Romanos 4:6 - Northern Tepehuan Bible

⁶ Dai go Dabidkaru ïki aagai idi baaxi bhai ïrhiaragai aatagi ïpï. Pokaiti ïgai sai Diuxi kïïgakïrï nïidi odami mos buaboitudakai ïgai dai sai go kïïgadukami ix makïdï ibuadana odami mai bapakïi ami. Ïgai pokaiti sai odami ix makïdï Diuxi kïïgakïrï nïijadagi podukai mos buaboitudakai ïgai, gïïpi bia bhai ïrhiaraga gïn abhana.

Tepehuan Northern: Diuusi ñiooquidʌ utuducami oodamicʌdʌ

⁶ Davicaru aagai sai aliʌ baigʌʌlidiña ʌmo oodami siʌʌscadʌ Diuusi oigʌldagi dai cʌʌgacʌrʌ nʌijadagi vaavoitudacai ʌgai Diuusi. Dai pocaiti Davicaru:

Romanos 4:6 ပူးပေါင်းရင်းမြစ်များ

Mataibo 25:19

Dai tïbïpikïdï dibia go amudï ïpamu dai báí ïgai pipioñigadï sai aagana ix idui ïgai go tuminxi ix makïdï nukaturhitadai ïgai.

Romanos 1:17

Go bhai ïrhiaragai aatagi ïgai dai gïr tïtïgidi ix tuma dui Diuxi bïïxi odami bïïtarï bai Diuxi kïïgakïrï nïijadana bïïxi ix makïdï buaboitudai. Mos go ïï buaboidaragaikïdï kïïgakïrï bipiïyi odami Diuxi ïmadï. Podukai tudu ojixikatadai ïki Diuxi ñokidïrï. Go ojai ikaiti, —Go odami ix makïdï Diuxi kïïgakïrï nïidi kïïgakïrï óídaka agai buaboidatai ïgai— ikaiti ojai.

Romanos 3:27

Podukai mai tipu ixtukïdï kïï tuigakami gï ïrhiadagi ïmoko dai potïiyagi sai ïïgi kïïgakïrï gï busaitu. ¿Kïïgakïrï tïx bubuakïi aatïmï ïïgiditai go sïïrhikami? ¡Cho! ¡Xadïrï! Bhaiyoma buaboidaitai kïïgakïrï bubuakïi aatïmï.

Romanos 4:11

Go Abraamkaru buaboitu dai aidïpïrï Diuxi kïïgakïrï tïï mai kia gï circuncidadukatai ïgai. Gokiïrï Diuxi tïjai sai gï circuncidandoagi xi gï maaxitudagi sai Diuxi ka kïïgakïrï tïïtadai mos buaboidakai ïgai. Kaxkïdï go Abraamkaru ogadï dukai bii bïïxi buaboitudadami bïïtarï ix makïdï Diuxi kïïgakïrï nïidi tomaxi maiti ïr circuncidadugami ïgai.

Romanos 4:24

Aatïmï gïr bïïtarï ojixi gobai ïpï. Daiñi, Diuxi kïïgakïrï gïr nïijadamu ïpï buaboidakai aatïmï ïgai ix makïdï duakaturhi go Suxi Gïr Nukadakami mukukai ïgai. Buaboidakai aatïmï Diuxi tudu.

Romanos 4:5

Daiñi mai tipu tomarhi ïmo aaduindagai ix makïdï odami ibuadagi xi ïgaikïdï Diuxi kïïgakïrï nïijadana. Dïï gia Diuxi kïïgakïrï nïidi odami ix makïdï buaboitudagi Diuxi xi ïïgi ïgai buanai iibhïadï soimaaxi buadami. Kïïgakïrï nïidi ïgai odami mos nïiditai ix ka buaboitu dai mai xu nïiditai xi dui ïgai ixtumaxi kïïgadukami.

Romanos 4:7

Go Dabidkaru ikaiti sai, Kïïga bhai gïn ïrhidi odami ix makïdï Diuxi oigïrhi soimaaxkamigadï, ix makïdï Diuxi ka mai tïgito soimaaxkamigadï tudu.

Romanos 4:9

¿Borai bïïtarï aidï idi bhai ïrhiaragai ix Diuxi kïïgakïrï nïijadana odami podukai? ¿Mosïkaxi óídakami ix makïdï gïn circuncido bïïtarï xi gobai? ¿Ix makïdï maiti gïn circuncido ïpï bïïtarï xio? Ka aagai aatïmï xibiki sai go Abraamkaru buaboitu Diuxi dai podukai Diuxi kïïgakïrï nïidi ¿aba?

1 Korintios 1:30

Daiñi, mos ïïgi Diuxi gubukarhigadïkïdï bïïna daraja aatïmï Suxi Kristo. Aatïmï maiti idui tomarhi ïmo ixtumaxi. Suxi Kristokïdï tudu gïr maa Diuxi ïïgi tïgibudadï dai Suxi Kristokïdï ïpï bhai dui Diuxi sai kïïgakïrï gïr nïidiña ïgai ïpï. Suxi Kristo ïgai ix makïdï ïkobai gïr bubaitu sai mos ïïgi Diuxi bïïtarïkana aatïmï dai ïgai aa namïki gïr buatuldaraga ïpï sai kïïgakïrï bubuakïna aatïmï.

