Santiago 2:9 - Northern Tepehuan Bible

⁹ Dïï gia ix mai ïmadugan dukai nïijadagi aapimï bïïxi óídakami bamioma kïïgakïrï nïiditai aapimï ïïmoko aidï gia mai kïïga ibuayi aapimï. Ka mai ïïgidi aapimï go sïïrhikami tudu pobuadatai dai go sïïrhikamiana ikaiti sai gïn ajïga gïgïbidaragai ix mai ïïgiadagi aapimï.

Tepehuan Northern: Diuusi ñiooquidʌ utuducami oodamicʌdʌ

⁹ Dʌmos ismaiʌmadugan duucai nʌijada aapimʌ aidʌ gia soimaasi ivueeyi aapimʌ. Dai poduucai aapimʌ ʌrsoimaasi ivuaadami maiʌʌgidacai Diuusi ñiooquidʌ.

Santiago 2:9 ပူးပေါင်းရင်းမြစ်များ

VUAANA 16:8

—Dai dibiakai Diuxi Ibhïgadï ïgai maatïtuldamu go gaa óídakami baika ixtumaxi. Maatïtuldamu ïgai óídakami sai kïïga maatïkana xorai ïr soimaaxi buadami dai xorai kïï buañixi ibhïadï dai xorai biaka agai gïgïbidaragai.

VUAANA 8:46

Daiñi, tomarhi ïmadutai aapimï mai bia ixtukïdï gïpiïrï gin bupadagi. Bïïxkïrï aagaiña aanï ix tumaxi ïr buaboi kaxkïdï. ¿Dai tuixi maiti ipïrhidi aapimï ix gin buaboitudagi tomaxi kïï sïïrhi aagai?

VUAANA 8:9

Daidi bhodïrï kïïdukai ïïmo maaxi nonoigimi ïgai ix makïdï buatadai go oki mos kaïkai ïgai ix kaiti go Suxi. Ï ix makïdï bamioma ïr kïkïrhiodami ïpïgioma iji. Dai podukai iimimi go gaa ïpï asta xudu go bamioma utu imïdami ka jiitadai ïpï maatïkatai saidi ïr soimaaxi buadami ïgai bïïxkatai. Dai gokiïrï ïïgi Suxi ïmadï go oki bii ami go odami buitapi.

Hechos 10:34

Dai go Piduru maa ñoki aidï daidi itïtïdai, —Xibi ka maatï nïidi aanï ix Diuxi mo ïxi oigïdai odami tomaxi maiti ïr judidiu ïgai. Ïmadugan dukai nïidi ïgai bïïxkatai.

Romanos 3:20

Odami mai bhaiga xi kïïgakïrï ïïgiadagi Diuxi sïïrhikamigadï tudu. Kaxkïdï maatiga maaxi sai Diuxi mai kïïgakïrï nïijada agai tomarhi ïmadutai mos ïïgiditai ïgai sïïrhikami. Ïgaikïdï gï mamaatïrïi bhaiyoma saidi ïr soimaaxi buadami aatïmï.

1 Korintios 14:24

Dïï gia ix aagagi aapimï ñoki Diuxiañdïrï ix makïdï bïïxkatai maatï kaïkagi aidï gia ix makïdï dadiagi maatï kaïkamu dai maatï nïijadamu saidi ïr soimaaxi ibuadami ïgai dai sai ajiagai gïgïbidaragai.

Galatas 2:19

—Daiñi— antïtïdai aanï. —Ïkioma kabami gin aajagïiña aanï ïïgiada ïrhiditai go Moises sïïrhikamigadï. Poïrhiditadai aanï sai podukai kïï bimu aanï Diuxi ïmadï dïï maiti ixtui aanï ix kïïga ïïgiadagi gobai. Kaxkïdï bhaiyoma ka dagito aanï go sïïrhikami dai ka mai gaagai aanï ixdukatai ïïgiadagi gobai. Ka mukian dui aanï go sïïrhikami bïïtarï tudu. Go sïïrhikami mai bhaiga xi tïanïdagi ïmo mukiadï di. Ka mai oidaga aanï ïïgidaragai bïïtarï go sïïrhikami xibi tudu. Dai xibi bhaiyoma Diuxi bïïtarï oidaga aanï— antïtïdai aanï.

1 Juan 3:4

Daiñi, odami ix makïdï oijadagi go soimaaxkami ïgai ïr buidïrï bïïtïkami Diuxi. Xïxkadï soimaaxi ibuadagi ïmoko gobai itïiya ïrhidi sai mai ïïgidi ïgai Diuxi sïïrhikamigadï tudu.

Udaxi 1:15

—Daiñi, Diuxi maatï bïïxi go soimaaxkami ix makïdï ibuadana go odami ix makïdï mai ïïgidi Diuxi. Dai maatï ïgai xïxkadï galnaxi ñoki aagagi ïgai buidïrï Diuxi ïpï. Dai ka dibiakai aagada agai Diuxi ixtuma gïgïbidaragai aji agai bïïxkatai ïgai— ikaiti go Enok ïïki.