Santiago 1:2 - Northern Tepehuan Bible

² Gin aaduñi, maiti abïr soi gïn ïrhiada xïïxkadï naana maaxi soimaaxi daibuñagi aapimï dai bhaiyoma abïr bhai gïn ïrhiada.

Tepehuan Northern: Diuusi ñiooquidʌ utuducami oodamicʌdʌ

² Giñaaduñi aliʌsi gʌaagai isbaigʌnʌliada aapimʌ siʌʌscadʌ soimaa taatamadagi naana maasi.

Santiago 1:2 ပူးပေါင်းရင်းမြစ်များ

Hechos 5:41

Daidi go ojotoxikami bubuaka abhiadïrï xako darajatadai go bhaitï gukakami dai kïï gïn bhai gïn ïrhiatugai ïgai soimaaxi taatakai Suxi bïïtarï.

Romanos 5:3

Dai xudu gïr aiyagi soi ïrhiaragai aatïmï mos bhai gïr ïrhidiña. Maatï aatïmï sai taatakai soi ïrhiaragai bamioma mamaatïrïi aatïmï xi dukatai mai dagitoagi xi gïr maitiagi soi ïrhiaragai.

Filipenses 1:29

Kïï tuiga Diuxi gïn bïïtarï dai gïn maa oigaragai xi maaxituldana aapimï jaa buitapi xïïxi ïr gïdukami Suxi Kristo. Dai gobai itïiya ïrhidi sai mai xu xi mosïkaxi gïn maa ïgai oigaragai ix buaboitudada aapimï. Ïma dukai gïn maa ïgai oigaragai ïpï sai soimaaxi taatana aapimï ïpï gamaaxiturhitai aapimï xïïxi ïr gïdukami ïgai.

Filipenses 2:17

Daiñi, aanï aatabuayi gïn soiña iñïrhiditai sai kïïga buaboitudana aapimï. Dai xïduñada gin muatudagi aanï dai gï aaxtagi gin ïra gïn soikïitai aanï podukai gobai mos ïr ïmo daxdaragai dukaikamu Diuxi bïïtarï. Ïmo bhai ïrhiaragaikamudai gobai gin bïïtarï tudu. Dai ipïrhidi aanï xi bhai gïn ïrhiadagi aapimï gin ïmadï.

Filipenses 2:18

Bhaiga bïnïrhiada tudu Diuxi bïïtarï óídakatai aapimï. Gï agai sai ïmo daxdaragai dukaikagi gïn oidakaraga óídakatai aapimï ïgai bïïtarï tudu.

Kolosenses 1:24

Gin aaduñi Diuxi amadïrï, aanï soimaaxi taatamai xibi ibuadatai ïmo aaduindagai ix makïdï ïr soiñi gïn bïïtarï. Dïï gia tomaxi soimaaxi taatakagi aanï bïïxkïrï bhai gin ïrhidiña aanï maatïkatai sai aapimï gïn bïïtarï soimaaxi taataimi aanï. Daiñi, Suxi Kristo soimaaxi taata go buaboitudadami bïïtarï baasïkioma dai xibi aanï in ajïga xi soimaaxi taatagi go buaboitudadami bïïtarï ïpï ïpïan dukai ïgai.

Hebreos 10:34

Soi gïn ïrhidiña aapimï ïgai bïïtarï ix makïdï gïn maamaixatudiña ïpï. Dai tomaxi go dudunukami gïn bopoidiña gïn buxtuidaga aapimï bïïxkïrï mai buamï ïrhidiña. Bhai gïn ïrhidiña aapimï bhaiyoma maatïkatai sai bia aapimï ixtumaxi bamioma kïïgadukami ix makïdï tomarhi ïmo imidagai mai ugiti agai.

Santiago 1:12

Gin aaduñi, xïxkadï gïr ajiagi ïmo soi ïrhiaragai dai ix kïïga gïr kabakadagi aatïmï dai apia oijadagi gïr buaboidaraga aidï gia bia aatïmï ixtukïdï bhai gïr ïrhiadagi. Gï agai tudu sai bhai gïr ïrhiadagi aatïmï xïïxkadï gïr kabakadagi aatïmï dai apia oijadagi gïr buaboidaraga tomaxi xijiakagi gïr oidakaraga. Gï agai sai bhai gïr ïrhiada aatïmï maatïkatai Diuxi gïr maakimu gïr maitïki ix makïdï ïr go kïïgakïrï oidakaragai bïïxkïrï bïïtarï. Kaxi gïr aagidi Diuxi sai maakimu ïgai go maitïki go odami ix makïdï oigïdai Diuxi tudu.

Santiago 1:16

Gin aaduñi Diuxi amadïrï, gïn oigïdai aanï dai bia aanï ïmo ñoki gïn bïïtarï. Gin kaïkabïrai dai maiti abïr gïn dagito ix gïn bupuirumadagi go soimaaxkami. Maiti abïr po gïn ïrhiada sai ami tïïgimu aapimï ïmo bhai ïrhiaragai tudu. Gobai mai buapai tomarhi ïmo ixtumaxi kïïgadukami kaxkïdï.

Santiago 1:19

Gin aaduñi, kïïga abïr gïn tïgito kaïka ixtumaxi gïn aagida iñagai xibi. Daiñi, gï agai sai kïïga kaïkagi aatïmï ixtumaxi gïr aagidagi jaa. Dai gï agai ïpï sai kïïga gïr tïgitokatai ñokadagi aatïmï. Dai maiti gï agai ix otoma bhaakokodagi aatïmï ïpï.

Santiago 5:11

Pokaitiña aatïmï sai Diuxi kïïgakïrï nïidi bïïxi ïgai ix makïdï kïïga gïn kabakadagi go soi ïrhiaragai buidïrï tudu. Daiñi, kïï maatï aatïmï sai go Job tomaxi kabami soimaaxi taata ïgai ïïki bïïxkïrï apia buaboitu ïgai dai kïïga gï kabakagi go soi ïrhiaragai buidïrï. Dai maatï aatïmï ïpï sai Gïr Nukadakami kïï tuigakatadai go Job bïïtarï dai soi ïlda tïï dai maa naana maaxi bhai ïrhiaragai gokiïrï. Gïr Nukadakami bïïxkïrï soi ïlda nïidiña bïïxi odami tudu kaxkïdï.

2 Pedro 2:9

Diuxi kïïgakïrï busaitu ïgai tudu dai bhodïrï bïïxi naato xia dodai ïgai go soimaaxi ibuadami. Kaxkïdï gï maatï sai Diuxi kïïga ixtutuidikïi xi kïïgakïrï bubiadagi odami ix makïdï ïr kïïga ibuadami sai mai soimaaxi taatamaiña ïgai. Dai kïïga ixtutuidikïi xi apia soimaaxi taataturhiadagi soimaaxi buadami ïpï asta go kugatïrï tasïrï ukami xïxkadï aagada agai Diuxi ixtuma gïgïbidaragai aji agai ïgai.

Apokalipsis 2:10

Daiñi, ka miadaimi xi soimaaxi taatagi aapimï. Aidï go diabora gatïañi agai gïn maamaixaragai. Soimaaxi taatamu aapimï chïki tasai tudu nïidana sa bhai ïr buaboi xi gin buaboitudai aapimï. Dïï maiti abïr duduadikuda dai bhaiyoma abïr apia buaboitudada aapimï tomaxi gïn kodagi go jaa dai aanï gïn maakimu ïmo gïdukami maitïki. Gïn maakimu aanï xi kïïgakïrï óídakana aapimï bïïxkïrï bïïtarï tudu.