VUAANA 1:29 - Northern Tepehuan Bible

²⁹ Xadiko go Juan tïï go Suxi ix no imïitadai daidi itïi tïïgakai, —Daiñi bhodïrï imïi ix makïdï ïr Diuxi otosadï kañiru gï dukami. Ïgai oigïrhi biamu soimaaxkamigadï oidigi daama óídakami— itïi go Juan.

Tepehuan Northern: Diuusi ñiooquidʌ utuducami oodamicʌdʌ

²⁹ Siaadico ʌVuaana nʌidi isvuidʌrʌ imʌi ʌSuusi. Daidʌ ʌVuaana itʌtʌdai ʌoodami: ―Dañi gooviava ʌgai ismaacʌdʌ ootoi Diuusi sai gʌmuaatudana curusiaba vai poduucai Diuusi istuidʌna isoigʌldiagi oodami soimaascamigadʌ. Poduucai goSuusi ʌrʌpan ducami ʌali cañiiru ismaacʌdʌ ʌʌquioma gʌraaduñicaru coodaiña sai Diuusi oigʌldiña soimaascamigadʌ.

VUAANA 1:29 ပူးပေါင်းရင်းမြစ်များ

Isa 53:10

Gïr Nukadakami ïgai dai ipïrhi xi soi maaxi taatamituldagi otosadï dai xi taatagi ïgai gïïgïbidaragai. Gï tïïgitu ïgai ïmo daxdaragai bïïtarï ixtukïdï buanadagi odami soimaaxkamigadï mai ïïgidakai odami Diuxi. Kaxkïdï ïpamu duakatumu dai ka mai mukimu ïpamu xi podukai tomaxi mutadai bïïxkïrï mamarta agai dai oidatu agai piipixaradï. Go piipixaradï ïr odami ix makïdï buaboituda agai. Bïïxi naato iduñimu ïgai dai kïï ïldatudamu aaduindagai ix makïdï Diuxi iduña ïrhidi.

Isa 53:11

Gïr Nukadakami otosadï kïï tuigakïdï nïidamu gïïgïbidaragai ix makïdï taata ïgai ix xïï gïïpi ïr soiñi ka agai dai kïï bai gï ïldamu nïiditai. Ïgai bhïï aimïrada agai soi maaxkamigadï mui odami dai podukai kïïgakïrï bubaida agai.

Isa 53:7

Odami soi buididi otosadï Gïr Nukadakami dai gïikarai bïïxi. Dïï ïgai mai taadaga. Gï muatu ïgai ïpïan dukai kañiru dai ïgai mai ñokai. Mos dodorhi bii. Ix maaxi kaatïkana kañiru xudu odami ikidagi popodï podukai dodorhi bii otosadï Gïr Nukadakami.

Numeros 21:9

Daidi podui go Moises. Idui ïgai ïmo kooyi bhronsekïdï dai ïmo bandera uxiaradïana xixa. Dai xorai biakagi kooyi kïidï mosïkaxi gï agaitadai xi nïñiada ïgai go bhronsekïdï kooyi dai ka kïïgakïrï bubuakïna.

Mataibo 1:21

—Go Maria buapa agai ïmo arhi xïïñi pai aapi Suxi tïïtïmu. Go arhi odami kïïgakïrï bubaida aagai aaduñdï. Kaxkïdï Suxi tïïtïmu ïgai ix makïdï itïiya ïrhidi kïïgakïrï bubiadami— itïtïdai.

Mataibo 20:28

—Gï agai xi gin ïpïan buadagi aapimï tudu. Aanï dibia tami oidigi daama ïmo pioñi dukai dai ïïgi gin tïïgida iñagai saidi soi gin buidadagi daidi gin muagi gin buidïrï bïïtïkamiga. Mukimu aanï dai kïïgakïrï bubaidamu mui óídakami. Podukai dasamu aanï namïgadï ix makïdï buaturhi ïgai soimaaxi ibuadamikatai ïgai tudu. Ïmo pioñi dukai aanï óídakami bïïtarï tudu tomaxi aanï ïr go Diuxi otosadï ix makïdï ïmo kïïrhi busai dai kïïga bia aanï sïïrhikami ix kabami tïanïdagi óídakami— itïtïdai.

