Romanos 5:20 - Northern Tepehuan Bible

²⁰ Diuxi gïr maa sïïrhikamigadï sai ïgaikïdï maatiga maaxkana xïï gïïpiga gïr soimaaxkamiga. Dïï gia xudu kabami gïïpigatadai soimaaxkami aidïpïrï Diuxi apia bamioma gïr mamaaxidi xïï kïï tuiga ïgai.

Tepehuan Northern: Diuusi ñiooquidʌ utuducami oodamicʌdʌ

²⁰ Diuusi maa oodami gʌsʌʌlicamiga sai poduucai maatʌna oodami isaliʌ maiʌʌgidi Diuusi. Dʌmos aidʌsi ʌoodami vaamioma soimaasi ivuaadatadai vaamioma oigʌldi Diuusi ʌgai dai oigʌdai.

Romanos 5:20 ပူးပေါင်းရင်းမြစ်များ

Numeros 21:9

Daidi podui go Moises. Idui ïgai ïmo kooyi bhronsekïdï dai ïmo bandera uxiaradïana xixa. Dai xorai biakagi kooyi kïidï mosïkaxi gï agaitadai xi nïñiada ïgai go bhronsekïdï kooyi dai ka kïïgakïrï bubuakïna.

Mataibo 20:9

Dai dada go aatabuadami ix makïdï taamïrï urunoko gaataduitadai. Dai bïïxkatai buiyi ïmo tasai aaduindagai namïgadï ïïmoko.

Mataibo 9:13

—Kaxkïdï gï agai sai maatïkagi aapimï ix tïiya ïrhidi Diuxi ñokidïrï xako ikaiti sai, —Aanï Diuxi ipïrhidi sai soi gïn ïrhiadagi odami jaa bïïtarï mai pokaxi aagai aanï go naana maaxi daxdaragai ix makïdï ibuayi odami gin bïïtarï— ikaiti Diuxi ñokidï. Gobai gï agai xi maatïkagi aapimï. Gï agai tudu xi maatïkagi aapimï sai aanï dibia mai xu bapaida iñagaitai odami sai gin urabana ix makïdï ïïgi kïï buañixikami gïn aagai iibhïadï. Bapaidimi aanï odami ix makïdï kïï maatï saidi ïr soimaaxi ibuadami tudu— itïtïdai.

Lukas 7:47

—Daiñi aapi Ximuñi— itïtïdai. —Ka oigïrhi Diuxi idi oki soimaaxkamigadï tomaxi naana maaxi soimaaxi ibuadana gobai. Kaxkïdï kïïga gin oigïdai gobai dai mamaaxidi buitapi go gaa ix gin oigïdai. Dïï gia mai xii kabami gin oigïdai go odami ix makïdï po gïn ïrhidi sai mai xii mui oigïrhi soimaaxkamigadï— itïtïdai.

VUAANA 10:10

Daiñi, go bhaitï gukakami ïïxibogami mos soi buadana odami. Ïpïan buadana ïgai ïïxibogami ix makïdï gaïïxiada ïrhidi dai kodada ïrhidi kañiñiru. Dïï aanï mai podukai aatabuayi. Aanï gia dibia sai kïïgakïrï óídakana aapimï kïïga biakatai bïïxi ix tumaxi gï agadagi gïn iibhïdaga bïïtarï— itïtïdai.

VUAANA 15:22

—Daiñi go gaa odami mai ïïgidi gin ñoki ix kaxkïdï mai bhaiga ïgai ix potïdagi Diuxi sai maiti ïr duñidï ix soimaaxi ibuayi. Ïïgi aanï aiturhi gin ñoki tudu dïï modukai maiti ipïrhi ïgai ix ïïgiadagi kaxkïdï mai bia ïgai ix dukatai ñokiadagi dai potïiyagi sai maiti ïr duñidï ix soimaaxi ibuayi.

Romanos 4:15

Go sïïrhikami go ïï gïgïbidaragai gïr buapai bhaiyoma. Mai ïïgidi aatïmï kaxkïdï. Mosïkaxi ix mai tipukamudai go sïïrhikami aidï gia ka mai tipukamudai ïpï ixtukïdï gïpiïrï gïr bupadagi.

Romanos 6:1

¿Xibi dukatai nïidi aapimï? ¿Bhai ix ïr buaboi xibi sai gï agai xi kabami soimaaxi ibuadagi aatïmï bai podukai Diuxi gïr maaxituldagi ix kïï tuiga ïgai dudatai gïr oigïrhiditai gïr soimaaxkamiga?

Romanos 6:14

Podukai go soimaaxkami ka mai biakamu ix dukatai gïn tïanïdagi. Xibi ka mai bia aapimï sïïrhikami xi ïïgiadagi go sïïrhikami. Xibi bhaiyoma ïïgida ïrhidi aapimï Diuxi mos ïï kïï tuigakatai ïgai gïn bïïtarï.