Romanos 8:6 - Northern Tepehuan Bible

⁶ Gïr ïkidadï tïgibudagai go ïï mukigami gïr buapai xïxkadï gïr tïgito ajiopada aatïmï gobai. Dïï gia xïxkadï gïr tïgito ajiopada aatïmï ixtumaxi Diuxi Ibhïadï ipïrhidi aidï gia kïïgakïrï óídakana aatïmï dai kïïga ibhïxtakan taadakana.

Romanos 8:6 ပူးပေါင်းရင်းမြစ်များ

VUAANA 14:27

Dai Suxi oi go aatagi daidi potïtïdai go mamaatïrdamigadï, —Gin aaduñi, imimu aanï tabhiadïrï dïï gïn bidamu aanï ïmo ibhïxtaragai gïn ibhïdaga bïïtarï. Kaxkïdï maiti abïr buamï gïn ïrhiada imïkai aanï dai abïr mai duduadikuda ïpï. Go ibhïxtaragai ix makïdï gïn maakai aanï mai ïpïamaaxi ix makïdï gaagai odami oiditai ïïgi tïgibudadï.

VUAANA 14:6

Daidi Suxi itïtïdai, —Aanï tudu ïr go boi ixtukïdï ajïi odami xako daja Diuxi. Mosïkaxi aanïkïdï mamaatïrïi odami ixtumaxi ïr buaboi. Dai mosïkaxi aanïkïdï kïïgakïrï óídaga odami ïpï. Mai tipu xorai aiyagi mïïka xako daja Diuxi ix maiti gin buaboitudadagi ïgai.

VUAANA 17:5

Xibi gin Oga, gin maaka ï galbaaxi sïïrhikami namïakami ix makïdï biakatadai aanï ïïki aidïxi gï ïmadï dakatadai aanï mai kia kïkibakai oidigi— itïtïdai Suxi.

Romanos 13:14

Xibi abïr ïpïan dukai óídaka Suxi Kristo Gïr Nukadakami bhaiyoma. Daidi abïr mai tïgito ajiopada xi dukatai buadagi ix tumaxi gïn tanïi gïn ïkidadï tïgibudaga.

Romanos 14:17

Daiñi, Diuxi tïanïi odami mai xu mos ipïrhiditai xi odami dagitoagi ïïmo kuadagai xiïpï ïïmo iidagai. Diuxi ipïrhidi xi sïïrhi óídakagi odami Diuxi buitapi dai sai iibhïxtakan taadakagi odami dai sai ïïgiditai Diuxi Ibhïadï biakana ïgai gïn bhai ïrhiaraga. Go maaxi bïïtarï tïanïi Diuxi odami tudu.

Romanos 5:1

Kïïga maatï aatïmï aidï sai Diuxi kïïgakïrï gïr nïidi buaboidaitai aatïmï. Suxi Kristo Gïr Nukadakami bhai dui gïr bïïtarï sai xioma uraba óídakana aatïmï Diuxi.

Romanos 5:10

Ïkioma gïr bupuidïrï bïïtïkana aatïmï ïmadï Diuxi dïï gia Suxi Kristo, Diuxi maradï, muu dai podukai bhai dui sai ïpamu biakana aatïmï urabaragai Diuxi ïmadï. Suxi Kristo ïpamu duakatu aidïxi ka mutadai. Kaxkïdï xioma maatiga maaxi xibi sai kïïgakïrï bubuakimu aatïmï, ïpamu oidakatai ïgai tudu.

Romanos 6:21

Mos ïr xaïraragai gobai ix makïdï ibuadana aapimï ïki. ¿Tumaxi ïr soiñikana aidï gobai ix makïdï ibuadana aapimï? Maiti ïr soiñikana gobai toma lachi. Bhaiyoma go ïï mukigami buapaiña gobai.

Romanos 6:23

Go soimaaxkami maitïkidï ïr go ïï mukigami tudu. Dïï gia Diuxi gïr maakai ïmo oidaragai. Ïgai gïr maakai ïmo kïïgakïrï oidakaragai bïïxkïrï bïïtarï tudu bïïnakatai aatïmï Gïr Nukadakami Suxi Kristo.

Romanos 7:11

Go soimaaxkami tïï ix dukatai aatabuadagi go sïïrhikamikïdï tudu dai gin buirumagi dai mukiadï gin bia.

Romanos 7:5

Ïkioma mai kia buaboidakai aatïmï Suxi gïr tïanïiña go sïïrhikami. Dïï mos kaïkai aatïmï ix kaiti go sïïrhikami mos kabamioma gïr aïjïiña soimaaxi tïgibudagai dai podukai go soimaaxkami mos bamioma gïr tïanïiña xi soimaaxi ibuada aatïmï. Aidïpïrï bïïxi go soimaaxkami ix makïdï ibuadana aatïmï go ïï mukigami gïr buapaiña.

Romanos 8:13

Ix ïïgiditai óídakagi aapimï gïn ïkidadï tïgibudagai aidï gia mos koimu aapimï. Dïï gia ix Diuxi Ibhïadï gubukarhigakïdï maigobai dasagi aapimï ix makïdï ibuadana ïïgiditai gïn tïgibudaga ïkidadï, aidï gia kïïgakïrï óídakamu aapimï.

Romanos 8:27

Diuxi kïï maatï ix tïtïitoi odami dai kïi maatï ïpï ix tïiya ïrhidi Diuxi Ibhïadï daanïitai gïr bïïtarï. Diuxi Ibhïadï daanïi ixtumaxi Diuxi ipïrhidi gïr bïïtarï tudu.

Romanos 8:7

Daiñi, Diuxi buidïrï bïïtï odami ix makïdï gïn tïgito ajiopai gïn ïkidadï tïgibudagai. Gïr ïkidadï tïgibudagai tomarhi ïmo imidagai mai ïïgidi Diuxi sïïrhikamigadï tudu. Maiti ixtutuidikïi gobai xi ïïgiadagi tudu.

Galatas 5:22

Dïï gia xïïxkadï ïïgiadagi aatïmï Diuxi Ibhïadï gïr ïrana aatabuayi ïgai dai bhai buayi naana maaxi kïïgadukami gïr ïrañdïrï. Ïïgiditai aatïmï Diuxi Ibhïadï oigïdaiña aatïmï jaa dai bhai gïr ïrhidiña dai gïr ibhïxtakan taadakana aatïmï gïr ibhïdagïrï. Kïïga gïr kabakadaiña aatïmï ïpï xïxkadï soimaaxi taatamadagi. Kïï tutiakana aatïmï jaa bïïtarï dai ibuadana ixtumaxi ïr kïïga. Bïïxkïrï ibuadana aatïmï ix tumaxi aagagi aatïmï ïpï.

Galatas 6:8

Daiñi, xorai soimaaxi ibuadagi ïïgiditai ïïgi tïgibudadï ïgai ka ïxiandui soimaaxkami dai go ïï soimaaxkami yoobamu ïpï ïmadï go mukigami. Dïï gia xorai kïïga ibuadagi ïïgiditai Diuxi Ibhïadï ïgai gia gaïïxian dui ixtumaxi kïïgadukami dai go kïïgakïrï oidakaragai ix makïdï ïr bïïxkïrï bïïtarï gobai ïr yoobaradïka agai.