Romanos 2:7 - Northern Tepehuan Bible

⁷ Diuxi maakimu ïmo gïdukami xadutudaragai abhana go odami ix makïdï mai ojodatai adaimïi ixtumaxi ïr kïïga, ix makïdï gaagai podukai ïmo kïïgakïrï oidakaragai Diuxi ïmadï bïïxkïrï bïïtarï tudu, dai ix makïdï ipïrhidi ïpï sai Diuxi kïïgakïrï nïïjadagi. Ïgai gia Diuxi maaki agai gubukarhigai xi tomarhi ïmo imidagai mai ugitïna dai xi kïïgakïrï oidakana Diuxi ïmadï.

Tepehuan Northern: Diuusi ñiooquidʌ utuducami oodamicʌdʌ

⁷ Sioorʌ apiaivuaadagi istumaasi Diuusi ipʌlidi ipʌliditai isDiuusi baigʌʌliadagi ʌgai vui dai isvʌʌscʌrʌ oidaca agai Diuusi ʌʌmadu, Diuusi maaquia agai oigaragai sai vʌʌscʌrʌ oidacana ʌgai ʌʌmadu.

Romanos 2:7 ပူးပေါင်းရင်းမြစ်များ

Mataibo 25:46

Dai ix makïdï potïdagi aanï ka maigobai iimïda agai xako bïïxkïrï bïïtarï taata agai gïgïbidaragai. Dïï gia ix makïdï kïïga buañixi iibhïadï gia iimimu xako kïïgakïrï óídaka agai bïïxkïrï bïïtarï— itïtïdai Suxi go mamaatïrdamigadï.

Lukas 21:19

Soimaaxi gïn taatamituldamu jaa tudu dïï aapimï abïr gïn kabakada go soi ïrhiaragai buidïrï dai kïïgakïrï bubuakimu aapimï— itïtïdai.

Lukas 8:15

Dïï gia ix makïdï kïïgadukami dïbïriïrï surhi ïgai gia ïpïan dukami odami ix makïdï kïïgadu iibhïadï dai kïïga ïïgida kaïkana Diuxi ñokidï. Ïgai abhana gia aatabuayi Diuxi dai ibuayi naana maaxi kïkïïgadukami ïgaikïdï mos apia buaboitudaitai ïgai— itïtïdai Suxi mamaatïrdamigadï.

VUAANA 4:36

—Gin aaduñi, kaxi oidaga mui odami ix makïdï kaïkana gin ñoki dai ka bhai gïn duu ix gin buaboitudagi. Ïgai tudu ïr yoobaradï Diuxi gï dukami. Dai Diuxi kïïga mamaakai bhai ïrhiaragai odami ix makïdï soiña yoobai yoobaradï, soikïitai odami saidi gin buaboitudaiña tudu. Dai xïïxkadï soikïdagi aapimï odami saidi gin buaboitudaiña aidï gia bhai gïn ïjïldamu go gaa ix makïdï ka ïïkioñdïrï aagiditadai gin ñoki dai aapimï ix makïdï gokiïrï dada dai soi odami saidi gin buaboitudaiña kïïga bhai gïn ïjïldamu ïpï. Ïpïan ïxi bhai gïn ïjïldamu aapimï odami ix makïdï kïï gïïpi bañidagi yoobaragai— itïtïdai.

VUAANA 5:44

Daiñi, gïdioma Diuxi ix toma xorai dïï aapimï bamioma buamï gïn ïrhidi ix odami kïïgakïrï gïn nïijadagi dai mai pokaxi buamï gïn ïrhidi ix Diuxi kïïgakïrï gïn nïijadagi. Kaxkïdï xadïrï gin buaboitudana aapimï.

Romanos 2:10

Dïï gia Diuxi kïïgakïrï nïijada agai ix makïdï ibuayi ixtumaxi ïr sïïrhi. Ïgai abhana dasamu Diuxi gïïpi bhai ïrhiaraga dai xadutuadamu dai maakimu ibhïxtaragai ïpï tomaxi ïr judiukagi ïgai xi maiti ïr judiu ïpï.

Romanos 6:23

Go soimaaxkami maitïkidï ïr go ïï mukigami tudu. Dïï gia Diuxi gïr maakai ïmo oidaragai. Ïgai gïr maakai ïmo kïïgakïrï oidakaragai bïïxkïrï bïïtarï tudu bïïnakatai aatïmï Gïr Nukadakami Suxi Kristo.

Romanos 8:18

Kïïga maatï aanï sai bïïxi go soi ïrhiaragai ix makïdï taataimi aatïmï xibi maiti ïr ixtumaxi bhaitoma maatïkatai sai Diuxi gïr maaki agai ïmo bhai ïrhiaraga ix makïdï mai bhaiga xi aiyagi gïr tïgibudagai xi maatiagi.

