Romanos 5:8 - Northern Tepehuan Bible

⁸ Dïï Kristo gia muu gïr bïïtarï aidïxi kia ïr soimaaxi ibuadamikatadai aatïmï dai podukai gïr tïtïgidi Diuxi xïï kïïga gïr oigïdai ïgai.

Tepehuan Northern: Diuusi ñiooquidʌ utuducami oodamicʌdʌ

⁸ Dʌmos Cristo muu tʌsai aatʌmʌ cʌʌgacʌrʌ vuvacʌna tomasi quiaa ʌrsoimaasi ivuaadamicatadai aatʌmʌ

Romanos 5:8 ပူးပေါင်းရင်းမြစ်များ

Isa 53:6

Dagito aatïmï Diuxi bogïdï dai aadaji aatïmï ïïgi gïr tïgibudaga. Kuga iji aatïmï bïïxkatai ïpïan dukai kañiñiru ix makïdï mai oida ïrhidi Nukadakamigadï. Aatïmï gïr ajïga gïgïbidaragai dïï Gïr Nukadakami ïïgi otosadï abhana dáí gïr soi maaxkamiga ix makïdï idui aatïmï.

VUAANA 15:13

—Gïn aagidamu aanï ïmo maaxidaragai ix kïïga maatïkagi aapimï xïï kïïga gïn oigïdai aanï. Daiñi, ix ïmo odami maatïkagi sai ïmo aduñdï ix makïdï kïïga ïïmadai ïgai gï muatuda agai dai potïdagi ïgai go ix makïdï gamua agai —Aanï abïr gin mua bhaiyoma ix gobai— tïi ïgai. Ix pobuadagi aidï gia gï maatï sai kïïga oigïdai ïgai aduñdï. Mai tipu ixdukatai kïïgioma oigïdada ïgai tudu.

VUAANA 3:16

—Diuxi sïïrhikïdï kïïga oigïdai bïïxi oidigi daama óídakami dai kaxkïdï gin otoi ïgai aanï ix makïdï ïr Maradï ïmadugakïdï. Gin otoi ïgai an sai mukuna bai mai kona ix makïdï gin buaboitudagi dai bhaiyoma bïïxkïrï bïïtarï óídakana.

Romanos 3:5

Ïïmo odami pokaitiña sai go soimaaxi ix makïdï odami ibuayi kïïga mamaaxidi xïï kïïga buañixi Diuxi. Kaxkïdï pokaitiña ïgai sai mai kïïga ibuayi Diuxi gïgïbiditai soimaaxi buadami. ¡Mos ïr ïï buirudagai gobai ix makïdï aagai ïgai!

Romanos 4:25

Diuxi otoi Suxi sai ïgai aa namïidana gïr soimaaxkamiga mukukai. Dai bhodïrï duakaturhi Diuxi go Suxi bai podukai kïïgakïrï gïr nïijadana ïgai.

Romanos 5:20

Diuxi gïr maa sïïrhikamigadï sai ïgaikïdï maatiga maaxkana xïï gïïpiga gïr soimaaxkamiga. Dïï gia xudu kabami gïïpigatadai soimaaxkami aidïpïrï Diuxi apia bamioma gïr mamaaxidi xïï kïï tuiga ïgai.

Romanos 5:6

Suxi Kristo muu gïr bïïtarï aidïxi kia ïr gïpiïrï bïïtïkamikana aatïmï dai mai biakana aatïmï soiñi. Diuxi podukai dáí sai aidïpïrï mukiagi ïgai aidïxi kia ïr gïpiïrï bïïtïkamikana aatïmï.

Romanos 5:7

Bhaitoma mai tipu xorai bhai aagagi xi mukiagi ïmai bïïtarï tomaxi kïï tuigakagi ïgai ¿aba? Ïbogiamaaxi oidaka antaada ïmoko ix makïdï bhai aagagi ix mukiagi ïmo kïï tuigakami bïïtarï, ix kabami kïï tuigakagi ïgai tudu.

Romanos 8:32

Daiñi, Diuxi mai tudayitai gatïïgi ïïgi maradï sai mukuna gïr bïïtarï. Kaxkïdï kïïga maatï aatïmï sai gïr maakimu ïgai bïïxi aïkatai go gaa ixtumaxi ix makïdï bia ïgai gïr bïïtarï ïpï.

