Romanos 16:8 - Northern Tepehuan Bible

⁸ Diuxkïdï abïr biatulda Ampliato ix makïdï kïï oigïdai aanï Gïr Nukadakamikïdï.

Tepehuan Northern: Diuusi ñiooquidʌ utuducami oodamicʌdʌ

⁸ Diuuscʌdʌ avʌr viaatulda Ampliiasi ʌgai ʌrʌmai vaavoitudadami dai aliʌ oigʌdai aanʌ.

Romanos 16:8 ပူးပေါင်းရင်းမြစ်များ

Mataibo 5:47

—Dai ix mosïkaxi bïïtarï kïï tutiakagi aapimï gïn aaduñi ix makïdï kïïga gïn oigïdai dai mai oigïdada aapimï go gaa, aidï gia mai bamioma kïï tutuiga aapimï xi go ix makïdï mai buaboitudai Diuxi. Ïgai kïïga oigïdai aaduñdï ïpï tudu— itïtïdai.

Romanos 16:5

Diuxkïdï abïr biatulda go buaboitudadami ïpï ix makïdï gïn ïmpaidi kiidïrï Prisila ïmadï Aquila. Diuxkïdï abïr biatulda gin sukurhi Epeneto. Kïïga oigïdai aanï ïgai. Ïgai tudu ïr ïpïgadadï go Asiana óídakami ix makïdï buaboitu Suxi Kristo.

Romanos 16:7

Diuxkïdï abïr biatulda Andronico ïmadï Junias. Ïgai ïr judidiu gin ïpïan dukai dai gin ïmadï maamaixapikana ïpï. Suxi Kristo ojotosadï ïgai, dai go gaa ix makïdï ïr ojotosadï Suxi kïïga xadutudai ïgai. Ïgai buaboitu Suxi Kristo ïpïgioma xi aanï.

Romanos 16:9

Diuxkïdï abïr biatulda Urbano ix makïdï gin ïmadï aatadui Suxi Kristo aaduindadïrï. Diuxkïdï abïr biatulda go Estakis ïpï ix makïdï kïïga oigïdai aanï.

Filipenses 4:1

Kaxkïdï maiti abïr gïn daadagitoda aapimï gin aaduñi Diuxi amadïrï xi gïn maitiagi soimaaxi. Kaxi bïïna daraka aapimï Gïr Nukadakami tudu, kaxkïdï maiti abïr gïn dagitoda. Aapimï tudu ïr gin aaduñi dai kïïgakïrï gïn oigïdai aanï dai gïn tïtïitoi aanï gïn nïida iñïrhiditai. Aapimï tudu ïr gin bhai ïrhiaraga. Aanï in bïïtarï aapimï ïr ïmo bhai ïrhiaragai maitïki duu tudu ix makïdï bhïiyi aanï gin aaduindaga bïïtarï gïn tïïgidakai aanï go bhai ïrhiaragai aatagi.

1 Juan 3:14

Daiñi, kïïga maatï aatïmï sai ka mai koidadï gïr duu gïr iibhïdaga xibi. Kïïga maatiga maaxi gobai, gïr oigïdai aatïmï aipakoga kaxkïdï. Gobai ïr ïmo maaxidaragai ix ka duduakatu gïr ibhïdaga tudu. Dïï gia odami ix makïdï mai oigïdadagi jaa ïgai gia apia kia ïr koidadï dukai iibhïadï.