VUAANA 14:13 - Northern Tepehuan Bible

¹³ Aidïpïrï iduñimu aanï bïïxi aïkatai ix tumaxi gin tañiagi aapimï gin mamaatïrdamikatai aapimï. Dai podukai nïijadamu odami xïïxi ïr gïdukami gin Oga ibuadatai aanï ix tumaxi gin tañiagi aapimï.

Tepehuan Northern: Diuusi ñiooquidʌ utuducami oodamicʌdʌ

¹³ Dai siuu duucu daanʌda aapimʌ Diuusi giñvaavoitudacai taanʌdavurai istumaasi ipʌlidi naidʌ gʌnmaaquimu aanʌ vai poduucai gʌmaatiagi isviaa guvucadagai giñooga.

VUAANA 14:13 ပူးပေါင်းရင်းမြစ်များ

Mataibo 21:22

—Ix buaboidaitai daanïdagi aapimï Diuxi ïgai gïn maakimu ixtumaxi tanïdagi aapimï— itïtïdai Suxi.

Mataibo 7:7

—Abïr mai ugutai daanïda Diuxi xïxkadï tïgitokagi aapimï ixtumaxi bai ïgai gïn maakimu. Diuxi amadïrï abïr gaaga mïx ixtumaxi tïgitokagi daidi tïigimu aapimï. Ïpïan dukami gobai xïïxkadï sosonadagi aapimï ïmo kitaagiña no xibhïkai dai tanïdagi baakigai. Xïïxkadï pobuadagi aapimï gï kupioskïi gobai sai ami bapakiagi aapimï. Pomaaxi xïïxkadï mai ugutai daanïdagi aapimï Diuxi ïpï. Diuxi mamaakai ixtumaxi kïïgadukami xorai tanïdagi tudu— itïtïdai Suxi.

Markos 11:24

Aanï aagai sai tomax tuma tanïdagi aapimï Diuxi ïgai gïn maakimu. Mos gï agai mïx kïï buaboitudadagi xi ka bia aapimï mïx tuma tanïi xi ïgai gïn urhiñdamu gobai.

Lukas 11:9

—Dai Diuxi bamioma kïï tuiga xi bhai tomax makïdï odami. Kaxkïdï aanï aagai sai bhaiga aapimï xi daanïdagi Diuxi bai ïgai gïn maakimu ixtumaxi gï aagadagi. Diuxiamadïrï abïr gaaga ixtumaxi gaagaimi aapimï tudu dai tïïgimu aapimï. Diuxi gia gïn miadïgidamu taanïkai aapimï baakigai. Daanïdabïrai ïgai tudu.

VUAANA 10:30

Dai mos ïr ïmo odami aanï ïmadï gin oga— itïtïdai.

VUAANA 12:44

Dai bhodïrï Suxi gïgïrï iiña dai potïtïdai go odami, —Bïïxi odami ix makïdï gin buaboitudagi buaboitudai ïpï gin Oga ix makïdï gin otoi.

VUAANA 13:31

Dai ka imïkai go Udaxi sai Suxi potïtïdai go gaa mamaatïrdamigadï, —Gin aaduñi, ipïrhidi aanï ix odami maatïkagi xïïxi ïr gïdukami Diuxi. Dai ïgai ipïrhidi ix gï maatïkagi xïïxi ïr gïdukami aanï ïpï. Daiñi, aanï ïr ix makïdï kïïgakïrï odami busai. Dai xibi ka ayi ix daibuñagi ïmo ixtumaxi aanïkïdï ix ïgaikïdï maatïkamu odami xïïxi ïr gïdukami aanï. Dai odami sïïrhikïdï gïdukami dukai nïijadamu Diuxi ïpï nïiditai gobai ix makïdï daibuña agai aanïkïdï.

VUAANA 14:14

Gin mamaatïrdamiga aapimï tudu ix kaxkïdï iduñimu aanï tomax tumaxi gin tañiagi aapimï— itïtïdai.

VUAANA 14:6

Daidi Suxi itïtïdai, —Aanï tudu ïr go boi ixtukïdï ajïi odami xako daja Diuxi. Mosïkaxi aanïkïdï mamaatïrïi odami ixtumaxi ïr buaboi. Dai mosïkaxi aanïkïdï kïïgakïrï óídaga odami ïpï. Mai tipu xorai aiyagi mïïka xako daja Diuxi ix maiti gin buaboitudadagi ïgai.

VUAANA 15:16

—Gin aaduñi, mai xu ipïldakai aapimï ïr gin mamaatïrdamiga aapimï. Aanï ïgai dai ïkobai gïn bubaitu bhaiyoma dai gïn darai sai aapimïkïdï ibuadagi Diuxi naana maaxi ix tumaxi ix makïdï bhai ïrhidi ïgai dai ix makïdï bïïxkïrï bïïtarï kabaka agai. Kaxkïdï gïn maakimu Diuxi bïïxi ix tumaxi tanïdagi aapimï gin mamaatïrdamikatai aapimï.

