Romanos 4:17 - Northern Tepehuan Bible

¹⁷ Go Abraamkaru buaboitu Diuxi ix makïdï duduakatudai koidadï dai ix makïdï mos ñokaitai ibuayi ixtumaxi ix makïdï mai kia tipukana. Kaxkïdï Diuxi ñokidï pokaiti ïki abhiadïrï sai go Abraam ïr ogadï ka agai mui óídakami naana dukai ñokadami.

Tepehuan Northern: Diuusi ñiooquidʌ utuducami oodamicʌdʌ

¹⁷ cascʌdʌ pocaiti Diuusi sai Avraañicaru ʌroogadʌ ducami mui oodami naana maasi ñioocadami. Diuusi cʌʌgacʌrʌ nʌidi tomastuma oodami isvaavoitudagi Diuusi ʌpan duucai Avraañicaru. Diuusi aliʌ viaa guvucadagai dai ʌgai duduaacaldi coidadʌ dai siʌʌscadʌ Diuusi aagadagi saidʌ ʌpʌdunia agai ʌmo istumaasi ismaacʌdʌ maiquiaa ʌpʌdui ducami iscaasi ʌʌpʌ duuñimudai.

Romanos 4:17 ပူးပေါင်းရင်းမြစ်များ

Genesis 17:16

—Aanï maakimu ïmo bhai ïrhiaragai abhana go Sara xi ïgai tïïgimu ïmo arhi gïrhi. Kaxi an gï aagidi sai maakimu aanï ïmo bhai ïrhiaragai abhana go Sara xi ïgai ïr dïïdï ka agai mui naana dukai ñokadami odami. Dai ïïmadutai ujurhidï gïïgïr reyes ka agai— itïtïdai.

Mataibo 3:9

—Dai maiti abïr pokaitada ïpï sai gïn oigïldamu Diuxi piipixaradïkatai aapimï go Abraamkaru. Gobai maiti gïn soiñamu tudu— itïtïdaiña. Daiñi, kïï bhaiga Diuxi xi asta ojodaiñdïrï ibuadagi piipixaradï go Abraamkaru di. ¿Kaxkïdï dukatai po gïn ïrhidi aapimï sai gïn soiñamu piipixaradïkatai aapimï? Xadïrï gïn soiñana gobai sai maiti gïn aituldagi Diuxi gïgïbidaragai tudu— itïtïdaiña.

VUAANA 5:21

—Daiñi, Diuxi gin Oga kïïga duakatudai koidadï dai aanï ïr Diuxi Maradï dai aanï ïpï duakatudai xorai ipïrhiada aanï.

VUAANA 5:25

Dai Suxi oi aatagidï dai itïtïdai ïpï, —Kïïga abïr gïn tïgito kaïka idi ñoki. Daiñi, aanï ïr Diuxi Maradï dai aanï aagai sai ayimu ix tuigako kaïka agai go koidadï ix ñokada aanï dai duduaka agai. Dai xibi aanï aagai sai ka ayi gobai.

VUAANA 6:63

—Daiñi, Diuxi Ibhïgadï ïr ix makïdï gamaakai gubukarhigai sai kïïgakïrï óídakana odami bïïxkïrï bïïtarï. Ïïgi odami gubukarhigadï maiti ïr soiñi gokïdï. Dïï gia go ñoki ix makïdï gïn aagidi aanï ïr ñokidï Diuxi Ibhïgadï dai mai xu ïr ïmo odami ñokidï gobai. Kaxkïdï gï aagai ix buaboitudagi aapimï gin ñoki bai podukai kïïgakïrï óídakana aapimï bïïxkïrï bïïtarï.

Hechos 15:18

Gïr Nukadakami ïgai dai pokaiti ïïki tudu dai ïgai podukai iduñimu.

Romanos 3:29

Diuxi maiti ïr mosïkaxi go judidiu Diuxigadï. Bïïxi óídakami Diuxigadï ïgai.

