VUAANA 1:19 - Northern Tepehuan Bible

¹⁹ Ïmo imidagai go fariseos Jerusalenïrï óídakami gatïkaka ïrhiditadai go Juan as tuma sïïrhikami biakami ïgai. Ga tïkaka ïrhiditadai dai otoi dadaxdadami ïmadï ïpï jaa kiupiïrï aatabuadami sai mïï gatïkakana. Dai go ix makïdï iji dai gatïkaka agai bïïxkatai ïr go Lebikaru pipiixaradïkatadai. Daidi itïtïdai ïgai go Juan, —¿Borai aapi dai ix tuma sïïrhikami biakami aapi?— itïtïdai.

Tepehuan Northern: Diuusi ñiooquidʌ utuducami oodamicʌdʌ

¹⁹ Ʌfariseo Jerusaleenʌrʌ oidacami ootoi papaali ʌʌmadu pipiooñigadʌ sai tʌcacana ʌVuaana soor ʌgai.

VUAANA 1:19 ပူးပေါင်းရင်းမြစ်များ

VUAANA 1:7

Dai dibia ïgai dai gamaakaiña ñoki aagaitai go ix makïdï Kudagi tïgidu. Ga mamaakaiña ïgai ñoki ipïrhiditai sai odami buaboitudagi go ix makïdï Kudagi tïgidu.

VUAANA 10:24

Daidi chïki bhaitï gukakamigadï go judidiu potïtïdai Suxi xikorhi gukibakai, —¿Tui pïxi mai gïr aagida ïrhidi xorai aapi? Gïr aagidañi kïïga ix bhai ïr Ga Tïanïdami aapi tudu— itïtïdai go judidiu.

VUAANA 10:31

Dai mos potïkai Suxi saidi mos ïr ïmo odami ïgai ïmadï Ogadï baidi go judidiu bui ojodai ïpamu dai maikarsa agaitadai mua ïrhiditai.

VUAANA 11:19

Dai muidutai judidiu Judeañdïrï óídakami daibiditadai go Maruta ïmadï Maria sai podukai mai kabami soi gïn ïrhidiña ïgai.

VUAANA 2:18

Daidi go judidiu ñokidi go Suxi daidi itïtïdai, —¿Tuma sïïrhikami bia aapi dai pomaaxi gatïanïdan buayi aapi go gïï kiupiïrï?— itïtïdai. —Gïr tïïgidañi ïmo maaxidaragai ix maatïka aatïmï ix bhai Diuxi gï maa sïïrhikami ix pomaaxi buadagi— itïtïdai.

VUAANA 2:20

Daidi go judidiu potïtïdai Suxi, —¡Xadïrï ixtuidana aapi ix bañigidagi baika tasaikïdï! ¡Gokobhai dan naadami umigi gïn aaga go bañigidadami dai idui di! ¿Dukatai bañigidana aapi mos arhi baika tasaikïdï aidï?— itïtïdai.

VUAANA 5:10

Dai gokiïrï go judidiu itïtïdai go kïïrhi, —¿Tuipïxi kusuba imïi aapi gï baakoxi xibi ibhïxtaragai tasïrï? Go Moiseskaru sïïrhikamiana gïr daidi ix gaatabuadagi ibhïxtaragai di— itïtïdai.

VUAANA 5:15

Dai jii go kïïrhi abhiadïrï dai mïï aagidi go judidiu sai Suxi ïgai ix makïdï duaditadai.

VUAANA 5:16

Baidi gokïdï go judidiu gaagaitadai ixdukatai soi buadagi go Suxi. Mai bhai ïrhidi ïgai ix Suxi duduaditadai odami ibhïxtaragai tasïrï.

VUAANA 5:18

Dïï go judidiu bamioma gaagaitadai ixdukatai muagi go Suxi kaïkai ñokidï. Bhakoi ïgai Suxi bui gaatabuadatai ïgai ibhïxtaragai tasïrï dai potïkai ïpï saidi ïr Diuxi maradï. Ïpïan ïxi gï namïaturhi Diuxi potïkai saidi ïr Diuxi maradï dai go judidiu bïïtarï gobai ïr ïmo gïdukami parunaragai Diuxi bui. Kaxkïdï mua ïrhiditadai ïgai.