Romanos 9:23

Dïï tomaxi gïr ajïakatadai ix taatagi gïgïbidaragai bïïxkïrï Diuxi soi gï ïrhidi gïr nïiditai. Gïr tïtïgida ïrhiditadai ix xïï kabami ïr gïdukami ïgai dai xïï kïï tiodi. Kaxkïdï maiti gï dagito ïgai xi gï maitagi go ojodaragai. Diuxi ïkiaxdïrï dáí saidi aatïmï kïïgakïrï ïpïamaaxkana ïgai, aatïmï ix makïdï ïr ïko bubaidadï tudu. Dai odami tïgibudadïrï mai ajïi xi maatiagi xïiduru Diuxi gubukarhigadï ïmadï bhai ïrhiaradï ïpï ix makïdï bia ïgai gïr bïïtarï.

1 Korintios 15:42

Dai pomaaxi ka agai gïr tukugakïdï ïpï ka duduakïkai aatïmï. Gïr tukuga ix makïdï bia aatïmï xibi muki agai dai xatuidimu dïï gia go utudui tukugai ix makïdï biakamu aatïmï ka duduakakai ka mai koi agai tomarhi ïmo imidagai.

1 Korintios 15:50

Gin susukurhi, ipïrhidi aanï ix maatïkagi aapimï sai mai bhaiga aatïmï ix bapakïdagi tïbagiana xako gatïanïi Diuxi biakatai kia idi tukuga ix makïdï bia aatïmï xibi. Mai tïbïpi kabaka gïr tukuga kaxkïdï. Xadïrï bhaigakana idi gïr tukuga ix oidakagi bïïxkïrï bïïtarï tudu.

1 Korintios 15:58

Kaxkïdï gin susukurhi abïr mai dagitokai buaboitudada. Daidi abïr kabami gïn aaga iduñi aaduindadï Gïr Nukadakami bïïxi gïn bhai ïrhiarakïdï. Kïïga maatï aapimï tudu sai duduakamu aapimï ïpamu bïïna darakatai aapimï Gïr Nukadakami dai kaxkïdï ïpï kïï maatï aapimï sai mai mos ïïgikïdï ibuayi aapimï gïn aaduindaga.

Galatas 6:9

Kaxkïdï gï agai xi apia ïïgiadagi aatïmï Diuxi Ibhïadï dai kïïga ibuadagi. Maiti gï agai xi ojoadagi aatïmï gobai tudu. Kaxkïdï tudu gï maatï sai ayimu ixtuigako yoobamu aatïmï ixtumaxi kïïgadukami ix apia kïïga ibuadagi aatïmï.

Efesios 6:24

Sai Diuxi gïn tïtïgidana xïï kïï tuiga ïgai aapimï gïn bïïtarï. Aapimï tudu ix makïdï kïïga oigïdai Suxi Kristo Gïr Nukadakami dai apia oigïada agai bïïxkïrï bïïtarï. Mosïkaxi.

1 Tomoteo 1:17

Podukai gï tïgito Diuxi kïï tuigakatai ïgai tudu dai kaxkïdï gï agai xi xadutuada aatïmï dai aagana xïïxi ïr gïdukami. Tomarhi ïmo imidagai mai nïidi aatïmï Diuxi tudu dai ïgai mai mumukui tomarhi ïmo imidagai ïpï. Ïgai tudu ïr Rey bïïxkïrï bïïtarï. Dai gï agai xi xadutuada aatïmï ïgai. Gobai gia ïr buaboi.

2 Timoteo 1:10

Dai xibi dibiakai Suxi Kristo gïr maaxitu ïgai xïï kïï tuiga Diuxi. Suxi Kristo bamioma ixtui ix bhai go mukigami tudu dai gïr aagidi sai xorai buaboitudagi go bhai ïrhiaragai aatagi kïïgakïrï oidaka agai bïïxkïrï bïïtarï.

Hebreos 2:7

Tomaxi mai xii ïr namïakami odami bïïxkïrï darai aapi saidi gatïanïna ïgai oidigi daama. Odami mosïkaxi palïpi otïrhioma gatïanïi xi go tïtïañikarudï Diuxi tudu. Gïgïr Rey dukai darai aapi odami tudu sai gatïanïna ïgai bïïxi ixtumaxi idui aapi. Podukai maa aapi ïmo gïdukami xadutudaragai tomaxi maiti ïr namïakami ïgai.

Hebreos 6:12

Kïïga maatï aapimï sai bia aapimï ïmo kïïgadukami nïnïraragai tudu. Dai kaxkïdï mai paparugakamu aapimï maatïkatai gobai. Dai bhaiyoma kabami gïn aagamu aapimï ïpïan dukai jaa ix makïdï kïïga buaboitudai ïpï. Kïïga gïn kapatudai ïgai go soimaaxi buidïrï tudu. Podukai ibuayi ïgai bhïiya ïrhiditai ixtumaxi Diuxi ka aagai sai gïr maaki agai. Dai podukai abïr ibuada aapimï ïpï.

Hebreos 6:15

Dai tomaxi tïbïpi nïnïra go Abraam bïïxkïrï apia buaboitudaiña ïgai ixtumaxi aagidi Diuxi. Daidi gokiïrï bhïiyi ïgai ixtumaxi nïnïrakatadai ïgai. Diuxi idui ixtumaxi aagiditadai ïgai tudu.

1 Juan 2:25

Dai go urabaragai ïgai ïmadï gobai kaxi ïr go kïïgakïrï oidakaragai bïïxkïrï bïïtarï ix makïdï gïr aagidi Suxi Kristo sai gïr maaki agai.