VUAANA 13:20 - Northern Tepehuan Bible

²⁰ —Kïïga abïr gïn tïgito kaïka idi ñoki— itïtïdai. —Daiñi, aapimï ïr aanï gin otosa ix kaxkïdï xorai bhai ïrhiarakïdï gïn miadïgiadagi aanï gin miadïgiadan buayi ïpï. Dai podukai ïpï aanï ïr Diuxi otosadï ix kaxkïdï xorai gin miadïgiadagi ïr ïpïan dukami ix miadïgi ïgai Diuxi. Kaxkïdï tudu Diuxi ïgai dai gin otoi— itïtïdai.

Tepehuan Northern: Diuusi ñiooquidʌ utuducami oodamicʌdʌ

²⁰ Vaavuava istumaasi gʌnaagidi aanʌ sai sioorʌ miaadʌgidagi giñootosa ʌgai gia giñmiaadʌgi aanʌ ʌʌpʌ dai sioorʌ giñmiaadʌgidagi aanʌ ʌgai gia miaadʌgi ʌgai ismaacʌdʌ giñootoi ―gʌrtʌtʌdai ʌSuusi.

VUAANA 13:20 ပူးပေါင်းရင်းမြစ်များ

Mataibo 25:40

Dai potïdamu aanï ïgai, —Daiñi— tïdamu aanï. —Kïïga soikïiña aapimï jaa buaboitudadami. Soikïiña aapimï asta go buaboitudadami ix makïdï bamioma mai tïanïi tudu. Dai bïïxi aïkatai ixtumaxi ix makïdï idui aapimï soikïitai ïgai, bïïxi gobai aanï podukai nïidi sai aanï in bïïtarï iduitadai aapimï. Gobai kïïga ïr buaboi tudu. Po tïdamu aanï go buaboitudadami Reygadïkatai aanï— itïtïdai Suxi go odami.

Markos 9:37

—Daiñi xi ïmadutai oigïda nïijadagi ïmo arhi odami gin xadutuada ïrhiditai, ïgai kaxi aanï gin oigïda tïï ïpï mos pobuadatai. Dai xi kïïgakïrï gin oigïda nïijadagi ïmoko ïgai kaxi oigïda tïï Diuxi ïpï. Diuxi otosadï aanï di— itïtïdai Suxi.

Lukas 10:16

Dai biakatadai Suxi ïpï ïmo ñoki mamaatïrdamigadï bïïtarï ïpï daidi potïtïdai, —Gïn tïgitobïrai sai xorai kïïga kaïkagi gïn ñoki ïr ïpïan dukami xi aanï gin kaïkamudai. Dïï gia xorai maiti kaïka ïrhiada gïn ñoki ix makïdï bhïkati aapimï, Diuxi podukai nïidi sai aanï maiti gin kaïka ïrhidi ïgai. Dai xorai maiti in kaïka ïrhiada Diuxi podukai nïidi xi mai kaïka ïrhidi ïgai Diuxi ïpï. Diuxi otosadï aanï kaxkïdï— itïtïdai.

Lukas 9:48

Daidi potïtïdai Suxi go mamaatïrdami, —Gïn aagidamu aanï xorai bamioma ïr gïdukïdï Diuxi bïïtarï. Daiñi, aanï podukai nïidi sai aanï gin xadutuadan buayi odami ix makïdï kïïga xadutuadagi jaa ix makïdï bamioma maiti ïr tïtïanïdami. Ix xadutuada ïgai ïmo arhi gïrhi dukami idi ix makïdï tami gin abhana kïïka, aanï podukai nïidi sai aanï gin xadutudai ïgai pobuadatai. Dai xorai gin xadutuadagi ka xadutudai gin Oga ix makïdï gin otoi ïpï. Gobai maatiga maaxi. Daiñi, gï agai sai maatïka aapimï sai Diuxi bïïtarï bamioma ïr gatïanïdami odami ix makïdï jaa mai tïanïdami dukai nïidi— itïtïdai.

Galatas 4:14

Tomaxi soi gïn buadana aapimï gin soikïitai kokokatai aanï bïïxkïrï mai soi dukai gin nïidiña aapimï dai bhaiyoma kïïga kaïkana aapimï gin aatagi dukami xi ïr Diuxi tïañikarudïkamudai aanï. Dai asta gin kaïkana aapimï dukami xi ïr Suxi Kristokamudai aanï ïpï. Kïïga gin nïidiña aapimï dai kïïga kaïkana gin aatagi tudu.

Kolosenses 2:6

Gin aaduñi, aidï abhiadïrï xi buaboitu aapimï Suxi Kristo Gïr Nukadakami ka uraba bii aapimï ïgai. Kaxkïdï xibi abïr óídaka ixdukatai gï aagai sai kïïga maaxitudana aapimï saidi ïr buaboi sai uraba daraka aapimï ïgai.

1Tesalonicenses 4:8

Daiñi, mai xu xi ïr ïïgi gïr tïgibudaga idi ñoki sai mosïkaxi Diuxi bïïtarï óídakana aatïmï ïkobai darakatai soimaaxkamiañdïrï. Dai bhaiyoma Diuxi ïgai dai gïr maa Diuxi Ibhïgadï ix makïdï kïï buañixi dai gïr tïanïi sai buañixikami duakai óídakana aatïmï. Kaxkïdï ix oidakagi xorai mai ïïgiada ïrhiada idi ñoki, ïgai mai xu ix mosïkaxi aatïmï maiti gïr ïïgidi. Dai bhaiyoma mai ïïgidi ïgai Diuxi Ibhïadï. Kaxkïdï tudu Diuxi Ibhïadïañdïrï dibia idi ñoki.