Romanos 9:18 - Northern Tepehuan Bible

¹⁸ Pomaaxi tudu, Diuxi soi ïrhiarakïdï nïidi ïïgi xorai soi ïrhiarakïdï nïijada ïrhiada. Dai ïgai mai tïkaidatudai xorai ïgai ipïrhiadagi ïpï. Ïïgi ix dukatai ïgai ipïrhiadagi.

Tepehuan Northern: Diuusi ñiooquidʌ utuducami oodamicʌdʌ

¹⁸ Dai Diuusi soigʌʌlidi sioorʌcʌdʌ ipʌlidi ʌgai dai Diuusi maidadagitoi isʌʌgiadagi sioorʌ ipʌliada ʌgai.

Romanos 9:18 ပူးပေါင်းရင်းမြစ်များ

Exodo 14:17

—Aanï maakimu tïgibudagai go Ejipituana sandadaru xi ïgai mos aapia gïn adiadamu. Dai aidï gia naato xia duadamu aanï go Ejipituana Rey ïmadï sandadarugadï dai sosoigadï dai nïidamu aapimï xïï gubuka aanï— itïtïdai. —Aidï gia bïïxi go Ejipituana óídakami maatïkamu xi aanï ïr Nukadakami— itïtïdai Gïr Nukadakami Moises.

Exodo 14:4

Dai Aanï ïpamu mai ïïgidaratudamu go Ejipituana Rey xi ïgai gïn tïgitomu dai gïn gokiïrï gïn aadaimu. Dai bhodïrï aanï bui kïkibamu go Rey ïmadï sandadarugadï dai gokiïrï go Ejipituana oidakami nïijadamu xïï gubuka aanï. Dai nïijadamu xi aanï ïr Nukadakami— itïtïdai. Dai aa surhi go Israelitas daidi idui ix dukatai agaitadai Diuxi.

Exodo 4:21

Daidi Diuxi itïtïdai, —Aapi Moises gï agai pïxi kïïga gï tïgito nïijadagi aïkai Ejipituana dai bïïxi ibuadagi go maaxidaragai go Rey buidïrï ix makïdï gï maa aanï gubukadagai pïx ibuadagi. Podukai gï maakimu go Rey oigaragai xi aatagada aapi buidïrï. Dïï mai dagitomu aanï go Rey xi ïma dukai bhïiyagi tïgibudagai bai ïgai mos apia mai ïïgidaraga ka agai. Tomaxi ibuada aapi naana maaxi maaxidaragai buidïrï ïgai, bïïxkïrï ïgai mai dagitomu go Israelitas xi iimiagi abhiadïrï. Kaxkïdï aanï kabami gïgïbituldamu ïgai— itïtïdai Diuxi.

Exodo 7:3

Dai aanï mai dagitomu go Rey xi ïma dukai bhïiyagi tïgibudagai. Dai bhodïrï iduñimu aanï naana maaxi maaxidaragai buidïrï go Ejipituana óídakami.

Exodo 9:7

Dai go Ejipituana Rey otoi ïmoko sai mïï nïidana go Israelitas sosoigadï buxtaki sa bhai koi. Sai go Israelitas sosoigadï mai koiñi tomarhi ïmoko. Dïï modukai mai ïïgiadan taadatu go Ejipituana rey dai mai dagito go Israelitas xi iimiagi.

VUAANA 12:40

Ojadï ikaiti sai, Go odami nïidi ix tumaxi ibuayi Diuxi dïï mos Diuxi mai dagito ix maatï nïijadagi. Kabakaturhi ïgai odami momodï bhaiyoma sai mai maatï kaïkana ix tuma bïïtarïtadai ix makïdï ibuayi Diuxi odami buitapi. Kaxkïdï go odami maiti ixtui ix ïma dukai gïn tïtïgitoagi dai buaboitudagi sai Diuxi soiñana, ikaiti ojadï.

Romanos 11:25

Gin aaduñi, ipïrhidi aanï xi maatïkagi aapimï ïmo maatïtuldaragai Diuxiañdïrï ï ix makïdï ïki abhiadïrï ïxtokikana. Dai aidï gia toma lïïchi mai gïgïrdukïdï gïn ïrhiadamu aapimï kaïkai idi maatïtuldaragai ix makïdï gïn aagidamu aanï. Daiñi, mai xu bïïxkïrï kaapakami ka agai iibhïadï go judidiu maiti ipïrhiditai xi buaboitudagi. Kapakamu ïgai mosïkaxi asta xïïxkadï aiyagi ix xïïkiduka agai buaboitudadami ix makïdï maiti ïr judidiu.

Efesios 1:6

Daiñi, Diuxi podukai dáí saidi aatïmï ïr maamaradïkana sai bhodïrï oigïda ñokadana aatïmï ïgai bïïtarï mos ïï kïïga tuigakatai ïgai gïr bïïtarï. Diuxi kïïgakïrï oigïdai Suxi Kristo ix makïdï ïr maradï Diuxi. Dai Suxi Kristokïdï gïr tïtïgidi Diuxi xïï kabami kïï tuiga ïgai gïr bïïtarï.