VUAANA 1:45 - Northern Tepehuan Bible

⁴⁵ Daidi go Pirhi bhai aagai ix oidagi dai mïï gaagamu go Natanael daidi itïtïdai, —Ka tïï aatïmï ïgai ix makïdï Moiseskaru aagaiña ïïki ojadïrï. Dai ix makïdï go gaa aagadami Diuxi ñokidï aagaiña ïpï ïïki— itïtïdai. —Suxi tïgidu ïgai daidi ïr Nasaretïrï oidakami. Maradï ïgai go Jose— itïtïdai.

Tepehuan Northern: Diuusi ñiooquidʌ utuducami oodamicʌdʌ

⁴⁵ Amaasi ii ʌPiili dai gaagamu Natanieli daidʌ itʌtʌdai: ―Aatʌmʌ tʌʌ ʌcʌʌli ismaacʌdʌ aagai Moseesacaru daidʌ ʌDiuusi ñiñiooquituldiadamigadʌ aidʌsi ooja ʌgai Diuusi ñiooquidʌ. Ʌgai ʌrSuusi, Osee maradʌ Nasareetʌrʌ oidacami ―astʌtʌdai ʌPiili.

VUAANA 1:45 ပူးပေါင်းရင်းမြစ်များ

Genesis 22:18

—Kaxi ïïgidi gin kaï aapi xi Kaxkïdï gï piipixarakïdï maakimu aanï ïmo bhai ïrhiaragai abhana bïïxi oidigi dama oidakami— itïtïdai Gïr Nukadakami.

Genesis 3:15

—Dai gïn bupuidïrï gïn surhitudamu aanï aapi kooyi ïmadï go oki dai modukai gïn maamara xi gïn kïïdada agai aapimï aipakoga. Ïmoko go oki maamaradï kïixora agai gï moo pai aapi kïimu tïkabodï— itïtïdai Diuxi go kooyi.

Isa 7:14

Po tïtïdai ïgai sai, —Gïr Nukadakami gïn maaki agai aidï ïmo maaxidaragai ixtukïdï maatïkagi aapimï xi ïgai iduñi agai ix dukatai gïn aagidi ïgai ïïki. Gïn aagidamu aanï ix tumaxi ïgai daidi ïr maaxidaragai ka agai. Ïmo tïji ix makïdï mai kia abhana boo kïïrhi tïïgi agai ïmo arhi gïrhi abhana. Gobai ïgai dai maaxidaragai ka agai. Dai ka dibiakai ïgai Emanuel tïïtï agai— itïtïdai Isaias go Israelitas.

Isa 9:6

Kaxi ti oidigi dama dibia ïmo arhi gïrhi ix makïdï gïr otoxi Diuxi. Dai kïrhitukai ïgai Diuxi maa sïïrhikami xi tïanïda ïgai bïïxi aïkatai. Dai naana dukai aagadamu odami. Mai Ajïi Gïr Tïgibudagai Xïïxi Ïr Gïdukami Diuxi, dai Ïgai Ïgai Dai Gïr Maakai Diuxi Tïgibudadï tïimu odami, dai Ïgai Ïr Diuxi Ix makïdï Bïïxi Adama Ïr Gubukan Kïakami, dai Gïr Oga Tomax Tuigako Kïakami agadamu odami ïpï, dai Gïr Bhaitï Kïakamiga Gobai Ix makïdï Dodorhitudai Kokodi. Potïimu odami aagaitai Diuxi otosadï.

Miq 5:2

Diuxi ikaiti, —Chïkioma go Belen Efrataïrï óídakami xi bhai jaa kiikiïrï óídakami Judeïrï. Dïï tomax chïkidu ïgai bïïxkïrï abhaxdïrï kïkiba agai ïmo bhaitï kïakami ix makïdï tïanïda agai go Israelitas gin bïïtarï. Go ix makïdï kïkiba agai ïr pipiixaradï ka agai go ix makïdï ka bïïxkïrï abhiadïrï, toma xïï ïki gï tïgitokagi ïmoko, kia ïkioma abhiadïrï kaxi ïr oidakamikana ïgai— ikaiti Diuxi.

Mataibo 10:3

Dai ïmai otosadï Suxi Pirhi tïgidu, dai ïmai Bartolomé, dai ïmai Tomás, dai ïmai Mataibo. Go Mataibo ïr taanïdamikatadai kuota. Dai ïmai Jakobo tïgidu. Ïgai ïr Alfeo maradï. Dai ïmai Tadeo tïgidu.

Mataibo 13:55

—¿Mai ix ïr maradï gobai go bakitadami? ¿Dai mai ix Maria tïgidu dïïdï dai susukurhidï kïkïïrhi Jakobo dai Jose dai Ximuñi dai Udaxi tïtïgidu?— ikaitiña.

