VUAANA 12:20 - Northern Tepehuan Bible

²⁰ Dai ami bagimiïrï dadatadai ïpï jaa odami ix makïdï maiti ïr judidiu ïpï. Xadutuada ïrhiditadai ïgai Diuxi dai kaxkïdï ami dadatadai bagimiana dai ïgai ïpï nïida ïrhiditadai go Suxi.

Tepehuan Northern: Diuusi ñiooquidʌ utuducami oodamicʌdʌ

²⁰ Ʌoodami saagida ajioopaitadai ʌʌmo giliego. Ʌgai dada Jerusaleenʌrʌ sai siaa duutuda agai Diuusi ʌsiaa duudagʌrʌ.

VUAANA 12:20 ပူးပေါင်းရင်းမြစ်များ

Markos 7:26

Dai Siropenixiañdïrï oidakami go oki dai ñokai griego ñokidï. Dai gï totonakïdï kïïkibakai daañimi ïgai go Suxi sai maradïañdïrï maigobai bubaidana go diabora tïañikarudï.

VUAANA 12:1

Kia biïgatadai naadami tasai ix ïpïduñagi go bagimi ix makïdï Daibuñigïrï tïgidu dai Suxi ayi Betaniïrï xako oidakatadai go Lasaro. Idi ïr ïgai baaxi Lasaro ix makïdï duakarhitadai go Suxi.

VUAANA 12:19

Saidi go fariseos ikaititadai aidï, —Xotuiduna— ikaitiña. —Ka bïïxi odami uraba go Suxi xibi. Ka mai tipu xibi ix dukatai sobhida aatïmï aaduindadï— ikaitiña.

VUAANA 7:35

Daidi go judidiu bhaitï gukakami ïïgi gïn tïkakatadai aipako daidi ikaiti, —Mai maatï aatïmï ix tumaxi gïr aagida ïrhidi Suxi. ¿Xakoga imïna gobai ix mai tïïgana aatïmï?— ikaiti. —Maatï ix imia gobai mïkaxi dai dibida agai go jaa judidiu saagida ix makïdï ïr griego ñokadami. Maatï ix gatïïgida agai aatagi go óídakami maigobai ix makïdï maiti ïr judidiu ïpï— ikaiti.

Hechos 14:1

Daidi go Pabora ïmadï Bernabe baapa judidiu kiupaigadïrï aïkai ïgai Ikoniïrï. Arhiïxi kïïga ñiño ïgai bai mui odami buaboitu, modukai judidiu ïmadï ix makïdï maiti ïr judidiu.

Hechos 16:1

Daidi go Pabora ayi xako Derbiïrï dai Listrana tïtïïgidu kiiki. Ami tïï ïgai ïmo buaboitudadami Timoteo tïgidukami. Ïgai ïr maradïkatadai ïmo oki judiu buaboitudadami ïpï dai ogadï ïr griego ñokadami dai maiti ïr judiu.

Hechos 17:4

Ïïmadutai go judidiu buaboida kaï go aatagi dai uraba go Pabora ïmadï Silas. Dai bhai chïki bhaitï gukakami oki buaboitu ïpï ïmadï mui jaa odami griego ñokadami ix makïdï ïr xadutuadami Diuxi.

Hechos 20:21

Kabami ñokidi aanï bïïxi óídakami bïïxi ix makïdï ïr judidiu dai ix makïdï maiti ïr judidiu. Aagidiña aanï sai ïma dukai gïn tïgitokana dai sai ïgiada ïgai Diuxi buaboidaitai Suxi Gïr Nukadakami.

Hechos 21:28

Daidi bhïiyi ïgai go Pabora dai bhodïrï mos gïïgïrï ijiña bhakoikatai daidi ikaitimi, —Aapimï judidiu, gïr soiñabïrai daidi maakia aatïmï ïmo gïgïbidaragai idi kïïrhi— ikaitimi. —Mos bïï aipako aimïraiña gobai dai gamaamakaiña ñoki odami, bui ñokaitai ïgai gïr aaduñi ïmadï go Moiseskaru sïïrhikamigadï dai idi gïï kiupai ïpï. Dai ïkobïrakoga bua ïgai kïkïïrhi ix makïdï maiti ïr judidiu dai tami Jerusalenïrï kiupiïrï baapa dai podukai mai xadutudai ïgai idi gïï kiupai ix makïdï ïr ïko busaidadï Diuxi— ikaiti go judidiu ïgai gïpiïrï bupaitai go Pabora.

Hechos 8:27

Dai oton jii go Pirhi dai no boiyamu ayi ïgai ïmo dunukami Etiopiïrï oidakami. Ïgai ïr tesorerogadï go reina Etiopiïrï. Kandaxi tïgidu go reina. Daidi go dunukami ïgai Jerusalenañdïrï imïitadai ïpï. Jerusalenïrï xadutudaitadai ïgai Diuxi dai ïpamu ka aa gïitadai ïgai kiiyamu.

Romanos 1:16

Mai xaïraitai aagai aanï go bhai ïrhiaragai aatagi tudu. Go bhai ïrhiaragai aatagi ïr Diuxi gubukadadï ixtukïdï kïïgakïrï bubuakïi bïïxi óídakami ix makïdï buaboitudagi. Ï ix makïdï ïpïgioma buaboitu ïr Judidiu dai xibi ix makïdï maiti ïr judidiu buaboitudaimi ïpï.

Romanos 10:12

Pomaaxi bïïxi odami bïïtarï xi ïr judiukagi, xi maiti ïr judiukagi ïpï. Diuxi ïr tïanïdamigadï bïïxi óídakami dai maakai ïmo gïdukami bhai ïrhiaraga bïïxkatai xorai tanïdagi soiñi.

Galatas 2:3

Daiñi, go bhaitï gukakami ïgai gin ïpïan dukai aagai. Ïgai ïpï pokaititadai sai go Tito mai biakatadai xi gï circuncidandoagi sai kïï biïna Diuxi ïmadï. Mai biakatadai ïgai xi gï circuncidandoagi tomaxi maiti ïr judiukatadai ïgai.

Galatas 3:28

Pomaaxi bïïxkatai aapimï ix makïdï ka buaboitudai. Xibi ïmadugan dukai gïn nïidi Diuxi bïïxkatai aapimï. Mai xudu xi ïr judiukagi ïmoko xiïpï xi maiti ïr judiukagi ïpï, xi ïr ïmo soigaxikami dukai pioñikagi ïgai xiïpï xi maiti ïr pioñikagi ïpï, xi ïr kïïrhikagi ïgai xi ïr okikagi ïpï. Mai xudu, tomax dukai ka ïmo odami dukai bii aapimï bïïxkatai bïïna darakatai Suxi Kristo.

Kolosenses 3:11

Dai xibi ka utudukatai aatïmï buaboitudadami ka mai xudu xi ïr judidiu aapimï xi ïpï ix maiti ïr judidiu. Xiïpï xi circuncidaduga aatïmï ix mai circuncidaduga ïpï. Mai xudu ix ïr mïkaxdïrï oidakamikagi ïmoko xiïpï asta xi ïr oidigana oidakamikagi ïpï. Xibi bïïxi gobai ka maiti ïr ixtumaxi gïr bïïtarï ix makïdï ïr buaboitudadami. Ka utudui bubuaka aatïmï dai ka mai buamï rïrhidi aatïmï xoraitadai aatïmï. Xibi Suxi Kristo gïr ïmadï daja bïïxkatai aatïmï buaboitudadami kaxkïdï. Dai mosïkaxi Suxi Kristo ïgai dai namïga gïr bïïtarï xibi.