Romanos 4:18

Diuxi aagidi go Abraamkaru sai muidu ka agai piipixaradï. Kaxkïdï go Abraamkaru gubukatu ibhïadï dai tomax dukai mos apia buaboitu. Dai podukai biatu ïgai mui piipixaradï naana dukai ñokadami.

Romanos 4:2

Gï aagidamu aanï ixtukïdï. Daiñi kïïgakïrï tïï Diuxi go Abraam buaboitudakai ïgai dai mai xu kïï ïïgiditai ïgai Diuxi. Xi ïïgiditai kïïgakïrï tïïgimudai Diuxi ïgai, aidï gia go Abraamkaru biakamudai ixtukïdï tïdagi odami buitapi sai ïr gïdukami ïgai. Dïï tomaxi dukai, xadïrï potïdana ïgai Diuxi buitapi saidi ïr gïdukami ïgai.

Romanos 8:11

Daiñi, Diuxi ïgai dai duakaturhi go Suxi Diuxi Ibhïadï gubukadadïkïdï. Dai xibi Diuxi Ibhïadï gïn ïrana daja. Kaxkïdï maatï aatïmï sai Diuxi duakatuda agai gïn tukuga ïpï mukukai aapimï. Gïn duakatudamu Diuxi Ibhïadï gubukarhigadïkïdï ix makïdï gïn ïrana daja.

Romanos 9:11

Dai mai kia bubuakïkai ïgai Diuxi aagidi go Rebeka sai ix makïdï ïr gasukurhi ka agai tïanïda agai ix makïdï ïr gaxïgi. Jakobo tïgidu aidï ix makïdï ïr gasukurhi dai Esau tïgidu ix makïdï ïr gaxïgi. Aidïpïrï mai kia ïr dukamikatadai ïgai ixtumaxi tomarhi kïïgadukami tomarhi soimaaxkami. ¡Mai kia bubuakatadai ïgai di! Diuxi ïko busaitu dai báí ix makïdï ïr gasukurhi tudu, ix makïdï Jakobo tïgidu. Ïïgi podukai ipïrhi Diuxi kaxkïdï. Podukai gï tïgito Diuxi kaxkïdï potïtïdai ïgai go Rebeka. Mai xu ïr kïïga idukamikatadai go Jakobo xi kaxkïdï Diuxi ïko busaitu. Dai go Esau ïpï maiti ïr idukamikatadai ixtumaxi kia ïpï tomarhi kïïgadukami tomarhi soimaaxkami.

Romanos 9:26

Dai xako potïtïdaiña aanï óídakami sai ïgai maiti ïr gin aaduñi, abhaxi tïdamu aanï aidï saidi gia ïr gin aaduñi ïgai. Aanï ïr Diuxi dai aanï gamaakai odami iibhïadï. Aanï tudu ïgai dai aagidamu jaa óídakami saidi ïr gin aaduñi ïgai, ikaiti Diuxi ojadïrï.

1 Korintios 1:28

Pobï gï dui tudu, Diuxi ïkobai bubaitu aapimï ix makïdï go gaa odami soi dukai nïidi dai ix makïdï mai namïakami dukai nïidi ïpï. Podui Diuxi sai mai namïakami dukai biïna bïïxi ix tumaxi ix makïdï kïï namïakami dukai nïidi odami

1 Korintios 15:45

Daiñi, Diuxi ñokidï pokaiti sai, Ibhïiba kïkiba go Adán, dai duakakami bii tukugadï sai oidakaiña ïgai tami oidigi daama. Dïï gia oidaga ïmai ix makïdï mai ïpïamaaxi go Adán. Ïgai ïr Suxi Kristo ix makïdï go kugatïrï Adán aagaiña odami. Ïgai mai mosïkaxi biatu gubukarhigai ix tami oidigi daama oidakagi. Ïgai bhaiyoma gamaakai gubukarhigai sai kïïgakïrï oidakana óídakami bïïxkïrï bïïtarï.

