Romanos 7:25 - Northern Tepehuan Bible

²⁵ Suxi Kristo Gïr Nukadakami aba ïgai dai kïïgakïrï gin busaitu tudu. Kaxkïdï bhai gin ïrhidi aanï Diuxikïdï. Pomaaxi tudu gin oidakaraga. Gin ibhïdagakïdï gia ïïgidi aanï Diuxi sïïrhikamigadï. Dïï bïïxkïrï go soimaaxkami mos apia gin tïanïi ansai soimaaxi ibuadagi.

Tepehuan Northern: Diuusi ñiooquidʌ utuducami oodamicʌdʌ

²⁵ Baigiñʌlidi aanʌ Diuusicʌdʌ isSuusi Cristo gʌrtʌaanʌdamiga istutuidi iscʌʌgacʌrʌ giñvuusaidagi. Aanʌ ʌʌgiada iñʌlidi Diuusi sʌʌlicamigadʌ dʌmos ʌDiaavora soimaasi giñduiñtuldi.

Romanos 7:25 ပူးပေါင်းရင်းမြစ်များ

Mataibo 1:21

—Go Maria buapa agai ïmo arhi xïïñi pai aapi Suxi tïïtïmu. Go arhi odami kïïgakïrï bubaida aagai aaduñdï. Kaxkïdï Suxi tïïtïmu ïgai ix makïdï itïiya ïrhidi kïïgakïrï bubiadami— itïtïdai.

Romanos 6:14

Podukai go soimaaxkami ka mai biakamu ix dukatai gïn tïanïdagi. Xibi ka mai bia aapimï sïïrhikami xi ïïgiadagi go sïïrhikami. Xibi bhaiyoma ïïgida ïrhidi aapimï Diuxi mos ïï kïï tuigakatai ïgai gïn bïïtarï.

Romanos 6:17

Ïkioma aapimï ïr pipioñigadïkana go soimaaxkami. Dïï xibi aanï aagai ansai bhai gin ïrhidi Diuxikïdï. Xibi aapimï bïïxi gïn bhai ïrhiarakïdï ïïgidi go ñoki ix makïdï gïn maatïturhi aanï kaxkïdï.

Romanos 8:2

Xibi Diuxi Ibhïadï ïgai dai gïn tïanïi dai gïn maakai gubukarhigai sai kïïgakïrï óídakana aapimï. Ka bïïnakami aapimï Suxi Kristo kaxkïdï. Dai kaxkïdï ïpï go soimaaxkami ka maiti gïn tïanïi dai go mukigami ka maiti gïn ajïi ïpï.

1 Korintios 15:57

Dïï gia Suxi Kristo ïgai daidi ïr Gïr Nukadakami dai kaxi gamaitï ïgai go mukigami. Dai aatïmï kaxi gamaitïkami bii ïpï go soimaaxi ïmadï go mukigami bui ka bïïna darakatai aatïmï Suxi Kristo. Gï agai tudu ix aagidagi aatïmï Diuxi xïï bhai gïr ïrhidi aatïmï ïgai bui kïïgakïrï gïr bubaidakai ïgai.

2 Korintios 9:15

Kïïga gï maatï tudu sai Diuxi otoi go Suxi Kristo dai bhai dui go kïïgakïrï bubaidaragai gïr bïïtarï dai gobai ïr ïmo gïdukami oidaragai bïïxkatai aatïmï buaboitudadami gïr bïïtarï. Gïr tïgibudaga mai ajïi ix gïr tïgitokagi xïï kïï tuiga Diuxi tudu dai mai tïtïgai aatïmï ñoki ixdukatai aagada aatïmï xïï kïï tuiga ïgai ïpï.

Efesios 5:20

Bïïxkïrï dai bïïxi aïkatïrï abïr aagida Diuxi gïr Oga xïï bhai gïn ïrhidi aapimï ïgaikïdï. Daidi abïr aagada ïpï sai Suxi Kristo ïgai dai bhai dui gïn bïïtarï xi kaxkïdï aatagïi aapimï Diuxi ïmadï.

Filipenses 3:3

Dïï gia aatïmï ix makïdï kïïgakïrï xadutudai Diuxi gubukarhigadïkïdï Diuxi Ibhïadï, aatïmï gia kïïgakïrï ïr maamaradï Diuxi. Aatïmï tudu ix makïdï gïïpi bia bhai ïrhiaragai bïïna darakatai aatïmï Suxi Kristo. Aatïmï ix makïdï mai buaboitudai ixtumaxi ibuadagi aatïmï ïïgi gïr gubukarhigakïdï tudu.

Filipenses 4:6

Maiti abïr buamï gïn ïrhiada tomax tuma daibuñagi dai bhaiyoma abïr bïïxkïrï daanïda Diuxi sai gïn soiñana. Dai bïïxkïrï xïïxkadï aatagada aapimï Diuxi ïmadï dai gadaanïdagi abïr bïïxkïrï bhai gï ïrhiada Diuxikïdï ïpï.

Kolosenses 3:17

Dai bïïxkïrï xïxkadï ñokadagi aapimï xiïpï xïxkadï ibuadagi aapimï ixtumaxi abïr Suxi Kristo bïïtarï ibuada ka urabakatai aapimï ïgai. Dai gïn tïgitobïrai ïpï sai Suxi Kristo ka bhai dui gïn bïïtarï sai biakana aapimï oigaragai xi Diuxiatanamïidana tïdagi Diuxi gïr Oga kaxkïdï dudatai abïr potïda ïgai.

1 Pedro 2:9

Dïï aapimï gia mai taata agai gïgïbidaragai podukai. Aapimï ïr ïko bubaidadï Diuxi tudu dai ïr ix makïdï maa ïgai sïïrhikami saidi ïr dadaxdadamigadïkana aapimï. Ïmo aadunumï aapimï xibi ïkobai darasadïkatai aapimï Diuxi dai ïgai tuidadï aapimï. Kaxkïdï xibi bhaiga aapimï xi maaxitudagi jaa bïïtarï xïï kïï tuiga Diuxi. Kaxi gïn busaitu ïgai abhiadïrï xako tukapi dukai óídakatadai aapimï mai maatïkatai ixtumaxi ïr buaboi tudu. Dai xibi gia kaxi gïn daibuñtu ïgai xako xigiamaaxi gïn oidakaraga kïïga tonoraka maaxkatai gobai.