VUAANA 1:35

Dai xadiko no kïakatadai Juan ïmadï goka mamaatïrdamigadï

VUAANA 1:36

dai tïï ïgai go Suxi ix no imïitadai daidi itïtïdai ïgai go gaa, —Daiñi bhodïrï imïi Diuxi Otosadï Kañiru— itïtïdai.

VUAANA 1:43

Xadiko Galileamu imi agai Suxi dai no xibhï tïï ïgai go Pirhi. Go Pirhi ïr Betsaidïrï oidakami ïmadï go Andïrïxi dai Piduru. Dai Suxi potïtïdai go Pirhi tïïgakai, —Gin oidañi— itïtïdai.

VUAANA 2:1

Bhodïrï abhiadïrï baika tasaikïdï oidatu ïmo kunataragai ïmo arhi kiikiïrï xako Kana tïgidu. Go Kana Galileïrï bipiïyi. Dai Maria, Suxi dïïdï, jii gamoko go kunataragai bïïtarï.

VUAANA 3:16

—Diuxi sïïrhikïdï kïïga oigïdai bïïxi oidigi daama óídakami dai kaxkïdï gin otoi ïgai aanï ix makïdï ïr Maradï ïmadugakïdï. Gin otoi ïgai an sai mukuna bai mai kona ix makïdï gin buaboitudagi dai bhaiyoma bïïxkïrï bïïtarï óídakana.

VUAANA 4:42

Dai go makïdï buaboitu itïtïdai go oki, —Mai xu mos buaboitu aatïmï kaïkai ix gïr tïtïdai aapi aagaitai aapi go Suxi, xibi ïïgi aatïmï kaï ix kaiti Suxi kaxkïdï buaboitu aatïmï. Kïï maatï aatïmï sai ïgai ïr go Ga Bhaitï Kïakami ix makïdï kïïgakïrï bubaida agai bïïxi oidigi daama óídakami— itïtïdai go ix makïdï buaboitudai.

VUAANA 6:51

Aanï tudu ïr ix makïdï tïbagiañdïrï dibia dai ïr pan duakakami gin dukami dai odami ix makïdï ugiagi gobai óídaka agai bïïxkïrï bïïtarï. Gin tukuga tudu ïgai daidi ïr go pan gï dukami dai aanï gatïïgida iñagai gin tukuga ix oidigi daama óídakami ugana dai kïïgakïrï óídakana— itïtïdai Suxi.

Hechos 13:39

Bïïxi odami ix makïdï buaboitudagi go Suxi Kristo ka mai bia soimaaxkami gïn abhana ixtukïdï gïn aiyagi gïgïbituldaragai. Dïï go Moiseskaru ojadï sïïrhikami xadïrï podukai kïïgakïrï bubaidana odami sai ka mai tipukana soimaaxkami gïn abhana. Kaxkïdï ka maiti ïr gïpiïrï bïïtïkamikagi ïgai.

Hechos 8:32

Daidi go dunukami aagaitadai Diuxi ñokidïrï xako ikaiti ojai sai, Mai taada jii ïgai aidïxi gï baidakatu ïgai dai gï muatu. Ïgai ïpïan dukai jii ïmo kañiru dai mai suakai xudu gï muatudagi. Mos mai taada daja ïgai ïpïan dukami ïmo kañiru maara ix makïdï mai suakaiña xuduku gï ikidagi.

