VUAANA 12:23 - Northern Tepehuan Bible

^23-24 Dai Suxi itïtïdai ix makïdï ami darakatadai aidï, —Kïï maatï aapimï sai ïmo ïxtokai tïrhigi gï agai ix gï yaasapikagi dai ïbogiami podukai yaasapikatai iporïi gobai dai mumuidarïi. Dai pomaaxi aanï ïpï. Daiñi, Aanï bia ix mukiagi sai podukai Diuxi maaxitudagi xïïxi ïr gïdukami aanï ix makïdï kïïgakïrï odami busai— itïtïdai.

Tepehuan Northern: Diuusi ñiooquidʌ utuducami oodamicʌdʌ

²³ Amaasi ʌSuusi itʌtʌdai: ―Aanʌ ʌrʌgai ismaacʌdʌ viaa ʌmo sʌʌlicami dai caaayi istuigaco matiagi oodami isvaamioma namʌga giñsʌʌlicamiga sitomasmaascʌdʌ sʌʌlicami.

VUAANA 12:23 ပူးပေါင်းရင်းမြစ်များ

Mataibo 25:31

Dai oi Suxi aatagidï daidi ikaiti, —Kïïga ïr buaboi sai imimu aanï tami oidigi daamaiñdïrï, aanï ix makïdï ïr go otosadï Diuxi ix makïdï ïmo kïïrhi busai. Dïï gia gokiïrï ïpamu dibiamu aanï bïïxi gin tïtïañikaruga ïmadï gatïanïda iñagaitai ïmo gïï Rey dukai tami oidigi daama.

Mataibo 26:45

Dai ka dibiakai ïpamu sai potïtïdai ïgai go mamaatïrdamigadï, —¿Kia mïx bïïtï dai kokoso? Nïnïababïrai tudu, aanï ïr Diuxi otosadï ix makïdï ïmo kïïrhi busai dai ka ayi kaduku xi gin tïgitotulda iñagai aanï go soimaaxi ibuadami.

Markos 14:35

Bhodïrï bhaitï jii ïgai lïïchi dai ami kopurhi boi dïbïrapi. Kaxi miadaimitadai go kaduku xi ïgai taata agai ïmo gïïdukami soi ïrhiaragai dai daanïi ïgai Diuxi sai ïgai maigobai dasana.

Markos 14:41

Bhodïrï ïpamu jii Suxi dai aataga ïmadï Diuxi dai ïpamu dibiakai potïtïdai ïgai go mamaatïrdami, —¿Kia mïx bïïtï dai kokosïtadai? Nïnïababïrai tudu, aanï ïr Diuxi otosadï ix makïdï aagai Diuxi ïïki dai ka ayi kaduku xi gin tïïgida agai ïmoko go soimaaxi ibuadami.

VUAANA 12:16

Dai podukai baa go Suxi Jerusalenïrï ix dukai ojixikatadai ïïki. Dïï go mamaatïrdamigadï mai máí ix ka poduitadai ïgai ix dukatai ojixikatadai. Mai máí ïgai asta gokiïrï aidïxi gï maaxitu Suxi xïïxi ïr gïdukami gï duakatudakai ïgai. Aidï gia gïn tïgito ïgai go ojai dai gïn tïgito ix rey dukai miadïgi ïgai go Suxi. Dai aidï gia máí ïgai ix Suxi iduitadai ixdukatai ojixikatadai.

VUAANA 12:27

Daidi bhodïrï Suxi itïtïdai go odami, —Ka karhioga mukiada antaadaga aanï soi ïrhiarakïdï— itïtïdai. —Kïïga maatï aanï sai gin aji agai ïmo gïdukami soi ïrhiaragai. ¿Dïï mos dukatai potïdana aanï gin Oga sai mai dagitona ix gin ajiagi gobai? Tomax dukai bia aanï ix taatagi go soimaaxi. Ka pomaaxiïrï dibia aanï di— itïtïdai Suxi.

VUAANA 13:1

Dai bhodïrï ka karhioga ayitadai go Kïïgakïrï Bubaidaragai Bagimi dai kïïga maatïkatadai Suxi sai ka miadaimitadai ix imiagi ïgai tami oidigi damaiñdïrï dai aiyagi xako daja Ogadï. Dai kïïga oigïdaitadai ïgai mamaatïrdamigadï dai xibi iduña agai ïmo maaxidaragai ix maatïka gobai xïï kïïga oigïdai.

VUAANA 7:39

Dai Suxi agaitadai go Diuxi Ibhïgadï gubukarhigadï ix ïr go sudagi gï dukami dai sai busi agai gobai odami iibhïadïañdïrï ïpïan dukai ix go sudagi busanïi ïmo babikiañdïrï. Dai go Diuxi Ibhïgadï ïr ix makïdï dibiagai odami iibhïadïana buaboitudakai ïgai. Dïï aidïpïrï ix pokaiti Suxi mai kia otoitadai ïgai Diuxi Ibhïgadï. Gï agaitadai kia ix imiagi Suxi tïbagiamu xako oidaka agai ïmo gïdukami xadutudaragai ïgai bïïtarï. Dai ka imïkai aidï gia otosa agaitadai ïgai Diuxi Ibhïgadï.