Romanos 8:30 - Northern Tepehuan Bible

³⁰ Diuxi podukai dáí sai aatïmï ïpïamaaxkana Suxi Kristo. Gïr báí ïgai dai kïïgakïrï gïr tïï. Gïr báí sai aatïmï ïpï gïr aiyagi bhai ïrhiaradï Suxi Kristo dai sai gïr aiyagi go xadutudaragai ix makïdï ïgai bia ïpï.

Tepehuan Northern: Diuusi ñiooquidʌ utuducami oodamicʌdʌ

³⁰ Dai ʌcovai vuvaidacai aagidi sai ʌʌgiditai caʌcana istumaasi aagiadagi ʌgai dai sioorʌ ʌʌgiditai caʌca istumaasi aagai Diuusi. Diuusi cʌʌgacʌrʌ nʌidi ʌgai ducami istomali ʌmo imidagai maisoimaasi ivuaadamudai. Dai Diuusi aagai sai ʌmo imidagai oidacamu ʌgai ʌʌmadu tʌvaagiʌrʌ tomastuigaco.

Romanos 8:30 ပူးပေါင်းရင်းမြစ်များ

VUAANA 17:22

—Gin Oga— itïtïdai. —Ix dukai aapi ïmo namïakami gin dáí, podukai aanï namïakami darai gin mamaatïrdamiga ïpï sai kabami namïakana ïgai gin ïmadï. Podukai darai aanï ïgai saidi mos ïmo odami gïn dukamikana gïr ïmadï.

VUAANA 17:24

—Gin Oga— itïtïdai. —Ipïrhidi aanï ix gin mamaatïrdamiga ix makïdï gin maa aapi gin ïmadï darakana tïbagiana bai podukai nïidiña ïgai xïïxi ïr gïdukami aanï. Aapi gin Oga ïgai dai gin dáí saidi ïr ïmo gïdukamikana aanï gin oigïdaitadai aapi ïïki abhiadïrï aidïxi mai kia tipukatadai oidigi— itïtïdai.

VUAANA 5:24

—Kïïga abïr gïn tïgito kaïka idi ñoki. Daiñi, odami ix makïdï ïïgida kaïkagi gin ñoki dai buaboitudagi ïgai ix makïdï gin otoi ka bïïxkïrï bïïtarï oidaka agai. Diuxi ka mai maakimu ïgai gïgïbidaragai dai ka bubuaka abhiadïrï xako darakatadai ïgai, xako mos ïr ïï mukigami gï dukami tudu, dai ka baapa ïgai xako gia ïr kïïgakïrï oidakaragai— itïtïdai.

Romanos 1:6

Aapimï tudu gïn báí Diuxi saidi ïr Suxi Kristo tuidadïkana aapimï. Dai xibi buaboitudakai aapimï ka uraba daraja bïïxi go gaa ix makïdï ïr buaboitudadami ïpï.

Romanos 11:29

Xadïrï ïma dukai gï tïgitona Diuxi kaxi maakakai ïmo oidaragai. Dai xadïrï ïma dukai gï tïgitona ïgai kaxi ïko bubaidakai óídakami ïpï. Bïïxkïrï ibuayi ïgai ixdukatai aagadagi.

Romanos 8:1

Aa gia ïr buaboi gobai ix makïdï gïn aagidi aanï. Kaxkïdï xibi ka mai tipu gïgïbidaragai odami bïïtarï ix makïdï bïïnakami bii Suxi Kristo.

Romanos 8:21

xi gokiïrioma kïïgakïrï bubuakiagi bïïxi aïkatai ix makïdï idui ïgai. Diuxi ipïrhidi xi ix makïdï idui kïïgakïrï busiagi ïpï xi ka mai kïrhimurïkagi dai tomarhi mai dubarïdagi. Ipïrhidi ïgai xi ix makïdï idui gobai biakagi gïdukami bhai ïrhiaraga dai sai kïïgakïrï bubuakïna gobai ïmadï Diuxi maamaradï ïpï xïxkadï kïïgakïrï bubuakiagi ïgai.

Romanos 8:28

Kïï maatï aatïmï sai Diuxi bïïxi aïkatïrï aatabuayi dai kïïga ibuayi aatïmï gïr bïïtarï ix makïdï oigïdai Diuxi. Aatïmï gïr bïïtarï tudu ix makïdï Diuxi ïkobai gïr báí xi aatïmïkïdï gï ibuadagi ix tumaxi ïgai ipïrhidi.

