VUAANA 12:27 - Northern Tepehuan Bible

²⁷ Daidi bhodïrï Suxi itïtïdai go odami, —Ka karhioga mukiada antaadaga aanï soi ïrhiarakïdï— itïtïdai. —Kïïga maatï aanï sai gin aji agai ïmo gïdukami soi ïrhiaragai. ¿Dïï mos dukatai potïdana aanï gin Oga sai mai dagitona ix gin ajiagi gobai? Tomax dukai bia aanï ix taatagi go soimaaxi. Ka pomaaxiïrï dibia aanï di— itïtïdai Suxi.

Tepehuan Northern: Diuusi ñiooquidʌ utuducami oodamicʌdʌ

²⁷ Camuquiadan tada aanʌ soigiñʌliditai. Dʌmos vʌʌscʌrʌ maiaagidamu aanʌ giñooga sai giñsoiñana ismaisii soimaasi taatagi aanʌ. Aanʌ divia tami oidi daama dai soimaasi taata iñagai dai muuquia iñagai oodami vʌʌtarʌ, cascʌdʌ maiaagidamu aanʌ giñooga sai giñsoiñana nai maisoimaasi taata aanʌ.

VUAANA 12:27 ပူးပေါင်းရင်းမြစ်များ

Isa 53:3

Odami soi dukai nïidi dai kïïdaiña Diuxi daasadï bhaitï kïakami. Kïïga ïïmadai ïgai soi ïrhiaragai. Dai odami maiti ipïrhi tomarhi xi nïijadagi. Odami sïïrhikïdï soi dukai nïidi dai mai xaduturhi.

Mataibo 11:25

Dai bhodïrï Suxi aagidi ïmo ñoki Diuxi dai potïtïdai, —Aapi gin Oga, aapi bïïxi ïr Tïanïdami tïbagiana dai tami oidigi daama ïpï. Aa gia bhai gin ïrhidi aanï aapikïdï— itïtïdai. —Bhai gin ïrhidi maatïkatai sai tïtïgidi aapi gï tïgibudaga odami ix makïdï ïr aarhi dukai dai mai xii naana maaxi maatï. Ïxto aapi gï tïgibudaga sai mai maatïkana go odami ix makïdï gia poïrhidi ix ka kïïga maatï ixtumaxi tudu.

Mataibo 11:26

Podukai bhai ïrhidi aapi gin Oga kaxkïdï— itïtïdai.

Mataibo 26:42

Dai maigo jii Suxi ïpamu dai aataga agai Diuxi ïmadï. Daidi potïtïdai ïgai, —Gin Oga, ix gï agadagi xi soimaaxi taatagi aanï, bhai aagai aanï sai pogïduna ix dukatai aapi bhai ïrhidi— itïtïdai.

Mataibo 26:45

Dai ka dibiakai ïpamu sai potïtïdai ïgai go mamaatïrdamigadï, —¿Kia mïx bïïtï dai kokoso? Nïnïababïrai tudu, aanï ïr Diuxi otosadï ix makïdï ïmo kïïrhi busai dai ka ayi kaduku xi gin tïgitotulda iñagai aanï go soimaaxi ibuadami.

Lukas 22:44

Dai Suxi apia kabamioma daanïi Diuxi aidï. Dai kabami soimaaxi taata ïgai dai kabami bajurai. Bajuradï otaitadai dïbïrapi ïpïan dukai ïrai.

Lukas 22:53

Bïïx tasai gïn ïmadï dakana aanï go gïï kiupiana di. Kïï bhaigakatadai aapimï xi ami gin bhïiyagi tudu— itïtïdai. —Dïï maiti gin taata aapimï ami. Dai xibi gia ka ayi xuduku xi gïn maa oigaragai Diuxi xi gin bhïiyagi. Dai ka maa ïgai ïpï go diabora oigaragai ix makïdï tukapi dukai gatïanïi— itïtïdai.

VUAANA 11:41

Dai go gaa maigobai yaara go odai aidï. Daidi Suxi tïbagiamakoga nïnïaba daidi itïtïdai Ogadï, —Gin Oga, kïïga bhai gin ïrhidi aapikïdï gin maakaitai ix tumaxi gï tanïdagi aanï— itïtïdai.

VUAANA 12:23

Dai Suxi itïtïdai ix makïdï ami darakatadai aidï, —Kïï maatï aapimï sai ïmo ïxtokai tïrhigi gï agai ix gï yaasapikagi dai ïbogiami podukai yaasapikatai iporïi gobai dai mumuidarïi. Dai pomaaxi aanï ïpï. Daiñi, Aanï bia ix mukiagi sai podukai Diuxi maaxitudagi xïïxi ïr gïdukami aanï ix makïdï kïïgakïrï odami busai— itïtïdai.

VUAANA 13:21

Mos potïi Suxi dai bhodïrï kabami soi gï ïrhi dai aagidi go mamaatïrdamigadï daidi potïtïdai, —Kïïga abïr gïn tïgito kaïka idi ñoki. Daiñi, ïmoko aapimï gin tïïgida agai saidi gin bhïna go gin buidïrï bïïtïkamiga— itïtïdai Suxi.

VUAANA 18:37

Daidi go kaigi itïtïdai, —¿Aidï gia ïr buaboi saidi ïr ïmo Rey aapi?— itïtïdai. Dai go Suxi itïtïdai, —Ïjï, kïïga aagai aapi saidi ïr Rey aanï. Go maa bïïtarï tudu dibia aanï tami idi oidigi daama Rey iñagaitai— itïtïdai. —Ga maatïtulda iñagai aanï ix tumaxi ïr buaboi dai dibia. Dai odami ix makïdï ïïgida ïrhidiña ixtumaxi ïr buaboi kïïga ïïgida kaïkana gin ñoki— itïtïdai Suxi.

1 Tomoteo 1:15

Daiñi, pokaitiña aatïmï sai dibia Suxi Kristo tami idi oidigi daama kïïgakïrï bubaida agaitai soimaaxi buadami dai kïïga ïr buaboi gobai. Kaxkïdï tudu bamioma ïr soimaaxi buadami aanï xi bhai toma xorai dai bïïxkïrï kïïgakïrï gin busaitu ïgai.

Hebreos 2:14

Aatïmï tudu ïr maamaradï Diuxi ix makïdï aagai ïgai. Dai bia aatïmï gïr tukugadï dai mumukui aatïmï. Kaxkïdï gïr ïpïamaaxi tukuga bhïiyi Suxi. Biatu Suxi tukugadï ïpïan dukai aatïmï sai bhodïrï mukuna ïgai dai podukai popoidan dui ïgai gubukarhigadï go diabora ixtukïdï gïr buapidi ïgai go mukigami.

Hebreos 5:7

Daiñi, aidïxi tami oidigi daama aimïraitadai Suxi Kristo kïïga maatïkatadai ïgai sai Diuxi bhaigakatadai xi soiñagi sai mai mukuna ïgai. Dai kaxkïdï suakaiña ïgai dai asta iñakaiña daanïitai Diuxi sai mai dagitona ix soimaaxi taatagi ïgai. Dïï gia bïïxkïrï kïïga xadutudaiña dai ïïgidiña ïgai Diuxi xi kaxkïdï Diuxi kaïkana ixtumaxi daanïdagi ïgai.