VUAANA 13:2 - Northern Tepehuan Bible

² Dai aidï urunoko gakuadatadai ïgai go Daibuñigïrï kuadagadï. Dai ami dajatadai go Udaxi Iskariote ix makïdï ïr maradïkatadai ïmo kïïrhi Ximuñi tïgidukami. Dai aidïxi ami dibia ïgai go diabora ka abïnakiditadai sai gatïïgidana ïgai go Suxi.

Tepehuan Northern: Diuusi ñiooquidʌ utuducami oodamicʌdʌ

² Dai ʌSuusi ʌʌmadu aatʌmʌ mamaatʌrdamigadʌ gacueeyitadai tucara. Taidʌ ʌʌquioma abiaadʌrʌ ʌDiaavora divia Simuñi maradʌ ʌUudasi Iscaliote ʌʌmadu dai ipʌlitu isgatʌʌgida ʌgai ʌSuusi sai bʌʌna ʌgai ismaacʌdʌ vuidʌrʌ vʌʌtʌcatadai.

VUAANA 13:2 ပူးပေါင်းရင်းမြစ်များ

Mataibo 10:4

Dai ïmai Ximuñi tïgidu. Ïgai ïr ïmai Ximuñi ix makïdï politiko aagaiña odami. Dai ïpï ïmai Udaxi Iskariote tïgidu. Ïgai ïr ix makïdï gatïïgi go Suxi go buidïrï bïïtïkamigadï gokiïrï.

Lukas 22:3

Daidi go Diabora baa Udaxi ïrana aidï gatïanïda agaitai. Go Udaxi ïr ïmoko go bhaibuxtama dan goka ojotosadï Suxi dai óídakami Iskariote aagaiña ïpï.

Lukas 22:31

Dai bhodïrï maa Suxi ïmo ñoki go Ximuñi dai potïtïdai, —Daiñi aapi Ximuñi, go diabora gatáí oigaragai xi gïn duiñdagi naana maaxi soimaaxi sa bhai ka mai buaboitudada aapimï dai podukai ïkobai gïn darasana ïgai aanïañdïrï. Ïpïan duñimu ïgai xïïxkadï odami gigidagi kosadï tïrhigi sai ïkobai biïna go kosadï. Soimaaxi gïn taatamitulda agai ïgai tudu— itïtïdai.

VUAANA 13:11

Kïïga maatïkatadai Suxi sai ami saagida oidakatadai ïmoko ix makïdï gatïïgida agaitadai. Dai kïïga maatï xorai ïgai ïpï ix kaxkïdï mai buañixikami aagai.

VUAANA 13:4

Dïï mai kia imïkai gatïïgida agai mamaatïrdamigadï xïï kïïga oigïdai dai kïkiba ami mesa buidïrï xako gakuadatadai ïgai dai bhodïrï upai baasaradï ix dukai ibuayi ïmo gapioñi xudu gaatabuada agadagi. Dai bhïiyi ïgai ïmo toaya dai puranadïrï buu ïmo giburai dukai.

Hechos 5:3

Daidi go Piduru itïtïdai aidï, —¿Aapi Ananias tuipïxi bhïiyi Diabora tïgibudadï? Kaxi yaatagidi aapi Diuxi Ibhïadï dai ïïgi gï bïïtarï bhïiyi aapi chïki go tuminxi go dïbïrai namïgadï.

2 Korintios 8:16

Gin aaduñi, gïn dibida rïrhidi aatïmï amïka Korintoana. Dïï gia aagidi aatïmï go Tito saidi gïr bhaitï imïna sai gïn ïmadï dakana amïka. Dai kïïga bhai gin ïrhidi Diuxikïdï maatïkatai sai podukai tïgitoturhi ïgai go Tito saidi gïn oigïadagi ïgai ïpïan ïxi xi dukai aanï gïn oigïdai. Dai kaxkïdï bïïxi bhai ïrhiaradïkïdï bhai aa go Tito dai gamo imi agai.

Efesios 2:3

Bïïxkatai aatïmï buaboitudadami pomaaxi óídakaiña ïkioma ïpï. Ïïgidiña aatïmï ïïgi gïr tïgibudaga soimaaxkïdï. Mos ibuadana aatïmï bïïxi go soimaaxkami ix makïdï bhai ïrhidiña gïr tukuga ïmadï gïr tïgibudaga ïkidadï. Ïïgi pomaaxkatadai aatïmï tudu. Ajïakamikatadai aatïmï xi gïr bui bhamukagi Diuxi dai xi taatagi aatïmï gïgïbidaragai ïmadï bïïxi go gaa óídakami.