1 Korintios 1:2

Idi ojai ïr gïn bïitarï aapimï buaboitudadami Korintoïrï óídakami. Aapimï gïn bïïtarï tudu ix makïdï ka ïkobai gïn darai Diuxi bïïna darakatai aapimï Suxi Kristo. Ïko darasadï aapimï Diuxi gïn bapaidakai ïgai ïmadï bïïxi go gaa buaboitudadami ïpï ix makïdï bïïxi aipakoga daanïiña Suxi Kristo. Suxi Kristo tudu ïgai daidi ïr Tïanïdamigadï bïïxkatai aatïmï buaboitudadami.

1 Korintios 1:9

Dai kïïga gï maatï sai Diuxi gïn soiñamu ix kabakan dukai gukibana aapimï kaxkïdï tudu ïgai kïï sïïrhi aatabuayi dai mai yaatagïi. Dai ïgai kaxi ïkobai gïn darai sai bïïnakan darakagi aapimï Maradï. Kaxkïdï ïpï gï maatï sai Diuxi gïn soiñamu ix kabakan dukai gukibana aapimï gïn buaboidaragïrï asta go kugatïrï tasïrï ukami. Ka bïïna daraka aapimï Suxi Kristo Gïr Nukadakami kaxkïdï.

1 Korintios 2:7

Go tïgibudagai ix makïdï aagai aanï ïr Diuxi tïgibudadï ix makïdï odami mai maatïkana ïïki abhiadïrï. Gïn aagidamu aanï ix dukatai kaatï go Diuxi tïgibudadï. Daiñi, ïïki mai kia kïkibakai oidigi Diuxi ka podukai gï tïgito dai podukai dáí saidi Suxi Kristo bhai buadana ixdukatai gïr aïna gïïpi xadutudaragai. Gobai tudu ïr Diuxi tïgibudadï ix makïdï odami mai maatïkana ïïkioma.

1 Korintios 6:11

Dai ïïmadutai aapimï pomaaxkana ïkioma ïpï. Dïï gia xibi ka buaboitu aapimï Suxi Kristo Gïr Nukadakami dai xibi Diuxi Ibhïadï ka gïn abhana ayi ix kaxkïdï ka buañixi aapimï dai kïïgakïrï gïn nïidi Diuxi dai xibi ka ïkobai darasadï aapimï Diuxi.

2 Korintios 4:17

Go soi ïrhiaragai ix makïdï taatamai aatïmï xibi mai xii kabami bïïtï tudu daidi otoma daibuskïi. Dai gokiïrï gïr buapidamu gobai go bhai ïrhiaragai ix makïdï bïïxi adaama bhai ïrhiaraga dai bïïxkïrï bïïtarïka agai gobai.

Galatas 1:15

Pomaaxkatadai aanï ïkioma tudu, dïï bïïxkïrï Diuxi ïkobai gin busaitutadai mai kia busaikai aanï abhiadïrï ïmo sïïrhikami bïïtarï. Gia kïï tuiga Diuxi gin bïïtarï tudu. Dai gokiïrï ka aïkai ixtuigako Diuxi ipïrhi

Galatas 1:6

Xibi bia aanï ïmo ñoki gïn bïïtarï gin aaduñi. Daiñi, Diuxi ïgai dai gïn abïnaki sai buaboitudaiña aapimï. Gïn tïtïgidi ïgai xïï kïï tuiga Suxi Kristo gïn bïïtarï tudu mukukai gïn bïïtarï. Podukai gïn abïnaki ïgai sai buaboitudaiña aapimï. Dai aidïxi máí aapimï xïï kïï tuiga ïgai gïn bïïtarï aidï buaboitu aapimï go bhai ïrhiaragai aatagi. Dïï gia kajioma aanï sai otoma dagito aapimï ïpamu gïn buaboidaraga. Xibi ka mai tïtïgai aanï ix tumaxi gin tïgitoagi mos ïï otoma dagitokai aapimï Diuxi. Ka buaboitu aapimï ïmai aatagi tudu ix makïdï bhai ïrhiaragai aatagi agaiña ixtumaxi dai maiti ïr ïgai.

