Romanos 3:29 - Northern Tepehuan Bible

²⁹ Diuxi maiti ïr mosïkaxi go judidiu Diuxigadï. Bïïxi óídakami Diuxigadï ïgai.

Tepehuan Northern: Diuusi ñiooquidʌ utuducami oodamicʌdʌ

²⁹ Diuusi ʌrDiuusigadʌ ʌjudidíu dai ʌgai ismaacʌdʌ maitʌrjudidíu ʌʌpʌ.

Romanos 3:29 ပူးပေါင်းရင်းမြစ်များ

Genesis 17:18

Dai potïtïdai ïgai Diuxi, —Bhobai daja gin maara Ismael ix makïdï ïr maradï Sara kuxñirugadï. Xioma ïr kïïgatadai xi ïgaikïdï muidada gin piipixara dai mai xu ix gin maakiagi aapi ïmai gin maara Sara ïmadï— itïtïdai.

Sal 22:7

Gin parunai ïgai mos gin tïïgakai. Gin xixigidi ïgai ïpï dai aasïi daidi ikaiti, —Idi as ïgai dai kïïga buaboitudai Gïr Nukadakami. Tï nïida tudu sa bhai kïïgakïrï busaidana Gïr Nukadakami xibi— ikaiti odami gin parunaitai. Dai ikaiti go odami ïpï sai, —Gïr Nukadakami as kïï oigïdai idi. Xibi nïidamu aatïmï sa bhai soiñana— ikaiti odami gin tïïgakai.

Mataibo 22:32

Go Abraamkaru ïmadï Isaakaru dai Jakobokaru kïïga gin buaboitudai Diuxigadïkatai aanï? ikaiti Diuxi ojadïrï. —Daiñi, gobai itïiya ïrhidi sai kia óídaga iibhïadï ïgai. Ïma dukai ¿Dukatai buaboitudaiña ïgai Diuxi? Dai óídakatai iibhïadï ïgai kïïga maatiga maaxi sai gia oidaga duduakaragai koidadï bïïtarï— itïtïdai Suxi go Saduseos.

Mataibo 28:19

Iimibïrai bïïxi oidigi daama tudu daidi abïr tïïgida gin ñoki bïïxi go naana maaxi ñokadami ix makïdï oidaga oidigi daama. Podukai abïr soikïda saidi ïr gin mamaatïrdamigakagi ïgai. Daidi bapakonadabïrai ïpï sai podukai maaxitudana ïgai saidi ïr oijadami ïgai Diuxi gin Oga dai saidi ïr aanï gin oijadamiga ïpï Maradïkatai aanï Diuxi. Dai go bapakonaragai ïr ïmo maaxidaragaika agai saidi ïr oijadami ïgai Diuxi Ibhïadï ïpï.

Hechos 10:34

Dai go Piduru maa ñoki aidï daidi itïtïdai, —Xibi ka maatï nïidi aanï ix Diuxi mo ïxi oigïdai odami tomaxi maiti ïr judidiu ïgai. Ïmadugan dukai nïidi ïgai bïïxkatai.

Hechos 22:21

Daidi Gïr Nukadakami pobai gin tïtïdai, —Imiñi aapi tabhiadïrï. Gï otosa iñagai mïkaxi xako óídaga go ix makïdï maiti ïr judidiu, pobai in tïtïdai Gïr Nukadakami tudu— itïtïdai Pabora.

Hechos 26:17

Gï otosamu aanï xako óídaga ix makïdï maiti ïr judidiu. Dai gï nukadakamu aanï xi tomarhi ïgai dai tomarhi go judidiu maiti gï muamu.

Hechos 9:15

Daidi Gïr Nukadakami itïtïdai, —Imiñi. Kaxi an ïko busaitu aanï go Saulo bai ñokaiña ïgai gin bïïtarï. Aituldamu ïgai gin ñoki bïïtarï ix makïdï maiti ïr judidiu dai judidiu ïpï dai bïïtarï gïgïr dudunukami.