1 Korintios 15:3

Daiñi, gïn aagidi aanï go bamioma namïakïdï ñoki ix makïdï gin maatïturhi Suxi Kristo. Gïn aagidi aanï tudu sai Suxi Kristo muu ix dukai ojixi Diuxi ñokidïrï. Dai sai podukai bhai dui ïgai sai oigïrhikan biïna aatïmï gïr soimaaxkamigakïdï.

2 Korintios 5:21

Gïn aagidamu aanï ïmo ixtumaxi aagaitai aanï go oidaragai ix makïdï gïr maakai Diuxi tudu. Daiñi, Diuxi dáí go Suxi ïmo daxdaragai dukai sai buanana gïr soimaaxkamiga mai soimaaxi ibuadamikatai ïgai toma lïïchi. Po dui ïgai saidi ka bïïna biiyagi aatïmï Suxi Kristo sai podukai buañixikami biiyagi aatïmï ïpïan dukai Diuxi. Gobai tudu ïr go gïï oidaragai ix makïdï gïr maakai Diuxi.

Galatas 1:4

Suxi Kristo tudu ïgai dai ïïgi gï tïïgi sai gï muatudana ïmo daxdaragai dukai dai bhai duñagai gïr soimaaxkamiga sai ka kïï biïna aatïmï Diuxi ïmadï. Podukai idui ïgai dai kïïgakïrï gïr bubaitu bïïxi go soimaaxkamiañdïrï ix makïdï oidaga tami idi oidigi daama. Podukai ipïrhi Diuxi gïr Oga sai ïïgi gï tïïgidana Suxi gïr bïïtarï tudu xi kaxkïdï gï tïïgi ïgai dai gï muatu.

Galatas 3:13

Dïï gia Suxi Kristo taata go gïgïbidaragai gïr bïïtarï mukukai kuruxiana1 dai kïïgakïrï gïr bubaitu. ¿Mai ix podukai aagai go Diuxi ojadï? Ami ikaiti sai, Xorai uxiana nagiïkagi tukugadï ïgai maaxitudai sai bia ïgai ïmo gïgïbidaragai Diuxiañdïrï, ikaiti go ojai. Kaxkïdï gï maatï sai Suxi Kristo taata go gïgïbidaragai gïr bïïtarï.

1 Tomoteo 2:6

Ïïgi gï tïïgitu Suxi Kristo tudu sai muana jaa ïmo daxdaragai dukai. Podukai bhai dui ïgai bïïxi óídakami bïïtarï sai ïgaikïdï kïïgakïrï bubuakïna óídakami. Ïgai dibia tami oidigi daama ixtuigako Diuxi ipïrhi xi dibiana dai gïr maaxiturhi sai Diuxi ipïrhidi ix kïïgakïrï bubuakïna bïïxkatai óídakami.

Tito 2:14

Suxi Kristo tudu ïgai dai gï dagito ix gï muatudagi kïïgakïrï gïr bubaiditai gïr soimaaxkamiañdïrï. Podukai bhai dui ïgai saidi ïr aaduñdïkana aatïmï Diuxi kïïga buañixikami gïr biakai ïgai. Dai xibi ka kïïgakïrï buabuakïkai aatïmï ipïrhidi ïgai sai bïïxi gïr bhai ïrhiarakïdï ibuadagi aatïmï ixtumaxi ïr kïïga.

Hebreos 1:3

Diuxi Maradï kïïga ïmadugan tuiga Diuxi ïmadï dai maatïkatai aatïmï Diuxi Maradï podukai máí aatïmï xïï gïïdu dai xïï xigiamaaxi Diuxi. Dai ñokidï Diuxi Maradï sïïrhikïdï gubuka. Go ïïgi ñokidïkïdï gatïanïi ïgai bïïxi ixtumaxi dai nukadai ïpï sai mai xia gï buadagi. Ïgai tudu bhai dui ix dukatai gï buanadagi gïr soimaaxkamiga gïr ibhïdagïrï. Dai bhodïrï kaxi gïr buanakai jii ïgai tïbagiamu dai ami daiba sïïrhixapadïrï Diuxi ix makïdï bïïxi adaama gubuka.

