Romanos 8:9 - Northern Tepehuan Bible

⁹ Dïï gia ix gïn ïmadï daja Diuxi Ibhïadï aidï gia ka maiti gïn tïanïi gïn tïgibudaga ïkidadï. Bhaiyoma xibi Diuxi Ibhïadï ïgai dai gïn tïanïi. Xorai mai biakagi Diuxi Ibhïadï ix makïdï Suxi Kristo gïr otoxi, ïgai gia maiti ïr aaduñdï Suxi Kristo.

Tepehuan Northern: Diuusi ñiooquidʌ utuducami oodamicʌdʌ

⁹ Dʌmos Diuusi Ibʌadʌ aapimʌ gʌnʌʌmadu daja cascʌdʌ maitivueeyi aapimʌ istumaasi ʌʌgi ipʌlidi baiyoma ivueeyi aapimʌ istumaasi ipʌlidi Diuusi Ibʌadʌ. IsDiuusi Ibʌadʌ maiʌʌmadu daacagi oodami ʌgai maivaavoitudai Suusi Cristo.

Romanos 8:9 ပူးပေါင်းရင်းမြစ်များ

Lukas 11:13

Daiñi, aapimï mamaakai ixtumaxi ïr kïïga gïn maamara tomaxi ïr soimaaxi ibuadami aapimï. Dai Diuxi gïïpi bamioma kïï tuiga xi bhai aapimï xi kaxkïdï gï maatï sai ïgai mamaakai ixtumaxi ïr kïïga maamaradï bïïtarï taanïkai ïgai. Dai kïïga maakimu ïgai Diuxi Ibhïadï xorai taañiagi ïpï— astïdai.

VUAANA 14:17

—Ïgai ïr Diuxi Ibhïgadï dai ïr gamaatïturhiadami ixtumaxi ïr buaboi. Dïï gia go gaa óídakami ix makïdï adaimïi mosïkaxi odami tïgibudadï mai bhaiga ix ïïgiadagi Diuxi Ibhïgadï. Ïgai mai buaboitudai Diuxi Ibhïgadï mai maatïkatai xorai ïgai dai mai maatïkatai ïpï ix dukatai aatabuayi ïgai. Dïï aapimï gia kïïga maatï Diuxi Ibhïadï gïn ïmadï dajatai ïgai. Gïn ïmadï daja ïgai tudu dai gokiïrioma gïn ïrana oidaka agai ïgai ïpï— itïtïdai.

VUAANA 14:23

Dai Suxi itïtïdai, —Daiñi, gï agai ix gin oigïdadagi odami xi kaxkïdï gin ïïgiada ïpï. Ïma dukai mai tïtïgidiña aanï ix tuiga aanï. Kïïga gï maatï tudu sai gin ïïgiadamu go odami ix makïdï kïïgakïrï gin oigïdai tudu. Dai kaxkïdï oigïadamu gin Oga ïgai dai aanï ïmadï gin Oga ayimu ïgai ïmadï dai kïïga gïr urabakan dukai óídakamu ïgai ïmadï. Daiñi, aagaiña aanï mosïkaxi ixtumaxi gin tïjai Diuxi. Mai ïïgi gin tïgibudagakïdï ñokai aanï tudu. Dïï tomax dukai go odami ix makïdï maiti gin oigïdai mai ïïgidiña gin ñoki. Kaxkïdï mai tïtïgida iñagai ix tuiga aanï ïpï— itïtïdai.

VUAANA 3:34

Diuxi aagidi Maradï ix tuma ñoki aituldana ïgai óídakami dai mïkadïrï otoi maakakai bïïxi Diuxi Ibhïgadï gubukarhigadï. Dai Diuxi Maradï mai aagaiña ïma maaxi, mosïkaxi gobai ix makïdï Diuxi aagidi. Kaxkïdï gï maatï saidi ïr buaboi ñokidï aagaitai ïgai go baaxi ñoki ix makïdï Diuxi aagidi.

Hechos 16:7

Dai bhodïrï ayi ïgai miadïrï xako Misiana tïgidu dai oijada agaitadai gïn imidagai Bhitiniamakoga dïï mos Suxi Ibhïadï mai dagito ix gamo iimia ïgai ïpï.

Romanos 7:5

Ïkioma mai kia buaboidakai aatïmï Suxi gïr tïanïiña go sïïrhikami. Dïï mos kaïkai aatïmï ix kaiti go sïïrhikami mos kabamioma gïr aïjïiña soimaaxi tïgibudagai dai podukai go soimaaxkami mos bamioma gïr tïanïiña xi soimaaxi ibuada aatïmï. Aidïpïrï bïïxi go soimaaxkami ix makïdï ibuadana aatïmï go ïï mukigami gïr buapaiña.

Romanos 8:1

Aa gia ïr buaboi gobai ix makïdï gïn aagidi aanï. Kaxkïdï xibi ka mai tipu gïgïbidaragai odami bïïtarï ix makïdï bïïnakami bii Suxi Kristo.

