Romanos 3:19 - Northern Tepehuan Bible

¹⁹ Dai kïïga maatï aatïmï sai Diuxi maa sïïrhikamigadï baidi kïïga ïïgiadagi xorai biakagi. Diuxi kabami gïgïbitulda agai bïïxi ix makïdï mai ïïgiadagi gobai dai ïgai mai biakamu ixtukïdï ñokadagi. Go sïïrhikamikïdï tudu gï maatï sai bïïxi oidigi daama óídakami ïr soimaaxi buadami.

Tepehuan Northern: Diuusi ñiooquidʌ utuducami oodamicʌdʌ

¹⁹ Cʌʌ maatʌ aatʌmʌ isDiuusi maa Moseesacaru ʌsʌʌlicami sai oodami ʌʌgiditai caʌcana. Diuusi sʌʌlicʌdʌ soimaasi taatulda agai sioorʌ maiʌʌgiadagi dai ʌgai maiviaacamu isducatai gʌnsoiñagi. Dai poduucai ʌʌpʌ vʌʌsi oodami oidigi daama oidacami ʌrsoimaasi ivuaadami Diuusi vuitapi.

Romanos 3:19 ပူးပေါင်းရင်းမြစ်များ

VUAANA 15:25

Dai gin kïïdai ïgai sai po duna ixdukatai ojixi Diuxi ñokidïrï. Ami ikaiti sai, Mos ïgikïdï gin kïïdada agai óídakami, ikaiti go ojai. Ïïgi ïr duñidï odami tudu ix maiti gin ïïgidi ïgai— itïtïdai Suxi.

VUAANA 8:9

Daidi bhodïrï kïïdukai ïïmo maaxi nonoigimi ïgai ix makïdï buatadai go oki mos kaïkai ïgai ix kaiti go Suxi. Ï ix makïdï bamioma ïr kïkïrhiodami ïpïgioma iji. Dai podukai iimimi go gaa ïpï asta xudu go bamioma utu imïdami ka jiitadai ïpï maatïkatai saidi ïr soimaaxi buadami ïgai bïïxkatai. Dai gokiïrï ïïgi Suxi ïmadï go oki bii ami go odami buitapi.

Romanos 1:20

Daiñi, Diuxi idui bïïxi aïkatai. Dai ïki abhiadïrï kïïga maatiga maaxkana ix tuiga ïgai dai ix mai ugiatïi gubukadadï ïpï. Kïïga maatiga maaxi gobai mos nïiditai idi oidigi ix makïdï idui ïgai. Kaxkïdï odami mai bia ix tuixi ñokadagi aïkai gïgïbidaragai gïn abhana mai buaboitudakai ïgai.

Romanos 3:2

Sïïrhikïdï gïïpi ïr soiñi gobai bïïxi aïkatïrï. Daiñi, Diuxi nukaturhi go judidiu Diuxi ñokidï. Gobai ïr go gïdukïdioma soiñi ix makïdï bia go judidiu gïn abhana.

Romanos 3:23

Daiñi, Diuxi sïïrhikïdï kïï tuiga dai kïï tiodi dai bïïxi óídakami ïr soimaaxi buadami dai mai ajïi Diuxi.

Romanos 3:4

Xadïrï maiti duna Diuxi idukatai aagagi ïgai. Diuxi mai yaatagïi tomaxi odami gia ïr yaatabogami bïïxkatai. Podukai tudu agai Diuxi ñokidï. Ami ikaiti sai, Bïïxkïrï buaboi aagai Diuxi. Xudu jaa gïpiïrï buaja ïrhiadagi Diuxi, ïgai gatïtïïgiada agai sai mai soimaaxi buayi ïgai, ikaiti go ojai.

Romanos 3:9

¿Buaboi xi aidï sai Diuxi bamioma kïïgakïrï nïidi go judidiu xi bhai go gaa óídakami? ¡Cho! ¡Xadïrï! ¡Kaxi aagai aanï sai bïïxi óídakami ïr pipioñigadï dukai go soimaaxkami xi ïr judiukagi ïgai xi maiti ïr judiukagi ïpï!

1 Korintios 1:29

dai sai tipukagi ïpï tomarhi ïmo odami ix makïdï bhaigakagi ix potïdagi Diuxi sai ix maaxi ïmoko ïïgi gubukadadïkïdï bia.

Galatas 3:10

Dïï gia xorai po gï ïrhiadagi sai go Moises sïïrhikamigadï ïgai dai soiñamu sai kïïga biïna Diuxi ïmadï ïgai bhaiyoma ka ïko daraja Diuxiañdïrï. Mai bhaiga ïgai xi bïï sudakami ïïgiada ïgai go sïïrhikami kaxkïdï. Daiñi, Diuxi ojadï ikaiti sai, Bïïxi odami ix makïdï mai kïïga ibuadagi bïïxi ixtumaxi ojixi go sïïrhikamiïrï bia xi taatagi gïgïbidaragai bïïxkïrï bïïtarï ïko darakatai Diuxiañdïrï, ikaiti go ojai.

Galatas 4:21

Gin kaïkabïrai aapimï ix makïdï ïïgiada ïrhidi go sïïrhikami po gïn ïrhiditai sai podukai kïïgakïrï gïn nïijadamu Diuxi. ¿Kïïga mïx maatï ix kaiti go sïïrhikami dai kaxkïdï ïïgiada ïrhidi?

Galatas 4:5

bai podukai bhai buadana kïïgakïrï bubaidaragai gïr bïïtarï. Podukai ïïgiditai ïgai go sïïrhikami kïïga bhai dui ïgai gïr bïïtarï sai ka mai biakana aatïmï xi ïïgiadagi go sïïrhikami sai kïï biïna aatïmï Diuxi ïmadï. Bhai dui ïgai sai ka maiti ïr arhi dukaikagi aatïmï xiïpï pipioñi dukaikagi dai bhaiyoma xibi ïr maamaradï aatïmï Diuxi. Xibi gïgïr odami duu aatïmï dai bia aatïmï sïïrhikami xi biakagi ixtumaxi bia Diuxi gïr bïïtarï.

Galatas 5:18

Gin aaduñi, xïxkadï ïïgiadagi aatïmï Diuxi Ibhïadï aidï gia ka mai bia aatïmï xi buamï gïr ïrhiadagi ix bhai xi ïïgidi aatïmï go sïïrhikami ix cho ïpï. Kaxkïdï tudu xïxkadï ïïgiadagi aatïmï Diuxi Ibhïadï kaxi ibuadana aatïmï ixtumaxi Diuxi ipïrhidi.