Romanos 8:31 - Northern Tepehuan Bible

³¹ ¿Ix tïiya ïrhidi aidï gïr bïitarï idi ix makïdï gïn aagidimi aanï idi ojiïrï? Diuxi ïgai dai gïr abhana kïïka dai gïr soikïi ¿aba? ¡Xadïrï ixtuidïna gïr buidïrï bïïtïkami gïr bui aidï!

Tepehuan Northern: Diuusi ñiooquidʌ utuducami oodamicʌdʌ

³¹ Vʌʌsi gomaasicʌdʌ cʌʌ maatʌ aatʌmʌ isDiuusi sʌʌlicʌdʌ gʌrsoicʌi dai tomali ʌmaadutai maivaamioma istutuidi isDiuusi.

Romanos 8:31 ပူးပေါင်းရင်းမြစ်များ

Numeros 14:9

—Maiti agai xi bui bïïtïkagi aapimï Gïr Nukadakami mai ïïgiditai aatïmï ïgai. Tomarhi maiti agai xi ïbhiada aatïmï go Kanaanïrï óídakami. Tuma xijiakamu gobai. Otoma maitïmu aatïmï bui surhigïkai. Ïgai mai bia xorai soikïdagi di. Dai aatïmï gia Gïr Nukadakami gïr abhana kïïka dai ïgai gïr soiñamu. Maiti abïr duduadikuda tuduidï— itïtïdai go Josue ïmadï Kaleb.

Mataibo 1:23

Gïr Nukadakami potïtïdaitadai ïgai aidï saidi, Nonoakami bii agai ïmo arhi oki ix makïdï mai kia ïmadï bii tomarhi ïmo kïïrhi dai marata agai ïmo arhi xïïñi dai Emanuel tïïtïmu ïgai. Gobai ïr go ñoki ix makïdï aiturhi go ñokituldiadamigadï Diuxi go óídakami ïïki tudu. Dai go tïtiaradï go Emanuel itïiya ïrhidi sai Diuxi gïr ïmadï daja.

Romanos 3:5

Ïïmo odami pokaitiña sai go soimaaxi ix makïdï odami ibuayi kïïga mamaaxidi xïï kïïga buañixi Diuxi. Kaxkïdï pokaitiña ïgai sai mai kïïga ibuayi Diuxi gïgïbiditai soimaaxi buadami. ¡Mos ïr ïï buirudagai gobai ix makïdï aagai ïgai!

Romanos 4:1

¿Ix dukatai ïpï dui aidï go Abraamkaru, ix makïdï ïr ogadï bïïxkatai aatïmï Israelitas tudu? ¿Ixtukïdï kïïgakïrï tïï Diuxi ïgai?

1 Juan 4:4

Gin aaduñi, maamaradï aapimï Diuxi dai kïïga gïn oigïdai aanï. Dai maiti gïn dagito aapimï ix gïn bupuirumadagi go gatïtïïgiadami yaatagi. Mai bhïiyi aapimï buaboidaradï ïgai tudu. Diuxi gïn ïmadï daja kaxkïdï. Dai ïgai bamioma gubuka xi bhai ïgai ix makïdï ïmadï daja go odami ix makïdï mai buaboitudai. Bamioma gubuka Diuxi xi bhai go diabora tudu.