Galatas 5:8

Xadïrï gïn maakana Diuxi tïgibudagai podukai di. Diuxi ïgai dai gïn báí mïsai buaboitudana aapimï Suxi Kristo bhaiyoma. Kaxkïdï maatiga maaxi sai maiti ïr ïgai dai gïn mamaakai ïma maaxi tïgibudagai xibi.

Efesios 1:11

Ïkobai gïr bubaitu Diuxi bïïnakai aatïmï Suxi Kristo tudu. Tukamidïrï abhiadïrï ïïgi podukai gï tïgitokatadai Diuxi xi aatïmï ix makïdï bïïna daraja Suxi Kristo ïr ïko bubaidadïkana. Podukai dáí ïgai saidi ïpï gï duna ixdukatai ïgai ipïrhidi. Bïïxkïrï ibuayi ïgai ixdukatai gï tïgitokagi kaxkïdï.

Efesios 1:5

Aidïpïrï kaxi gïr oigïdaitadai Diuxi. Kaxkïdï ïgai ïkiaxdïrï dáí saidi Suxi Kristo gubukadadïkïdï ïr maamaradïkana aatïmï. Podukai bhai ïrhi Diuxi. Kïï tuiga ïgai kaxkïdï.

Efesios 2:6

Diuxi gïr duakaturhi Suxi Kristo ïmadï dai tïbagiïrï gïr darai Suxi Kristo ïmadï ïpï bïïnakai aatïmï ïgai.

Efesios 3:11

Podukai tudu gï tïgito Diuxi ïki abhiadïrï mai kia kïkibakai go oidigi. Dai xibi Suxi Kristo Gïr Nukadakami kïïga idui bïïxi ixdukatai Diuxi gï tïgito ïïki.

Efesios 4:4

Ïmo aadunumï aatïmï tudu bïïxkatai ix makïdï bia Diuxi Ibhïadï dai ïgai mos arhi ïmaduga. Dai ïmaduga ïpï go gïï bhai ïrhiaragai ix makïdï nïnïrakatai ajiopai aatïmï bïïxkatai.

Kolosenses 3:4

Dïï gia kïïga maatï aatïmï sai mosïkaxi bïïnakatai aatïmï Suxi Kristo bhaiga aatïmï xi kïïgakïrï óídakagi. Mai tipu ïma dukai. Kïïga maatï aatïmï gobai tomaxi mai maatï aatïmï kia ix maaxika agai gïr utudui oidakaraga. Dïï gia xïïxkadï ka kïïga gï maaxitudagi Suxi Kristo xïïxi ïr gïdukami ïgai dai ka biakagi gïdukami xadutudaragai amaxi biakamu aatïmï xadutudaragai ïgai ïmadï ïpï.

2 Timoteo 2:11

Daiñi, bïïna daraka aatïmï Suxi Kristo kaxkïdï ïr buaboi idi ñoki ix makïdï ikaiti sai, Kïïga gï maatï sai koi aatïmï aidïxi muu Suxi Kristo bïïna darakatai aatïmï ïgai. Kaxkïdï gï maatï ïpï sai óídakamu aatïmï ïmadï ïpï xïïxkadï dibiagi ïgai.

Hebreos 9:15

Ïmo kïïgadukami daxdaragai idui Suxi Kristo mukukai gïr soimaaxkamiga bïïtarï tudu. Dai kaxkïdï ixtui ïgai xi bhai duñagi ïmo utudui sïïrhikami gïr bïïtarï. Ïïkioma aidïxi kia namïakatadai go ïïkidadï sïïrhikami aidï kia gïpiïrï bïïtïkamikana aatïmï go soimaaxkamikïdï ix makïdï ibuadana aatïmï. Dïï gia Suxi Kristo bhai dui go kïïgakïrï bubaidaragai gïr bïïtarï mukukai ïgai. Daiñi, Diuxi bapaidi mui odami saidi ïr maamaradïkana. Dai pokaiti Diuxi saidi maaki agai naana maaxi ixtumaxi maamaradï bïïtarï ix makïdï tomarhi ïmo imidagai mai ugiatïi. Dai Suxi ïgai dai bhai dui Diuxi maamaradï bïïtarï saidi bhaigakana ïgai ix biakagi bïïxi ixtumaxi Diuxi maaki ïrhidi.

