Romanos 3:31 - Northern Tepehuan Bible

³¹ ¿Ka mai namïakami ix dukai biayi aatïmï go sïïrhikami aidï mos buaboidaitai aatïmï? ¡Cho! ¡Xadïrï! ¡Bhaiyoma gïr buaboidaragakïdï bamioma namïatudai aatïmï go sïïrhikami!

Tepehuan Northern: Diuusi ñiooquidʌ utuducami oodamicʌdʌ

³¹ Tomasi ʌrvaavoi iscʌʌgacʌrʌ vuvacʌi oodami vaavoitudaitai isʌSuusi Cristo ʌrcʌʌgacʌrʌ vuviadami vʌʌscʌrʌ aliʌsi gʌaagai isʌʌgiadagi Diuusi sʌʌlicamigadʌ.

Romanos 3:31 ပူးပေါင်းရင်းမြစ်များ

Mataibo 15:6

Diuxi kïïga gïr aagidi saidi gï agai sai xadutuada aatïmï gïr dïïdï. Dïï gia pokaitiña aapimï sai gïn bituldaraga gïn mamaakai oigaragai sai mai xadutuadana aapimï. Dai podukai mai namïakami dukai nïidi aapimï Diuxi ñokidï bamioma ïïgiditai aapimï gïn bituldaraga— itïtïdai.

Mataibo 3:15

Dai Suxi potïtïdai aidï, —Gï agai sai gin bakuandana aapi saidi podukai bïïxi pogïduna ix dukatai Diuxi ipïrhidi— itïtïdai. Dai aidï gia bhai aa go Juan dai bakoi ïgai go Suxi.

Mataibo 5:17

Dai Suxi oi aatagidï daidi potïtïdai ïgai mamaatïrdamigadï sai, —Gï agai xi maatïkana aapimï ix tuma bïïtarï dibia aanï— itïtïdai. —Maiti gï agai tudu xi po gïn ïrhiada sai dibia aanï maigobai dasa iñagaitai go sïïrhikami ix makïdï oja go Moiseskaru. Tomarhi mai maigobai daituda iñagai ojadï go gaa ñiñokituldiadamigadï Diuxi ïpï. Bhaiyoma dibia aanï dai bïïxi naato iduña iñagai bïïxi ixtumaxi aagai go sïïrhikamiïrï.

Mataibo 5:20

—Kïïga abïr gïn tïgito ajiopada tudu. Daiñi, kïï maatï aapimï sai go fariseos dai go tïtïïgiadami sïïrhikami kabami gïn aajagïiña ïïgida ïrhiditai ïgai go sïïrhikamigadï Diuxi. Podukai bamioma buañixikami óídaga ïgai xi jaa mui óídakami. Dïï gia aanï aagai sai gï agai óídakami sai apia bamioma buañixikagi xi bhai go fariseos. Ïma dukai mai biakamu ïgai oigaragai xi urabagi Diuxi gatïanïitai ïgai— itïtïdai Suxi.

Lukas 20:16

Aanï agai sai dibimu ïgai dai naato kodamu go aatabuadami dai maakimu go dïbïrai jaa— itïtïdai Suxi go odami. —Agia maiti gï agai xi podukai daibuñagi ix makïdï aagai aapi— ikaiti go odami kaïkai aatagidï.

Romanos 10:4

Suxi Kristo ïgai dai kugaitu go sïïrhikami. Kaxkïdï Diuxi kïïgakïrï nïidi ix makïdï buaboitudai ïgai.

Romanos 2:20

Aapimï judidiu bia Diuxi sïïrhikamigadï dai Diuxi sïïrhikamigadï aagai ixtumaxi ïr buaboi. Kaxkïdï aapimï maaki ïrhidi ñoki go pupuirugami dai ix makïdï mai maatï ix dukatai oidakagi.

Romanos 3:4

Xadïrï maiti duna Diuxi idukatai aagagi ïgai. Diuxi mai yaatagïi tomaxi odami gia ïr yaatabogami bïïxkatai. Podukai tudu agai Diuxi ñokidï. Ami ikaiti sai, Bïïxkïrï buaboi aagai Diuxi. Xudu jaa gïpiïrï buaja ïrhiadagi Diuxi, ïgai gatïtïïgiada agai sai mai soimaaxi buayi ïgai, ikaiti go ojai.

