Santiago 1:16 - Northern Tepehuan Bible

¹⁶ Gin aaduñi Diuxi amadïrï, gïn oigïdai aanï dai bia aanï ïmo ñoki gïn bïïtarï. Gin kaïkabïrai dai maiti abïr gïn dagito ix gïn bupuirumadagi go soimaaxkami. Maiti abïr po gïn ïrhiada sai ami tïïgimu aapimï ïmo bhai ïrhiaragai tudu. Gobai mai buapai tomarhi ïmo ixtumaxi kïïgadukami kaxkïdï.

Tepehuan Northern: Diuusi ñiooquidʌ utuducami oodamicʌdʌ

¹⁶ Giñaaduñi maitavʌr ʌʌgi gʌnvupuiirumadada.

Santiago 1:16 ပူးပေါင်းရင်းမြစ်များ

Mataibo 22:29

Daidi Suxi potïtïdai, —Aapimï Saduseo mai kïïga gïn tïtïitoi mai maatïkatai aapimï ix kaiti Diuxi ñokidï. Dai mai maatï aapimï xïïxi bia Diuxi gubukarhigai ïpï— itïtïdai.

Markos 12:24

Dai Suxi potïtïdai aidï, —Aapimï Saduseos mai kïï aagai. Mai maatï aapimï ix kaiti Diuxi ojadï di. Tomarhi mai maatï xïïxi ïr gubuakami Diuxi.

Hechos 1:15

Daidi ïmo imidagai gïn ïmpaidakai ïmo ciento dan ïmo kobhai buaboitudadami bai go Piduru gasaagida kïkiba. Daidi go Piduru potïtïdai,

1 Korintios 6:9

Gï aagai ix kïï sïïrhi gïn tïgitokagi aapimï maatïkatai sai soimaaxi buadami mai biaka agai oigaragai ix Diuxi tïanïdagi. Daiñi, odami ix makïdï aipakoga boopoiña jaa ïmadï mai biaka agai oigaragai ix Diuxi tïanïdagi. Dai podukai ïpï ix makïdï buaboitudai uubixi, dai ix makïdï abhana boyiña oñigadï ïmai, dai ix makïdï ïïgi gïn ïmadï boopoiña kïkïïrhi dai oki ïpï,

Galatas 6:7

Dai xi pobuadagi aapimï aidï gia gokiïrï kïïga buimu aapimï gïn maitïki. Gin aagidamu aanï ïmo maaxidaragai gokïdï. Daiñi, xi ïmo odami gaïïxiagi ixtumaxi kïïgadukami aidï gia gokiïrï yoobamu ïgai ix tumaxi kïïgadukami ïi ïgai. Dïï gia xi soimaaxkami gaïxiagi ïgai aidï gia soimaaxkami yoobamu ïgai ïpï gokiïrï. Mai bhaiga ïmoko xi buirumadagi Diuxi tudu. Ïgai bïïxkïrï anoraidi odami ixtumaxi ajïakagi nïiditai ixtumaxi idui ïgai tudu.

Filipenses 2:12

Daiñi, aapimï gin aaduñi ix makïdï oigïdai aanï, gï agai xi ïïgiadagi aapimï Diuxi. Kïïga ïïgidiña aapimï tudu aidïxi gïn ïmadï dakatadai aanï. Dai xibi bamioma gï agai xi ïïgiadagi aapimï mïkaxi dakatai aanï. Kïïga xadutudaitai abïr gïn aaga dai kïïgakïrï óídaka ixdukatai óídaga odami ix makïdï ka kïïgakïrï bubuaka. Kabami abïr gïn aaga tudu

Filipenses 4:1

Kaxkïdï maiti abïr gïn daadagitoda aapimï gin aaduñi Diuxi amadïrï xi gïn maitiagi soimaaxi. Kaxi bïïna daraka aapimï Gïr Nukadakami tudu, kaxkïdï maiti abïr gïn dagitoda. Aapimï tudu ïr gin aaduñi dai kïïgakïrï gïn oigïdai aanï dai gïn tïtïitoi aanï gïn nïida iñïrhiditai. Aapimï tudu ïr gin bhai ïrhiaraga. Aanï in bïïtarï aapimï ïr ïmo bhai ïrhiaragai maitïki duu tudu ix makïdï bhïiyi aanï gin aaduindaga bïïtarï gïn tïïgidakai aanï go bhai ïrhiaragai aatagi.

