Romanos 3:10 - Northern Tepehuan Bible

¹⁰ Diuxi ñokidï ikaiti, Mai tipu tomarhi ïmadutai ix makïdï sïïrhi aatabuayi.

Tepehuan Northern: Diuusi ñiooquidʌ utuducami oodamicʌdʌ

¹⁰ Pocaiti Diuusi ñiooquidʌrʌ: Tiipu tomali ʌmaadutai maisoimaasi ivuaadami.

Romanos 3:10 ပူးပေါင်းရင်းမြစ်များ

Mataibo 15:19

—Abhiadïrï busakïi naana maaxkami soimaaxi tudu. Dukami, abhiadïrï busakïi soimaaxi tïgibudagai dai gakodaragai dai ïmadï bodagi oki ix makïdï maiti ïr oñigadïkagi ïmoko dai gaïxidagi, dai ïmadï bodagi oñigadï ïmai, yaatagidagai, dai naana kai nïidaragai.

Markos 10:18

Daidi Suxi potïtïdai, —¿Tui pïxi kïï tuigakami gin aagai? Ka mos arhi ïmadugaba kïï tuigakami dai ïgai ïr Diuxi.

Romanos 11:8

Podukai tudu ojixi Diuxi ñokidïrï. Ami ikaiti sai, Diuxi kabakatu momodï odami xi mai maatï kajiagi ïgai. Dai xibi ukami kukupidi bupuidï kia xi mai nïadaga ïgai dai naanakadï ïpï kukupidi xi mai kaïkagi ïgai, ikaiti gobai.

Romanos 3:11

Mai tipu xorai maatïkagi ixtumaxi ïr sïïrhi, dai tomarhi ïmadutai mai gaagai urabaragai Diuxi ïmadï.

Romanos 3:23

Daiñi, Diuxi sïïrhikïdï kïï tuiga dai kïï tiodi dai bïïxi óídakami ïr soimaaxi buadami dai mai ajïi Diuxi.

Romanos 3:4

Xadïrï maiti duna Diuxi idukatai aagagi ïgai. Diuxi mai yaatagïi tomaxi odami gia ïr yaatabogami bïïxkatai. Podukai tudu agai Diuxi ñokidï. Ami ikaiti sai, Bïïxkïrï buaboi aagai Diuxi. Xudu jaa gïpiïrï buaja ïrhiadagi Diuxi, ïgai gatïtïïgiada agai sai mai soimaaxi buayi ïgai, ikaiti go ojai.

Tito 3:3

Daiñi, maiti gï agai xi soi dukai nïijada aatïmï go jaa ix makïdï mai buaboitudai. Aatïmï ïpï maiti ïr buaboitudadamikana ïkioma tudu dai ïpïan tutiakana aatïmï ïgai dai ïpïamaaxi ibuadana. Aidï mai ïïgidiña aatïmï Diuxi dai buaboitudaiña aatïmï ixtumaxi ïr yaatagi. Mai bhaigakana aatïmï xi dagitoagi go soimaaxkami ix makïdï ibuada ïrhidiña aatïmï gaagaitai ïmo bhai ïrhiaragai. Aidï ïjïgakoitïrïkana aatïmï dai gïr kïïdaiña aatïmï aipakoga. Pomaaxi tutiakana aatïmï mai kia buaboitudakai tudu.

Apokalipsis 21:8

Dïï jaa gia surhigimu aanï go gïï taiyïrï ix makïdï mïmïjïi asufrekïdï. Taiyïrï surhigimu aanï bïïxkatai ix makïdï dagito xi maitiagi duadimudagai tudu dai ix makïdï mai buaboitudai dai ix makïdï tukurhimagi ïïgi ibhïadï soimaaxi ibuadatai. Surhigimu aanï ix makïdï ïr gakodadami ïpï dai ix makïdï ïmadï bopoyiña jaa aipakoga dai taapïgami dai ix makïdï xadutudai uubixi dai ix makïdï ïr yaatabogami. Bïïxkatai ïgai gïn ajiagai xi go gïï taiyïrï surhigiagi. Gobai ïr go kugadïrï mukigami agaikïdï tudu— in tïtïdai Diuxi.

Apokalipsis 22:15

Dïï gia kidigamadïrï bimu bïïxkatai ix makïdï tukuraga iibhïadï mai buaboidaitai ïgai. Dukami taapïgami dai odami ix makïdï ïmadï bopoyiña jaa aipakoga dai gakodadami dai ix makïdï xadutudai uubixi dai ix makïdï yaataboga. Bïïxkatai ïgai kidigamadïrï bimu.