Romanos 3:6

¡Xadïrï ïr buaboikana gobai! Diuxi kïï sïïrhi buayi bhaiyoma gïgïbiditai soimaaxi buadami. Kaxkïdï bia ïgai sïïrhikami xi aagadagi xorai biaka agai gïgïbidaragai

Romanos 4:14

Jaa pokaitiña sai Diuxi óídakami abhana dasai ïgai go bhai ïrhiaraga mosïkaxi ix odami ïïgiadagi go sïïrhikami. Maiti ïr buaboi gobai. Ix podukaikamudai aidï gia maiti ïr soiñikamudai ix buaboitudagi ïmoko. Tomarhi maiti gï agaikamudai xi nïnïrakagi ïmoko sai Diuxi maakiana go bhai ïrhiaragai ix makïdï aagai ïgai sai maaki agai. Ïïgi bhïimudai ïmoko go bhai ïrhiaragai mos ïïgiditai go sïïrhikami, dïï xadïrï bhaigakana ïmoko.

Romanos 7:22

Daiñi, Diuxi sïïrhikamigadï ïr bhai ïrhiaradï gin ibhïdaga.

Romanos 7:25

Suxi Kristo Gïr Nukadakami aba ïgai dai kïïgakïrï gin busaitu tudu. Kaxkïdï bhai gin ïrhidi aanï Diuxikïdï. Pomaaxi tudu gin oidakaraga. Gin ibhïdagakïdï gia ïïgidi aanï Diuxi sïïrhikamigadï. Dïï bïïxkïrï go soimaaxkami mos apia gin tïanïi ansai soimaaxi ibuadagi.

Romanos 8:4

Diuxi gamaitï go soimaaxkami bui sai podukai aatïmïkïdï gï ibuada ixtumaxi ïr sïïrhi. Sai aatïmïkïdï gï ibuadana bïïxi ixtumaxi gïr tanïi go sïïrhikami tudu. Xibi ka mai ïïgidi aatïmï gïr ïkidadï tïgibudagai. Xibi bhaiyoma ïïgidi aatïmï Diuxi Ibhïadï.

Galatas 2:19

—Daiñi— antïtïdai aanï. —Ïkioma kabami gin aajagïiña aanï ïïgiada ïrhiditai go Moises sïïrhikamigadï. Poïrhiditadai aanï sai podukai kïï bimu aanï Diuxi ïmadï dïï maiti ixtui aanï ix kïïga ïïgiadagi gobai. Kaxkïdï bhaiyoma ka dagito aanï go sïïrhikami dai ka mai gaagai aanï ixdukatai ïïgiadagi gobai. Ka mukian dui aanï go sïïrhikami bïïtarï tudu. Go sïïrhikami mai bhaiga xi tïanïdagi ïmo mukiadï di. Ka mai oidaga aanï ïïgidaragai bïïtarï go sïïrhikami xibi tudu. Dai xibi bhaiyoma Diuxi bïïtarï oidaga aanï— antïtïdai aanï.

Galatas 2:21

—Daiñi— antïtïdai. —Ïïmoko pokaiti sai bhaiga ix kïï bipiïdagi Diuxi ïmadï ïïgiditai go sïïrhikami. —¿Duna aatïmï xorai mukiagi gïr bïïtarï dai kïïgakïrï gïr bubiadagi?— ikaitiña ïgai. Ka gajiadïrï bipiadan buayi ïgai ixtumaxi idui Suxi Kristo gïr bïïtarï tudu. Dïï aanï gia mai gajiadïrï bia in ïrhidi ixtumaxi idui Suxi gïr bïïtarï. Gia kïï tuiga ïgai gïr bïïtarï tudu. Sïïrhikïdï gï agaitadai xi mukiagi ïgai gïr bïïtarï. Mai biakatadai aatïmï ïmai soiñi di— antïtïdai aanï go Piduru.