Romanos 7:7 - Northern Tepehuan Bible

⁷ Ïïmo odami potïiya antaada nïidakai idi ojai sai mai kïïgadu Diuxi sïïrhikamigadï. ¡Maiti ïr buaboi gobai! Kïïgadu aba Diuxi sïïrhikamigadï. Ïgaikïdï tudu mamaatïrïi aanï ixtumaxi ïgai daidi ïr soimaaxkami. ¿Dukatai maatïkana aanï aidï saidi ïr soimaaxkami xudu biaka in ïrhiada aanï buxtuidadï ïmai ix mai tipukamudai ïmo sïïrhikamigadï Diuxi ix makïdï gïr daidi ix po buada aatïmï?

Tepehuan Northern: Diuusi ñiooquidʌ utuducami oodamicʌdʌ

⁷ Cʌʌ maatʌ aapimʌ isMoseesacaru sʌʌlicamigadʌ maitʌrsoimaascami. Vʌʌscʌrʌ ismaioidacamudai sʌʌlicami maimaatʌcamudai aanʌ istumaasi ʌrsoimaascami. Issʌʌlicamiʌrʌ maiaagadamudai sai maitʌaagai isviaaca ʌliadagi gavustuidaga aidʌ gia maimaatʌcamudai aanʌ gomaasi.

Romanos 7:7 ပူးပေါင်းရင်းမြစ်များ

Genesis 3:6

Bhodïrï go oki kïïga gï tïgito nïidi go uxi dai kïï tiodikami tïï dai kïï bïïñiaka maaxi ibhiadï ïpï. Dai pobï ïrhi ïgai sai ïgaikïdï bhïi antaada gïdukami tïgibudagai dai bhïiyi ïmo ibhiadï dai gauu. Dai bhodïrï maa ïgai aduñdï bai ïgai uu ïpï.

Exodo 20:17

Maiti abïr ïgamuda aapimï baakidï ïmai tïïgakai xi ïpï oñigadï xi ïpï pioñigadï xi ïpï sosoigadï tuturu, xi ïpï axñiñitu. Ïïgi ixtumaxi biakagi ïmadutai óídakami. Maiti abïr biaka ïrhiada gobai— itïtïdai Diuxi gamaakaitai sïïrhikami.

Mataibo 5:28

Dai aanï aagai ïpï sai maiti gï agai tomarhi ïmadutai aapimï xi galnaxi gï tïgitoagi ïmo oki bïïtarï ïpï tomaxi mosïkaxi mïkaxdïrï nïidi aapi dai podukai gï tïgito. Aanï aagai tudu saidi xorai podukai gï tïgitokagi ka ïpïan ïxi soimaaxi ibuayi xi ka ïmadï boitadai ïgai.

Lukas 12:15

Daidi bhodïrï potïtïdai Suxi go gaa, —Gïn nukadabïrai dai mai koimudadï tutiaka tomarhi ïmo ixtumaxikïdï. Daiñi— itïtïdai. —Tomaxi kïïga gï bidakagi ïmo odami gobai mai itïiya ïrhidi sai kïïgakïrï oidaka agai— itïtïdai.

Lukas 20:16

Aanï agai sai dibimu ïgai dai naato kodamu go aatabuadami dai maakimu go dïbïrai jaa— itïtïdai Suxi go odami. —Agia maiti gï agai xi podukai daibuñagi ix makïdï aagai aapi— ikaiti go odami kaïkai aatagidï.

Hechos 20:33

Daiñi, kïï maatï aapimï sai aanï mai ïgamudagaikïdï tïï gïn tuminxiga tomarhi gïn yukuxi.

Romanos 13:9

Ix makïdï gaoigïadadagi xadïrï gaabhana bona ïmai aduñdï tomarhi maiti ïr gamuakamikana tudu. Mai ïxibuga ïgai ïpï dai mai biaka ïrhidi buxtuidadï jaa. Ix dukai gï oigïdai ïïgi aapi podukai oigïdada jaa tudu. Ix makïdï podukai oigïdadagi jaa ïgai gia ka bïïxi aïkatai ibuadana ix makïdï gïr tanïi go sïïrhikami tudu.

Romanos 3:20

Odami mai bhaiga xi kïïgakïrï ïïgiadagi Diuxi sïïrhikamigadï tudu. Kaxkïdï maatiga maaxi sai Diuxi mai kïïgakïrï nïijada agai tomarhi ïmadutai mos ïïgiditai ïgai sïïrhikami. Ïgaikïdï gï mamaatïrïi bhaiyoma saidi ïr soimaaxi buadami aatïmï.

Romanos 3:5

Ïïmo odami pokaitiña sai go soimaaxi ix makïdï odami ibuayi kïïga mamaaxidi xïï kïïga buañixi Diuxi. Kaxkïdï pokaitiña ïgai sai mai kïïga ibuayi Diuxi gïgïbiditai soimaaxi buadami. ¡Mos ïr ïï buirudagai gobai ix makïdï aagai ïgai!

Romanos 4:1

¿Ix dukatai ïpï dui aidï go Abraamkaru, ix makïdï ïr ogadï bïïxkatai aatïmï Israelitas tudu? ¿Ixtukïdï kïïgakïrï tïï Diuxi ïgai?

Romanos 4:15

Go sïïrhikami go ïï gïgïbidaragai gïr buapai bhaiyoma. Mai ïïgidi aatïmï kaxkïdï. Mosïkaxi ix mai tipukamudai go sïïrhikami aidï gia ka mai tipukamudai ïpï ixtukïdï gïpiïrï gïr bupadagi.

