VUAANA 11:55 - Northern Tepehuan Bible

⁵⁵ Aidïpïrï ka miadaimitadai go bagimigadï go judidiu ix makïdï Daibuñigïrï tïgidu. Dai mui aarhi kiikiañdïrï óídakami ka ijitadai Jerusalenamu mai kia aïkai go bagimi. Ami ibuadatadai ïgai naana maaxi xadutudaragai ix makïdï gïn biturhi ïgai dukami bakuanaragai maaxi sai podukai sai kïïgakïrï nïijadana Diuxi. Podukai bhai gïn buadana ïgai go bagimi bïïtarï.

Tepehuan Northern: Diuusi ñiooquidʌ utuducami oodamicʌdʌ

⁵⁵ Aidʌ camiaadimitadai ʌsiaa duudagai istuigaco ʌjudidíu tʌtʌgitoiña aidʌsi Diuusi cʌʌgacʌrʌ vuvaitu cajiudadʌ Ejiipituaiñdʌrʌ. Ʌsiaa duudagai pascua tʌʌgidu. Dai mui oodami ʌaali quiiquiaiñdʌrʌ iji Jerusaleenamu dai ami iduñi agai istumaasi gʌaagaitadai siduñiagi maiquiaa aʌcai ʌgʌʌ siaa duudagai.

VUAANA 11:55 ပူးပေါင်းရင်းမြစ်များ

Exodo 19:10

Dai Gïr Nukadakami itïtïdai Moises, —Mïïka aagida go Israelitas sai bakuanana yukuxidï dai bhai gïn duna xibi dai xoroko bai gokiïrï gin xadutuada ïgai.

Mataibo 26:1

Dai bhodïrï ka kugaidakai Suxi go aatagi sai bhodïrï potïtïdai ïgai mamaatïrdamigadï ïpï sai,

Mataibo 26:2

—Kïïga maatï aapimï sai ka miadimi go kïïgakïrï bubaidaragai bagimi mos arhi goka tasai bii ix aiyagi gobai tudu. Dai amaxi bagimiana gin tïïgida aagai ïmoko go dudunukami baidi ïgai gin tïañi agai muaragai kuruxiana aanï ix makïdï ïr go otosadï Diuxi dai ïmo kïïrhi busai tudu— itïtïdai.

Markos 14:1

Bhodïrï ka miadaimitadai go bagimi daibundigïrï tïgidukïdï. Aidï bagimiïrï go judidiu kuayi pan mai kopodakami. Kaxi mos arhi goka tasai biïgatadai ix aiyagi go bagimi. Dai go tïtïanïdamigadï go daxdadami ïmadï go maatïtuldiadami sïïrhikami gaagaimitadai ixdukatai yaatagidakai bhïiyagi go Suxi dai muagi.

Lukas 22:1

Dai ka miadaimitadai go bagimi ix makïdï go Pan Mai Kopodakami Bagimi tïgidu. Dai Kïïgakïrï Bubaidaragai aagaiña odami go bagimi ïpï.

VUAANA 12:1

Kia biïgatadai naadami tasai ix ïpïduñagi go bagimi ix makïdï Daibuñigïrï tïgidu dai Suxi ayi Betaniïrï xako oidakatadai go Lasaro. Idi ïr ïgai baaxi Lasaro ix makïdï duakarhitadai go Suxi.

VUAANA 13:1

Dai bhodïrï ka karhioga ayitadai go Kïïgakïrï Bubaidaragai Bagimi dai kïïga maatïkatadai Suxi sai ka miadaimitadai ix imiagi ïgai tami oidigi damaiñdïrï dai aiyagi xako daja Ogadï. Dai kïïga oigïdaitadai ïgai mamaatïrdamigadï dai xibi iduña agai ïmo maaxidaragai ix maatïka gobai xïï kïïga oigïdai.

VUAANA 18:28

Daidi ïki kiamoko go judidiu sandadarugadï baidaja go Suxi kiidïrï go kaigi dai ami go kaigi buidïrï kïsa agai. Pilato tïgidukatadai go kaigi. Dïï aidïpïrï ka miadimitadai go Kïïgakïrï Bubaidaragai Bagimi dai go judidiu bïïtarï daidarxikatadai ix bapakïda ami kiidïrï go kaigi mai judiukatai go kaigi. Ix baakiagi ïmo judiu podukai kiidïrï ïmo ix makïdï maiti ïr judiu saidi as tukurakami dukai bipiïyiña dai ka maiti ixtutuidiña ix kuadagi go bagimiïrï kuadagai. Dai kaxkïdï mai baapa ïrhiditadai go sandadaru ami kiidïrï go kaigi.

