïdai ïgai amudï, —Kaxi idui aanï ixtumaxi gin tïjai aapi— itïtïdai. —Dai mai kia suda gï kii. Kia oidaga xako daraibagi ïpï jaa— itïtïdai.

VUAANA 13:33

—Aapimï ïr miadïrï gin aaduñi dai kïïga gïn oigïdai aanï— itïtïdai. —Xibi ka mai xii tïbïpi dakamu aanï gïn ïmadï kia. Dai gokiïrï ka imïkai aanï aapimï gin gaagadamu dai maiti gin tïigimu— itïtïdai. —Potïtïdai aanï go judidiu ïpï ïkioma. Dai xibi gia ka aijimi ix imïdagi aanï dai aapimï maiti ixtutiadamu ix gin oidagi.

VUAANA 13:36

Daidi go Ximuñi Piduru itïtïdai aidï, —Gin Tïanïdamiga, ¿Pako imi agai?— itïtïdai. Dai Suxi potïtïdai aidï, —Mai bhaigakamu aapi ix gin oidagi xibi. Dïï gokiïrioma gia gin oidamu aapi— itïtïdai.

VUAANA 14:28

Kaxi gïn aagidi aanï sai imimu aanï tabhiadïrï dïï gia gokiïrioma dibiamu aanï ïpamu ix dukai gïn aagidi aanï— itïtïdai. —Imimu aanï amïka xako daja gin Oga ix makïdï gïïpi bamioma ïr gïdukami ix aanï. Dai kaxkïdï ix kïïgakïrï gin oigïdai aapimï kïïga bhai gïn ïrhiadamu aapimï maatïkatai sai aanï ïmadï dakamu ïgai.

VUAANA 16:4

Xibi gïn aagidi aanï gobai bai xudu taatagi aapimï go soi ïrhiaragai gïn tïgitomu aapimï ix ka ïkiaxdïrï gïn aagidi aanï ix tumaxi daibuña agai. Maiti ipïrhidi aanï ix gajiadïrï biagi aapimï gïn buaboidaraga kaxkïdï gïn aagidi aanï— itïtïdai. —Gin aaduñi, baasïkioma aidïxi utudama gin uraba aapimï maiti gïn aagidi aanï ix tumaxi daibuña agai kïïga maatïkatai sai gïn ïmadï daja iñagaitadai ïpï chïki tasai kia.

VUAANA 17:24

—Gin Oga— itïtïdai. —Ipïrhidi aanï ix gin mamaatïrdamiga ix makïdï gin maa aapi gin ïmadï darakana tïbagiana bai podukai nïidiña ïgai xïïxi ïr gïdukami aanï. Aapi gin Oga ïgai dai gin dáí saidi ïr ïmo gïdukamikana aanï gin oigïdaitadai aapi ïïki abhiadïrï aidïxi mai kia tipukatadai oidigi— itïtïdai.

Hechos 9:16

Aanï tïïgidamu go Saulo sai gï agadamu xi kabami soimaaxi taatagi ïgai ibuadatai gin aaduindaga— ikaiti Suxi.

2 Korintios 5:1

Kïïga maatï aatïmï tudu sai gïr tukuga ix makïdï bia aatïmï tami oidigi daama mai tïbïpi kabaka agai. Idi tukugïrï mosïkaxi chïki tasai óídaka ragai ïmo urhiñaragai dukai. Dai xïxkadï ugitiagi idi gïr tukuga aidï gia buimu aatïmï ïmai tukugai tïbagiañdïrï ix makïdï Diuxi idui dai mai xu ix makïdï odami idui. Dai gïr tukuga utudui ix makïdï bhïimu aatïmï gobai gia mai ugiti agai tomarhi ïmo imidagai.

1Tesalonicenses 5:9

Daiñi, Diuxi ïkobai gïr bubaitu sai kïïgakïrï bubuakïna aatïmï buaboitudatai aatïmï Suxi Kristo dai mai xu ix ïkobai gïr bubaitu gïr maaki ïrhiditai ïmo gïgïbidaragai.

Tito 1:2

Ipïrhidi aanï sai buaboidaitai ïgai ixtumaxi ïr buaboi sai kïïga mai duduadikuda ïgai kïï maatïkatai sai kïïgakïrï óídaka agai bïïxkïrï bïïtarï. Diuxi gïr aagidi ïïki sai óídaka ragai bïïxkïrï bïïtarï tudu dai ïgai mai yaatagïi.