Romanos 5:20

Diuxi gïr maa sïïrhikamigadï sai ïgaikïdï maatiga maaxkana xïï gïïpiga gïr soimaaxkamiga. Dïï gia xudu kabami gïïpigatadai soimaaxkami aidïpïrï Diuxi apia bamioma gïr mamaaxidi xïï kïï tuiga ïgai.

Romanos 6:15

¿Ix tïiya ïrhidi aidï gïr bïïtarï gobai ix makïdï nïiditadai aatïmï? Kaxi aagai aatïmï sai go sïïrhikami ka maiti gïr tïanïda agai. ¿Bia tïxi aidï oigaragai xi soimaaxi buadagi xibi mos ïï kïï tuigakatai Diuxi gïr bïïtarï? ¡Cho! ¡Xadïrï!

Romanos 7:11

Go soimaaxkami tïï ix dukatai aatabuadagi go sïïrhikamikïdï tudu dai gin buirumagi dai mukiadï gin bia.

Romanos 7:13

¿Go sïïrhikami ix tudu ïgai dai gin buapi mukigami tomaxi kïïgadukami ïgai? ¡Cho! ¡Xadïrï gin buapidana gobai mukigami! Go soimaaxkami ïgai dai aatadui go sïïrhikamikïdï tomaxi gia ïr kïïgadukami go sïïrhikami dai ïgaikïdï gin buapi mukigami. Go sïïrhikamikïdï maatï tïï aatïmï ix makïdï ïgai daidi ïr soimaaxkami. Dai maatï tïï aatïmï xïï kabami ïr bïïtïkami go soimaaxi ïpï. ¡Asta ixtumaxi kïïgadukamikïdï bïïxi aatabuayi go soimaaxkami di!

Romanos 7:5

Ïkioma mai kia buaboidakai aatïmï Suxi gïr tïanïiña go sïïrhikami. Dïï mos kaïkai aatïmï ix kaiti go sïïrhikami mos kabamioma gïr aïjïiña soimaaxi tïgibudagai dai podukai go soimaaxkami mos bamioma gïr tïanïiña xi soimaaxi ibuada aatïmï. Aidïpïrï bïïxi go soimaaxkami ix makïdï ibuadana aatïmï go ïï mukigami gïr buapaiña.

Romanos 7:8

Kïïgadu go sïïrhikami tudu dïï go soimaaxkami ïgai dai garhi in dodai. Tïï gobai ix dukatai aatabuadagi go sïïrhikamikïdï dai gin maa tïgibudagai xi naana maaxi biaka in ïrhiada aanï jaa buxtuidadï.

1 Korintios 15:56

Daiñi, oidaga soimaaxkami oidigi daama dai abhiadïrï buiyi gubukarhigai go mukigami óídakami bui. Dai xïïxkadï oidakagi sïïrhikami bamioma gubuakan buayi go soimaaxkami. Kaxkïdï tudu go sïïrhikami ïr ïgai dai gïpiïrï bupai óídakami xïïxkadï soimaaxi ibuadagi.

Efesios 5:3

Dai aapimï ïr Diuxi ïko bubaidadï. Kaxkïdï abïr mai abhana boopoda xorai maiti ïr gï kuna xi ïpï gï oñiga. Tomarhi maiti gï agai xi galnaxi buada aapimï toma lachi tomarhi xi koimudadï tutiakagi. Dai tomarhi maiti gï agai xi oidakagi ixtukïdï jaa pokaitadagi sai aapimï soimaaxi ibuayi. Aapimï ïr Diuxi ïko bubaidadï. ¡Gï agai xi kïï sïïrhi óídakagi aapimï tudu!

Kolosenses 3:5

Kaxkïdï abïr dagitoda ixtumaxi ibuadana aapimï aidïxi oidiña aapimï gïn ïkidadï oidakaraga. Maiti abïr ïmadï bopoda tudu ix makïdï maiti ïr gïn aduñi dai maiti abïr tïtïgito ajiopada podukai ïpï. Maiti abïr ibuada ïrhiada buirudagai tudu. Dai maiti abïr koimudadï tutiaka. Tomaxorai ix makïdï koimudadï tutiakagi ïpïan dukamikana ix makïdï Diuxi dukai nïidi ixtumaxi ix makïdï maiti ïr Diuxi. Ïgai bamioma namïakami dukai nïidi ixtumaxi oidaga tami oidigi daama dai mai pokaxi namïakami dukai nïidi ïgai Diuxi.

1Tesalonicenses 4:5

Maiti gï agai tudu ix ïïgiada aapimï gïn tukuga xïïxkadï gïn tanïda gobai sai soimaaxi ibuada aapimï. Daiñi, go gaa ix makïdï mai buaboitudai Diuxi adaimïiña ixtumaxi ipïrhidi ïïgi tukugadï dai aapimï maiti gï agai ix pobuadagi.

Hebreos 7:19

Go ïïkidadï sïïrhikami toma lachi mai soi óídakami ix kïïga biïna Diuxi ïmadï tudu. Dïï xibi gia mamaakai Diuxi sïïrhikami go Suxi Kristo saidi ïr dadaxdadamikana. Dai podukai gïr maa ïgai ïmo kïïgadukamioma buaboidaragai ix makïdï gia kïïga gïr soikïi dai kïï kabaka. Kïïga maatï aatïmï tudu sai go utudui buaboidaragaikïdï gia kïïga bia aatïmï oigaragai ix aiyagi Diuxi buitapi dai biagi ïmo urabagi ïgai ïmadï.