Santiago 1:14 - Northern Tepehuan Bible

¹⁴ Dai bhaiyoma ïïgi gïr tïgibudaga ïgai daidi gïr bupuirumadaiña dai gïr mamaitiña ix kaxkïdï soimaaxi ibuadana aatïmï. Gobai ïgai tudu dai gïpiïrï gïr dadaitudai dai mai xu xi Diuxi.

Tepehuan Northern: Diuusi ñiooquidʌ utuducami oodamicʌdʌ

¹⁴ Baiyoma siʌʌscadʌ ʌmaadutai soimaasi iduñia ʌliada ʌgai ʌʌgi poduucai tʌtʌgitoi cascʌdʌ.

Santiago 1:14 ပူးပေါင်းရင်းမြစ်များ

Genesis 3:6

Bhodïrï go oki kïïga gï tïgito nïidi go uxi dai kïï tiodikami tïï dai kïï bïïñiaka maaxi ibhiadï ïpï. Dai pobï ïrhi ïgai sai ïgaikïdï bhïi antaada gïdukami tïgibudagai dai bhïiyi ïmo ibhiadï dai gauu. Dai bhodïrï maa ïgai aduñdï bai ïgai uu ïpï.

Genesis 6:5

Dai Gïr Nukadakami tïgito nïidi bïïxi go óídakami oidigi dama ix arhiï mai kïkïïgadu iibhïadï dai go ïï soimaaxi tïgibudagai adaimïi.

Genesis 8:21

Dai ojoidan ubaitu Diuxi go xadutudaragai daidi itïi, —Xibi bhaitiakoga ka mai ïpamu xia duadamu aanï oidigi. Kïï maatï aanï odami ix arhidukatai abhiadïrï soimaaxi tïgibodadï. Dïï tomax dukai ka mai ïpamu xia duadamu aanï podukai odami, tomarhi kiiyïrï buxtaki, tomarhi oidigana buxtaki, tomarhi kïkïixi, tomarhi go aarhi kïkïixi, tomarhi ujurugi.

Mataibo 15:18

—Dïï gia ixtumaxi odami ïrabiadïrï busakïi, go soimaaxkami ix makïdï ibuadagi ïgai tudu, gobai gia tukurhimadai gaibïdaga. Gobai odami ibhïadïañdïrï busakïi— itïtïdai.

Mataibo 15:20

Bïïxi gobai odami ibhïadïañdïrï busakïi dai gobai ïr ix makïdï tukurhimadai odami iibhïadï. Dïï gia ix maiti gïn ikomakai gaugiagi ïmoko gobai xadïrï tukurhimadana ibhïadï— itïtïdai Suxi go mamaatïrdamigadï.

Mataibo 4:1

Dai gokiïrï xi gï bakoanatu go Suxi ami go aki Jordanïrï sai bhodïrï jii ïgai abhiadïrï kïïga ïïgiditai ïgai Diuxi Ibhïadï. Dai Diuxi Ibhïadï baidaja go Suxi oidigamu saidi buidïrï aïna go Diabora saidi ïgai abïnakidana sai soimaaxi duna go Suxi.

Mataibo 5:28

Dai aanï aagai ïpï sai maiti gï agai tomarhi ïmadutai aapimï xi galnaxi gï tïgitoagi ïmo oki bïïtarï ïpï tomaxi mosïkaxi mïkaxdïrï nïidi aapi dai podukai gï tïgito. Aanï aagai tudu saidi xorai podukai gï tïgitokagi ka ïpïan ïxi soimaaxi ibuayi xi ka ïmadï boitadai ïgai.

Romanos 7:11

Go soimaaxkami tïï ix dukatai aatabuadagi go sïïrhikamikïdï tudu dai gin buirumagi dai mukiadï gin bia.

Romanos 7:13

¿Go sïïrhikami ix tudu ïgai dai gin buapi mukigami tomaxi kïïgadukami ïgai? ¡Cho! ¡Xadïrï gin buapidana gobai mukigami! Go soimaaxkami ïgai dai aatadui go sïïrhikamikïdï tomaxi gia ïr kïïgadukami go sïïrhikami dai ïgaikïdï gin buapi mukigami. Go sïïrhikamikïdï maatï tïï aatïmï ix makïdï ïgai daidi ïr soimaaxkami. Dai maatï tïï aatïmï xïï kabami ïr bïïtïkami go soimaaxi ïpï. ¡Asta ixtumaxi kïïgadukamikïdï bïïxi aatabuayi go soimaaxkami di!

Efesios 4:22

Kaxkïdï abïr maigobai dasa go ïkidadï gïn tïgibudaga ïmadï ïkidadï gïn oidakaraga. Gobai mos ïr ïï soimaaxkamikana dai gïn bupuirumadaiña gobai gïn maakaitai tïgibudagai xi iduña ïrhiadagi aapimï ix makïdï maiti ïr soiñi.

Hebreos 3:13

Gï agai tudu sai bïïx tasai gïn mamaakadagi aapimï ñoki aipakoga asta xïïxkadï ukami oidakagi aapimï tami oidigi daama. Podukai abïr gupurtuda gïn iibhïdaga aipakoga. Maiti abïr gïn dagito ix gïn bupuirumadadagi go soimaaxkami tudu tadu kabakatu gïn ibhïdaga Diuxi buidïrï dai podukai ka maiti ipïrhiada aapimï xi ïïgiadagi.

Santiago 1:13

Dai xïxkadï gïn aajiagi tïgibudagai ix soimaaxi iduñagi aapimï maiti abïr pobai gïn ïrhiada saidi Diuxi gïn maakai tïgibudagai podukai. Xadïrï. Daiñi, Diuxi tomarhi ïmo imidagai mai biakana pomaaxkami tïgibudagai ix soimaaxi ibuadagi dai tomarhi ïmo imidagai mai mamaakai ïgai pomaaxkami tïgibudagai odami ïpï.

Santiago 1:15

Ïïgi gïr tïgibudaga gïr bapaidi ix ibuadagi aatïmï soimaaxkami po gïr ïrhiditai sai ami tïïgimu aatïmï bhai ïrhiaragai bai go tïgibudagai gobai gïr maitïkïi dai gïpiïrï gïr dadaitudai dai ka soimaaxi ibuadana aatïmï. Dai bhodïrï go soimaaxkami go ïï mukigami gïr buapidi bhaiyoma.