Romanos 1:16

Mai xaïraitai aagai aanï go bhai ïrhiaragai aatagi tudu. Go bhai ïrhiaragai aatagi ïr Diuxi gubukadadï ixtukïdï kïïgakïrï bubuakïi bïïxi óídakami ix makïdï buaboitudagi. Ï ix makïdï ïpïgioma buaboitu ïr Judidiu dai xibi ix makïdï maiti ïr judidiu buaboitudaimi ïpï.

Romanos 10:12

Pomaaxi bïïxi odami bïïtarï xi ïr judiukagi, xi maiti ïr judiukagi ïpï. Diuxi ïr tïanïdamigadï bïïxi óídakami dai maakai ïmo gïdukami bhai ïrhiaraga bïïxkatai xorai tanïdagi soiñi.

Romanos 15:16

Gin maa ïgai sïïrhikami xi ïr pioñigadïkagi aanï Suxi Kristo tudu dai sai ibuada aanï ixtumaxi ïr soiñi óídakami bïïtarï ix makïdï maiti ïr judidiu. Ïgai buitapi aitudai aanï go bhai ïrhiaragai aatagi ix makïdï Diuxi gïr maa. Ïmo bhai buadami xadutudaragai dukai aatabuayi aanï aagaitai go bhai ïrhiaraga aatagi. Dai Diuxi buitapi tïïgida in ïrhidi go óídakami ix makïdï maiti ïr judidiu ïmo daxdaragai dukai bai ïgaikïdï bhai gï ïldana Diuxi. Diuxi Ibhïadï tudu ïgai dai ïkobai darasai odami ïmo daxdaragai dukai Diuxi bïïtarï.

Galatas 3:14

Xibi ka taata Suxi go gïgïbidaragai gïr bïïtarï xi kaxkïdï xibi Diuxi gamaakai ïmo gïdukami bhai ïrhiaragai go odami ix makïdï maiti ïr judidiu. Kïïgakïrï nïidi ïgai mos buaboitudakai ïgai tudu. Xibi asta go odami ix makïdï maiti ïr judidiu biatu ï galbaaxi bhai ïrhiaragai ix makïdï maa Diuxi go Abraamkaru ïïki ka bïïna darakatai ïgai Suxi Kristo. Dai xibi aïjïi Diuxi Ibhïadï bïïxkatai aatïmï gïr ïmadï mos buaboitudakai aatïmï xi ïr judidiukagi xi maiti ïr judidiukagi aatïmï ïpï.

Efesios 3:6

Podukai máí ïgai sai Diuxi ïki abhiadïrï kaxi gï tïgitokatadai sai go odami ix makïdï maiti ïr judidiu ïpïan ïxi biakana sïïrhikami ïmadï go judidiu. Diuxi ipïrhidi sai gïn bïïtarïkagi ïpï bïïxi ixtumaxi kïïgadukami ix makïdï Diuxi bia maamaradï bïïtarï. Xibi ka bïpïnakai Suxi Kristo kaxi ïr ïmo aadunumïkana go judidiu ïmadï ix makïdï maiti ïr judidiu. Gobai tudu ïr Diuxi tïgibudadï ix makïdï ïxtokikana ïkioma. Dai xibi gia go odami ix makïdï maiti ïr judidiu mos buaboitudakai go bhai ïrhiaragai aatagi ka ïpïan ïxi gïn ajïga xi biakagi ix makïdï Diuxi aagai sai maakiagai. Mos buaboidakai ïgai Suxi Kristo tudu.

Kolosenses 3:11

Dai xibi ka utudukatai aatïmï buaboitudadami ka mai xudu xi ïr judidiu aapimï xi ïpï ix maiti ïr judidiu. Xiïpï xi circuncidaduga aatïmï ix mai circuncidaduga ïpï. Mai xudu ix ïr mïkaxdïrï oidakamikagi ïmoko xiïpï asta xi ïr oidigana oidakamikagi ïpï. Xibi bïïxi gobai ka maiti ïr ixtumaxi gïr bïïtarï ix makïdï ïr buaboitudadami. Ka utudui bubuaka aatïmï dai ka mai buamï rïrhidi aatïmï xoraitadai aatïmï. Xibi Suxi Kristo gïr ïmadï daja bïïxkatai aatïmï buaboitudadami kaxkïdï. Dai mosïkaxi Suxi Kristo ïgai dai namïga gïr bïïtarï xibi.