Mataibo 2:23

Ami ayi ïgai dai ïmo kiikiïrï óídatu xako Nasaret tïgidu. Podukai daibusai ix makïdï aagaiña go ñiñokituldiadamigadï Diuxi ïïki abhiadïrï. Ikaitiña ïgai sai, —Dibiamu go Otosadï Diuxi bai Nasaretañdïrï oidakami gï aagadamu ïgai— po tudu ikaiti ñiñokituldiadamigadï Diuxi aagaitai go Suxi.

Mataibo 21:11

Dai jaa ikaititadai, —Gobai ïr go Suxi. Ïmo ñokituldiadamigadï Diuxi gobai. Nasaretañdïrï oidakami gobai ix makïdï Galilea munisipiïrï bipiïyi— ikaititadai ïgai.

Markos 14:67

Tïï ïgai go Piduru xi ami gï ukadai tai dai kabami nïnïidi daidi potïtïdai, —Aapi ïpï ïmadï aimïraiña Suxi go Nasaretañdïrï oidakami ïrhi aanï— itïtïdai.

Markos 6:3

—Gobai mos ïr ibiixumadami uxi dai dïïdï Maria tïgidu— ikaitimi. ¿Maiti ix gïr saagida óídaga susukurhidï? Daja go Jakobo dai go Jose dai go Udaxi ïmadï go Ximuñi, dai susukurhi oki bïïxi gïr saagida óídaga ïpï— ikaitimi odami dai bhaakoi bui.

Lukas 18:37

Dai go gïmai potïtïdai saidi ïr go Suxi go Nasaretïrï oidakami dai ami imïi.

Lukas 2:4

Daidi Nasaretana oidakatadai ïmo oidakami Jose tïgidukami. Dai jii ïgai Nasaretañdïrï ix makïdï Galileïrï bipiïyi dai ayi Belenïrï ix makïdï Judeïrï bipiïyi. Go Dabidkaru ïr Belenïrï busaikamikatadai dai go Jose ïr pipiixaradï kaxkïdï biakatadai ïgai xi gamo imiagi dai ami gï ojagi.

Lukas 2:48

Dai dïïdïdï mai tïtïgaitadai ixtumaxi gïn tïtïgitoagi ïpï tïïgakai. Dai go Maria potïtïdai, —¿Gin maara, tuipïxi po gïr duñi aapi maiti gïr aagidakai dai tami bii?— itïtïdai. —Duduadimukatai gï gaagai aanï ïmadï gï oga aipakoga di— itïtïdai.

Lukas 24:27

Dai bhodïrï Suxi gï aaga tïtïgidi ñoki ï goka kïkïïrhi. Aagidi ix tïiya ïrhidi ojadï go ñokituldiadamigadï Diuxi xako aagai ïgai go Suxi. Go Moises ojadïkïdï gï aaga ïgai dai bhodïrï aagidi ix tïiya ïrhidi ojadï bïïxi go gaa ñokituldiadamigadï Diuxi ïpï xako aagai ïgai go Suxi.

Lukas 24:44

Dai bhodïrï soi Suxi tïgibudadï go mamaatïrdamigadï sai maatï kaïkana ïgai Diuxi ñokidï. Daidi potïtïdai ïgai, —Gïn tïgitobïrai aidïxi gïn aagidiña aanï sai bïïxi gï agaitadai xi po gï duñagi ix dukatai ojixi go Moises ojadïrï dai go Salmo librogadïrï dai go ojadïrï bïïxi go ñiñokituldiadamigadï Diuxi.

Lukas 3:23

Aidïxi gï aaga gaatadui Suxi go odami saagida ka biakatadai ïgai ïmokobhai dan bhaibuxtama umigi. Dai go odami po gïn ïrhidiña sai go Jose ïr ogadïkatadai. Kaxkïdï ojamu aanï xorai ïr piipixaradïkatadai go Jose. Go Jose ïr maradïkatadai go Elí.

Lukas 4:22

Dai bïïxkatai ix makïdï kaïkana ñokidï kïïga ñokaiña ïgai bïïtarï. Mai tïtïgaiña odami ixtumaxi gïn tïtïgitoagi mos ïï kïïga xigian dukai ñokaitai go Suxi daidi ikaitiña, —¿Xako máí ïgai mos ïï bhai maaxkami ñoki? Tanaidïrï gïr saagida oidakami gobai di. ¿Mai ix ïr go Jose maradï gobai?— ikaitiña.