Romanos 8:39

tomarhi ix makïdï tïkadïrï daja tomarhi ix makïdï utadïrï daja, tomarhi ïmo ixtumaxi ix makïdï idui Diuxi ixtuidimu xi sobhidagi bai ka maiti gïr oigïadagi ïgai. Suxi Kristo Gïr Nukadakami ka bhai dui gïr bïïtarï dai xibi ka mai tipu ixtumaxi sobhidagi bai ka maiti gïr oigïadagi Diuxi. Ka bïïna daraja aatïmï Suxi Kristo Gïr Nukadakami kaxkïdï.

Galatas 2:20

—Aanï in bïïtarï pomaaxi gin oidakaragai xibi— antïtïdai. —Daiñi, ïkioma aanï ïr ïmo soimaaxi kïïrhikatadai. Dïï gia aidïxi muu Suxi Kristo gïr bïïtarï kuruxiana aidï muu go kïïrhi soimaaxkïdï ïgai ïmadï ïpï dai xibi ka utudui bii aanï. Dai kaxkïdï ka mai xu xi go kïïrhi ïkidadï oidaga gin tukugïrï dai bhaiyoma Suxi Kristo ïgai dai gin ïrana oidaga. Xibi oidaga aanï buaboitudaitai Suxi Kristo ix makïdï kïïgakïrï gïr oigïdai. Kïïga gïr oigïdai ïgai tudu dai kaxkïdï gï dagito sai gï muatudana dai kïïgakïrï gïr bubaitu— antïtïdai aanï go Piduru.

Efesios 2:7

Tïbagiïrï gïr darai Diuxi bai podukai gïr tïtïgidana ïgai bïïxkïrï bïïtarï xïï kabami kïï tuiga ïgai gïr bïïtarï. Gïr tïtïgidamu ïgai naana maaxi ixtumaxi kïkïïgadukami ix makïdï ïgai bia gïr bïïtarï mos bïïna darakatai aatïmï Suxi Kristo.

Efesios 5:2

Kïïga abïr oigïada jaa aidï. Daiñi, Suxi Kristo gïr oigïdai kaxkïdï ïïgi gï dagito ïgai sai gï muatudana ïmo daxdaragai dukai. Podukai bhai dui ïgai gïr bïïtarï soimaaxi idunakai aatïmï. Dai Diuxi kïï bhai ïlda tïï Suxi Kristo daxdaradï. Kïï xigian dukai ubagi ïgai.

1 Tomoteo 1:16

Maaxituda ïrhidi ix xïï kïï tuiga ïgai xi kaxkïdï maiti gin ojodai ïgai soimaaxi buadamikatai aanï dai bhaiyoma gin soi ansai buaboitudaiña dai kïïgakïrï busaiña. Podui ïgai sai gï maatïkana sai toma xorai bhaiga ix buaboitudagi dai kïïgakïrï busiagi bïïxkïrï bïïtarï tomax xïï soimaaxi buadamikagi ïgai.

Hebreos 8:3

Daiñi, ïkioma Diuxi darasaiña go bhaitï gukakami dadaxdadamigadï go judidiu. Darasaiña ïgai saidi dadaxturhiña ïgai go óídakami. Dai Suxi Kristo ïr gabhaitïkïakamigadï go dadaxdadami ïpï. Dai kaxkïdï gï maatï sai Suxi Kristo gï agaitadai xi daasagi ïmo daxdaragai ïpï.

1 Pedro 3:18

Asta Suxi Kristo soimaaxi taata kïïga ibuadatai ïgai tudu. Muu ïgai bhai buadatai gïr soimaaxkamiga bïïtarï. Dai podukai bhai dui ïgai gïr bïïtarï bïïxkïrï bïïtarï dai ka mai biïga bamioma daxdaragai xibi. Kïïga buañixikami ïgai tudu dai muu ïgai aatïmï soimaaxi ibuadami gïr bïïtarï sai kïï biïna aatïmï Diuxi ïmadï. Gï muatu tukugadï tudu dïï gia gï duakaturhi ïpamu Ibhïadï.

1 Juan 3:16

Daiñi, Suxi Kristo ïïgi gï tïïgi saidi gï muatudana gïr bïïtarï dai pobuadatai gïr tïtïïgidi ïgai ixdukatai kïïgakïrï oigïada aatïmï jaa. Dai gokïdï gï maatï sai gï agai aatïmï xi gamaakadagi tomax tumaxi dai asta ïïgi gïr ibhïdaga soiña rïrhiditai gïr aaduñi.