Romanos 4:21 - Northern Tepehuan Bible

²¹ Go Abraamkaru kïïga buaboidaiña sai Diuxi kïïga ibuayi ix dukatai aagadagi ïgai tudu.

Tepehuan Northern: Diuusi ñiooquidʌ utuducami oodamicʌdʌ

²¹ Sʌʌlicʌdʌ cʌʌga vaavoitudai ʌgai isDiuusi istutuidi isiduñiagi istumaasi aagai.

Romanos 4:21 ပူးပေါင်းရင်းမြစ်များ

Mataibo 19:26

Dai Suxi sïïrhi buijako nïidi mamaatïrdamigadï daidi potïtïdai, —Buaboi aba sai óídakami mai bhaiga xi kïïgakïrï gïn bubiadagi ïïgi. Dïï gia Diuxi kïïga ixtutuidikïi xi kïïgakïrï bubiadagi. Kïïga ixtutuidikïi ïgai xi ibuadagi ixtumaxi odami mai bhaiga xi ibuadagi tudu— itïtïdai.

Lukas 1:1

Aapi Teofilo, aapi ïr ïmo gabhaitïkïakami dai kïïga maatï aapi sai naana maaxi daibuskïitadai baasïkioñdïrï gïr saagida. Ixtumaxi daibuskïitadai Suxikïdï tudu. Dai bïïxi gobai kaxi gïr aagiditadai Diuxi ïïki abhiadïrï sai daibuña agai. Dai mui odami nïidi ixdukatai daibusai Suxikïdï aidï abhiadïrï xi gï aaga aatadui ïgai. Dai ix makïdï ïr nïijadami gïr aiturhiña ñoki aagaitai gobai. Mui odami idui ojai aagaitai ixtumaxi daibusai ïpï. Kaxkïdï aanï podukai gin tïgito dai idui ïmo ojai ïpï aagaitai ixtumaxi daibusai Suxikïdï. Aagaitai bïïxi ixtumaxi daibusai aidï abhiadïrï xi gï aaga aatadui ïgai tudu.

Lukas 1:37

Mai tipu xijiakami Diuxi bïïtarï di— itïtïdai.

Lukas 1:45

—Dai Aapi Maria, kïïga buaboitu aapi sai po gï duñimu bïïxi ixtumaxi gï aagidi go otosadï Gïr Nukadakami di dai kaxkïdï kïïga bia aapi ïmo gïdukami bhai ïrhiaragai gï abhana— itïtïdai.

Romanos 14:4

Daiñi, aapi ix makïdï ïr pioñigadï Diuxi mai bia sïïrhikami xi potïiyagi sai ïmai ix makïdï ïr pioñigadï Diuxi ïpï mai kïï ibuayi. Mosïkaxi Diuxi bia sïïrhikami xi aagagi sa bhai kïï buayi pioñigadï. Dai Diuxi aagidamu gï pipioñi aidï sai ïr kïïga ibuadami ïgai. Kïïga ixtutuidikïi Gïr Nukadakami xi buadagi xi ïr kïï buadamikagi pipioñigadï kaxkïdï.

Romanos 14:5

Daiñi, ïïmo odami bamioma xadutudai ïïmo tasai dai jaa mos ïmadugan dukai nïidi bïïx tasai. Kaxkïdï gï agai ïmoko xi kïïga maatïkagi ïïgi gï bïïtarï ix dukatai buaboitudai.

Romanos 8:38

Kïïga maatï aanï sai mai tipu ixtumaxi sobhidagi bai ka maiti gïr oigïdadagi Diuxi. Tomaxi koi aatïmï xiïpï xi apia óídakagi aatïmï modukai mai sobhidamu gobai. Tomarhi Diuxi tïtïañikarudï dai tomarhi go diabora tïtïañikarudï, xiïpï go gubukadagai bipiakami tïbagiïrï óídakami mai sobhidamu. Tomarhi ix tumaxi oidaga xibi dai tomarhi ix tumaxi oidaka agai gokiïrioma,

2 Korintios 9:8

Dai kïï bhaiga ïgai xi bïïxi aïkatai gïn maakadagi ixtumaxi tïgito aapimï kïï tuigakatai ïgai gin bïïtarï. Dai kïï bhaiga ïgai xi gïn maakadagi asta bhaibitukami ixtumaxi ïpï saidi podukai kïïga biakagi aapimï ixtukïdï soikïdagi jaa.

2 Timoteo 1:12

Dai xibi maixapi aanï ibuadatai go aaduindagai ix makïdï gin maa ïgai dïï mai xaïrai aanï gokïdï. Kaxkïdï tudu kïïga maatï aanï ix tuiga Suxi Kristo ix makïdï buaboitudai aanï dai gobai ïr ïmo abïnakidaragai gin ibhïdaga bïïtarï. Kïïga buaboitudai aanï tudu dai asta nukaturhi aanï gin ibhïdaga. Kaxkïdï tudu kïï maatï aanï sai ïgai bia gubukarhigai ix gin nukadakagi asta xïïxkadï dibiagi ïgai ïpamu.

Hebreos 11:13

Bïïxkatai ïgai ix makïdï aagai aanï, go Abraam dai go Isaak dai Jakobo, bïïxkatai ïgai kïïga buaboidaitadai Diuxi aidïxi koi ïgai. Kia kïïga buaboidaitadai ïgai tomaxi mai kia biakatadai ixtumaxi Diuxi aagidi sai maaki agai. Maatïkatadai ïgai sai tïbïpida agaitadai kia ix aiyagi gobai dai bïïxkïrï buaboitu. Mïkaxdïrï nïijadan dutadai ïgai ix makïdï Diuxi aagidi sai maaki agai dïï mai ayi gobai. Dïï bïïxkïrï bhai gïn ïrhidiña nïnïrakatai. Daidi ikaitiña ïgai, —Gïr oidakaraga tami oidigi daama mos ïr ïmo lïïchi imidagai dukai. Otoma daibuñimu gobai— ikaitiña.

Hebreos 11:19

Buaboitudai ïgai sai Diuxi ixtutuidikïi xi ïpamu duakaltudagi go Isaak. Dai bhaitoma po ïrhiadan dui aidïxi Diuxi kïïgakïrï busaitu go Isaak ïmo kañirukïdï.