Santiago 3:9 - Northern Tepehuan Bible

⁹ Ïïmo imidagai kïïga xadutuadan kaitiña odami Diuxi dai bhodïrï laachkïdï ïgalbaaxi odami galnaaxi ñokaiña buidïrï jaa odami ix makïdï Diuxi idui. Galnaaxi ñokaiña ïgai buidïrï jaa odami tomaxi Diuxi idui go odami sai ïpïamaaxkana ïgai Diuxi tudu.

Tepehuan Northern: Diuusi ñiooquidʌ utuducami oodamicʌdʌ

⁹ Gʌrnʌʌnʌcʌdʌ siaa duutudai aatʌmʌ Diuusi gʌrooga dai ʌgai vaacʌdʌ ñiooquidi aatʌmʌ oodami ismaacʌdʌ Diuusi idui pomaasi ismaasi Diuusi.

Santiago 3:9 ပူးပေါင်းရင်းမြစ်များ

Genesis 9:6

—Mosïka odami ïgai dai gin ïpïamaaxi idui aanï tudu. Go gaa ix makïdï idui aanï maiti gin ïpïamaaxi idui aanï. Kaxkïdï arhiïxi ïr gïïpi soi maaxkami xi gamuagi ïmo odami. Dai Kaxkïdï ïpï ix gamuagi ïmo odami jaa odami gï agadamu xi aa noraidagi dai popoidagi iibhïadï go ix makïdï gamua— itïtïdai Diuxi.

Sal 16:9

Diuxi otosadï bhaitï kïakami itïtïdai Diuxi, —Kïï bhai ïldan taadaga gin ibhïdaga. Dai bïï mai buamï ïrhidi aanï xi mukiagi maatïkatai xi ïpamu duakatudamu aapi gin tukuga.

Mataibo 26:74

Daidi go Piduru galnaaxi ñoki aagidi daidi potïtïdai, —Maita an maatï aanï go kïïrhi ix makïdï aagai aapimï— itïtïdai. —Ix yaatagïi aanï aidï gia sai Diuxi gin abhana daitudana ïmo gïïdukami gïgïbituldaragai— itïtïdai. Mos potïi ïgai baidi kujui go takuku.

Mataibo 5:44

Dïï gia xibi aanï aagai sai, Kïïga abïr oigïdada gïn buidïrï bïïtïkamiga. Dai daanturhiadabïrai ïgai ix makïdï soi gïn buidadagi.

Hechos 2:26

Kaxkïdï arhiï bhai gin ïrhidi aanï dai aagai aanï ansai bhai gin ïrhidi. Kaxkïdï tomaxi gï aagadagi ix taata aanï go mukigami aanï xioma nïnïraka ixtumaxi daibuñagi gokiïrï.

Romanos 3:14

Go ïï galnaaxi ñoki surhigai ïgai mos tïgito ajiopaitai ïïgi gïn bhamudagai.

1 Korintios 11:7

Dïï gia kïkïïrhi maiti gï agai ix iñapikagi momodï gadaanïitai Diuxi xiïpï aagaitai Diuxi ñokidï. Kaxkïdï tudu kïkïïrhi ïpïamaaxi duñixi Diuxi dai maaxitudai ïgai xïïxi ïr gïdukami Diuxi mai iñapikatai momodï. Dai go oki kïïrhiañdïrï busai sai maaxitudana xïïxi ïr gïdukami ïgai. Kïïrhiandïrï idui Diuxi go oki tudu dai mai xu ix okiañdïrï idui ïgai go kïïrhi.

Efesios 1:3

Gï agai xi oigïda ñokadagi aatïmï Diuxi bïïtarï. Ïgai ïr Diuxigadï Suxi Kristo Gïr Nukadakami dai ïr Ogadï ïpï. Diuxi gïr maa bïïxi aïkatai bhai ïrhiaragai ix makïdï oidaga tïbagiana gïr ibhïdaga bïïtarï. Diuxi gïr maa idi bhai ïrhiaragai mos bïïnakai aatïmï Suxi Kristo.

Santiago 1:27

Dïï gia Diuxi pokaiti sai odami ix makïdï mai sarabidi go soimaaxkami ix makïdï oidaga tami oidigi daama dai bhaiyoma kïïga soikïdagi aarhi mai dïïdïkami ïmadï bipiudu, sai ïgai gia kïïga oidi go buaboidaragai ix makïdï kïïga buañixi. Oidi ïgai go buaboidaragai ix makïdï mai bia soimaaxi tudu.

Santiago 3:10

Ïïmo imidagai kïïga ñokaiña odami aagaitai bhai ïrhiaragai ñoki tudu dïï gia ïïmo imidagai ïgalbaaxi odami galnaaxi ñokaiña buidïrï jaa. Maiti ïr sïïrhi podukai aapimï gin aaduñi Diuxi amadïrï.

1 Pedro 1:3

Gin aaduñi, gï agai sai kïïga ñokada aatïmï Diuxi bïïtarï. Gï agai sai kïïga ñokada aatïmï bïïtarï ïgai ix makïdï ïr Diuxigadï Gïr Nukadakami Suxi Kristo tudu. Soi ïlda gïr tïï ïgai kaxkïdï daidi gïr maa ïmo utudui oidakaragai. Gï duakatu Suxi Kristo ïpamu tudu gokiïrï xi mutadai ïgai dai kaxkïdï bia aatïmï ïmo kïïgadukami nïnïraragai xibi. Dai kïïga gupuka antaadakana aatïmï gïr utudui oidakaragai bïïtarï maatïkatai sai bia aatïmï go kïïgadukami nïnïraragai gobai.