Romanos 2:29 - Northern Tepehuan Bible

²⁹ Dïï gia ix makïdï ïma dukai gïn tïtïgitoagi, ïgai gia ibhïgadïkïdï kïïgakïrï ïr judiu dai ïr Diuxi ïko bubaidadï. Ïgai gia ibhïdagakïdï maaxitudai sai ïr Diuxi tuidadï dai mai xu mosïkaxi tukugadïkïdï maaxitudai ïgai. Mosïkaxi Diuxi Ibhïgadï ïgai daidi ïr ïmapïduu ibuadami odami iibhïadï xi podukai ïkobai bubaidadïkagi ïgai Diuxi. Diuxi Ibhïadï ïgai dai ïkobai bubaidi odami Diuxi bïïtarï saidi ïr aaduñdïkana. Dai go sïïrhikami gobai mai ïkobai bubaidi tomarhi ïmo odami saidi Diuxi aaduñdïkagi ïgai. Diuxi ïkobai bubaidadï biaka agai ïmo xadutudaragai Diuxiañdïrï tudu dai mai xu odamiañdïrï.

Tepehuan Northern: Diuusi ñiooquidʌ utuducami oodamicʌdʌ

²⁹ Baiyoma Diuusi maamaradʌ ʌrʌgai ismaacʌdʌ Diuusi maacai ibʌdagai utudui dai poduucai ʌgai camaitivuaada ʌlidi istumaasi soimaasi dai Diuusi Ibʌadʌ ʌʌmadu daja ʌgai ismaacʌdʌ vaavoitudai dai ʌʌgidi Diuusi. Dai Diuusi cʌʌgacʌrʌ nʌijadamu ʌgai tomasi oodami maicʌʌgacʌrʌ nʌidi.

Romanos 2:29 ပူးပေါင်းရင်းမြစ်များ

Lukas 11:39

Daidi go Suxi aagidi ïmo ñoki aagaitai iibhïadï go fariseos dai potïtïdai, —Aapimï fariseos kïïga ïïgiada ïrhidi gïn bituldaraga dai kïïga bakuanai asta gïn ajasokorhi daamanagadï ïïgiditai gobai. Dïï gia ïpïamaaxi aapimï ïmo asokorhi xiïpï ïmo tasa ix makïdï kïïga buañixika maaxi daamanagadï dïï gia tukuraga ïrabiadïrï. Kïïga buanai aapimï gïn tukuga tudu ïïgiditai gïn bituldaraga dïï gia tukuraga gïn ibhïdaga kia mukimudadï tutiakatai aapimï dai biakatai aapimï naana maaxi soimaaxi tïgibudagai gïn ibhïdagïrï.

Lukas 17:21

Mai bhaigakamu odami xi pokaitadagi, —Daiñi, tami gatïanïi Diuxi xiïpï mobai gatïanïi ïgai— tudu. Mai maaxi gobai di. Kaxi gatïanïi ïgai gïn saagida tudu— itïtïdai.

VUAANA 12:43

Xioma buamï ïrhidi ïgai ix kaiti odami ix bhai ix kaiti Diuxi.

VUAANA 4:23

—Gin tïkakai aapi ix dukatai ïr kïïga ix xadutuada odami Diuxi. Daiñi, Diuxi ïr ïï ibhïdagai, ïbïrhi gï dukami ïgai tudu dai kaxkïdï ipïrhidi ïgai ix odami kïïga xadutuadagi gïn ibhïdagakïdï. Dai ka miadaimi ixtuigako Diuxi Ibhïgadï maakimu tïgibudagai odami dai maatïtuldamu ix dukatai xadutuada ïgai Diuxi dai bïïxi odami ix makïdï kïïgakïrï xadutuada ïrhidi kïïga ïïgiadamu Diuxi Ibhïgadï. Diuxi ipïrhidi ix podukai xadutuadagi odami ïgai tudu, ïïgiditai Diuxi Ibhïgadï. Dai aanï aagai sai xibi ka ayi ix tuigako odami kïïga ïïgiadamu Diuxi Ibhïgadï dai podukai buaboikïdï xadutuadamu Diuxi— itïtïdai.

VUAANA 5:44

Daiñi, gïdioma Diuxi ix toma xorai dïï aapimï bamioma buamï gïn ïrhidi ix odami kïïgakïrï gïn nïijadagi dai mai pokaxi buamï gïn ïrhidi ix Diuxi kïïgakïrï gïn nïijadagi. Kaxkïdï xadïrï gin buaboitudana aapimï.

Romanos 14:17

Daiñi, Diuxi tïanïi odami mai xu mos ipïrhiditai xi odami dagitoagi ïïmo kuadagai xiïpï ïïmo iidagai. Diuxi ipïrhidi xi sïïrhi óídakagi odami Diuxi buitapi dai sai iibhïxtakan taadakagi odami dai sai ïïgiditai Diuxi Ibhïadï biakana ïgai gïn bhai ïrhiaraga. Go maaxi bïïtarï tïanïi Diuxi odami tudu.

Romanos 2:27

Daiñi, aapimï judidiu mai kïïgakïrï ïïgidi go sïïrhikami tomaxi ojixikami bia aapimï. Kaxkïdï odami ix makïdï maiti ïr judidiu dai ïïgidi go sïïrhikami mos ïïgiditai maaxitudamu sai aapimï ïr soimaaxi buadami, tomaxi ïgai maiti gïn circuncido dai aapimï gia.

