Romanos 2:27 - Northern Tepehuan Bible

²⁷ Daiñi, aapimï judidiu mai kïïgakïrï ïïgidi go sïïrhikami tomaxi ojixikami bia aapimï. Kaxkïdï odami ix makïdï maiti ïr judidiu dai ïïgidi go sïïrhikami mos ïïgiditai maaxitudamu sai aapimï ïr soimaaxi buadami, tomaxi ïgai maiti gïn circuncido dai aapimï gia.

Tepehuan Northern: Diuusi ñiooquidʌ utuducami oodamicʌdʌ

²⁷ Siʌʌscadʌ ʌjudidíu maiʌʌgiadagi Moseesacaru sʌʌlicamigadʌ tomasi caoojisicami viaa ʌgai dai ismaacʌdʌ maitʌrjudidíu ʌʌgiadagi Moseesacaru sʌʌlicamigadʌ poduucai gʌmaatʌ isʌjudidíu maicʌʌga ivueeyi.

Romanos 2:27 ပူးပေါင်းရင်းမြစ်များ

Mataibo 3:15

Dai Suxi potïtïdai aidï, —Gï agai sai gin bakuandana aapi saidi podukai bïïxi pogïduna ix dukatai Diuxi ipïrhidi— itïtïdai. Dai aidï gia bhai aa go Juan dai bakoi ïgai go Suxi.

Hechos 13:22

Daidi gokiïrï Diuxi busaitu Saul sai ka maiti tïanïna dai maa go sïïrhikami go Dabid. Dai Diuxi ikaiti aidï, Ka tïï aanï ïmo kïïrhi, maradï Isaí, Dabid tïgidukami, gobai gia bia tïgibudagai gin ïpïan dukami dai gobai ibuadamu bïïxi ixtumaxi aanï tañiagi, ikaiti Diuxi.

Romanos 13:10

Daiñi, ix makïdï gaoigïadadagi mai soi buididiña jaa. Kïïgakïrï ïïgidi ïgai bïï sudakami go sïïrhikami bhaiyoma.

Romanos 2:15

Dai xudu odami ibuadagi ixtumaxi Diuxi gatïjai kïïga maaxitudai ïgai sai bïïxi óídakami ïïgi gïn tïgibudagïrï bhïï ajiopai go sïïrhikami. Kaxkïdï ïïgi tïgibudadï aagidimi bïïx tasai ix bhai kïï gï buayi ïgai, ix mai kïï gï buayi ïpï.

Romanos 2:20

Aapimï judidiu bia Diuxi sïïrhikamigadï dai Diuxi sïïrhikamigadï aagai ixtumaxi ïr buaboi. Kaxkïdï aapimï maaki ïrhidi ñoki go pupuirugami dai ix makïdï mai maatï ix dukatai oidakagi.

Romanos 2:25

Daiñi, kïïga ïr soiñi aapimï judidiu gïn bïïtarï xi gïn circuncidandoagi dïï mosïkaxi ix kïïgakïrï ïïgiadagi aapimï Diuxi sïïrhikamigadï. Dïï mos go circuncision ka mai namïakan dukai bipiïyi mai ïïgidakai aapimï go sïïrhikami.

Romanos 2:26

Diuxi circuncidadugami dukai nïidi bïïxi odami ix makïdï kïïgakïrï ïïgidi go sïïrhikami tomaxi maiti gï circuncido tukugadï.

Romanos 2:29

Dïï gia ix makïdï ïma dukai gïn tïtïgitoagi, ïgai gia ibhïgadïkïdï kïïgakïrï ïr judiu dai ïr Diuxi ïko bubaidadï. Ïgai gia ibhïdagakïdï maaxitudai sai ïr Diuxi tuidadï dai mai xu mosïkaxi tukugadïkïdï maaxitudai ïgai. Mosïkaxi Diuxi Ibhïgadï ïgai daidi ïr ïmapïduu ibuadami odami iibhïadï xi podukai ïkobai bubaidadïkagi ïgai Diuxi. Diuxi Ibhïadï ïgai dai ïkobai bubaidi odami Diuxi bïïtarï saidi ïr aaduñdïkana. Dai go sïïrhikami gobai mai ïkobai bubaidi tomarhi ïmo odami saidi Diuxi aaduñdïkagi ïgai. Diuxi ïkobai bubaidadï biaka agai ïmo xadutudaragai Diuxiañdïrï tudu dai mai xu odamiañdïrï.

