VUAANA 1:10 - Northern Tepehuan Bible

¹⁰ Ï Kudagi tïgidukïdï ïr kïïsakami oidigi dai dibia ïgai tami oidigi daama. Dïï mos go oidigi daama óídakami mai máí dibiakai ïgai.

Tepehuan Northern: Diuusi ñiooquidʌ utuducami oodamicʌdʌ

¹⁰ ɅCristo oidacatadai oidi daama dʌmos ʌoodami maimaatʌcatadai sioorʌ ʌgai. Ʌgai ʌgai daidʌ idui oidigi.

VUAANA 1:10 ပူးပေါင်းရင်းမြစ်များ

Genesis 17:1

Ïmo imidagai aidïxi ka biakatadai Abram maakokobhai dan bhaibuxtama dan tuxtama umigi sai gï maaxitu Gïr Nukadakami buidïrï ïgai daidi potïtïdai, —Aanï ïr Diuxi. Dai aanï ïgai dai bïïxi adama ïr gubuakami. Gï agai ix gin ïïgiadagi aapi dai kïï buañixikan dukai oidakagi— itïtïdai.

Isa 53:3

Odami soi dukai nïidi dai kïïdaiña Diuxi daasadï bhaitï kïakami. Kïïga ïïmadai ïgai soi ïrhiaragai. Dai odami maiti ipïrhi tomarhi xi nïijadagi. Odami sïïrhikïdï soi dukai nïidi dai mai xaduturhi.

Mataibo 11:27

Daidi bhodïrï potïtïdai Suxi go odami, —Diuxi gin Oga kaxi in maa bïïxi aïkatai ixtumaxi oidaga. Dai mosïkaxi Diuxi ïgai dai kïïgakïrï gin maatï xorai aanï. Mai tipu ïmai xorai gin maatïkagi podukai. Dai aanï kïïga maatï Diuxi ïpï. Mosïkaxi aanï ïmadï go odami ix makïdï tïtïgiadagi aanï ïr ix makïdï kïïga maatï Diuxi dai jaa gia cho— itïtïdai.

VUAANA 1:11

Tomaxi ïïgi dïbïragadïrï dibia ïgai bïïxkïrï go bamioma muidukïdï aaduñdï mai miadïgidiña,

VUAANA 1:18

Buaboi tudu sai tomarhi ïmo imidagai mai tipu ïmai xorai nïijadagi Diuxi. Mosïkaxi Suxi Kristo ix makïdï ïr Diuxi Maradï ïmadugakïdï, ïgai gia ïmadï dakana. Kïïga ïïmadai ïgai Diuxi dai gïr tïtïïgidiña ix tuiga.

VUAANA 1:3

Ïgaikïdï aatadui Diuxi daidi idui bïïxi aïkatai ix tumaxi oidaga. Ï Diuxi Ñokidï tïgidukami ïr ïgai ix makïdï idui bïïxi aïkatai tudu.

VUAANA 1:5

Ga kukudadai ïgai xako kabami tukamuga dai go tukamudagai tomarhi ïmo imidagai maiti ixtutuidikïi ix tusagi.

VUAANA 17:25

—Aapi gin Oga kïï sïïrhi aatabuayi dai go odami ix makïdï adaimïi ïïgi tïgibudadï mai maatï ix tuiga aapi dïï aanï gia kïïga gï maatï. Dai gin mamaatïrdamiga kïïga maatï sai aapi gin otoi.

VUAANA 5:17

Daidi Suxi aagidi go judidiu ix tuixi aatabuayi ïgai ibhïxtaragai tasïrï daidi potïtïdai, —Daiñi, Diuxi gin Oga mai dagitokai gaatabuayi tomaxtuigako, tomaxi ïr ibhïxtaragai tasïrïkagi dai aanï mos ibuayi ix dukai ïgai ibuayi— itïtïdai.

Hechos 14:17

Dïï tomaxi pobuadana ïgai Diuxi bïïxkïrï gï mamaaxidi ix ïr kïï tuigakami ïgai. Ïgai kïïga otosaiña duki bai kïïga bañidana odami ïïxidï. Idui ïgai sai kïïga bhai gï buadana kuadagai bai biaka aatïmï gïr bhai ïrhiaraga— itïtïdaimi Pabora ïmadï Bernabe.

1 Korintios 1:21

Dïï gia Diuxi tïgibudadï gia saitudaga. Dai ïgai podukai gï tïgito dai podukai dáí sai odami tïgibudadïkïdï mai kïïga maatïkana odami Diuxi. Diuxi bhai ïrhi bhaiyoma sai mosïkaxi odami ix makïdï buaboitudagi go bhai ïrhiaragai aatagi gia kïïgakïrï bubuakïna. Dïï óídakami mos buirudagai dukai kaïkana go bhai ïrhiaragai aatagi dai mai buaboitudai.

1 Korintios 2:8

Dai go gupudagai bipiakami tami idi oidigi daama bïïxi mai maatïkatadai ix tumaxi gï tïgitokatadai Diuxi ïpï. Ix maatïkamudai ïgai aidï gia maatïkamudai ïpï sai Gïr Nukadakami bïïxi adaama ïr namïakïdï dai ka mai tañimudai ïgai kuruxiana xixaragai.

1 Korintios 8:6

Dïï aatïmï kïï maatï sai mos arhi ïmaduga Diuxi gïr Oga ix makïdï idui bïïxi aïkatai. Ïgai bïïtarï tudu óídaga aatïmï. Dai mos arhi ïmaduga Gïr Nukadakami ïpï dai ïgai ïr Suxi Kristo. Ïgaikïdï idui Diuxi go oidigi dai ïgai gubukarhigadïkïdï óídaga aatïmï.

Kolosenses 1:16

Suxi tudu bïïxi idui ixtúmaxi. Bïïxi idui ïgai ixtumaxi oidaga tïbagiana dai tami oidigi daama ïpï. Idui ïgai ixtúmaxi maaxkana odami bïïtarï dai ïpï ixtumaxi mai maaxi. Idui ïgai asta go tïtïanïdami dai go dudunukami dai go gupudagai bipiakami bïïxi. Suxi Kristokïdï idui Diuxi bïïxi aïkatai tudu dai Suxi Kristo bïïtarï idui gobai.

Hebreos 11:3

Daiñi, buaboitudai aatïmï Diuxi dai kaxkïdï kïïga maatï aatïmï sai go ïï ñokidïkïdï idui ïgai bïïxi ixtumaxi. Bïïxi ixtumaxi nïidi aatïmï idui ïgai tudu. Aidïpïrï mai tipukatadai kia bïïxi gobai ix makïdï nïidi aatïmï aipakoga xibi. Dai mos ño ïgai bai oidatu bïïxi gobai.

1 Juan 3:1

Gin aaduñi, gïn tïgitobïrai xïïxi kïïga gïr oigïdai Diuxi. Ka maamaradï gïr aagai ïgai di. Dai kïïga ïr buaboi saidi ïr maamaradï aatïmï. Dïï gia go óídakami ix makïdï mai buaboitudai mai maatï sai aatïmï ïr maamaradï Diuxi. Mai maatï ïgai Diuxi tudu, kaxkïdï ¿dukatai maatïkana ïgai xorai ïr maamaradï?