Santiago 5:15 - Northern Tepehuan Bible

¹⁵ Daidi kïïga duadamu go kokoadï kïïga buaboidaitai daanturhitai ïgai. Diuxi Gïr Nukadakami duadidamu ïgai tudu. Dai xi duñada soimaaxi iduitadai go kokoadï dai kaxkïdï ayi go kokodagai aidï gia Diuxi oigïldamu ïgai maaxi aagaitai ïgai ixtuma soimaaxkami idui.

Tepehuan Northern: Diuusi ñiooquidʌ utuducami oodamicʌdʌ

¹⁵ Dai mʌsiʌʌscadʌ vaavoitudaitai gamamadadagi siDiuusi duaaidamu sivañigamu ʌgai. Dai Diuusi oigʌldamu soimaascamigadʌ ʌʌpʌ.

Santiago 5:15 ပူးပေါင်းရင်းမြစ်များ

Mataibo 17:20

Dai Suxi potïtïdai, —Mai kïïga buaboitudai aapimï kaxkïdï. Daiñi, tomaxi mosïkaxi palïpi buaboitudamudai aapimï bhaigakamudai aapimï xi potïdagi ïmo tubidaki sai maigobai kïkibana dai otoma gïn ïïgiadamudai go tubidaki dai maigobai imimudai. Mai tipukamudai ixtumaxi gïn sobhidagi tomaxi mosïkaxi palïpi buaboitudadamudai aapimï tudu.

VUAANA 5:14

Dïï gia gokiïrï Suxi tïï go kïïrhi nobai go gïï kiupiana Jerusalenïrï kïakïdï daidi itïtïdai tïïgakai, —Aapi kïïrhi, ka duayi aapi. Ka maiti soimaaxi ibuada tudu xibi bhaitiakoga, tadu gï ayi ïmo gïdukamioma soimaaxi— itïtïdai.

1 Korintios 1:21

Dïï gia Diuxi tïgibudadï gia saitudaga. Dai ïgai podukai gï tïgito dai podukai dáí sai odami tïgibudadïkïdï mai kïïga maatïkana odami Diuxi. Diuxi bhai ïrhi bhaiyoma sai mosïkaxi odami ix makïdï buaboitudagi go bhai ïrhiaragai aatagi gia kïïgakïrï bubuakïna. Dïï óídakami mos buirudagai dukai kaïkana go bhai ïrhiaragai aatagi dai mai buaboitudai.

2 Korintios 4:14

Kïïga maatï aatïmï sai Diuxi duakaturhi go Suxi ïpamu mukukai ïgai. Dai buaboitudai aatïmï sai aatïmï gïr duduakatulda agai ïgai ïpï ïmadï aapimï ïpï. Dai maatï aatïmï ïpï sai baan gïr tutusa agai ïgai amïka xako daja ïgai, bïïxkatai aatïmï ix makïdï ïr buaboitudadami tudu.

Santiago 1:6

Dïï gia gï agai sai kïïga buaboitudaitai daanïdagi aapimï, kïïga kabakami dukai buaboitudatai tudu. Odami ix makïdï mai kïïga kabakami dukai buaboitudai dudatai ïmadukai gïn tïïtïitoiña dai ka mai maatïkana ix tumaxi gïn tïtïgitoagi. Tïgibudadï ïpïan buayi go sudagi ix makïdï bïïxi aipakoga oiñïiña go ïbïrhikïdï tudu. Odami pomaaxkami maiti gï maatï ix gïn tïgitoagi tudu.

Santiago 5:13

Gin aaduñi, xïïxkadï ïmadutai aapimï soi dukai daibuñagi gï agai aapimï ix daanïdagi Diuxi. Dai xïïxkadï bhai gï ïrhiadagi ïmadutai aapimï gï agai ix ganïyagi ïgai bhai gï ïrhiditai Diuxi ïmadï.

Santiago 5:16

Gï agai aapimï ix gïn aaduñi Diuxi amadïrï buitapi maaxi aagagi ixtuma soimaaxkami idui aapimï tudu. Daidi gïn daanturhiadabïrai aipakoga ïpï xïïxkadï kokokoñikagi aapimï saidi duduadïna aapimï. Xïïxkadï kïïga buañixikagi ïmo odami ibhïadï dai kïïga buaboitudaitai daanïdagi ïgai Diuxi gobai kïïga ibuayi soiñi tudu.

Santiago 5:20

Dai gï agai sai maatïkagi aapimï sai xorai soiñagi ïmai sai dagitona ïgai go soimaaxi ix makïdï ibuadana sai podukai soiñamu sai mai mukuna ïgai dai sai mai taatana ïgai gïgïbidaragai go naana maaxi soimaaxkami bïïtarï ix makïdï ibuadana ïgai.