Romanos 2:21 - Northern Tepehuan Bible

²¹ Aapimï ïïgi mai maatia ïrhidi ixtumaxi dïï bïïxkïrï maatïtulda ïrhidiña aapimï jaa. Daiñi, aapimï pokaitiña sai maiti gï agai xi gaïxiadagi jaa buxtuidadï dai ïïgi aapimï ïïxibogakana.

Tepehuan Northern: Diuusi ñiooquidʌ utuducami oodamicʌdʌ

²¹ Dai ismaacʌdʌ poʌlidi saidʌ istutuidi ismamaatʌtuldiagi aa ʌgai gʌaagai isivuaadagi poduucai isducatai gamamaatʌtulda ʌliadagi. Ismaacʌdʌ gamamaatʌtuldi sai maitʌaagai isgaʌʌsiadagi ʌgai maitʌaagai isgaʌʌsiadagi ʌʌpʌ.

Romanos 2:21 ပူးပေါင်းရင်းမြစ်များ

Mataibo 21:13

Daidi potïtïdai ïgai, —Diuxi ñokidïrï adukai ojixi— itïtïdai. —Ami ikaiti sai, Diuxi kiidï ïr daanïdaragai bïïtarï. Dïï gia aapimï ïïxibogami kiidï dukai bia— itïtïdai.

Lukas 11:46

—Ïjï— itïtïdai Suxi. —Aapimï ïpï kabami soimaaxi taatamu gïn aïkai gïgïbidaragai ïpï. Daiñi, tïanïiña aapimï odami sai ïïgiada ïgai naana maaxi sïïrhikami xijiakami. Ïmo bïïtïkami kusubi duu taatakana odami ixtumaxi tïanïiña aapimï. Mai nanakogai ïgai tudu dai aapimï toma lïïchi mai soikïi sai mai bïïtïkana ïgai bïïtarï— itïtïdai.

Lukas 12:47

—Daiñi, tomax makïdï pioñi ix makïdï maiti ibuayi ixtumaxi amudï ipïrhidi tomaxi kïï maatï ixtumaxi gï agai xi ibuadagi, ïgai kabami taata agai gïgïbidaragai.

Lukas 19:22

—Daidi go rey potïtïdai, —Agia mai kïï tuiga aapi pioñi. Maiti ïr soiñi aapi toma lïïchi— itïtïdai. —Ïïgi gïpiïrï gï daitudai aapi gï ñokikïdï di. Ka pokaiti aapi sai aanï mai taata tïanïi dai sai buyiña aanï aaduindadï jaa dai sai yoobaiña aanï ïïxidï jaa ïpï.

Lukas 4:23

Dai Suxi potïtïdai, —Kïï maatï aanï sai mai kïïgakïrï gin buaboitudai aapimï gin ñoki. Daiñi, oidaga ïmo ñoki ix makïdï odami aagaiña xïïxkadï mai buaboitudagi ïgai ïmai. Potïtïdaiña ïgai sai, —Xi duduadadamikagi aapi gï duadañi ïïgi aapi tuduidï. Aidï gia gï buaboituda antaada aatïmï— ikaitiña odami xïxkadï mai buaboitudagi ïgai ïmai. Dai kïï maatï aanï sai bhaitoma podukai gin aagidamu aapimï. Kajioma aapimï tudu sai naana maaxi idui aanï maaxidaragai amïka Kapernaumana. Dai gin tañimu aapimï saidi ibuada aanï maaxidaragai podukai tami gïn saagida ïpï. Tami xakoga gïrakami aanï tudu. Ïma dukai maiti gin buaboituda antaada aapimï. Ka pomaaxi di.

1 Korintios 9:27

Kïïga aagidiña aanï jaa ix dukatai óídakana sai bhïna go maitïki. Dai kaxkïdï kabami aaduinturhiña aanï gin tukuga dai soimaaxi taatamiturhiña sai gin ïïgiada gobai. Tadu gïpiïrï gïi aanï maiti ibuadatai ixdukatai aagidiña aanï jaa dai ka mai bhïiyagi aanï go maitïki.