2 Korintios 5:21

Gïn aagidamu aanï ïmo ixtumaxi aagaitai aanï go oidaragai ix makïdï gïr maakai Diuxi tudu. Daiñi, Diuxi dáí go Suxi ïmo daxdaragai dukai sai buanana gïr soimaaxkamiga mai soimaaxi ibuadamikatai ïgai toma lïïchi. Po dui ïgai saidi ka bïïna biiyagi aatïmï Suxi Kristo sai podukai buañixikami biiyagi aatïmï ïpïan dukai Diuxi. Gobai tudu ïr go gïï oidaragai ix makïdï gïr maakai Diuxi.

Galatas 3:14

Xibi ka taata Suxi go gïgïbidaragai gïr bïïtarï xi kaxkïdï xibi Diuxi gamaakai ïmo gïdukami bhai ïrhiaragai go odami ix makïdï maiti ïr judidiu. Kïïgakïrï nïidi ïgai mos buaboitudakai ïgai tudu. Xibi asta go odami ix makïdï maiti ïr judidiu biatu ï galbaaxi bhai ïrhiaragai ix makïdï maa Diuxi go Abraamkaru ïïki ka bïïna darakatai ïgai Suxi Kristo. Dai xibi aïjïi Diuxi Ibhïadï bïïxkatai aatïmï gïr ïmadï mos buaboitudakai aatïmï xi ïr judidiukagi xi maiti ïr judidiukagi aatïmï ïpï.

Galatas 4:15

Aidï kïïga bhai gïn ïrhidiña aapimï kaïkatai go bhai ïrhiaragai aatagi. Aanï po in ïrhidi sai gin maaki antaadatadai aapimï asta gïn bupuji gin soiña ïrhiditai aidï. ¿Dai xibi xïdui go bhai ïrhiaragai ix makïdï biakatadai aapimï aidïxi tukamïrï kaï aapimï go bhai ïrhiaragai aatagi?

Efesios 1:3

Gï agai xi oigïda ñokadagi aatïmï Diuxi bïïtarï. Ïgai ïr Diuxigadï Suxi Kristo Gïr Nukadakami dai ïr Ogadï ïpï. Diuxi gïr maa bïïxi aïkatai bhai ïrhiaragai ix makïdï oidaga tïbagiana gïr ibhïdaga bïïtarï. Diuxi gïr maa idi bhai ïrhiaragai mos bïïnakai aatïmï Suxi Kristo.

Filipenses 3:9

bïïna dakatai aanï ïgai. Ka mai buaboitudai aanï tudu sai bia aanï xi ïïgiadagi go sïïrhikami sai kïïgakïrï gin nïijadagi Diuxi. Dai bhaiyoma Diuxi ïgai dai bhai dui ix dukatai kïïgakïrï gin nïijadagi ïgai buaboidaitai aanï Suxi Kristo. Gobai buaboitudai aanï xibi.

2 Timoteo 1:9

Daiñi, Diuxi kïïgakïrï gïr bubaitu dai gïr báí saidi ïr ïko darasadïkana aatïmï. Dai mai xu ix kïïga idui aatïmï xi kaxkïdï ïkobai gïr bubaitu ïgai dai bhaiyoma kïï tuiga dai ïgai podukai gï tïgito ïïki mai kia tipukatai oidigi. Kaxkïdï kïïgakïrï gïr bubaitu ïgai.

Santiago 2:18

Daiñi, kïï bhaiga ïïmo odami ix pokaitadagi sai, kïïgakïrï bubuaki agaiña ibuadatai naana maaxi kïkïïgadukami aaduindagai. Dai jaa ikaitiña sai kïïgakïrï bubuaki agaiña mos kïïga buaboitudaitai. ¿Dai dukatai gï maatïkana ix bhai buaboikïdï buaboitudai ïgai ix maiti ibuadagi ïgai ixtumaxi kïkïïgadukami? Dïï gia aanï ikaiti sai aanï gia ibuayi ixtumaxi ïr kïïga dai podukai maaxitudai aanï jaa buidïrï sai kïïga buaboitudai aanï. Pobuayi aanï tudu.

2 Pedro 1:1

Bhaiga gin aaduñi Diuxi amadïrï. Aanï ïr Ximuñi Piduru dai ïmo pioñigadï aanï Suxi Kristo otosadïkatai aanï ïgai. Gïn ojidi aanï aapimï ix makïdï buaboitudai ïpïandukai aatïmï ix makïdï ïr ojotosadï Suxi Kristo. Suxi Kristo ïr gïr Diuxiga dai gïr kïïgakïrï bubiadamiga. Kïïga buañixikami dukai dai kïïga sïïrhi aatadui ïgai dai podukai aatadunakai ïgai gïn ayi aapimï oigaragai ix kïïgakïrï bubuakiagi aapimï.