Kolosenses 2:4

Dïï gia gïn tïgitobïrai sai oidaga jaa ix makïdï sastudaga aatagidï dai ipïrhiadamu ix gïn bupuirumadagi. Kaxkïdï gïn ojidi aanï podukai aagaitai Suxi Kristo.

Kolosenses 2:8

Daiñi, Suxi Kristo kïïgakïrï ïr Diuxi ïpïan ïxi Ogadï. Mai bii toma lïïchi xi kïïgakïrï ïr Diuxika ïgai ïpïan ïxi Ogadï tudu. Tomaxi gïr ïpïamaaxi biatu ïgai tukugadï bïïxkïrï kïïgakïrï ïr Diuxi ïgai. Dai kaxkïdï buaboitudakai aapimï ka bïïna bii aapimï Suxi Kristo dai ka maiti gïn biïga ixtumaxi gïn ibhïdagïrï. Ïgai tudu bïïxi adaama ïr Tïanïdami. Ïgai bamioma ïr gatïanïdami xi bhai tomax makïdï gubukadagai bipiakami tudu. Kaxkïdï maiti abïr gïn dagito xi gïn bupuirumadagi odami ix makïdï tïtïïgidi mosïkaxi óídakami tïgibudadï ix makïdï maiti ïr buaboi. Gobai maiti ïr soiñi. Aagaiña ïgai bituldaradï óídakami mosïkaxi dai mai aagai ïgai Suxi Kristo. Maiti abïr ïïgiada aatagidï ïgai. Tadu maamaixapikan dukai bii aapimï ïïgiditai aatagidï.

2 Timoteo 2:18

Ïgai ka kuga iji dai ka dagito ixtumaxi ïr buaboi tudu. Pokaiti ïgai sai ka daibusai duakaragai koidadï bïïtarï dai sai ka mai tipukamu gobai bamioma. Soi maaxi aatagi gobai. Dai ïgaikïdï xia dodai ïgai buaboidaradï ïïmo buaboitudadami.

Hebreos 13:1

Gin aaduñi, ïmo aadunumï aapimï buaboitudadami dai gï agai xi mai ugutai gïn oigïdada aapimï aipakoga.

Santiago 1:19

Gin aaduñi, kïïga abïr gïn tïgito kaïka ixtumaxi gïn aagida iñagai xibi. Daiñi, gï agai sai kïïga kaïkagi aatïmï ixtumaxi gïr aagidagi jaa. Dai gï agai ïpï sai kïïga gïr tïgitokatai ñokadagi aatïmï. Dai maiti gï agai ix otoma bhaakokodagi aatïmï ïpï.

Santiago 1:2

Gin aaduñi, maiti abïr soi gïn ïrhiada xïïxkadï naana maaxi soimaaxi daibuñagi aapimï dai bhaiyoma abïr bhai gïn ïrhiada.

Santiago 2:1

Gin aaduñi Diuxi amadïrï, aapimï kïïga buaboitudai Suxi Kristo Gïr Nukadakami ix makïdï ïr Gïr Nukadakami tudu. Buaboitudai aapimï ïgai ix makïdï adaama kïï tiodi dai gubuka dai kïï tuiga tudu. Kaxkïdï maiti gï agai aapimï xi ïïmoko kïïga nïijadagi dai jaa soi dukai nïijadagi.

Santiago 2:14

Gin aaduñi, ix pokaitadagi odami sai kïïga buaboitudai dïï gia ix maiti ibuadagi ïgai tomarhi ïmo ixtumaxi kïïgadukami aidï gia, ¿Tumaxi bïïtarï ïr soiñikana gobai? Gobai itïiya ïrhidi sai mai buaboikïdï buaboitudai ïgai tudu dai xadïrï kïïgakïrï bubuakïna ïgai ix pomaaxkagi buaboidaradï.

