Sal 22:7 - Northern Tepehuan Bible

^7-8 Gin parunai ïgai mos gin tïïgakai. Gin xixigidi ïgai ïpï dai aasïi daidi ikaiti, —Idi as ïgai dai kïïga buaboitudai Gïr Nukadakami. Tï nïida tudu sa bhai kïïgakïrï busaidana Gïr Nukadakami xibi— ikaiti odami gin parunaitai. Dai ikaiti go odami ïpï sai, —Gïr Nukadakami as kïï oigïdai idi. Xibi nïidamu aatïmï sa bhai soiñana— ikaiti odami gin tïïgakai.

Sal 22:7 ပူးပေါင်းရင်းမြစ်များ

Isa 53:3

Odami soi dukai nïidi dai kïïdaiña Diuxi daasadï bhaitï kïakami. Kïïga ïïmadai ïgai soi ïrhiaragai. Dai odami maiti ipïrhi tomarhi xi nïijadagi. Odami sïïrhikïdï soi dukai nïidi dai mai xaduturhi.

Mataibo 27:29

Daidi iduñi ïmo korona uparai dai kïïxi. Dai maa ïgai ïmo arhi uxi saidi dagïkana ïgai ïkadïrï uxiaradï dukai, ïmo dunukami dukai. Podukai idui ïgai bïïxi gobai sai ïpïamaaxkana ïgai ïmo Rey. Dai bhodïrï kuikïskaiña ïgai buidïrï daidi ikaitiña, —Xïïxi ïr gïdukami aapi Reygadï go judidiu— ikaitiña. Xadutuadan dukai kaitiña ïgai dïï mos ïr ïmo parunaragai ïgai bïïtarï bhaiyoma.

Mataibo 9:24

Daidi Suxi potïtïdai, —Iimibïrai— itïtïdai. —Maiti ïr mukiadï go arhi oki. Mos koso gobai— itïtïdai. Bai go óídakami aasïi mai buaboidaitai.

Markos 15:20

Naana dukai parunadan buayi ïgai dai bhodïrï upasai yukuxidï moraduakami dai ïïgi yukuxidï aadi. Dai bhodïrï busaitu ïgai abhiadïrï dai kuruxiana xixa agai.

Markos 15:29

Dai ix makïdï ami dïgabuskïi mos parunadan kaitidiña dai giidai momodï daidi ikaitiña, —Aapi pïx ix makïdï pokaititadai pïsaidi ixtutuidi xi daitudagi go gïï kiupaigadï judidiu dai baika tasaikïdï kïïsa agai ïpamu,

Lukas 16:14

Dai ami darakatadai chïki fariseo dai sïïrhikïdï ojoidi ïgai tuminxi xi kaxkïdï parunaitadai ïgai Suxi kaïkatai aatagidï.

Lukas 23:11

Dai go Herodes soi dukai tïï Suxi aidï dai go Herodes ïmadï sandadarugadï parunaitadai ïgai. Aadidi ïgai yukuxi kïï namïakami sai ïpïamaaxkana ïmo rey. Dai bhodïrï otosdi ïgai go Pilato ïpamu.