1 Pedro 2:9

Dïï aapimï gia mai taata agai gïgïbidaragai podukai. Aapimï ïr ïko bubaidadï Diuxi tudu dai ïr ix makïdï maa ïgai sïïrhikami saidi ïr dadaxdadamigadïkana aapimï. Ïmo aadunumï aapimï xibi ïkobai darasadïkatai aapimï Diuxi dai ïgai tuidadï aapimï. Kaxkïdï xibi bhaiga aapimï xi maaxitudagi jaa bïïtarï xïï kïï tuiga Diuxi. Kaxi gïn busaitu ïgai abhiadïrï xako tukapi dukai óídakatadai aapimï mai maatïkatai ixtumaxi ïr buaboi tudu. Dai xibi gia kaxi gïn daibuñtu ïgai xako xigiamaaxi gïn oidakaraga kïïga tonoraka maaxkatai gobai.

1 Pedro 3:9

Xïxkadï soimaaxi gïn buidadagi jaa maiti abïr aadïrï soimaaxi ibuada ïpï. Ix soimaaxi ñoki gïn aagidagi ïmai maiti abïr aa noraida soimaaxi ñoki dai bhaiyoma abïr aagiada ïmo bhai ïrhiaragai ñoki. Pomaaxi bïïtarï kïïgakïrï gïn bubaitu Diuxi tudu saidi kïïga buidadagi aapimï jaa. Dai Diuxi gïn maakimu naana maaxi bhai ïrhiaragai ix pobuadagi aapimï.

1 Pedro 5:10

Kïï tuiga Diuxi gïn bïïtarï tudu dai gïn báí ïgai saidi aapimï ïpï gïn ajiagi go gïdukami xadutudaragai ix makïdï biakamu ïgai bïïxkïrï bïïtarï. Aapimï gïn aji agai go xadutudaragai gobai bïïnakatai aapimï Suxi Kristo tudu. Dïï gia gï agai sai soimaaxi taatamadagi aapimï kia dïï gia mai xii tïbïragaka agai go soimaaxi taataragai. Dai gokiïrï bhai gïn buadamu Diuxi sai maiti gïn biïgakagi tomarhi ïmo ixtumaxi gïn ibhïdagïrï. Kïïga gïn gupurtuda agai ïgai aidï gïn ibhïdagïrï saidi mai tipukagi ixtukïdï dagitoagi aapimï gïn buaboidaraga. Po duñimu Diuxi kïï tuigakatai ïgai gïn bïïtarï tudu.

2 Pedro 1:10

Maiti abïr pobuada aapimï gin aaduñi dai bhaiyoma abïr kabami gïn aaga daidi kïï bhai tutiaka ix dukai aagai idi ojai. Podukai maatiga maaxkamu sai buaboikïdï ïr ïko bubaidadï aapimï Diuxi. Ix kabami gïn aagagi dai kïï bhai tutiakagi ix dukai aagai aanï aidï gia tomarhi ïmo imidagai mai gïpiïrï surhigimu aapimï.

Apokalipsis 17:14

—Daidi go bhaibuxtama gïgïrï dudunukami ïmadï go gïï sudagiañdïrï busaikïdï kïixi bui surhigi agai go Arhi Kañiru xi go Arhi Kañiru maitïmu. Ïgai tudu ïr adaama Tïanïdami dai adaama ïr Rey. Kaxkïdï maitïmu ïgai go bhaibuxtama gïgïrï dudunukami dai go kïixi. Dai odami ix makïdï Diuxi báí dai ïko darai dai ix makïdï mai dagitokai buaboitudai, uraba darakamu go Arhi Kañiru aidï kokodiïrï— in tïtïdai go Diuxi tïañikarudï.

Apokalipsis 19:9

Dai go tïañikarudï Diuxi pobai in tïtïdai, —Ojañi aapi adukai, Diuxi ikaiti sai, —Gia bhai gïn ïrhidi bïïxkatai ïgai ix makïdï ïr bapaidarxikami kunataradïrï go Arhi Kañiru— —Gobai ïr ïmo Diuxiañdïrï imïdami ñoki tudu dai kïïga ïr buaboi. Gobai oja aapi— in tïtïdai go tïañikarudï Diuxi.