1 Tomoteo 6:13

Aapi Timoteo, Diuxi ïgai dai gamaakai duakarhigai bïïxi ixtumaxi ix makïdï ibhïkïi. Dai Suxi Kristo ïgai dai Ponsio Pilato buidïrï aagai ixtumaxi ïr buaboi. Dai xibi Diuxi ïmadï Suxi Kristo ïr nïijadami ix tumaxi gï tïañimi aanï.

Hebreos 11:12

Dai go Abraam ïpï kaxi ïr kïrhiodamikatadai aidï. Dai ka maiti ixtutuidikïitadai ïgai ïpï ix gamaratudagi. Toma lïïchi mai biakatadai ïgai gubukarhigai maratudaragai bïïtarï. Gobai bïïtarï ïpïan ïxi gubuakamikatadai ïgai ïmo mukiadï tudu. Dïï bïïxkïrï buaboitudai ïgai Diuxi dai kaxkïdï abhiadïrï go Abraamaiñdïrï bubuakai sïïrhikïdï mui odami. Ïpïan ïïki go xixabugai tïbagiana xiïpï go orai ix makïdï go gïï sudagi ugidana bïïtï tudu.

Hebreos 11:3

Daiñi, buaboitudai aatïmï Diuxi dai kaxkïdï kïïga maatï aatïmï sai go ïï ñokidïkïdï idui ïgai bïïxi ixtumaxi. Bïïxi ixtumaxi nïidi aatïmï idui ïgai tudu. Aidïpïrï mai tipukatadai kia bïïxi gobai ix makïdï nïidi aatïmï aipakoga xibi. Dai mos ño ïgai bai oidatu bïïxi gobai.

Hebreos 11:7

Go Noékaru kïïga buaboitu Diuxi ïpï xïxkadï Diuxi aagidi sai dupitulda agai go oidigi sudagikïdï. Dai tomaxi mai kia nïiditadai ïgai tomarhi ïmo imidagai ix dupikïdagi oidigi bïïxkïrï buaboitu ïgai Diuxi. Duadimuka antaadatu ïgai tudu gï tïgitokatai xïïxi ïr gïdukami Diuxi dai kïïga buaboidaitai ïïgidi. Kaxkïdï idui ïgai go gïï barko ixtukïdï kïïgakïrï busai ïgai ïmadï modukai aaduñdï. Kïïga buaboitu ïgai Diuxi tudu dai kaxkïdï kïïga ïïgidi. Dai podukai maaxiko aa ïgai ix go gaa oidakami oidigi daama kabami ïr soimaaxi ibuadami mai buaboidaitai ïgai Diuxi. Dïï go Noé gia buaboitu Diuxi dai kaxkïdï buañixikami bii ïgai Diuxi bïïtarï.

1 Pedro 2:10

Kïïga ïr buaboi ixtumaxi oja go ñokituldiadamigadï Diuxi ïïki tudu. Ïgai ikaiti sai, ïkiomai maiti ïr ïmo aadunumïkana aapimï. Dïï gia xibi kaxi ïr aaduñdï aapimï Diuxi. Ïkiomai mai tipukatadai xorai buamï ïrhiadagi gïn bïïtarï. Dai xibi gia Diuxi kïïga buamï ïrhidi gïn bïïtarï, ikaiti go ñokituldiadamigadï Diuxi ïïki gïn aagaitai ïgai aapimï.

2 Pedro 3:8

Gin aaduñi, gï agai sai gïn tïgitokagi aapimï sai Diuxi ïma dukai nïidi go tïbïragadï tasai dai mai xu ix dukatai aatïmï nïidi gobai. Ïgai bïïtarï ïmo tasai ïpïan tïbïraga ïmo mirhi umigi dai ïmo mirhi umigi ïpïan kaburhika ïmo tasai. Mos ïr ïgalbaaxi ïgai bïïtarï tudu.