Romanos 8:11

Daiñi, Diuxi ïgai dai duakaturhi go Suxi Diuxi Ibhïadï gubukadadïkïdï. Dai xibi Diuxi Ibhïadï gïn ïrana daja. Kaxkïdï maatï aatïmï sai Diuxi duakatuda agai gïn tukuga ïpï mukukai aapimï. Gïn duakatudamu Diuxi Ibhïadï gubukarhigadïkïdï ix makïdï gïn ïrana daja.

Romanos 8:2

Xibi Diuxi Ibhïadï ïgai dai gïn tïanïi dai gïn maakai gubukarhigai sai kïïgakïrï óídakana aapimï. Ka bïïnakami aapimï Suxi Kristo kaxkïdï. Dai kaxkïdï ïpï go soimaaxkami ka maiti gïn tïanïi dai go mukigami ka maiti gïn ajïi ïpï.

1 Korintios 15:23

Suxi Kristo ïgai dai ïpïgioma duakatu tudu dai gokiïrï ïpamu dibiakai duduakaturhi agai ïgai bïïxi aaduñdï.

1 Korintios 3:16

Gin aaduñi, kïïga maatï aapimï sai aapimï ïr Diuxi bakidï dukai xako oidakami ïgai. Kaxkïdï tudu Diuxi Ibhïadï aapimïrï daja.

1 Korintios 6:17

Dïï gia oidaga ïmai bïïnaragai ix makïdï gïïpi ïma maaxi. Daiñi, odami ix makïdï bïïna daraka Suxi Kristo ïmo odami dukai bipiïyi ïgai ïmadï ibhïgadïkïdï.

1 Korintios 6:19

Kïï sïïrhi abïr gïn tïgitoka tudu sai gïn tukuga ïr Diuxi Ibhïadï bakidï dukai gïn ïrana dakatai ïgai. Dai Diuxi ïgai dai gïn maa ïïgi Ibhïgadï sai gïn ïmadï dakana. Kaxkïdï ka mai bia aapimï sïïrhikami ix ïïgi gïn tïanïdagi aapimï.

2 Korintios 10:7

Gïn aaduñi, xïïxkadï nïijadagi aapimï ïmo odami maatïka ïrhiditai ix bhai bia ïgai ïmo sïïrhikami Diuxi amadïrï mosïkaxi nïidiña aapimï tukugadï ix maaxi dïï mai nïidiña aapimï ix maaxi ibhïgadï. Daiñi, oidaga ïïmo odami ix makïdï ikaitiña sai ïgai ïïgi kïï maatï saidi ïr ojotosadï ïgai Suxi Kristo. Ïïgi namïatudan buayi ïgai ïïgi sïïrhikamigadï tudu dai maiti gï agai gobai. Dai ïkobïrakoga pokaitiña ïgai sai aatïmï ix makïdï buaboikïdï ïr ojotosadï Suxi Kristo, sai aatïmï mai bia ïmo sïïrhikami Suxi Kristo amadïrï. Dïï gia aanï aagai sai gï agai ix maatïkagi ïgai sai aatïmï buaboikïdï ïr ojotosadï Suxi Kristo.

2 Korintios 6:16

Daiñi, kïïga maatï aapimï sai maiti gï agai aapimï xi go gïï kiupaigadïrï Diuxi tutusadagi uubixi dai Diuxi dukai xadutuada agadagi aapimï ïgai ami. Soimaaxi gobai tudu. Ïmo tukuragai gobai. Dai podukai ïpï aatïmï buaboitudadami maiti gï agai ix gïr bapasïdagi ïmadï ix makïdï mai buaboitudai. Gobai ïr ïpïan dukami xi kiupaigadïrï Diuxi bapasadagi aapimï ubixi. Ïmo tukugai gobai tudu. Diuxi gïr saagida oidaga kaxkïdï. Dai kaxkïdï Diuxi maa ñoki gïr aaduñi ïïki daidi potïtïdai, Ayimu ixtuigako gin aaduñi saagida oidakamu aanï Aanï ïr Diuxigadïkamu aidï dai ïgai ïr gin maamaraka agai.

Galatas 4:6

Dai kïï maatiga maaxi saidi ïr Diuxi maamaradï aapimï xibi. Daiñi, Diuxi gïn maa ïïgi Ibhïadï dai xadïrï gïn maakimudai Ibhïadï ix maiti ïr maamaradïkagi aapimï. Ïgai ïr ï galbaaxi Diuxi Ibhïadï ix makïdï Diuxi Maradï biakana ïpï. Dai xibi gïr maakai ïgai ïmo kïïgadukami ïmadaragai Diuxi ïmadï gïr ïrana dakatai. Gïr maakai ïmadaragai sai gïgïr ñokaiña aatïmï aatagaitai Diuxi dai sai —gïr Maama— dai —gïr Oga— aagaiña aatïmï Diuxi.