Hebreos 2:17

Suxi dibia go Ga bhaitïkïakami Dadaxdadami dukai bhai duña agaitai gïr soimaaxkamiga bïïtarï. Dibia ïgai dai gï muatu adaama kïïgadukïdï daxdaragai dukai gïr bïïtarï tudu. Podukai bïïxi naato aa namïki ïgai gïr soimaaxkamiga ixtukïdï buatulda dukai bitadai aatïmï Diuxi bïïtarï. Dai ïmo kïïgadukami gabhaitïkïakami dadaxdadami bia xi soi gï ïlda nïijada odami. Ïma dukai dukatai kïïga ibuadana ïgai aaduindadï bhai buadatai ïgai odami bïïtarï buitapi Diuxi Kaxkïdï gï agaitadai sai odami busiagi Suxi sai podukai ïmo kïïrhikatai kïïga maatïkagi ïgai ix taadakana aatïmï. Podukai soi gï ïrhi Suxi gïr bïïtarï dai kïïga idui aaduindadï gïr bïïtarï Diuxi buitapi.

Hebreos 9:28

Dai podukai ïpï Suxi Kristo ïïgi gï dáí mosïkaxi ïmo imidagai ïmo daxdaragai dukai. Podui ïgai bhai buadatai mui óídakami bïïtarï soimaaxi ibuadamikatai óídakami. Dai gobai ix makïdï idui ïgai, gï dasakai ïgai mos arhi ïmo imidagai ïmo daxdaragai dukai óídakami bïïtarï, gobai bïïxkïrï bïïtarï namïaka agai. Dai gokiïrï ïpamu dibiagai ïgai dïï mai daamioma ïpamu bhai buada agaitai gïr soimaaxkamiga bïïtarï. Bhaiyoma dibiagai ïgai dai kïïgakïrï bubaida aagai bïïxkatai ix makïdï bhai ïrhiarakïdï nïnïraka ix dibiagi ïgai ïpamu. Ka bhai dui ïgai kïïgakïrï bubaidaragai bïïxkïrï bïïtarï tudu.

1 Pedro 2:24

Aatïmï gïr ajïakatadai gïgïbidaragai soimaaxi ibuadamikatai aatïmï tudu dïï gia Suxi taata go gïgïbidaragai gïr bïïtarï mukukai kuruxiana. Po dui ïgai saidi ka maiti gïr tïanïdagi go soimaaxkami. Ïpïan dukami gïr bia ïgai ïmo mukiadï ix makïdï ka mai bhaiga xi ïïgiadagi go soimaaxkami tudu. Ka mai bia aatïmï xi ïïgiadagi go soimaaxkami tudu ka koidadï dukai biïkai aatïmï go soimaaxkami bïïtarï. Po dui ïgai sai ka ïma dukai óídakagi aatïmï ibuadatai ixtumaxi ipïrhidi Diuxi. Gï muragitu ïgai saidi kïïgakïrï bubuakïna aatïmï tudu.

1 Pedro 3:18

Asta Suxi Kristo soimaaxi taata kïïga ibuadatai ïgai tudu. Muu ïgai bhai buadatai gïr soimaaxkamiga bïïtarï. Dai podukai bhai dui ïgai gïr bïïtarï bïïxkïrï bïïtarï dai ka mai biïga bamioma daxdaragai xibi. Kïïga buañixikami ïgai tudu dai muu ïgai aatïmï soimaaxi ibuadami gïr bïïtarï sai kïï biïna aatïmï Diuxi ïmadï. Gï muatu tukugadï tudu dïï gia gï duakaturhi ïpamu Ibhïadï.

1 Juan 2:2

Suxi Kristo muu gïr bïïtarï ïmo daxdaragai dukai dai bhai dui gïr bïïtarï Diuxi ïmadï soimaaxi ibuadamikatai aatïmï. Dai mai xu xi mosïkaxi aatïmï gïr soimaaxkamiga bïïtarï bhai dui ïgai. Bhai dui ïgai bïïxi go gaa oidigi daama óídakami soimaaxkamigadï bïïtarï ïpï.