Romanos 3:30

Mos arhi ïmaduga Diuxi dai ïgai kïïgakïrï nïidi judidiu ïmadï ix makïdï maiti ïr judidiu mos buaboidaitai ïgai.

Romanos 8:4

Diuxi gamaitï go soimaaxkami bui sai podukai aatïmïkïdï gï ibuada ixtumaxi ïr sïïrhi. Sai aatïmïkïdï gï ibuadana bïïxi ixtumaxi gïr tanïi go sïïrhikami tudu. Xibi ka mai ïïgidi aatïmï gïr ïkidadï tïgibudagai. Xibi bhaiyoma ïïgidi aatïmï Diuxi Ibhïadï.

1 Korintios 7:19

Diuxi bïïtarï maiti ïr ixtumaxi ix circuncidadugakagi ïmoko ix cho ïpï. Mosïkaxi ipïrhidi Diuxi ix ïïgiadagi aatïmï. Gobai gia namïga ïgai bïïtarï.

2 Korintios 3:6

Diuxi gïr maa go gubukarhigai saidi gatïtïïgiada aatïmï go utudui sïïrhikami ix makïdï bhai dui ïgai óídakami ïmadï tudu. Dai go utudui sïïrhikami mai ïpïamaaxi go ïïkidadï sïïrhikami ix makïdï maa Diuxi go Moiseskaru ïïki. Go ïïkidadï sïïrhikami ïr ïmo ojixikami ix makïdï biakatadai ix ïïgiadagi go óídakami. Dïï maiti idui soiñi gobai go óídakami bïïtarï dai bhaiyoma go ïïgi gïgïbidaragai dai mukigami buapidi gobai óídakami. Dïï gia go utudui sïïrhikami ix makïdï gïr maakai Diuxi xibi bhobai aagai sai gïr maakai Diuxi ïïgi Ibhïadï. Dai kaxkïdï xibi ka kïïgakïrï óídaga aatïmï bïïxkïrï bïïtarï gïr maakakai Diuxi ïïgi Ibhïadï.

Galatas 5:14

Kaxkïdï tudu go sïïrhikami ikaiti, Oigïadabïrai jaa ïpïan dukai xi gï oigïdai ïmoko ïïgi, ikaiti go sïïrhikami. Dai ix kïïgakïrï gïn oigïdadagi aapimï podukai aidï gia ka mai tipukamu ïma maaxi ixtumaxi bamioma kïïgadukami dai go sïïrhikami ka mai taañimu bamioma ixtumaxi.

Efesios 2:11

Kaxkïdï aapimï ix makïdï maiti ïr judidiu abïr gïn tïgito ajiopada sai mai biakana aapimï urabaragai ïkioma go judidiu ïmadï. Mai circuncidadugami gïn aagaiña go judidiu aidï mai biakatai aapimï go circuncision ix dukai bia ïgai. Go circuncision ix makïdï odami ibuayi dai mos ïr gatukuga bïïtarï tudu.

2 Timoteo 3:15

Dai arhidukatai abhiadïrï mamaatïrïiña aapi Diuxi ñokidï dai gobai gï maakai tïgibudagai ix makïdï kïïga ïr soiñi. Go tïgibudagai ix makïdï gamaakai Diuxi ñokidï gï soi tudu sai buaboitudaiña aapi Suxi Kristo dai sai kïïgakïrï busaiña aapi.

Hebreos 11:3

Daiñi, buaboitudai aatïmï Diuxi dai kaxkïdï kïïga maatï aatïmï sai go ïï ñokidïkïdï idui ïgai bïïxi ixtumaxi. Bïïxi ixtumaxi nïidi aatïmï idui ïgai tudu. Aidïpïrï mai tipukatadai kia bïïxi gobai ix makïdï nïidi aatïmï aipakoga xibi. Dai mos ño ïgai bai oidatu bïïxi gobai.