Romanos 5:5 - Northern Tepehuan Bible

⁵ Dai xi buaboidaitai nïnïrakagi aatïmï xi Diuxi kïïgakïrï gïr bubiadagi aidï gia mai soi gïr ïrhiadamu aatïmï. Dai ïkobïrakoga Diuxi gïr maa Diuxi Ibhïadï dai ïgai gïr maatïturhimi gïr iibïdagïrï ix xïï kïïga gïr oigïdai Diuxi.

Tepehuan Northern: Diuusi ñiooquidʌ utuducami oodamicʌdʌ

⁵ Dai siʌʌscadʌ vaavoitudai aatʌmʌ Diuusi tomali ʌmo imidagai maisiaa gʌrʌʌratudadamu ʌgai, ʌgai vʌʌscʌrʌ ivueeyi istumaasi aagai cascʌdʌ. Diuusi ootoi gʌIbʌdaga sai gʌrʌʌmadu daacana dai Diuusi Ibʌadʌ gʌrmamaatʌtuldi sai Diuusi aliʌsi gʌroigʌdai.

Romanos 5:5 ပူးပေါင်းရင်းမြစ်များ

Hechos 10:45

Daidi go buaboitudadami judidiu ix makïdï oiditadai go Piduru ka mai tïïtadai ixdukatai gïn tïtïgitoagi ka nïiditai sai Diuxi Ibhïadï kaxi abhana bitadai go odami ix makïdï maiti ïr judidiu ïpï.

Hechos 2:17

Karhioga ugitïkai oidigi dibiamu gin Ibhïdaga dai ïmadï daakamu bïïxi odami oidigi daama óídakami. Dai amaxi gïn maamara maaxi aagadamu gin ñoki. Dai gin Ibhïdaga soikïdamu utu iimïdami kïkïïrhi xi ïgai tïïgimu mui naana maaxi tïïtïki dukai. Dai podukai ïpï kïkïrhiodami ïpï biakamu naana maaxi tïïtïki.

Hechos 2:33

Diuxi baidaja go Suxi tïbagiamu sai sonoana daakana dai maa ïmo gïïdukami sïïrhikami. Dai Diuxi maa ïïgi ibhïadï go Suxi ix dukatai aagiditadai ïgai. Dai xibi Suxi gïr maa Diuxi Ibhïadï ïpï dai ix makïdï nïidi aapimï dai kaï xibi abïr ïgai duñidï.

Romanos 1:7

Ïmo biatuldaragai bïïxkatai aapimï buaboitudadami Romïrï óídakami bïïtarï. Diuxi kïïgakïrï gïn oigïdai dai gïn báí mïsaidi ïr ïko bubaidadïkana. Aanï ipïrhidi saidi Diuxi ïmadï Suxi Kristo Gïr Nukadakami kïï tuigakana gïn bïïtarï bai kïïga ibhïxtakan taadakagi aapimï.

Romanos 8:28

Kïï maatï aatïmï sai Diuxi bïïxi aïkatïrï aatabuayi dai kïïga ibuayi aatïmï gïr bïïtarï ix makïdï oigïdai Diuxi. Aatïmï gïr bïïtarï tudu ix makïdï Diuxi ïkobai gïr báí xi aatïmïkïdï gï ibuadagi ix tumaxi ïgai ipïrhidi.

Romanos 9:33

Podukai tudu ojixi Diuxi ñokidïrï. Ami Diuxi ikaiti, Kïïga abïr gïn tïgito nïida. Daiñi, Israelïrï dasai aanï ïmo odai xako utuba agai mui odami mai buaboidakai ïgai. Dïï gia toma lïïchi mai xaïrogidamu tomarhi ïmo odami ix makïdï gia buaboitudagi ïgai, ikaiti Diuxi.

1 Korintios 8:3

Dïï gia Diuxi kïïga ïïmadai odami ix makïdï oigïdai Diuxi. Dai gobai gïïpi ïr soiñi ïpï.

2 Korintios 1:22

dai gïr maa Ibhïadï ïpï dai ïgaikïdï gïr tïpaltu ïgai. Dai Diuxi ibhïadï ix makïdï gïr ïmadï daja ïr ïmo maaxidaragai dukai sai aatïmï ïr ïko bubaidadï Diuxi. Diuxi gïr maa Ibhïadï tudu dai kaxkïdï xadïrï maiti gïr maakana ïgai bïïxi go gaa ixtumaxi ix makïdï ka bhai duñixikami bia ïgai gïr bïïtarï ïpï.

