Santiago 4:3 - Northern Tepehuan Bible

³ Dai tomax dukai xadïrï gïn maakana Diuxi ixtumaxi tanïdagi aapimï. Soimaaxi gïn tïgibudaga gataanïitai aapimï tudu. Ïïgi gïn bïïtarï xia duada ïrhidiña aapimï ixtumaxi gïn maakadagi ïgai kaxkïdï.

Tepehuan Northern: Diuusi ñiooquidʌ utuducami oodamicʌdʌ

³ Dai mʌstaanʌdagi, Diuusi maitʌnmaacai. Ʌʌgi gʌnvʌʌtarʌ taanʌiña aapimʌ cascʌdʌ. Maitavʌr cʌʌgai ispoduucai taanʌdagi.

Santiago 4:3 ပူးပေါင်းရင်းမြစ်များ

Mataibo 20:22

Dai Suxi potïtïdai go maamaradï go oki, —Aapimï mai maatï ixtumaxi gin taanïi aapimï— itïtïdai. —Arhiï kabami soimaaxi taata iñagai aanï tudu. ¿Dai bhai ix ixtutuidïna aapimï xi gin ïpïan ïxi soimaaxi taatagi gin urabakatai aapimï?— itïtïdai. —Ïjï kïïga ixtutuidikïi aatïmï— ikaiti go maamaradï go oki.

Markos 10:38

Dai Suxi potïtïdai aidï, —Aapimï mai maatï ix tumaxi gin tanïi. Daiñi ix makïdï ïr gin sonoïrï gukakami ka agai agadamu xi gin ïmadï taatagi soi ïrhiaragai ïpï. ¿Bhai ix ixtuidana aapimï xi taatagi go baaxi soi ïrhiaragai ix makïdï taata iñagai aanï?— itïtïdai.

Lukas 11:10

Ïgai mai ïpïan tuiga go kïïrhi ix makïdï maiti ipïrhi xi bañigiagi dai kupiokagi kuuparagai. Diuxi gia soikïi xorai daanïdagi ïgai. Dai xorai tanïdagi baakigai gaagaitai soiñi Diuxi amajadïrï ïgai gia Diuxi maakimu daibuñigai sai tïïgana soiñi— itïtïdai Suxi go mamaatïrdamigadï.

Lukas 15:13

Dai chïki tasaikïdï sai go ix makïdï bamioma ïr gïïrhitadai gagara buxtuidadï ix makïdï buitadai ïgai dai no xibhï mïkaxi jii dai amïka naato xia dodai go tuminxi buirudagïrï.

Lukas 15:30

—Dai xibi mos dibiakai gin sukurhi ïgai bïïtarï gia mua aapi go baka maara ix makïdï gimudaitadai aatïmï tomaxi ka bïïxi xia dodai ïgai gï buxtuidaga oki kïkïïrhimïrhiakami ïmadï— itïtïdai.

Santiago 4:1

Gin aaduñi, ¿Ix tuixi gïn bupui ñokaiña aapimï aipakoga dai gïn bupui bïïtïkana aapimï ïïgi? Bhaibitukami gaagaiña aapimï ïïgi gïn bhai ïrhiaraga mai buamï gïn ïrhiditai jaa bïïtarï tudu dai go tïgibudagai gobai gïn tïanïda ïrhidi.

1 Juan 3:22

Dai kaxkïdï xïïxkadï daanïdagi aatïmï kïïga maatïkana aatïmï sai gïr maaki agai ixtumaxi tañiagi aatïmï. Kïïga ïïgidi aatïmï dai kïïga ibuayi aatïmï ixtumaxi bhai ïrhidi ïgai kaxkïdï.

1 Juan 5:14

Dai xibi kïïga ïïmadai aatïmï Diuxi dai kaxkïdï kïïga maatï aatïmï sai Diuxi gïr kaïkana xïïxkadï daanïdagi aatïmï dai tañiagi aatïmï ixtumaxi. Xïxkadï tanïdagi aatïmï ixtumaxi ix makïdï bhai ïrhidi ïgai tudu.