Hebreos 11:10

Ikuxi bhaabhakiïrï oidakaiña go Abraam tudu nïnïrakatai ïgai ix aiyagi ixtuigako ïmo gïï kiikiïrï oidakagi ïgai. Nïnïrakatadai ïgai go gïï kiiki ix makïdï kïï kabakami kïïka dai ix makïdï Diuxi idui ixdukatai ïgai ipïrhidi. Gobai ïr ïgai ix makïdï nïnïrakatadai go Abraam.

Hebreos 13:14

Idi oidigi mai kïïgakïrï ïr gïr kii tudu. Tami mosïkaxi chïki tasai bïïtarï óídaka ragai. Nïnïraka aatïmï ïmai kiiki kia tudu ix makïdï gokiïrioma kïkiba agai dai bïïxkïrï bïïtarïka agai.

Hebreos 6:20

Ami tudu gïr bhaitï jii Suxi dai baa gïr bïïtarï gïr bhaitï kïakami dadaxdamikatai ïgai. Podukai gïr bhaitï kïakami dadaxdadamiga bii ïgai bïïxkïrï bïïtarï ïpïan dukai go Melkisedek ix makïdï oidakatadai ïïki.

Hebreos 9:8

Pomaaxkatadai go ïïkidadï sïïrhikami tudu. Dai gokïdï gïr maatïturhi Diuxi Ibhïadï sai mai tipukatadai oigaragai go óídakami bïïtarï xi aiyagi ïgai xako daja Diuxi. Pomaaxkatadai asta aidïxi ukami kia namïakatai go ïïkidadï sïïrhikami tudu. Aidïxi kia kïakatadai go kiupai ix makïdï ïr duñidïkatadai ïïgi odami, aidï mai tipukatadai oigaragai óídakami bïïtarï ix bapakiagi Diuxi buitapi.

Apokalipsis 1:5

Dai Suxi Kristo ïgai dai kïïga aagai ixtumaxi ïr buaboi dai ïgai ïr ïpïgadï ix makïdï muu dai ïpamu duakatu dai ka mai muki agai ïpamu. Dai ïgai ïr Tïanïdamigadï bïïxi gupudagai bipiakami oidigi daama óídakami. Suxi Kristo kïïga gïr oigïdai. Daiñi, aaxi ïgai ïradï mukukai dai podukai kïïgakïrï gïr bubaitu gïr soimaaxkamiañdïrï.

Apokalipsis 21:2

Dai nïidi aanï xi tïbagiañdïrï tïbandimi go gïï kiiki ix makïdï ïr Diuxi ïko dasadï. Go utudukïdï Jerusalen tïgidu go gïï kiiki ïgai dai Diuxiañdïrï tïbañimi. Dai kïï xigiamaaxi kïï bhai duñixikatai gobai ïpïan dukai ïmo oki xuduku kunata agadagi.

Apokalipsis 3:12

Daiñi, xorai maitiagi go soimaaxi bui bïïxkïrï bïïtarï óídaka agai kiidïrï gin Diuxiga. Ka mai maigobai iimimu ïgai abhiadïrï. Ix xïïxi kabakami guka sasarakami kiidïrï Diuxi pokaxi kabakami gukakamu ami odami ix makïdï maitiagi soimaaxi bui ïpï. Ami Diuxi kiidïrï tutusamu aanï odami ix makïdï maitiagi soimaaxkami bui tudu sai ka mai tipukana ixdukatai bubaidagi abhiadïrï. Dai kokobadïrï ojamu aanï tïtiaradï gin Diuxiga dai tïtiaradï go gïï kiiki xako oidakami Diuxi ïpï. Gobai ïr go utudui Jerusalen ix makïdï tïbañimu tïbagiañdïrï. Dai ojamu aanï go utudui tïtiaragai ix makïdï biakamu aanï aidï ïpï.

Apokalipsis 3:21

Dai Diuxi gin Oga gin maa oigaragai xi abhana daibana aanï ïgai daikarudïana xakoga dakatai gatïanïi ïgai sai gatïanïna aanï ïgai ïmadï. Maitï aanï go soimaaxi buidïrï tudu kaxkïdï gin maa oigaragai xi daibana aanï ami. Dai aanï podukai maakimu oigaragai ïpï xorai maitiagi soimaaxi buidïrï sai daibana ïgai gin ïmadï gin daikarugana xakoga gatïanïi aanï reykatai aanï.