2 Korintios 13:14

Gin aaduñi, ipïrhidi aanï sai kïï taatana aapimï xïï kïï tuiga Suxi Kristo Gïr Nukadakami gïn bïïtarï dai sai taatana aapimï xïï kïïga gïn oigïdai Diuxi ïpï. Dai ipïrhidi aanï sai gïn soiñana Diuxi Ibhïadï sai kïïga biakagi aapimï urabaragai Diuxi ïmadï dai gïn aaduñi Diuxi amajadïrï ïmadï ïpï. Mosïkaxi.

2 Korintios 3:18

Ïpïan dukami gobai xïïxkadï maigobai gï dasagi ïmo ikuxi gïr bupuji buidïrï. Xibi ka kïïga maatï nïidi aatïmï xïïxi bhaibitukami xigiamaaxi Suxi Kristo dai xïï xigian tuiga ïgai. Diuxi Ibhïadï ïgai daidi gïr tïtïïgidi ix maaxi dai ix tuiga Suxi Kristo tudu. Dai Diuxi Ibhïadï aatabuayi aatïmïrï dai gïr soikïi saidi kïï dukai ïma dukai óídakagi aatïmï. Xibi gïr tïanïi Diuxi Ibhïadï dai aatabuayi ïgai gïr ïmadï sai bamioma ïpïan tutiakagi aatïmï Suxi Kristo dai bamioma ïpïan maaxkagi aatïmï.

2 Korintios 4:6

Daiñi, Diuxi ño ïïki aidïxi kia tukamukatadai oidigi daidi itïi ïgai, Ipïrhidi aanï sai oidakana kudagi, itïi ïgai. Dai ka oidatu kudagi dai ka kudidikami bii oidigi. Dai xibi ka kudidakan dukai bia ïgai gïr iibhïdaga ïpï gïr tïtïïgiditai ïgai ixtumaxi ïr buaboi. Po dui ïgai sai ka maatïkana aatïmï xïïxi ïr gïdukami ïgai dai xïï xigian tuiga. Gïr tïgito nïiditai aatïmï Suxi Kristo podukai kïïga mamaatïrïi aatïmï xïïxi ïr gïdukami Diuxi dai xïï xigian tuiga ïgai tudu.

Galatas 4:6

Dai kïï maatiga maaxi saidi ïr Diuxi maamaradï aapimï xibi. Daiñi, Diuxi gïn maa ïïgi Ibhïadï dai xadïrï gïn maakimudai Ibhïadï ix maiti ïr maamaradïkagi aapimï. Ïgai ïr ï galbaaxi Diuxi Ibhïadï ix makïdï Diuxi Maradï biakana ïpï. Dai xibi gïr maakai ïgai ïmo kïïgadukami ïmadaragai Diuxi ïmadï gïr ïrana dakatai. Gïr maakai ïmadaragai sai gïgïr ñokaiña aatïmï aatagaitai Diuxi dai sai —gïr Maama— dai —gïr Oga— aagaiña aatïmï Diuxi.

Galatas 5:22

Dïï gia xïïxkadï ïïgiadagi aatïmï Diuxi Ibhïadï gïr ïrana aatabuayi ïgai dai bhai buayi naana maaxi kïïgadukami gïr ïrañdïrï. Ïïgiditai aatïmï Diuxi Ibhïadï oigïdaiña aatïmï jaa dai bhai gïr ïrhidiña dai gïr ibhïxtakan taadakana aatïmï gïr ibhïdagïrï. Kïïga gïr kabakadaiña aatïmï ïpï xïxkadï soimaaxi taatamadagi. Kïï tutiakana aatïmï jaa bïïtarï dai ibuadana ixtumaxi ïr kïïga. Bïïxkïrï ibuadana aatïmï ix tumaxi aagagi aatïmï ïpï.