1 Juan 3:5

Dai kïïga maatï aapimï sai Suxi Kristo mai soimaaxi ibuayi tomarhi ïmo imidagai. Dai bhaiyoma dibia ïgai tami oidigi daama buanada agaitai gïr soimaaxkamiga.

1 Juan 4:10

Tomaxi mai oigïdaitadai aatïmï Diuxi ïgai gia bïïxkïrï gïr oigïdai dai otoi Maradï sai mukuna ïmo daxdaragai dukai. Podukai gïr buañidi ïgai gïr soimaaxkamiga tudu. Agia gïr oigïdai Diuxi dai pomaaxi idui gïr bïïtarï.

Apokalipsis 1:5

Dai Suxi Kristo ïgai dai kïïga aagai ixtumaxi ïr buaboi dai ïgai ïr ïpïgadï ix makïdï muu dai ïpamu duakatu dai ka mai muki agai ïpamu. Dai ïgai ïr Tïanïdamigadï bïïxi gupudagai bipiakami oidigi daama óídakami. Suxi Kristo kïïga gïr oigïdai. Daiñi, aaxi ïgai ïradï mukukai dai podukai kïïgakïrï gïr bubaitu gïr soimaaxkamiañdïrï.

Apokalipsis 12:11

Dai go buaboitudadami maitï go diabora mukukai go Arhi Kañiru agaikïdï dai aaxtakai ïgai ïradï ïmo daaxdaragai dukai. Ga maitï ïgai buaboidaitai go bhai ïrhiaragai aatagi. Gobai ïr ï galbaaxi aatagi ix makïdï bïïxi aipakoga aagaiña ïgai tudu. Dai mai buamï ïrhidiña ïgai tomaxi jaa kodaiña buaboidaradïkïdï.

Apokalipsis 13:8

Dai bhaitoma bïïxi oidigi daama óídakami xadutuada agai go kïixi Diuxi dukai. Dïï gia go odami ix makïdï ojixi go libroïrï ix makïdï bia go Arhi Kañiru ïgai gia mai xadutuada agai go gïï kïixi. Go Arhi Kañiru ïgai makïdï gï muatu dai bia ïmo libro xako ojixi odami ix makïdï bïïxkïrï bïïtarï óídaka agai. Aidï abhiadïrï xi mai kia kïkibatadai oidigi biakana ïgai go libro tudu. Dai odami ix makïdï ojixi ami libroïrï gia mai xadutuada agai go gïï kïixi.

Apokalipsis 14:1

Dai bhodïrï tïï aanï go Arhi Kañiru agaikïdï xi kïïka go gidiana xako Sión tïgidu gidi. Dai ïmadï gukatadai mui odami ix makïdï kokobadïrï ojixi tïtiaradï go Arhi Kañiru dai tïtiaradï Ogadï ïpï. Ïmo ciento dan gokobhai dan maakoba mirhikatadai ix makïdï ami guka.

Apokalipsis 14:4

Go nïdami ïgai ïr kïkïïrhi ix makïdï mai ïmadï dïgabusai oki dai kïï buañixikatadai ibhïadï. Kïïga ïïgidiña ïgai go Arhi Kañiru dai aipakoga oidiña. Ïgai ïr Diuxi ïkobai bubaidadï tudu ix makïdï Diuxi sabïrhi go gaa óídakami saagidañdïrï go Arhi Kañiru ïradïkïdï. Go nïdami ïgai ïr daxdaragai dukai ïpï ïpïan dukai go daxdaragai ix makïdï ibuadana aatïmï judidiu. Aatïmï xïïxkadï gayoba agadagi gïr ïxi ibuadana aatïmï daxdaragai Diuxi bïïtarï tudu. Dadaxdiña aatïmï Diuxi go gïr ïxi ibhiadï ix makïdï ïpïgioma yoobagi aatïmï dai ix makïdï bamioma kïkïïgadu. Pomaaxi go kïkïïrhi ïgai. Ïmo daxdaragai dukai ïgai Diuxi bïïtarï kïï buañixikatai ïgai dai ïko darakatai ïgai Diuxi bïïtarï.