VUAANA 15:7

Dïï gia ix kïïga saïkan dukai oidakagi aapimï gin abhana dai ix gin ñoki gïn abhana biyagi mos apia buaboidaitai aapimï, aidï gia tañimu aapimï Diuxi ixtumaxi ipïrhiadagi aapimï bai ïgai gïn maakimu.

VUAANA 16:23

Gïn tïïgimu aanï ïpamu tudu dai aidï gia ka maiti gin tïkakamu aapimï tomarhi ïmo ixtumaxi bamioma— itïtïdai. —Gin aaduñi, kïïga abïr gïn tïgito kaïka idi ñoki. Daiñi, gïn maakai aanï sïïrhikami ix aatagada aapimï gin Oga ïmadï gin mamaatïrdamikatai aapimï. Kaxkïdï ix tanïdagi aapimï ix tumaxi gïn maakimu ïgai mïx tumaxi tanïdagi.

VUAANA 16:26

Aidï gia ka maiti gï aagadamu ix ñokiada aanï gïn bïïtarï xïxkadï aitulda ïrhiada aapimï ïmo ñoki gin Oga. Kaxkïdï tudu ïïgi biakamu aapimï oigaragai ix aatagada ïgai ïmadï gin mamaatïrdamikatai aapimï— itïtïdai.

VUAANA 16:7

Dïï mai tipu soi ïrhiaragai dai bhaiyoma aanï aagai sai xioma ïr kïïga aapimï gïn bïïtarï ix imïdagi aanï. Gï agai tudu ix imïdagi aanï sai bhodïrï mïkadïrï otosda aanï Diuxi Ibhïadï ix makïdï Soikïdami tïgidu sai gïn ïmadï dakana. Gï agai tudu ix imïdagi aanï. Ïma dukai mai dibiamu Diuxi Ibhïadï gïn abhana— itïtïdai.

VUAANA 4:10

Dai Suxi itïtïdai, —Aapi maiti gin maatï dai tomarhi mai maatï aapi ixtuma oidaragai bia Diuxi óídakami bïïtarï. Ix maatïkamudai aapi aidï gia gin tañimudai sudagi ix aanï gï oidamudai go sudagi ix makïdï kïïgakïrï duakaturhidi odami— itïtïdai.

VUAANA 4:14

Dïï mos go sudagi ix makïdï gaoidi aanï gokïdï gia ka mai tonokoñikana odami bïïxkïrï bïïtarï. Go sudagi ix makïdï gaoidi aanï ïr ïpïan dukami ïmo babiki ix makïdï odami ïrana mïraiña dai ïgaikïdï kïïgakïrï óídakana odami bïïxkïrï bïïtarï— itïtïdai Suxi.

VUAANA 5:19

Dai Suxi potïtïdai go judidiu aidï, —Kïïga abïr gïn tïgito kaïka idi ñoki. Daiñi, kïïga ïr buaboi saidi ïr Diuxi Maradï aanï dai ïïgi gin tïgibudagakïdï maiti ibuayi aanï toma lachi. Mosïkaxi ix tumaxi nïijadagi aanï ix buayi Diuxi gin Oga, pomaaxi ibuayi aanï ïpï.

VUAANA 7:37

Dai go kugatïrï tasïrï go bagimiïrï bamioma ïr namïakïdï. Dai aidï kugatïrï tasïrï go Suxi kïkiba dai gïïgïrï ño dai potïtïdai go odami, —Xorai tonokoñikagi sai gin urabana sai yïïdana go sudagi ix makïdï aanï maakimu.

1 Korintios 14:13

Daiñi, xorai biakagi gubukarhigai ix todian dukai ñokadagi ïma maaxi ñokikïdï gï agai ix daanïdagi Diuxi sai maakana gubukarhigai ïpï ix maaxi aagagi ix tïiya ïrhidi.

Efesios 2:18

Tomax dukai, xi ïr judiukagi aatïmï xi maiti ïr judiukagi ïpï, tomax dukai Suxi Kristo gïr maa baakigai xi urabana aatïmï gïr Oga. Xibi Diuxi Ibhïadïkïdï bhaiga aatïmï xi aatagiadagi ïgai tudu.

Efesios 3:12

Suxi Kristo kïïga idui ixdukatai Diuxi gï tïgito ïïki kaxkïdï aatïmï xibi mai duadimudakïdï aatagïi Diuxi ïmadï mos buaboidakai aatïmï Suxi Kristo. Xibi kïïga bia aatïmï ïïmadaragai ïmadï Diuxi.

Efesios 3:14

Xudu mos tïgitokagi aanï xïïxi ïr gïdukami Diuxi tïgibudadï gin totonakïdï kïkibana aanï Suxi Kristo Ogadï buitapi.