VUAANA 12:21

Dai ami dajatadai go Pirhi ïpï. Betsaidïrï oidakami ïgai ix makïdï Galileïrï bipiïyi. Dai go odami ix makïdï maiti ïr judidiu aagidi go Pirhi sai nïida ïrhidi go Suxi.

VUAANA 14:8

Daidi Pirhi itïtïdai aidï, —Gïr Nukadakami, mosïkaxi gobai gïr biïga, ix nïijada aatïmï gï Oga. Gïr tïïgidañi ix nïijada aatïmï kïïgakïrï— itïtïdai.

VUAANA 18:5

Daidi go sandadaru itïtïdai, —Gaagaimi aatïmï Suxi go Nasaretïrï oidakami— itïtïdai. Dai Suxi itïtïdai, —Aanï an ïgai— itïtïdai. Daidi go Udaxi ix makïdï gatïïgi go Suxi ami kïakatadai ïpï.

VUAANA 18:7

Baidi go Suxi itïtïdai ïpamu, —¿Borai gaagaimi aapimï?— itïtïdai. Daidi go sandadaru itïtïdai, —Gaagaimi aatïmï Suxi go Nasaretïrï oidakami— itïtïdai.

VUAANA 19:19

Dai go Pilato gatïjai ïmo ojixikami saidi ami kuruxiana dasana ix makïdï ikaititadai, IDI ÏR SUXI GO NASARETÏRÏ OIDAKAMI DAI REYGADÏ GO JUDIDIU, ikaititadai go ojixikami.

VUAANA 21:2

Ami darajatadai go Ximuñi Piduru ïmadï Tomás, ix makïdï kuatai aagaiña odami, ïmadï Natanael go Kanañdïrï oidakami. Dai ami darajatadai maamaradï Zebedeo ïpï ïmadï jaa goka mamaatïrdamigadï.

VUAANA 6:42

Dai po kaiti ïgai, —¿Maiti ix tudu idi ïr go Jose maradï? ¡Aatïmï kïï maatï dïïdïdï di! ¿Tuixidï pokaiti gobai sai tïbagiañdïrï dibia?— ikaiti go judidiu.

VUAANA 6:5

Dai tïïgakai Suxi ix arhi muidutugai odami saidi itïtïdai ïgai go Pirhi, —¿Xako sabïdana aatïmï kuadagai dai bhibhidana mos ïïki odami?— itïtïdai.

VUAANA 6:7

Daidi go Pirhi itïtïdai aidï, —Go ciento plata tuminxi aïkami pan xadïrï ayimudai ix bïïxkatai ïgai ugiagi tomaxi lïïlïchi— itïtïdai.

Hechos 10:38

Dai kïïga maatï aapimï ïpï sai Diuxi maa ïïgi Ibhïadï go Suxi ix makïdï ïr Nasaretïrï oidakami sai ïgai biakagi gubukadadï Diuxi Ibhïadï. Aipakoga aimïraiña go Suxi dai Diuxi Ibhïadï gubukadadïkïdï soi ïgai mui odami dai duduadi ïgai mui ix makïdï Diabora soi buididitadai. Diuxi ïmadï dakatadai go Suxi kaxkïdï pomaaxi ibuadana ïgai— itïtïdai Piduru.

Hechos 2:22

Bhodïrï Piduru oi aatagidï daidi ikaiti, —Kaïkabïrai aapimï Israelïrï oidakami. Kïï maatï aapimï sai Diuxi maa gubukadagai Suxi go Nasaretañdïrï oidakami. Kaxkïdï kïïga maatiga maaxi xi ïgai ïr Diuxi otosadïkatadai. Go Suxi idui naana maaxi maaxidaragai aapimï gïn buitapi ix makïdï ïïgi Diuxi ixtutuidi xi buadagi di. Dai aapimï ïr nïijadami gobai.

Hechos 22:8

—¿Borï aapi tïanïdami?— itïtïdai aanï aidï. Daidi go tïbagiañdïrï ñoki ikaiti, —Aanï ïr Suxi go Nasaretañdïrï oidakïdï— ikaiti. —Dai soi gin buayi aapi—.

Hechos 26:9

Dai bhodïrï Pabora oi aatagidï daidi ikaiti, —Aanï pobai gin ïrhiditadai ïïkioma ix gï agaitadai xi kabami soi buadagi aanï go buaboitudadamigadï go Nasaretañdïrï oidakami, go Suxi Kristo tudu.

Hechos 3:6

Dïï go Piduru mos potïtïdai, —Maiti an bia tuminxi dïï gia ïma maaxi gia gï maakimu aanï— itïtïdai. Dai bhodïrï itïtïdai, —Kïkibañi dai aimïrada gubukadadïkïdï Suxi Kristo go Nasaretañdïrï oidakami— itïtïdai Piduru.