Apokalipsis 15:3

Dai xibi ganïyitadai ïgai nïidadï go Moiseskaru ix makïdï ïr Diuxi pioñigadïkatadai. Dai ganïyi ïgai go Arhi Kañiru nïidadï ïpï. Dai nïidadï ikaiti sai, —Gia gubuakami dukai dai xigian dukai aatabuayi aapi Diuxi Aapi ïgai dai adaama gatïanïi dai adaama ïr gubuakïdï Sïïrhi aatabuayi aapi gatïanïitai aapi bïïxi go oidigi daama óídakami

Apokalipsis 17:14

—Daidi go bhaibuxtama gïgïrï dudunukami ïmadï go gïï sudagiañdïrï busaikïdï kïixi bui surhigi agai go Arhi Kañiru xi go Arhi Kañiru maitïmu. Ïgai tudu ïr adaama Tïanïdami dai adaama ïr Rey. Kaxkïdï maitïmu ïgai go bhaibuxtama gïgïrï dudunukami dai go kïixi. Dai odami ix makïdï Diuxi báí dai ïko darai dai ix makïdï mai dagitokai buaboitudai, uraba darakamu go Arhi Kañiru aidï kokodiïrï— in tïtïdai go Diuxi tïañikarudï.

Apokalipsis 19:7

—Gï agai sai kabami bhai gïr ïrhiadagi aatïmï dai oigïda ñokadagi Diuxi bïïtarï aagaitai xi ïr gïdukami ïgai. Kaxkïdï tudu ka ayi ix tuigako go Arhi Kañiru ïmadï biiyagi nobiagadï. Dai nobiagadï ka bhai gï dui.

Apokalipsis 19:9

Dai go tïañikarudï Diuxi pobai in tïtïdai, —Ojañi aapi adukai, Diuxi ikaiti sai, —Gia bhai gïn ïrhidi bïïxkatai ïgai ix makïdï ïr bapaidarxikami kunataradïrï go Arhi Kañiru— —Gobai ïr ïmo Diuxiañdïrï imïdami ñoki tudu dai kïïga ïr buaboi. Gobai oja aapi— in tïtïdai go tïañikarudï Diuxi.

Apokalipsis 21:14

Dai nïidi aanï simientogadï go kurarai ïpï dai bhaibuxtama dan goka ojodaikïdï duñixi. Dai ami ojodiana ojixi go bhaibuxtama dan goka tïtiaradï go Arhi Kañiru ojotosadï. Suxi Kristo ojotosadï tudu.

Apokalipsis 21:27

Dïï gia mai bakimu ami tomarhi ïmo ixtumaxi soimaaxkami dai tomarhi ïmo odami ix makïdï tukurhimagi ibhïadï soimaaxi ibuadatai xiïpï yaatagïitai. Ïgai tomarhi ïmo imidagai mai bapakimu ami. Mosïkaxi odami ix makïdï ojixi librogadïrï go Arhi Kañiru tïgidukïdï xako ojixi xorai bïïxkïrï bïïtarï óídaka agai. Ïgai gia bia oigaragai ix bapakïdagi ami.

Apokalipsis 21:9

Dai bhodïrï gin ñokidi ïmo tïañikarudï Diuxi. Ïgai ïr ïmadutai go kubarakami Diuxi tïtïañikarudï ix makïdï bia kubarakami ajasokorhi biakami gïgïbidaragai. Pobai in tïtïdai ïgai, —Gimi, gï tïïgidamu aanï nobiagadï go Arhi Kañiru ix makïdï onta agai ïgai— in tïtïdai.