Efesios 1:13

Xibi aapimï ix makïdï maiti ïr judidiu kaxi kaïkana ix makïdï ïr buaboi. Kaïkana aapimï go bhai ïrhiaragai aatagi tudu. Dai xibi ka buaboitudai aapimï Suxi Kristo ïpï dai ka kïïgakïrï bubuaka aapimï. Xibi buaboitudakai aapimï gïn tïpaltu Diuxi gïn maakakai Diuxi Ibhïadï gïn abhana. Ka ïkiaxdïrï podukai agaitadai Diuxi ix otosa agaitadai Ibhïadï dai kaxkïdï otoi ïgai.

Efesios 4:30

Maiti abïr soi ïrhiatuldada Diuxi Ibhïadï gïn oidakaragakïdï tudu. Diuxi Ibhïadï ïr Diuxi tïpakarudï dukai ix makïdï gïn daxi Diuxi bai gï maatïkana kïïga xi ayimu ixtuigako buiya ragai bïïxi ixtumaxi gïr aagidi Diuxi sai gïr maaki agai kïïgakïrï bubuakïkai aatïmï. Kaxkïdï abïr mai soi ïrhiatulda ïgai.

Filipenses 1:20

Kïïga buaboitudai aanï tudu sai maiti ibuada iñagai tomarhi ïmo ixtumaxi ix makïdï ïr ïmo xaïraragai gin bïïtarï. Buaboitudai aanï bhaiyoma sai mai duadikuitai maaxitudamu aanï xïïxi ïr gïdukami Suxi Kristo kia tami oidigi daama dakatai aanï. Buaboitudai aanï sai maaxitudamu aanï xïïxi ïr gïdukami Suxi tomaxi muu gin tukuga xiïpï xi kia tïbïpi kabakagi gobai. Gobai buaboitudai aanï tudu dai kïïga ibhïxtakan taadaga aanï buaboitudaitai podukai.

1Tesalonicenses 4:8

Daiñi, mai xu xi ïr ïïgi gïr tïgibudaga idi ñoki sai mosïkaxi Diuxi bïïtarï óídakana aatïmï ïkobai darakatai soimaaxkamiañdïrï. Dai bhaiyoma Diuxi ïgai dai gïr maa Diuxi Ibhïgadï ix makïdï kïï buañixi dai gïr tïanïi sai buañixikami duakai óídakana aatïmï. Kaxkïdï ix oidakagi xorai mai ïïgiada ïrhiada idi ñoki, ïgai mai xu ix mosïkaxi aatïmï maiti gïr ïïgidi. Dai bhaiyoma mai ïïgidi ïgai Diuxi Ibhïadï. Kaxkïdï tudu Diuxi Ibhïadïañdïrï dibia idi ñoki.

2 Tesalonicenses 2:16

Gïr susukurhi, gïn daanturhiña aatïmï sai gïn abïnakidiña Diuxi dai sai gupurtudana ïgai gïn buaboidaraga. Dai kïï gubuakatai gïn buaboidaraga aidï gia bïïxi ixtumaxi aagidagi aapimï jaa kïïga ibuadamu soiñi dai bïïxi ixtumaxi ibuadagi aapimï jaa bïïtarï kïïga ibuadamu soiñi ïpï. Suxi Kristo Gïr Nukadakami ïmadï Diuxi gïr Oga ïgai dai kïï tutuiga gïr bïïtarï tudu dai gïr oigïdai dai gïr maakai ibhïxtaragai ix makïdï mai ugiatïkïi dai gïr maakai ïmo nïnïraragai kïïgadukami ïpï.

2 Timoteo 1:12

Dai xibi maixapi aanï ibuadatai go aaduindagai ix makïdï gin maa ïgai dïï mai xaïrai aanï gokïdï. Kaxkïdï tudu kïïga maatï aanï ix tuiga Suxi Kristo ix makïdï buaboitudai aanï dai gobai ïr ïmo abïnakidaragai gin ibhïdaga bïïtarï. Kïïga buaboitudai aanï tudu dai asta nukaturhi aanï gin ibhïdaga. Kaxkïdï tudu kïï maatï aanï sai ïgai bia gubukarhigai ix gin nukadakagi asta xïïxkadï dibiagi ïgai ïpamu.

1 Juan 4:19

Daiñi, Diuxi ka ïïki abhiadïrï gïr oigïdaiña kaxkïdï oigïdai aatïmï ïgai ïpï dai kaxkïdï oigïdaiña aatïmï gïr aaduñi Diuxi amadïrï ïpï.