Romanos 7:18 - Northern Tepehuan Bible

¹⁸ Kïïga maatï aanï aidï sai ïïgi gin tïgibudagïrï mai tipu ixtumaxi kïïgadukami. Kaxkïdï ipïrhidiña aanï xi buadagi ixtumaxi ïr kïïga dai maiti ixtutuidikïiña.

Tepehuan Northern: Diuusi ñiooquidʌ utuducami oodamicʌdʌ

¹⁸ Dai cʌʌ maatʌ aanʌ iñsaanʌ ʌrsoimaasi ivuaadami maitiñʌʌmadu daacatai Diuusi. Aanʌ cʌʌga ivuaada iñʌlidi dʌmos maitistutuidi.

Romanos 7:18 ပူးပေါင်းရင်းမြစ်များ

Genesis 6:5

Dai Gïr Nukadakami tïgito nïidi bïïxi go óídakami oidigi dama ix arhiï mai kïkïïgadu iibhïadï dai go ïï soimaaxi tïgibudagai adaimïi.

Genesis 8:21

Dai ojoidan ubaitu Diuxi go xadutudaragai daidi itïi, —Xibi bhaitiakoga ka mai ïpamu xia duadamu aanï oidigi. Kïï maatï aanï odami ix arhidukatai abhiadïrï soimaaxi tïgibodadï. Dïï tomax dukai ka mai ïpamu xia duadamu aanï podukai odami, tomarhi kiiyïrï buxtaki, tomarhi oidigana buxtaki, tomarhi kïkïixi, tomarhi go aarhi kïkïixi, tomarhi ujurugi.

Mataibo 15:19

—Abhiadïrï busakïi naana maaxkami soimaaxi tudu. Dukami, abhiadïrï busakïi soimaaxi tïgibudagai dai gakodaragai dai ïmadï bodagi oki ix makïdï maiti ïr oñigadïkagi ïmoko dai gaïxidagi, dai ïmadï bodagi oñigadï ïmai, yaatagidagai, dai naana kai nïidaragai.

Lukas 11:13

Daiñi, aapimï mamaakai ixtumaxi ïr kïïga gïn maamara tomaxi ïr soimaaxi ibuadami aapimï. Dai Diuxi gïïpi bamioma kïï tuiga xi bhai aapimï xi kaxkïdï gï maatï sai ïgai mamaakai ixtumaxi ïr kïïga maamaradï bïïtarï taanïkai ïgai. Dai kïïga maakimu ïgai Diuxi Ibhïadï xorai taañiagi ïpï— astïdai.

Romanos 13:14

Xibi abïr ïpïan dukai óídaka Suxi Kristo Gïr Nukadakami bhaiyoma. Daidi abïr mai tïgito ajiopada xi dukatai buadagi ix tumaxi gïn tanïi gïn ïkidadï tïgibudaga.

Romanos 7:15

Mai tïtïgai aanï ix tuixi pomaaxi buayi aanï. Maiti ibuayi aanï go kïïgadukami ix makïdï iduña in ïrhidi dai bhaiyoma soimaaxkami ix makïdï maiti iduña in ïrhidi gobai gia ibuayi aanï.

Romanos 7:19

Ipïrhidiña aanï xi buadagi ixtumaxi ïr kïïga tudu dïï soimaaxi ibuayi aanï bhaiyoma.

Romanos 7:25

Suxi Kristo Gïr Nukadakami aba ïgai dai kïïgakïrï gin busaitu tudu. Kaxkïdï bhai gin ïrhidi aanï Diuxikïdï. Pomaaxi tudu gin oidakaraga. Gin ibhïdagakïdï gia ïïgidi aanï Diuxi sïïrhikamigadï. Dïï bïïxkïrï go soimaaxkami mos apia gin tïanïi ansai soimaaxi ibuadagi.