Filipenses 4:13

Tomax dukai Suxi Kristo ïgai dai gin mamaakai go gubukarhigai. Dai ïgaikïdï ixtutuidikïi aanï tomax tuma daibuñagi.

Kolosenses 3:17

Dai bïïxkïrï xïxkadï ñokadagi aapimï xiïpï xïxkadï ibuadagi aapimï ixtumaxi abïr Suxi Kristo bïïtarï ibuada ka urabakatai aapimï ïgai. Dai gïn tïgitobïrai ïpï sai Suxi Kristo ka bhai dui gïn bïïtarï sai biakana aapimï oigaragai xi Diuxiatanamïidana tïdagi Diuxi gïr Oga kaxkïdï dudatai abïr potïda ïgai.

Hebreos 13:15

Gin aaduñi, Suxi Kristo ka bhai dui gïr bïïtarï ixdukatai aatagada aatïmï Diuxi ïmadï. Dai kaxkïdï gï agai xibi xi mai dagitokatai kïïga ñokadagi aatïmï Diuxi bïïtarï. Nïnïraka aatïmï ix gïr aiyagi go oidakaragai ïmo utudui kiikiïrï tudu. Kaxkïdï kïïga gï agai xi aagadagi aatïmï xïïxi bhai gïr ïrhidi Diuxi ïmadï tudu. Daidi maiti abïr dagitotai ibuadagi ixtumaxi ïr kïïga dai soikïdabïrai xorai tïgitokagi ïpï. Kaxkïdï tudu xïxkadï podukai ibuadagi aatïmï ixtumaxi ïr kïïga gobai ïr ïmo xadutudaragai Diuxi bïïtarï. Ïmo daxdaragai gï dukami gobai Diuxi bïïtarï tudu dai bhai gï ïrhidi ïgai gobaikïdï.

Hebreos 4:15

Daiñi, aatïmï óídakami sïïrhikïdï mai gupuka go soimaaxkami buidïrï. Dai kaxkïdï tïgito aatïmï xorai gïr soikïdagi. Dai Suxi Kristo ïgai dai gïr soikïi gabhaitïkïakami dadaxdamikatai ïgai. Dai ïgai kïïga maatï xïï mai gupuka aatïmï. Kïïga maatï ïgai ix taadaga xïïxkadï gïr tïgibudaga gïr abïnakiadagi ix mai kïïga ïïgiada aatïmï Diuxi tudu. Bïïxi taata ïgai gobai ix xïïxi taatamaiña aatïmï tudu. Dai tomaxi pomaaxi taata ïgai bïïxkïrï mai soimaaxi idui ïgai tomarhi ïmo imidagai. Dai bïïxkïrï ïgai tomaxi mai soimaaxi idui bïïxkïrï soi gïlda gïr nïidiña ïgai mai gupukatai aatïmï. Ïmo oidigi daama oidakami odami ïgai ïpï kaxkïdï.

Hebreos 7:25

Kaxkïdï bia ïgai gubukarhigai ix kïïgakïrï bubiadagi odami ix makïdï urapïkïdagi Diuxi buaboitudaitai ïgai Suxi Kristo. Bïïxkïrï bïïtarï daja Suxi tudu dai bïïxkïrï bïïtarï apia gadaanturhiada agai ïgai xorai urabagi.

Santiago 1:5

Daiñi, xïïxkadï ka mai tïtïïgiagi aapimï ix dukatai iduñagi gïn oidakaraga bïïtarï aidï gia daañibïrai Diuxi dai ïgai bhai ïrhiarakïdï gïn maakimu maatïdagai. Kïïga gï maatï tudu sai maiti gïn bhagaidamu Diuxi daanïitai aapimï tudu.

Santiago 5:16

Gï agai aapimï ix gïn aaduñi Diuxi amadïrï buitapi maaxi aagagi ixtuma soimaaxkami idui aapimï tudu. Daidi gïn daanturhiadabïrai aipakoga ïpï xïïxkadï kokokoñikagi aapimï saidi duduadïna aapimï. Xïïxkadï kïïga buañixikagi ïmo odami ibhïadï dai kïïga buaboitudaitai daanïdagi ïgai Diuxi gobai kïïga ibuayi soiñi tudu.

1 Juan 3:22

Dai kaxkïdï xïïxkadï daanïdagi aatïmï kïïga maatïkana aatïmï sai gïr maaki agai ixtumaxi tañiagi aatïmï. Kïïga ïïgidi aatïmï dai kïïga ibuayi aatïmï ixtumaxi bhai ïrhidi ïgai kaxkïdï.

1 Juan 5:14

Dai xibi kïïga ïïmadai aatïmï Diuxi dai kaxkïdï kïïga maatï aatïmï sai Diuxi gïr kaïkana xïïxkadï daanïdagi aatïmï dai tañiagi aatïmï ixtumaxi. Xïxkadï tanïdagi aatïmï ixtumaxi ix makïdï bhai ïrhidi ïgai tudu.