Galatas 5:24

Daiñi, aatïmï ka bïïna daraka Suxi Kristo xibi dai ka ïkobai bii aatïmï gïr ïïkidadï tïgibudagaiñdïrï. Aatïmï gïr bïïtarï ka kuruxiana xixapikan dukai biyan dui gïr ïïkidadï tïgibudagai tudu dai kaxkïdï ka mai bia aatïmï xi ïïgiadagi gobai xïïxkadï gïr aagidagi sai iduña rïrhidi ixtumaxi.

Efesios 1:13

Xibi aapimï ix makïdï maiti ïr judidiu kaxi kaïkana ix makïdï ïr buaboi. Kaïkana aapimï go bhai ïrhiaragai aatagi tudu. Dai xibi ka buaboitudai aapimï Suxi Kristo ïpï dai ka kïïgakïrï bubuaka aapimï. Xibi buaboitudakai aapimï gïn tïpaltu Diuxi gïn maakakai Diuxi Ibhïadï gïn abhana. Ka ïkiaxdïrï podukai agaitadai Diuxi ix otosa agaitadai Ibhïadï dai kaxkïdï otoi ïgai.

Efesios 2:22

Dai xibi aapimï ix makïdï maiti ïr judidiu bïïna daraka Suxi Kristo ïpï. Xibi aapimï ojodai dukai gïn darasaka Diuxi kiidïrï ïpï. Podukai aatïmï bïïxkatai ïr tutuidadï Diuxi kiidï dukai xako oidaga ïgai gïr ïrana dakatai Diuxi Ibhïadï.

Efesios 3:17

Daanïi aanï sai Suxi Kristo kïïga biakagi oidagakaradï gïn iibhïdagïrï kïïga buaboitudaitai aapimï. Dai sai kïï kabakami dukai gukibana aapimï maatïkatai xïï kïïga gïn oigïdai Diuxi.

Filipenses 1:19

Maatï saidi daanïiña aapimï Diuxi gin bïïtarï tudu. Bhai gin ïrhidi aanï maatïkatai ïpï sai Suxi Kristo Ibhïadï kïïga gin soikïiña sai kïïgakïrï oidakagi aanï tomaxi naana dukai soimaaxi taataimi aanï xibi.

2 Timoteo 1:14

Daiñi, Diuxi gï nukaturhi go kïïgadukïdï aatagi kaxkïdï maiti gï dagitoda aapi ix kuga imiagi gï aatagi xïïxkadï gatïtïïgiada aapi ñoki. Kïï sïïrhi aagada tudu. Dai Diuxi Ibhïadï ix makïdï gïr ïmadï daja gï soiñamu sai podukai kïï nukadakana aapi go aatagi.

1 Pedro 1:11

Suxi Kristo Ibhïadï ka ïkiaxdïrï maatïturhitadai go ñiñokituldiadamigadï saidi Suxi Kristo soimaaxi taata agai dai sai gokiïrï oidaka agai naana maaxi bhai ïrhiaragai. Dai go ñiñokituldiadamigadï Diuxi maatïka ïrhiditadai ix tuigako daibuña agai bïïxi gobai dai xorai bïïtarïka agai gobai ïpï.

1 Juan 3:24

Dai toma xorai ix makïdï ïïgiadagi Diuxi sïïrhikamigadï ïgai kïïga biakana urabaragai Diuxi ïmadï. Diuxi gïr maa Ibhïadï saidi gïr ïmadï dakana tudu. Dai ka biakatai aatïmï Diuxi Ibhïadï gokïdï maatï aatïmï saidi ka kïïgakïrï uraba bii aatïmï Diuxi bïïxkïrï bïïtarï.

1 Juan 4:13

Daiñi, Diuxi gïr maa Ibhïadï sai gïr ïmadï dakana. Dai kaxkïdï kïïga maatï aatïmï sai buaboikïdï urabaka aatïmï Diuxi dai sai Diuxi gïr ïmadï daja. Ïmadukai xadïrï gïr maakana ïgai Ibhïadï tudu.

1 Juan 4:4

Gin aaduñi, maamaradï aapimï Diuxi dai kïïga gïn oigïdai aanï. Dai maiti gïn dagito aapimï ix gïn bupuirumadagi go gatïtïïgiadami yaatagi. Mai bhïiyi aapimï buaboidaradï ïgai tudu. Diuxi gïn ïmadï daja kaxkïdï. Dai ïgai bamioma gubuka xi bhai ïgai ix makïdï ïmadï daja go odami ix makïdï mai buaboitudai. Bamioma gubuka Diuxi xi bhai go diabora tudu.

Apokalipsis 13:8

Dai bhaitoma bïïxi oidigi daama óídakami xadutuada agai go kïixi Diuxi dukai. Dïï gia go odami ix makïdï ojixi go libroïrï ix makïdï bia go Arhi Kañiru ïgai gia mai xadutuada agai go gïï kïixi. Go Arhi Kañiru ïgai makïdï gï muatu dai bia ïmo libro xako ojixi odami ix makïdï bïïxkïrï bïïtarï óídaka agai. Aidï abhiadïrï xi mai kia kïkibatadai oidigi biakana ïgai go libro tudu. Dai odami ix makïdï ojixi ami libroïrï gia mai xadutuada agai go gïï kïixi.