Romanos 7:5

Ïkioma mai kia buaboidakai aatïmï Suxi gïr tïanïiña go sïïrhikami. Dïï mos kaïkai aatïmï ix kaiti go sïïrhikami mos kabamioma gïr aïjïiña soimaaxi tïgibudagai dai podukai go soimaaxkami mos bamioma gïr tïanïiña xi soimaaxi ibuada aatïmï. Aidïpïrï bïïxi go soimaaxkami ix makïdï ibuadana aatïmï go ïï mukigami gïr buapaiña.

Galatas 5:17

Daiñi, gïr ïrañdïrï imïi ïmo kokodi ix makïdï gïn bupui bïïtï ïïgi gïr tïgibudaga ïmadï Diuxi Ibhïadï. Ïïgi gïr tïgibudaga ipïrhidi xi ibuada aatïmï ixtumaxi Diuxi Ibhïadï maiti ipïrhidi. Dai Diuxi Ibhïadï ipïrhidi sai ibuada aatïmï ixtumaxi maiti ipïrhidi ïïgi gïr tïgibudaga ïpï. Gobai tudu ïr go kokodi ix makïdï gïr ïrañdïrï imïi. Gïr tïgibudagai ix makïdï gïr ïrañdïrï imïi ïgai dai maiti ipïrhidi xi ïïgiadagi Diuxi dai gobai gïr sobhikïi xi maiti ibuadagi aatïmï ixtumaxi kïïgakïrï iduña ïrhidi aatïmï.

Galatas 5:24

Daiñi, aatïmï ka bïïna daraka Suxi Kristo xibi dai ka ïkobai bii aatïmï gïr ïïkidadï tïgibudagaiñdïrï. Aatïmï gïr bïïtarï ka kuruxiana xixapikan dukai biyan dui gïr ïïkidadï tïgibudagai tudu dai kaxkïdï ka mai bia aatïmï xi ïïgiadagi gobai xïïxkadï gïr aagidagi sai iduña rïrhidi ixtumaxi.

Filipenses 2:13

dai kïïga bhaigakamu aapimï xi pobuadagi. Kaxkïdï tudu Diuxi ïgai dai gïn maakai tïgibudagai saidi ipïldana aapimï xi ibuadagi ixtumaxi ïgai ipïrhidi dai gïn maakai ïgai gubukarhigai saidi ibuada aapimï ïpï.

Filipenses 3:12

Gin aaduñi, aanï aagai sai mai kia kïïgakïrï ïpïan tuiga aanï Suxi Kristo. Kia gin biïga tudu. Dïï gia kabami gin aajagïi aanï sai bïïx tasai bamioma ïpïan tuigakana aanï ïgai. Pomaaxi bïïtarï gin báí Suxi tudu, saidi ïpïan tuigakana aanï ïgai.

Tito 3:3

Daiñi, maiti gï agai xi soi dukai nïijada aatïmï go jaa ix makïdï mai buaboitudai. Aatïmï ïpï maiti ïr buaboitudadamikana ïkioma tudu dai ïpïan tutiakana aatïmï ïgai dai ïpïamaaxi ibuadana. Aidï mai ïïgidiña aatïmï Diuxi dai buaboitudaiña aatïmï ixtumaxi ïr yaatagi. Mai bhaigakana aatïmï xi dagitoagi go soimaaxkami ix makïdï ibuada ïrhidiña aatïmï gaagaitai ïmo bhai ïrhiaragai. Aidï ïjïgakoitïrïkana aatïmï dai gïr kïïdaiña aatïmï aipakoga. Pomaaxi tutiakana aatïmï mai kia buaboitudakai tudu.

1 Pedro 4:2

Ix bhai gïn dukagi ix soimaaxi taatamadagi aapimï ïpïan dukai Suxi Kristo aidï gia ka maiti ibuadamu aapimï go soimaaxkami ix makïdï gïn tanïdagi odami tïgibudadï tudu. Aidï gia bhaiyoma ibuadamu aapimï ixtumaxi Diuxi ipïrhidi asta xako ukami óídakagi aapimï tami oidigi daama.