Romanos 3:1

¿Ix ïr soiñi xi ïr judiukagi ïmoko aidï? Ïjï kïïga ïr soiñi gobai. ¿Tumaxi ïr soiñi xi gï circuncidandoagi ïmoko judiukatai tudu?

Romanos 7:6

Ïkioma maamaixapikami dukai gïr biakana go sïïrhikami gïr tïanïitai gobai dïï xibi ka kïïgakïrï bubuaka aatïmï. Koidadï dukami aatïmï go sïïrhikami bïïtarï kaxkïdï. Xibi ïma dukai óídaga aatïmï. Ka mai óídaga aatïmï gïr tïanïitai go sïïrhikami. Xibi utudui gïr oidakaraga. Xibi kïïgakïrï óídaga aatïmï gïr tïanïitai Diuxi Ibhïadï.

1 Korintios 4:5

Kaxkïdï abïr mai ïïgi aagada aapimï ïmai ix bhai kïïga aatabuayi mai kia dibiakai Suxi Kristo. Dagitobïrai bhaiyoma Gïr Nukadakami sai ïgai aagana dibiakai ïgai. Ïgai tudu maaxi aagamu ixtumaxi ïxtotai ibuadana odami dai asta tïgibudadï bïïxi maaxi aagamu ïpï dibiakai. Aidï gia Diuxi ïgai dai aagidamu ñoki bïïxi pipioñigadï ïïgi ix makïdï ñoki ajïakagi ïgai. Aagidamu ïgai bïïxkatai sai kïï idui aidï.

1 Korintios 7:19

Diuxi bïïtarï maiti ïr ixtumaxi ix circuncidadugakagi ïmoko ix cho ïpï. Mosïkaxi ipïrhidi Diuxi ix ïïgiadagi aatïmï. Gobai gia namïga ïgai bïïtarï.

2 Korintios 10:18

Diuxi mai kïïgakïrï nïidi odami ix makïdï pokaitadagi sai ïïgi kïïga idui tudu. Dai bhaiyoma mosïkaxi Diuxi ïgai dai bhaiga xi aagadagi xorai kïïga idui dai xorai kïïga nïijada agai ïgai.

2 Korintios 3:6

Diuxi gïr maa go gubukarhigai saidi gatïtïïgiada aatïmï go utudui sïïrhikami ix makïdï bhai dui ïgai óídakami ïmadï tudu. Dai go utudui sïïrhikami mai ïpïamaaxi go ïïkidadï sïïrhikami ix makïdï maa Diuxi go Moiseskaru ïïki. Go ïïkidadï sïïrhikami ïr ïmo ojixikami ix makïdï biakatadai ix ïïgiadagi go óídakami. Dïï maiti idui soiñi gobai go óídakami bïïtarï dai bhaiyoma go ïïgi gïgïbidaragai dai mukigami buapidi gobai óídakami. Dïï gia go utudui sïïrhikami ix makïdï gïr maakai Diuxi xibi bhobai aagai sai gïr maakai Diuxi ïïgi Ibhïadï. Dai kaxkïdï xibi ka kïïgakïrï óídaga aatïmï bïïxkïrï bïïtarï gïr maakakai Diuxi ïïgi Ibhïadï.

Filipenses 3:3

Dïï gia aatïmï ix makïdï kïïgakïrï xadutudai Diuxi gubukarhigadïkïdï Diuxi Ibhïadï, aatïmï gia kïïgakïrï ïr maamaradï Diuxi. Aatïmï tudu ix makïdï gïïpi bia bhai ïrhiaragai bïïna darakatai aatïmï Suxi Kristo. Aatïmï ix makïdï mai buaboitudai ixtumaxi ibuadagi aatïmï ïïgi gïr gubukarhigakïdï tudu.

1Tesalonicenses 2:4

Bhaiyoma Diuxi kïïga maatï ixdukatai aatabuayi aatïmï dai bhai aa tïxi aipakoga aituldana odami go bhai ïrhiaragai aatagi. Diuxi bïïxi maatï asta ixtuma tïtïitoi aatïmï tudu dai kaxkïdï ñokai aatïmï ixdukatai Diuxi ipïrhidi dai mai xu ixdukatai odami ipïrhidi.

1 Pedro 3:4

Gï agai bhaiyoma sai kïï tutiakagi aapimï gïn ibhïdagïrï. Ix xigian tutiakagi aapimï gobai ïr ïmo kïïgadukami ixtumaxi ix makïdï mai ugiti agai daidi ïr ïmo bhai ïrhiaragai Diuxi bïïtarï. Ix mai oomarhigakagi aapimï toma lïïchi tudu dai mai ñiñokidaragakagi aapimï.

1Sa 16:7

Dïï Gïr Nukadakami itïtïdai, —Maiti gï tïgito nïñiada xïï kïï tiodi ïgai dai xïï tïkaboga ïgai ïpï. Aanï maiti ipïrhidi xi ïr Reykagi ïgai. Odami mosïkaxi tukugadï nïidi dïï aanï gia ibhïadï nïidi bhaiyoma—.