Apokalipsis 5:6

Dai bhodïrï nïidi aanï xi ami kïakatadai ïmo arhi kañiru. Kïï maaxi tukugadïana ix odami muatadai ïmo daxdaragai bïïtarï. Dai xako kïakatadai ïgai, ami xikorhi gukatadai go maakoba duduakakami ixtumaxi dai maigobioma xikorhi darakatadai go bhaitï gukakami. Ïmokobhai dan maakoadu ïgai. Dai go arhi kañiru ami kïakatadai go gïdukïdï daikarui abhana dai kubarakami aagadï dai kubarakami bupuidï ïpï. Dai go gaa maigobai xikorhi gukatadai. Go kubarakami bupuidï go arhi kañiru ïr ïmo maaxidaragai aagaitai bïï sudakami Diuxi Ibhïadï gubukarhigadï ix makïdï go kañiru otosda agai aipakoga oidigi daama.

Apokalipsis 5:8

Dai bhïkai ïgai go libro bai go maakoba duduakakami ixtumaxi ïmadï go ïmokobhai dan maakoba bhaitï gukakami bïïxkatai buidïrï kuiki xadutudaitai. Bïïxkatai daagïka ibakarui harpa tïgidukami ixtukïdï ibadagi. Dai daagïi oro ajasokorhi ïpï susudakami kubhimadarhi xigian ubadami ix makïdï ajïi Diuxi buitapi ïpïan dukai xi buaboitudadami daanïdaradï ajïi Diuxi buitapi ïpï. Podukai go kubhimadarhi ïr ïpïan dukami go daañigai ix makïdï aïjïiña Diuxi.

Apokalipsis 6:1

Dai bhodïrï nïidi aanï ïgai ix makïdï Arhi Kañiru tïgidu ix murhi dai upai ïmoko go seyo ixtukïdï kuupidi go libro. Dai kaï aanï ix kabami ño ïmadutai go maakoba duduakakami ixtumaxi. Ïpïan kaiti ïgai kobondami dai ñokidi ïgai ïmoko ix makïdï aanï mai kia nïiditadai daidi potïtïdai, —Gimi— itïtïdai.

Apokalipsis 6:16

Dai bïïxkatai potïtïdaiña go tutubidakai dai go baapaburhi, —Surhigibïrai dai gïr iña bai maiti gïr nïijada ïgai ix makïdï go gïï daikaruana daja bai mai soimaaxi gïr taatamiturhiña go Arhi Kañiru tïgidukïdï. Ka arhiï bhaamu ïgai gïr bui

Apokalipsis 7:14

Dai potïtïdai aanï, —Aapi bhaitï kïakami, aapi maatï xorai ïgai. Aanï gia xadïrï maatïkana— antïtïdai aanï. Daidi pobai in tïtïdai go bhaitï kïakami, —Gobai ïr go odami ix makïdï kabami soimaaxi taatamaiña buaboidaitai gobai go Arhi Kañiru tïgidukïdï. Kïïga bapakoi gobai yukuxidï dai totoatu ïradïkïdï go Arhi Kañiru ix makïdï itïiya ïrhidi sai kïïga buañidi bïïxi soimaaxi iibhïadïañdïrï— ikaiti.

Apokalipsis 7:17

Go Arhi Kañiru ix makïdï go gïï daikarui sonoana kïïka ïgai dai nukadakamu ïpïan dukai xi ïmo odami nukadai sosoigadï kañiñiru. Bhaitï imimu ïgai dai tïïgidamu xajadïrï busanïi go sudagi ixtukïdï kïïgakïrï óídakana odami bïïxkïrï bïïtarï. Dai Diuxi buañimu suañibharudï xi ka mai soi gïn ïrhiada ïgai tomarhi ïmo imidagai— ikaiti go bhaitï kïakami.