Santiago 2:5

Gin aaduñi, kïïga gïn oigïdai aanï. Kïïga abïr gïn tïgito kaïka ixtumaxi gïn aagidamu aanï. Gïn maakimu aanï ñoki tudu. Daiñi, Diuxi ka podukai dáí sai mui soititigami ïr buaboitudadamika agai dai podukai gïn bipidakami dukai bii agai iibhïadïrï buaboitudaitai ïgai tomaxi tami oidigi daama bhaitoma mai bia ïgai ixtumaxi. Biakamu ïgai oigaragai xi Diuxi tïanïdagi tudu. Gobai tudu ïr go bhai ïrhiaragai ix makïdï maaki agai Diuxi go odami ix makïdï oigïdai Diuxi. Ka podukai aagai ïgai tudu.

Santiago 3:1

Gin aaduñi Diuxi amadïrï, kïïga gï maatï sai Diuxi bamioma gï tïgito nïida agai ix makïdï gatïtïïgidi ñokidï ix bhai kïï ibuayi dai go gatïtïïgiadami ñoki bamioma biakamu gïgïbidaragai ix mai kïï idui ïgai. Kaxkïdï maiti gï agai ix muidutai aatïmï ipïrhiadagi ix ïr gatïtïïgiadamikagi Diuxi ñokidï.

Santiago 3:10

Ïïmo imidagai kïïga ñokaiña odami aagaitai bhai ïrhiaragai ñoki tudu dïï gia ïïmo imidagai ïgalbaaxi odami galnaaxi ñokaiña buidïrï jaa. Maiti ïr sïïrhi podukai aapimï gin aaduñi Diuxi amadïrï.

Santiago 4:11

Gin aaduñi, Diuxi gïr maa sïïrhikamigadï ix makïdï ikaiti sai gïr oigïdada aatïmï aipakoga. Kaxkïdï maiti abïr naana kaï nïijada gïn aaduñi. Maiti gï agai ix dudunukami dukai gïn bapasadagi aapimï dai pokaitadagi sai ïmoko gïn aaduñi buaboitudadami ajïga gïgïbidaragai soimaaxi ibuadamikatai ïgai tudu. Xorai podukai ñokadagi ka mai ïïgidi Diuxi sïïrhikamigadï. Bamioma gatïanïdami gï ïrhidi ïgai xi bhai go sïïrhikami tudu podukai ñokaitai ïgai.

Santiago 5:12

Gin aaduñi Diuxi amadïrï, xibi gïn aagidamu aanï ïmo ñoki ix makïdï sïïrhikïdï gï agai ix kaïkagi aapimï. Daiñi, xïïxkadï gïn bapasadagi ix iduñi agai ixtumaxi mosïkaxi abïr ikaitiada sai, —Ïjï iduñimu aanï—. Dai maiti gï agai sai arastudagi aapimï jaa ñoki. Maiti gï agai xi jaa ñokikïdï maaxituda ïrhiada aapimï sai buaboikïdï iduña agai aapimï tudu. Dukami, maiti abïr aagadagi sai Diuxi ïr nïijadami saidi iduña agai aapimï. Dai maiti gï agai xi aagada aapimï ïpï sai ixtumaxi tami idi oidigi daama oidaga ïr nïijadami saidi iduñimu aapimï ïpï. Ix iduña agadagi aapimï aidï gia mosïkaxi, —Ïjï iduñimu aanï— abïr ikaitiada dai mosïkaxi. Dai ix maiti iduña agadagi aapimï, aidï gia bhaiyoma mosïkaxi, —Cho maiti iduñimu aanï— abïr ikaitiada. Ïma dukai gïpiïrï surhigimu aapimï Diuxi buidïrï tudu.

Santiago 5:19

Gin aaduñi Diuxi amadïrï, xi ïmadutai aapimï ka maiti ipïrhiadagi ix ïïgiadagi ixtumaxi ïr buaboi, gï agai ix soiñagi ïgai sai bhïna ïpamu go kïïgadukïdï boi.