VUAANA 2:13

Daidi bhodïrï bïïxi umiïrï ka tuigako go judidiu ibuayi ïmo gïï bagimi ix makïdï Daibuñigïrï tïgidu. Dai xibi ka karhioga ayitadai gobai ix kaxkïdï jii go Suxi Jerusalenamu go bagimi bïïtarï.

VUAANA 2:6

Bai darajatadai naadami ojodai ajayi gïgïrdukami xakoga gïn ikomaiña go judidiu ix duu gïn biturhi ïgai buaboidaradï. Dai go ajayi parï ïmo ciento litro sudagi ajïi ïïmoko.

VUAANA 5:1

Dai ïmo imidagai sai ayi ixtuigako ibuadana go judidiu ïmo bagimi sai Suxi jii go bagimiana Jerusalenamu.

Hechos 21:24

Xibi aapi Pabora oijadañi go kïkïïrhi ïgai dai mïï kiupiana gï bakuanañi ïpï ïgai ïmadï ixdukatai gïr tïjai Moises sïïrhikamigadï. Daidi aa namïida aapi go daxdaragai namïgadï ïgai bïïtarï ïpï. Podukai soiñamu aapi go kïkïïrhi ïgai xi podukai kïïga ïïgiadamu ïgai Moises sïïrhikamigadï. Dai gïr aaduñi judidiu nïijadamu gobai dai maatïkamu sai aapi kïï xadutudai go sïïrhikami ïpï, dai ka mai ñokadamu ïgai.

Hechos 21:26

Daidi xadiko Pabora uraba go maakoba kïkïïrhi judidiu dai oi go gïï kiupiamu dai gï bakoi ïgai ïmadï. Dai bhodïrï baa Pabora kiupiïrï dai mïï aagidi go dadaxdadami judidiu saidi aidï abhiadïrï kubarakami tasaikïdï go maakoba kïkïïrhi kugaida agaitadai go bituldaragai. Aagidi ïpï sai aidïpïrï ïgai dasa agaitadai go dadaxdaragai bïï maakoba kïkïïrhi bïïtarï baidi gokïdï kugaidana ïgai go bituldaragai gobai.

Hechos 24:18

Kaxi iduitadai aanï go bituldaragai ix makïdï gïr biturhi Moises dai gokïdï kaxi buañixikami bitadai gin tukuga xadutudaragai bïïtarï Diuxi. Ka daxdimitadai aanï daxdaragai Diuxi baidi gin tïï go ga. Mai kaburhi gukatadai odami ami gin ïmadï dai tomarhi mai bui ñokaitadai aanï ïmadutai.

1 Korintios 11:28

Kaxkïdï abïr kïïga gïn tïgito nïida ix dukatai ibuayi gakuadatai dai gayïdatai gobai.

Santiago 4:8

Kïïga abïr uraba Diuxi tudu dai kïïga ïïmada baidi ïgai aadïrï gïn ïïmadamu ïpï ïmo gïn aadunumï dukai. Aapimï ix makïdï soimaaxi ibuayi, dagitobïrai gïn soimaaxkamiga tudu. Mai kïï maatï aapimï ix bhai kïïgakïrï oijadagi Diuxi tïgibudadï xiïpï xi oijadagi go tami oidigi daama óídakami tïgibudadï. Gobai maiti ïr tïgibudadï Diuxi tudu. Mosïkaxi Diuxi tïgibudadï abïr oijada bhaiyoma.

1Sa 16:5

—Cho, maiti tipu soi ïrhiaragai— ikaiti Samuel. —Mos daaxda iñagai idi arhi baakaxi Gïr Nukadakami bïïtarï— ikaiti. —Bhaiga abïr gïn duñi ïmo xadutudaragai bïïtarï. Abïr gïn bapaïtïbi aapimï xi dukai gïr biturhi Diuxi daidi gin uraba— itïtïdai. Bhodïrï soi Samuel go Isaí ïmadï maamaradï xi ïgai bhai gïn duna go xadutudaragai buidïrï ïpï. Dai bai ïgai sai ugana lïïchi go daaxdaragai ix makïdï buapi ïgai Diuxi.