Santiago 5:13 - Northern Tepehuan Bible

¹³ Gin aaduñi, xïïxkadï ïmadutai aapimï soi dukai daibuñagi gï agai aapimï ix daanïdagi Diuxi. Dai xïïxkadï bhai gï ïrhiadagi ïmadutai aapimï gï agai ix ganïyagi ïgai bhai gï ïrhiditai Diuxi ïmadï.

Tepehuan Northern: Diuusi ñiooquidʌ utuducami oodamicʌdʌ

¹³ Isʌmaadutai aapimʌ soimaa taatacagi gʌaagai isgamamadadagi. Dai isʌmaadutai baigʌʌliadagi gʌaagai isganʌʌdagi siaa duutudai Diuusi.

Santiago 5:13 ပူးပေါင်းရင်းမြစ်များ

Jonas 2:2

Daidi ikaiti, -Gïgïrï ño aanï kabami soi gin ïrhiditai dai gadai aanï Diuxi Gïr Nukadakami. Dai kïïga gin kaï ïgai. Ka koidadï saagida duu dakatadai aanï tudu aidïxi gï dai aanï. Dai kaï aapi gin ñoki.

Jonas 2:7

Ka ugitimitadai gin gubukarhiga Dai tïgito aanï gin Tïanïdamiga Dai mïï gï buitapi ayi gin daañigai Amïï gï kiupaigana tudu.

Mataibo 26:30

Dai bhodïrï ganïyi ïgai ïmo nïidagai bïïxkatai ïmapi dai iji maigobai go gidamu xako Olibo tïgidu.

Lukas 22:44

Dai Suxi apia kabamioma daanïi Diuxi aidï. Dai kabami soimaaxi taata ïgai dai kabami bajurai. Bajuradï otaitadai dïbïrapi ïpïan dukai ïrai.

Lukas 23:42

Dai potïtïdai ïgai go Suxi, —Gï tïgitoñi in bïïtarï dai gin oigïda xïxkadï ka bhïiyi aapi gï sïïrhikamiga Reykatai aapi— itïtïdai.

1 Korintios 14:15

¿Dukatai gï agai ix daanïdagi aatïmï tudu? Gïn aagidamu aanï ix dukatai gï agai ix ibuadagi. Gï agai ix daanïdagi dai ganïyagi gïr ibhïdagakïdï dai gïr tïgibudagakïdï ïpï bïï goka dai mai xu xi mosïkaxi gïr ibhïdagakïdï. Gï agai tudu xi kïïga maatï kaïkagi aatïmï ix tuma daanïdagi dai ganïdagi.

1 Korintios 14:26

Ipïrhidi aanï tudu ix maatïkagi aapimï sai gï agai ix ïr soiñikagi jaa bïïtarï bïïxi ixtumaxi ibuadagi aapimï ïmpaiñdaragïrï. Gï agai ix ïr soiñikagi gobai bïïxkatai bïïtarï sai bamioma gïrana buaboidaradï. Daiñi, xïïxkadï gïn ïmpaidadagi aapimï ïïmoko ganïyi ïrhidiña ïmo nïidagai dai ïïmoko biakana ïmo maatïtuldaragai bïïxkatai bïïtarï dai jaa aaga ïrhidiña ixtumaxi maatïturhi Diuxi dai jaa todian dukai ñokaiña ïma maaxi ñokikïdï. Dai jaa maaxi aagaiña ix tïiya ïrhidi. Dai bïïxi gobai gï agai ix ibuadagi aapimï sai podukai bamioma gïrana buaboidaradï bïïxkatai.

Efesios 5:19

Dai xudu gïn aatagiadagi aapimï abïr aagada ix kaiti go Salmos nïidadï ïmadï jaa nïidadï Diuxi ïpï. Bïïxi gïn ibhïdagakïdï abïr ganïyi Diuxi bïïtarï oigïda ñokaitai ïgai bïïtarï.

Hebreos 5:7

Daiñi, aidïxi tami oidigi daama aimïraitadai Suxi Kristo kïïga maatïkatadai ïgai sai Diuxi bhaigakatadai xi soiñagi sai mai mukuna ïgai. Dai kaxkïdï suakaiña ïgai dai asta iñakaiña daanïitai Diuxi sai mai dagitona ix soimaaxi taatagi ïgai. Dïï gia bïïxkïrï kïïga xadutudaiña dai ïïgidiña ïgai Diuxi xi kaxkïdï Diuxi kaïkana ixtumaxi daanïdagi ïgai.

Santiago 5:10

Gïn tïgitobïrai go ñiñokituldiadamigadï Diuxi ix makïdï oidakatadai ïïki tudu. Ïgai toma xïï tïbïpi soimaaxi taatamaiña bïïxkïrï kïïga gïn kabakadaiña go soi ïrhiaragai buidïrï. Dai aapimï abïr pobuada ïpï.

Apokalipsis 14:3

Ami gukatadai ïgai go Arhi Kañiru ïmadï tudu dai ganïyitadai ïmo nïidagai utudui ami buidïrï xako daja Diuxi go gïï daikaruana. Dai ami gukatadai go maakoba duduakakami ixtumaxi ïpï ïmadï go bhaitï gukakami dai kaïkana go nïidadï. Ïmo ciento dan gokobhai dan maakoba mirhikatadai go nïdami ami tudu dai ïgai ïr kïïgakïrï bubaidadï go Arhi Kañiru. Go nïdami ïr odami ix makïdï sabïrhitadai go Arhi Kañiru go gaa óídakami saagidañdïrï. Dai ïgai tudu ganïyiña ami Diuxi buidïrï dai jaa maiti ixtutuidikïiña xi maatiagi go nïidadï.

Apokalipsis 7:10

Dai gïgïrï iñakimi ïgai ami gukakatai daidi ikaitimi, —Aa gia gï agai xi xadutuada aatïmï Diuxi go gïï daikaruana dakïdï dai go Arhi Kañiru agaikïdï ïpï. Ïgai tudu ïgai dai kïïgakïrï gïr bubaitu— ikaitimi.