VUAANA 6:41

Daidi go judidiu bui ñiño go Suxi mos potïkai ïgai saidi ïr go pan ix makïdï tïbagiañdïrï dibia.

VUAANA 6:52

Dai go judidiu aipako gïn tïkakai daidi ikaiti, —¿Dukatai gatïïgidana gobai ïïgi tukugadï sai ugana aatïmï?— ikaiti.

VUAANA 7:1

Dai gokiïrï aipako aimïraitadai Suxi xako Galileïrï tïgidu oidigi dai ka maiti ipïrhi ix imiagi Judeamu. Go judidiu bhaitï gukakami mïï Judeana óídakami mua ïrhiditadai kaxkïdï mai imia ïrhiditadai Suxi gamoko.

VUAANA 7:11

Daidi go bhaitï gukakami judidiu ami darakatadai bagimiana dai aipako gaagaimi go Suxi dai gatïkakaimi odami sa bhai mai nïiditadai.

VUAANA 7:15

Daidi go bhaitï gukakami judidiu mai tïtïïgaitadai ixtumaxi gïn tïtïgitoagi kaïkai aatagidï go Suxi daidi ikaiti, —¿Ix dukatai máí mos ïxi aatagi? Tomarhi ojiïrï mai daiba gobai di— ikaiti go bhaitï gukakami judidiu.

VUAANA 8:22

Dai go judidiu ikaiti, —¿Ïïgi ix gï muatuda agai go Suxi daidi ikaiti sai mai ixtuidimu aatïmï ix dukatai aiyagi amïka xako imi agai gobai?— ikaiti.

VUAANA 8:48

Daidi go judidiu itïtïdai, —Aa gia Samarhiïrï oidakami maaxi tuiga aapi biakatai ïmo diabora tïañikarudï gï abhana— itïtïdai.

VUAANA 8:52

Daidi go judidiu itïtïdai aidï, —Aa gia ïr buaboi sai bia aapi ïmo diabora tïañikarudï— itïtïdai. —¿Tuixi pokaiti aapi sai xorai ïïgiadagi gï ñoki ka mai muki agai? Daiñi, go Abraamkaru ïmadï bïïxi go gaa aagadami Diuxi ñokidï ka bïïxkatai koi ïïki di.

VUAANA 8:57

Daidi go judidiu potïtïdai, —Aapi mai kia aitu gokobhai dan bhaibuxtama umigi. ¿Dukatai pokaiti aapi sai nïidi go Abraamkaru?— itïtïdai.

Hechos 13:25

Dai go Juan karhioga kugaida agaitadai aaduindagadï tami idi oidigi daama dai potïtïdai ïgai go odami aidï sai, —Aapimï nïnïraka sai Diuxi otosagi ïmo gïï dunukami sai gïn tïanïna. ¿Ïïmoko aapimï buaboitudai sai aanï ïr ïgai aba? Cho daiñi, maiti ïr buaboi gobai. Gokiïrï dibiagai ïgai dai aanï mai ayi antaada tomarhi xi ïr pioñigadïkagi ïgai dai xi upandagi gigiaradï sususakadï— ikaiti itïtïdai Juan.

Hechos 19:4

Daidi Pabora itïtïdai aidï, —Go Juan bapakonaiña odami ix makïdï ka dagitotadai soimaaxi tïgibudagai. Daidi potïtïdaiña Juan ïpï sai gï agaitadai xi buaboitudagi Suxi Kristo ïpï, go makïdï gokiïrioma dibiagaitadai tudu— itïtïdai Pabora.

1 Juan 1:5

Gin aaduñi, Suxi Kristo gïr tïïgi ïmo ñoki aatïmï ix makïdï ïr ojotosadï. Gïr tïtïgidi ïgai saidi bhodïrï aituldana aatïmï go ñoki go óídakami aipakoga. Dai xibi idi ojiïrï gïn aagidimi aatïmï ï galbaaxi ñoki. Daiñi, Suxi Kristo gïr aagidi sai Diuxi ïr ïmo kudagi kïïga tojakami gï duu ix makïdï itïiya ïrhidi sai kïïga buañixi ïgai. Dai gïr aagidi go Suxi ïpï sai toma lïïchi mai tukamuga maaxi Diuxi ix makïdï itïiya ïrhidi sai mai bia ïgai tomarhi ïmo soimaaxkami abhana dai sai mai yaatagïi ïgai toma lïïchi.