Romanos 5:18 - Northern Tepehuan Bible

¹⁸ Bïïxkatai aatïmï biakatadai gïgïbidaragai gïr abhana soimaaxi dunakai Adankaru. Dïï Suxi mos arhi ïmo buañixikami aaduindagaikïdï bhai dui gïr bïïtarï xi biakana aatïmï urabaragai Diuxi ïmadï ïpamu bai podukai kïïgakïrï óídakana aatïmï bïïxkïrï bïïtarï.

Tepehuan Northern: Diuusi ñiooquidʌ utuducami oodamicʌdʌ

¹⁸ Adánacaru soimaasi idui dai cascʌdʌ soimaasi ivueeyi vʌʌscatai vai Diuusi soimaasi taatamituldi. Dʌmos Suusi Cristo idui ʌmo istumaasi cʌʌgaducami vai cascʌdʌ Diuusi cʌʌgacʌrʌ nʌidi ʌoodami ducami istomali ʌmo imidagai maisoimaasi iduuñimudai dai poduucai tomastuigaco oidacamu Diuusi ʌʌmadu.

Romanos 5:18 ပူးပေါင်းရင်းမြစ်များ

Isa 53:11

Gïr Nukadakami otosadï kïï tuigakïdï nïidamu gïïgïbidaragai ix makïdï taata ïgai ix xïï gïïpi ïr soiñi ka agai dai kïï bai gï ïldamu nïiditai. Ïgai bhïï aimïrada agai soi maaxkamigadï mui odami dai podukai kïïgakïrï bubaida agai.

VUAANA 1:7

Dai dibia ïgai dai gamaakaiña ñoki aagaitai go ix makïdï Kudagi tïgidu. Ga mamaakaiña ïgai ñoki ipïrhiditai sai odami buaboitudagi go ix makïdï Kudagi tïgidu.

VUAANA 12:32

—Dai xïïxkadï ka taiyakoga gin bañigidagi odami kuruxiana aidï gia abïnakidamu aanï bïïxi óídakami sai gin urabana—

VUAANA 3:26

Dai mamaatïrdamigadï Juan iji dai mïï aagidi daidi itïtïdai, —Aapi Juan, go kïïrhi Suxi ix makïdï agaitadai aapi baasïki mïï go gïï aki Jordan basadïrï, gobai gabapakonai odami dai bhaiton bïïxi óídakami uurapïkïi xibi— itïtïdai.

Hechos 13:39

Bïïxi odami ix makïdï buaboitudagi go Suxi Kristo ka mai bia soimaaxkami gïn abhana ixtukïdï gïn aiyagi gïgïbituldaragai. Dïï go Moiseskaru ojadï sïïrhikami xadïrï podukai kïïgakïrï bubaidana odami sai ka mai tipukana soimaaxkami gïn abhana. Kaxkïdï ka maiti ïr gïpiïrï bïïtïkamikagi ïgai.

Romanos 3:25

Mukukai Suxi Kristo kuruxiana Diuxi gïr tïtïgidi ixtuma gïgïbidaragai gïr ajïakatadai soimaaxi buadatai aatïmï. Ami kuruxiana Suxi aaxi ïradï bai oigïrhixikami biïna bïïxi buaboitudadami. Dai Diuxi gïr tïtïïgidi xïï sïïrhi aatabuadana ïgai ïïki abhiadïrï ïpï dai mai otoma bhamukuitai ïgai nïiditai soimaaxkami ix makïdï ibuadana óídakami ïkioma dai mai otoma gïgïbituldatai ïpï.

Romanos 4:25

Diuxi otoi Suxi sai ïgai aa namïidana gïr soimaaxkamiga mukukai. Dai bhodïrï duakaturhi Diuxi go Suxi bai podukai kïïgakïrï gïr nïijadana ïgai.

Romanos 5:12

Go Adankaru soimaaxi dui ïïki dai podukai ayi go mukigami oidigi daama dai xibi go mukigami bïïxi óídakami ajïi soimaaxi buadatai óídakami.

Romanos 5:15

Suxi mai ïpïan dui go Adán tudu. Daiñi, go oidaragai ix makïdï Diuxi gïr urhiñdi mai ïpïamaaxi go soimaaxkami ix makïdï idui go Adán. Go soimaaxkami ix makïdï idui Adán bua mukigami bïïxi óídakami bïïtarï. Dïï gia baamioma gubuka go oidaragai ix makïdï gïr urhiñdi Diuxi mos ïï kïï tuigakatai ïgai. Suxi Kristokïdï gïr urhiñdi ïgai ix dukatai muidutai aatïmï kïïgakïrï oidakagi bïïxkïrï bïïtarï tudu.

Romanos 5:19

Go Adankaru soimaaxi ibuadami bia bïïxi óídakami tudu mai ïïgidakai ïgai Diuxi. Dïï Suxi Kristo gia ïïgidi Diuxi dai podukai bhai dui sai Diuxi kïïgakïrï nïijadana kïïga mui odami.

Romanos 6:14

Podukai go soimaaxkami ka mai biakamu ix dukatai gïn tïanïdagi. Xibi ka mai bia aapimï sïïrhikami xi ïïgiadagi go sïïrhikami. Xibi bhaiyoma ïïgida ïrhidi aapimï Diuxi mos ïï kïï tuigakatai ïgai gïn bïïtarï.

1 Korintios 15:22

Kaxkïdï tudu bïïxi odami mumukui aaduñdïkatai ïgai go Adán. Dïï gia bïïxkatai ix makïdï ïr aaduñdï Suxi Kristo duduakatuda agai.

Hebreos 2:9

Dïï gia Suxi gia ka bhïiyi sïïrhikami dai kaxi gatïanïi ix dukai aagai go ojai. Baasïkioma chïki tasai dumarhioma bii ïgai xi go tïtïañikarudï Diuxi aidïxi ïmo kïïrhi busai ïgai. Dai taata ïgai go mukigami bïïxi óídakami bïïtarï. Po dui ïgai mos ïï kïï tuigakatai Diuxi gïr bïïtarï. Dïï gia xibi ka bhïiyi Suxi gïdukami xadutudaragai ïmo gïï gatïanïdamikatai xibi ix dukai aagai go ojai.

2 Pedro 1:1

Bhaiga gin aaduñi Diuxi amadïrï. Aanï ïr Ximuñi Piduru dai ïmo pioñigadï aanï Suxi Kristo otosadïkatai aanï ïgai. Gïn ojidi aanï aapimï ix makïdï buaboitudai ïpïandukai aatïmï ix makïdï ïr ojotosadï Suxi Kristo. Suxi Kristo ïr gïr Diuxiga dai gïr kïïgakïrï bubiadamiga. Kïïga buañixikami dukai dai kïïga sïïrhi aatadui ïgai dai podukai aatadunakai ïgai gïn ayi aapimï oigaragai ix kïïgakïrï bubuakiagi aapimï.

1 Juan 2:20

Dïï aapimï gia mai pomaaxi. Kïïga maatï aapimï tudu sai Suxi Kristo ïr ïkobai busaidadï Diuxi. Dai ïkobai gïn bubaitu Suxi Kristo sai ïïgi Diuxi bïïtarïkana aapimï. Ïkobai gïn bubaitu ïgai aidïxi gïn maa ïgai Diuxi Ibhïadï sai gïn ïmadï dakana tudu. Dai ka kïïga maatï aapimï ixtumaxi ïr buaboi dai ka mai ïpïamaaxi aapimï go gaa ix makïdï gïr dagito.